From the Bookshelf of En Galego…

Pel de cordeiro

Ledicia Costas

Find A Copy At

Libraries

Group Discussions About This Book

No group discussions for this book yet.

What Members Thought

Jul 15, 2025 Ana Arias Castro rated it really liked it

Shelves: novela

En Pel de cordeiro, atopamos dúas historias en principio moi diferentes que só relacionamos ao final, aínda que é evidente que cando se inicia a historia de Lola, sospeitamos que de algunha forma ten que existir unha relación.

A novela iníciase con Elvira, unha meiga que na antiguidade ve morrer á súa filla durante o parto de Catarina. Son elos nunha liña de meigas condenadas a ter fillas bastardas e vivir acompañadas dunha corte de insectos e relegadas ao estigma social que supón o exercicio da En Pel de cordeiro, atopamos dúas historias en principio moi diferentes que só relacionamos ao final, aínda que é evidente que cando se inicia a historia de Lola, sospeitamos que de algunha forma ten que existir unha relación.

A novela iníciase con Elvira, unha meiga que na antiguidade ve morrer á súa filla durante o parto de Catarina. Son elos nunha liña de meigas condenadas a ter fillas bastardas e vivir acompañadas dunha corte de insectos e relegadas ao estigma social que supón o exercicio da bruxería. Elvira é sentenciada pola inquisición e decide salvar á súa neta que con só catorce anos xa é quen de exercer como meiga de forma eficiente polo seu coñecemento de herbas e conxuros. Isto levaraa ao Pazo de Oca onde o señor quere salvar ao seu neto que parece enfeitizado. Catarina esfórzase por probar canto conxuro está na súa man e mesmo consegue ler no libro que trouxo consigo cando fuxiu de Merlo. Porén, o cura do pazo tena baixo a súa lupa e descubriraa cando está a punto de facer o sacrificio dun año que lle quitará ao neno o espírito de súa nai que o está afogando pouco a pouco.

Despois é encerrada, pónselle e consegue fuxir á aldea de Merlo embarazada.

Na segunda historia seguimos a Lola, unha bibliotecaria que vive un estancamento vital, despois da morte da nai e nunha relación que non vai a ningures. A súa familia acudiu anteriormente a curandeiros e meigas e coa axuda de Victoria conseguirá atopar o seu camiño que en pouco se asemella ao que ela pensara.

En principio choca bastante o diferente ton das dúas narracións que, aínda que acaban confluíndo, parecen moi diferentes. A primeira no pasado, narrada en terceira persoa e con moitos elementos máxicos mentres que a segunda está ambientada no presente, en primeira persoa e parece máis afastada do mundo da maxia.

A forma en que conflúen ambas tramas gustoume pero aínda así por momentos parece coma se fosen dous libros independentes unidos nas páxinas finais.

Con todo, a narración de Ledicia Costas atrapa ao lector e resulta difícil de pousar sen chegar ao remate. ...more

Like · see review