ज्या कष्टानं, मेहनतीनं आणि लगावानं ही अश्वलक्ष्मी तू वाढवलीस, तिचा अपमान करायचा आमचा इरादा नाही!’’ राजांनी तो पुरा तबेला खरेदी केला. आपल्या तळावर परतल्यावर ते खंडो बल्लाळांना हळूच म्हणाले, ‘‘खंडोबाऽ ह्या सौदागराच्या पदरामध्ये आपल्या खजिन्यातलंच द्रव्य टाका. बुऱ्हाणपूरच्या लुटीमधले नको —’’ राजांच्या उद्गारावर खंडो बल्लाळ आणि हंबीरमामा मनमुराद हसले. तिसऱ्या दिवशी सकाळी औरंगाबादच्या दिशेने हरकारे धावत आले. शंभूराजांना सांगू
