એક ચૅમ્પિયનશીપ યુનિવર્સિટીના ભૂતપૂર્વ ખેલાડીએ એના હોશિયાર કોચ વિશે મને વાત કરી. એ કોચ એની ટીમને ઘણી વાર કહેતો: “આ અથવા બીજી કોઈ પણ નૌકા સ્પર્ધાને જીતવા માટે ધીરેધીરે હોડી ચલાવો.” એણે કહ્યું હતું કે બિનજરૂરી ઝડપથી હોડી ચલાવવાથી હલેસાંની ગતિ તૂટી જાય છે — અને એનો લય એક વાર તૂટે પછી જીતવા માટેનો લય ફરીથી મેળવવામાં તકલીફ પડે છે. એ દરમિયાન અવ્યવસ્થિત ગ્રુપની હોડી કરતાં બીજા સ્પર્ધકો આગળ નીકળી જાય છે. એ કોચે ખરેખર સોનેરી સલાહ આપી હતી — “ઝડપથી જવા માટે ધીરેથી હલેસાં મારો.”
