सुरुवातीला अजितने काहीच उत्तर दिले नाही. पण अमर ऐकत नाही असे म्हटल्यावर त्याने टोळ्यांना दिल्या जाणाऱ्या वर्गणीविषयी सांगितले. एक दिवस अमरने अजितला साधा हिशोब मांडून दाखवला- या गुंडांनी एका भाजीवाल्याकडून एका आठवड्याला शंभर रुपये जरी गोळा केले तरी त्यांना आठवड्याला वीस हजार रुपये मिळतात. आठवड्याला शंभर रुपये म्हणजे प्रत्येक भाजीवाला वर्षाला पाच ते दहा हजार रुपयांच्या दरम्यान पैसे देतो. हे टोळीवाले गरीब बिचाऱ्या भाजीवाल्यांच्या जिवावर स्वत:च्या तुंबड्या भरून घेत आहेत. ‘आपण का त्यांना आपल्याला लुटू देतो?’ अमर वाद घालत असे. अजित त्याला या सगळ्याकडे दुर्लक्ष
