Os libros arden mal in Clube de lectura en galego (Ler en galego 2.0)

Mar 14, 2021 Gonzalo rated it it was ok · review of another edition

Cando este libro foi publicado orixinalmente chegou á miña casa unha copia en castelán que non quixen ler, coa idea de acabar mercandoo en galego. Xa choveu dende entón, é seica unha das razóns pola que tardei unha barbaridade en rematar este libro é porque a Memoria Histórica xa non está tan en voga ao meu parecer como daquela, canto menos na miña cabeza. Agora ben, dicir que o libro de Rivas xa non está de moda sería unha simplificación terribel. Precisamente porque un xa non vai con gomas do Cando este libro foi publicado orixinalmente chegou á miña casa unha copia en castelán que non quixen ler, coa idea de acabar mercandoo en galego. Xa choveu dende entón, é seica unha das razóns pola que tardei unha barbaridade en rematar este libro é porque a Memoria Histórica xa non está tan en voga ao meu parecer como daquela, canto menos na miña cabeza. Agora ben, dicir que o libro de Rivas xa non está de moda sería unha simplificación terribel. Precisamente porque un xa non vai con gomas do pelo no brazo a xeito de tricolor, este libro axuda a lembrar que “aquí non houbo guerra […] o que chaman guerra foi unha caza ….” Fronte ao “tan malos son uns extremos coma outros” que semella callado en boa parte, cómpre lembrar detalliños como o querer borrar da historia—literalmente—a xente como Casares Quiroga. Que non será o peor que se lle fixo a ninguén. Igual que a quema de libros sobre a que se vertebra o libro non será o peor que lle pasou a A Coruña en 40 anos de ditadura, pero é indicativo de algo.
Nisto da Memoria, Rivas merece un dez. E non (só) polos currantes de día, intelectuáis—boxeadores ou naturistas—de noite daquel derradeiro verán de Hespaña, senón (tamén) polo ben caracterizados que están os vencedores. Lonxe de ser unha panda de supervilans de comic, ou os asasinos que foron—para iso esta “Os Nomes do Terror”—Rivas introducenos a unha serie de persoaxes non libres de ideoloxia e certamente beneficiados polo Movimiento que de todos os xeitos podemos comprender, a pesares de estar nas antípodas deles. E coma case sempre, o mellor do autor é o seu humor. Frases que semella que lle escoitou a alguén nun bar, pero que probabelmente sexan completamente da súa autoría.
O problema deste libro non son as persoaxes, nin o trasfondo historico, nin a tradución—da que moitos angloparlantes se queixan, non sei se con razón ou sen ela— e simplemente que non ten trama—ou eu non lla din atopado. Non son dos que precisa dun asasinato ou unha misión encargada por un feiticeiro para seguir lendo, pero non teño claro porque non o deixei para ir na procura de algo máis entretido. Diría que cada capítulo está ben, ao seu xeito, pero ás veces un ten a impresión de estar a ler unha viñeta sobre A Coruña da (pre/post)Guerra, sen moita relación co lido ata entón, ou co que imos ler a continuación.
Gustariame animar a xente que o deixou a medias a que lle dera unha segunda oportunidade, pero se lichedes 100 páxinas e non vos convenceu, penso que facedes ben en ir buscar outro libro (de Rivas) que ler. ...more

Like · see review