Power Of Positive Thinking (Gujarati)

by Norman Vincent Peale

તમારાં બધાં કામ એકસાથે કરવાનો પ્રયત્ન કરો નહીં. એક પછી એક કામ કરો. બાઇબલની ડહાપણભરી સલાહ માનો — “હું આ એક કાર્ય કરીશ.” ૫. યોગ્ય માનસિક વલણ અપનાવો. યાદ રાખો, તમારું કામ સહેલું-હળવું છે કે મુશ્કેલ એ તમે એના વિશે કેવી રીતે વિચારો છો એના પર આધાર રાખે છે. જો તમે એને મુશ્કેલ માનશો તો એ મુશ્કેલ બનશે, જો તમે એને સરળ માનશો તો સરળ બનશે. ૬. તમારા કામમાં કુશળ બનો. (તમારા કામમાં) “જ્ઞાન જ શક્તિ છે.” સાચી રીતે કરેલું કામ હંમેશાં સરળ હોય છે. ૭. રિલૅક્સ રહેવાની આદત પાડો. આસાનીથી કરેલા કામથી હળવા રહેવાય છે. વધારે પડતો પ્રયત્ન ન કરો, ટેન્શનમાં ન આવો. દરેક બાબતને તમારા કાબૂમાં રાખો. ૮. તમે જે કામ આજે જ કરી શકો તેમ હો એને આવતી કાલ પર રાખો નહીં. કામનો ભરાવો થવાથી તમારું કામ મુશ્કેલ બની જાય છે. તમારા કામોનું આયોજન કરીને એ આયોજન પ્રમાણે કામ કરો. ૯. તમારા કામ માટે પ્રાર્થના કરો. પ્રાર્થના કરવાથી તમે રિલૅક્સ પણ થશો અને તમારી કાર્યકુશળતા પણ વધશે. ૧૦. ‘અદૃશ્ય ભાગીદાર’ (ઈશ્વર)નો સહારો લો. એ આશ્ચર્યજનક રીતે તમારો ભાર હળવો કરી આપે છે. ઈશ્વર દરેક જગ્યાએ છે. એ જેટલો દેવળમાં હાજર હોય છે એટલો જ તમારી ઑફિસ, ફૅક્ટરી, સ્ટોર કે રસોડામાં પણ હાજર હોય છે. એ તમારા કામ વિશે તમારાથી વધારે જાણે છે. એની મદદથી તમારું કામ સરળ બની જશે.