From the Bookshelf of كتب و حاجات …

المملوك الشارد

جرجي زيدان,

Jurji Zaydan

Find A Copy At

Group Discussions About This Book

No group discussions for this book yet.

What Members Thought

Apr 25, 2020 Alyaa Khaled rated it liked it

الكاتب وهو في غنى عن التعريف إلا إنه كان سابق عصره بشوية، عارف إن التأريخ العادي الموجود في كل كتب التاريخ –على عظمة المجهود المبذول فيه- لن يصل إلى نسبة كبيرة من الناس. الحكاية. الحكاية على مر التاريخ هي اللي بتقعد. وبالتالي كانت سلسلة روايات تاريخ الإسلام, الكاتب كمان وده عرفانا ببعض ما له من منجزات أسس مجلة الهلال، الحقيقة دار الهلال يعني جرجي زيدان.

ندخل في الكتاب.واللي نزل أول مرة سنة 1996. كتابي نسخة دار الهلال، إصدار قديم حبتين، باين ليكم من الغلاف، بس جميل واللوحة الحقيقة مصورة مشهد يفتح الكاتب وهو في غنى عن التعريف إلا إنه كان سابق عصره بشوية، عارف إن التأريخ العادي الموجود في كل كتب التاريخ –على عظمة المجهود المبذول فيه- لن يصل إلى نسبة كبيرة من الناس. الحكاية. الحكاية على مر التاريخ هي اللي بتقعد. وبالتالي كانت سلسلة روايات تاريخ الإسلام, الكاتب كمان وده عرفانا ببعض ما له من منجزات أسس مجلة الهلال، الحقيقة دار الهلال يعني جرجي زيدان.

ندخل في الكتاب.واللي نزل أول مرة سنة 1996. كتابي نسخة دار الهلال، إصدار قديم حبتين، باين ليكم من الغلاف، بس جميل واللوحة الحقيقة مصورة مشهد يفتح النفس على قرايتها. الرواية 240 صفحة وخطها واضح كده وكبير، كمان مقسمة إلى 50 فصل بتتراوح من 4 لحد 7 أو 8 صفحات. يعني من الآخر مش هتتعبك وانت بتقرأ.

لو عدى عليك قبل كده كتاب ألف ليلة وليلة، فانت قدام رواية فيها لمحات من طريقة كتابتها، وخد بالك أنا قلت طريقة مش أحداث. وده اللي ماشي على أغلب الرواية، إلا إنه فيه فصلين تلاتة كده بتكون حاسس إنك فعلا في قصة من قصص ألف ليلة وليلة. الرواية في مطلقها لغتها مش صعبة، إلا أنها لا تخلو من الجمل ذات الفصحى القوية. يعني هتكتسب كم ألفاظ محترم وانت بتقرأ. طريقة الكتابة الحقيقة غير مملة على الإطلاق، إلا إن بعض الأحداث ممكن تكون بالنسبالي فاترة مش واخدة حقها، أو من الممكن حذفها بالكلية.

أبطال الرواية كتير رغم إسمها الموحي بحكاية البطل الواحد، ورغم إن موضوع الأبطال الكتير ده بيبقى دافع لعدم الملل، إلا إنه بيبقى فيه شئ من المجازفة وإلا الميزان يختل ويوقع بطل ولا اتنين. بس ده محصلش والرواية عدت بكل عناصرها دونما خلل.

ولأن تعدد الأبطال خلق تعدد أماكن، ولاختلاف حكاياتهم بين الماضي والحاضر خلق أزمنة كمان مختلفة، فلازم الواحد يحيي المؤلف أشد التحية إنه قدر يربط كل خيوط الزمان والمكان دي ويخلي كل فصل يسلم التاني بأريحية من غير قفلات ناقصة أو سخيفة.

يمكن أكتر حاجة ضايقتني كحد بيحب الوصف المفصل لكل مكان ومشهد هو اعتماده على توالي الأحداث، مع شوية وصف يادوب بس لتوضيح المشهد، ومع قلة الوصف ده إلا إنه جميل وبسيط. الرواية مناسبة لكل الأعمار. مدخل كويس جدا لحد عايز يفتح نفسه على التاريخ أو يستزيد من الشعر بيتا. ...more

1 like · Like · see review

Group Home Bookshelf Discussions

Photos Videos

Send invite Members Polls