Mohamed’s Comments (group member since Jul 16, 2012)

Mohamed’s comments from the مجانين الكتب فى الشرقية group.

يوم الحد الجاى 14-10 هيتم عرض مسرحية عزازيل فى طب المنصورة الساعة 6
ـــ
نفسى اشوفها :((

حد يشجعنى ونطلع ... ناخد قافلة من الشرقية :)

الدنيا ربيع خالص اليومين دول عند طلعت سلامة :D

فعلا هم 7 أجزاء سعر الجزء 8 جنيه تشتريهم علي بعضهم .
وحاليا غير متوفر، وطلعت سلامة ميعرفش هيوصل تانى امتى..

هتأكد دلوقتي واقولكم...

يوجد حاليا عند طلعت سلامة كتاب الجبرتى "عجائب الآثار في التراجم والأخبار" فى ثلاثة أجزاء صادرة عن هيئة قصور الثقافة. سعر الجزء الواحد 8 جنيه .

دفعة جديدة من كتب هيئة الكتاب (مكتبة الأسرة) وصلت طلعت سلامة امبارح.. والمجموعة مميزة جدا خاصة سلسلة الإنسانيات .. أنا جبت كتاب : "مشكلة الأخلاق والفلسفة" ترجمة: د.عبدالحليم محمود (سعره 5 ج).

ولفت نظرى كمان كتاب من سلسلة الأدب (مش فاكر عنوانه) بتاع 900 صفحة.. عن اللغة العربية وفنون الإنشاء والنحو والإملاء..
مهم جدا للمهتمين بالكتابة (سعره 17 ج) .
وفيه كتب تانية مهمة طبعا..
______
أما بالنسبة للجامعة : فيه معرض كتاب (ع الضيق) عند كافيتريا علوم.. فيه الكتب اللى موجودة ف أى مكان (شفرة دافينشى- لاتحزن- الأمير- عزازيل- كتب التنمية البشرية..إلخ) معرض عادى .. لكن اللى لفت نظرى مجموعة كتب تشيخوف.. للأسف مش لقيت الجزء الأول(الجزء اللى ناقصنى)..
وملحمة "الدون الهادىء" لشولوخوف .

يقام حاليا فى قصر ثقافة الزقازيق معرض للكتاب بمناسبة العيد القومى للمحافظة, المعرض مستمر يوميا حتى شهر أكتوبر, فيه العديد من الكتب المميزة (المغرية:)
يُقال إن فيه خصومات هائلة, لكن اللى شفته إن مفيش خصومات أصلا, نفس الأسعار اللى فى أى مكان..
إقامة معرض للكتاب تأتى فى إطار ترشيد الإنفاق على البهرجات الرسمية التى تقيمها المحافظة سنويا للاحتفال بعيد الشرقية, وابتكار طرق أخرى للاحتفال..
[image error]

معرض لا بأس به.
للأسف ملقتش اللى انا عاوزه, بس وصيت صاحب المعرض عليه!

أى أخبار جديدة هكتبها هنا

أعلنوا عن مرحلة أولى فى بعض المحافظات..
منتظرين تكون الشرقية فى المرحلة اللى جاية

هما الأول نزلو الجبرتى .. وبعد كدا هينزلو شخصية مصر

فى الفترة اللى جاية هيتم افتتاح منافذ بيع لإصدارات قصور الثقافة فى الزقازيق..
وقصور الثقافة اليومين دول بتصدر كتب مهمة جدا وبأسعار رمزية.
كانت أصدرت مجموعة من كتب التثقيف السياسى زى دساتير مصر فى كتاب واحد (سعره جنيه واحد) وكتيب عن الحركات الإسلامية فى مصر, وكتيب عن المصطلحات السياسية ,,وغيرها...

غير كده والأهم.. أصدروا مجموعة من الكتب التاريخية زى كتاب "عجائب الآثار" للجبرتى , و "شخصية مصر" لجمال حمدان (أربع مجلدات سعر المجلد الواحد 8 جنيه بس- بدل من سعر السوق 240 جنيه )

وشغالين على تطوير مجلة الثقافة الجديدة وتم فيها حركة تعيينات بهدف تجديدها والقائم عليها أستاذ سعد عبدالرحمن .
ــــــ
وسأوافيكم بآخر المستجدات عن أنشطة الهيئة وآخر إصداراتها

هو ليه دايما مش طايق حد.. بحاول اجر معاه ناعم بس هو صعب أوى ؟
ولا إيه

طيب ياجماعة شكلكو مش معاكو كروت عضوية
لا عيب يامجانين
دى مكتبة تحفة
::::
عشان تشتركوا::
- لو كنت فوق العشرين سنة بتدفع 25 جنيه سنويا (بس)
- اقل من عشرين سنة بتدفع 20 جنية سنويا
- مطلوب صورتين شخصيتين+ صورة البطاقة+ صورة كارنيه الجامعة(إن وجد)
- بتستلم الكارنية فى نفس اليوم وانت واقف, أو بأقصى تقدير تانى يوم.
ــــــــ
لو معاك الكارنيه دا:
تقدر تشترك فى أنشطة المكتبة (ثقافية-فنية-علمية...)
غير الدورات التدريبية.

استعارة الكتب: تقدر تستعير لحد خمس كتب فى المرة الواحدة وترجعهم بعد إسبوعين, ولو محتاج الكتاب دا (أو الكتب) لفترة جديدة بعد الأسبوعين كل اللى هتعمله هتتصل على المكتبة وتقولهم رقم الكارنيه, وتجدد فترة الاستعارة كمان أسبوعين :)
...
متنساش ان كل ده ب 25 جنيه فى السنة
::
المكتبة مقسمة ل 3 أقسام: مكتبة الأطفال-مكتبة الشباب- مكتبة الكبار
بالنسبة لمكتبة الشباب والكبار, فيهم كل مايخطر على بالك من كتب, والمكان هاااادى جدا ومكيف مناسب للاستمتاع بالقراءة. وكل الناس اللى هناك تحت خدمتك :)
ــــــ
أى استفسار أنا موجود

مين معاه كارت عضوية :))

*_^

مين يعرف الراجل ده ^_^