Ganesh, Vasanth

[close] கணேஷ் மற்றும் வசந்த் எழுத்தாளர் சுஜாதாவால் உருவாக்கப்பட்டக் கற்பனை கதாபாத் திரங்களாகும்.அவர்கள் இருவரும் வழக்குரைஞர் தொழிலில் ஈடுபட்டிருந்தாலும் பெரும்பாலான கதைகளில் துப்பறியும் பணிகளையே மேற்கொண்டிருந்ததாகக் காட்டப்பட்டுள்ளது. இவ்விருவர் குறித்த கதைகள் திரைப்படமாக்கப்பட்டுள்ளன என்பது குறிப்பிடத்தக்கது.இவர்கள் பெரும்பாலும் கதாநாயகர்களாக இருப்பினும் கதாநாயகர்கள் அல்லாதவர்களாக உள்ள நாவல்களுமுண்டு(உதாரணம். 24 ரூபாய் தீவு,ஓடாதே,மேகத்தை துரத்தினவன்).அனைத்து நாவல்களிலும் கணேஷ் வருகிறார்.வசந்த் வராத அல்லது குறிப்பிடப்படாத நாவல்களும் உள்ளன.

கதாபாத்திரத் தோற்றம்,
கணேஷ் என்னும் வக்கீல் கதாப்பாத்திரம் நைலான் கயிறு எனும் நாவலில் அறிமுகப்படுத்தப்பட்டது. அதில் அவர் டெல்லியில் வசித்ததாகவும், திறமையான வழக்கறிஞராகவும் இருந்ததாக காட்டப்பட்டுள்ளது.பல்வெறு நாவல்கள் மற்றும் கதைகளில் உள்ள குறிப்புகள் மூலம் அவர் சென்னைக்கு இடம்பெயர்ந்தபின்னர் வசந்த் எனும் சட்டக் கல்வி மாணவர் அவரின் உதவியாளராக விருப்பப்பட்டு அவரிடம் இணைந்ததாக அறியப்படுகிறது.அதன்பிறகு அவ்விருவரின் உறவும் குரு மாணாக்கன் எனும் நிலையைக் கடந்து ஒருவர் மீது மற்றொருவர் பரஸ்பர அன்பு கொண்டிருந்தனர். வசந்த், கணேஷ் மீது தீவிர மதிப்பும், அன்பும் கொண்டிருந்தான்.

கணேஷ்:

கணேஷ் ஒரு திறமையான வழக்குரைஞர். அவர் சட்டம் மற்றும் மனோதத்துவத்தில் மிகுந்த ஈடுபாடு கொண்டிருந்தார். அவர் " வெளிப்படையாகத் தெரிவதை நம்பாதே" (Mistrust the obvious) எனும் கோட்பாட்டின் அடிப்படையில் தம் வழக்குகளைக் கையாண்டார். மேலும் இணையான சிந்தனை (Parallel thinking) எனும் யோசனை முறையால் தம் வழக்குகளில் உள்ள சிக்கல்களைத் தீர்த்தாக கூறுகிறார். அவர் நல்லவராகவும்,பெண்களிடம் கண்ணியமானவராகவும்,மற்றவரின் உளவியல் பொறுத்து நடந்து கொள்பவராகவும் சித்தரிக்கப்பட்டபோதிலும் தம் வாடிக்கையாளரின் திருப்தியை நிறைவு செய்யுமாறே நடந்து கொண்டார்.இதுபற்றி அவர் முடிந்தமட்டும் நியாயமானவர்களாக நடந்து கொள்ளும் வழக்கறிஞர்கள் என தம்மையும்,வசந்தையும் கூறுகிறார்.அவர் குற்றவியல் சட்டங்களை கையாளும் வழக்கறிஞரென பாதி ராஜ்ஜியம் குறுநாவலில் கூறப்பட்டுள்ளது.அதே நாவலில் அவர் நீரஜா எனும் பெண்ணை மணந்து கொள்ள விரும்பியதாகவும் சொல்லப்பட்டுள்ளது.சில கதைகள் மற்றும் நாவல்களில் (உதாரணம். நைலான் கயிறு,பாதி ராஜ்ஜியம்,மேற்கே ஒரு குற்றம்) லேசான சபல புத்தியுடையவராக காட்டப்பட்டுள்ளது.அவர் தம்மைவிட வசந்த் அறிவாளி என குறிப்பிடுகிறார்.ஆனால் நிதானம்,சபலமின்மை,கூர்ந்து நோக்கும் திறன்,ஆர்வம்,வழக்கு சார்ந்த சட்டம் மற்றும் உளவியல் பார்வை ஆகியவற்றிலுள்ள தீர்க்கம் காரணமாக அவர் வசந்தைவிட சிறப்பானவராக திகழ்கிறார்.அவர் வெற்றிபெறாத வழக்குகளும் உள்ளன ஆனால் அவ்வழக்குகளில் ஒன்றைத் தவிர மற்றதில் அவர் தோல்வி அடைந்ததாக காட்டப்படவில்லை. அவர் தான் பூட்டுக்களைத் திறப்பதை தம் கல்லூரி நாட்களில் பொழுதுபோக்காக கொண்டிருந்தாக நைலான் கயிறு நாவலில் கூறுகிறார்.அவர் சதுரங்கப்போட்டியில் திறமையானவராக மேலும் ஒரு குற்றம் குறு நாவலில் குறிப்பிடப்பட்டுள்ளது.அவர் அறிவியல் மற்றும் உளவியல் சார்ந்த துறைகளில் ஈடுபாடு கொண்டிருந்ததை நில்லுங்கள் ராஜாவே,பேசும் பொம்மைகள்,ஆ!,கொலையுதிர் காலம் போன்ற நாவல்கள் உறுதி செய்கின்றன.அவர் திரைத்துறை குறித்து எவ்வித அறிவுமற்றதை பிரியா நாவலில் கூறுகிறார்.அவர் அரசியல் சார்ந்த அறிவு கொண்டிருந்ததை ஓடாதே,24 ரூபாய் தீவு போன்ற நாவல்களில் காட்டப்பட்டுள்ளது.அவர் தம் வழக்கு சார்ந்த எவ்வித புத்தகங்களையும் படிக்கத் தயாராகிருந்தார் என்பதை எதையும் ஒரு முறை,மாயா ஆகிய நாவல்களிலிருந்து அறியலாம்.பல பெண்கள் அவரை மணக்க விரும்பினாலும் (உதாரணம். இதன் பெயரும் கொலை,எதையும் ஒரு முறை,பாதி ராஜ்ஜியம்,உன்னை கண்ட நேரமெல்லாம் போன்ற நாவல்களில்) அவர் திருமணம் குறித்த எந்த ஒரு அபிப்ராயமும் கொண்டிருக்கவில்லை.எனினும் அவர் செல்வந்தரோருவரின் மகளான நீரஜா எனும் பெண்ணை மணக்க விரும்புவதாக குறிப்பால் உணர்த்துகிறார்.அக்கதாபாத்திரமும்,அக்கதாபத்திரத்தினைக் குறித்த எழுத்தாக்கமும் பாதி ராஜ்ஜியம்,ஒரு விபத்தின் அனாடமி ஆகிய நாவல்களில் மட்டும் காட்டப்பட்டுள்ளது.

வசந்த்:

கணேஷ் குறித்து தெளிவான அறிமுகம் இருப்பதுபோன்று வசந்த் குறித்த அறிமுகம் எந்தவொரு நாவலிலும் காணப்படவில்லை.இருப்பினும் எதையும் ஒரு முறை நாவலில் தான் கணேஷின் வழக்காடும் திறனில் உந்தப்பட்டு அவரிடம் இணைத்ததாக வசந்த் குறிப்பிடுகிறார்.இவர் கணேஷை விட திறமையானவராக இருப்பினும் சபலம்,ஆர்வக்கோளாறு ஆகியவற்றால் கணேஷ் அளவு சிறந்தவராக விளங்க இயலவில்லை(உதாரணம். மேலும் ஒரு குற்றம் நாவலில் கணேஷ் வசந்த் இருவரும் துப்பறிந்தபின்னர் கணேஷ் தீர்வை கண்டறிந்துவிட வசந்த் எவ்வாறு கண்டுபிடித்தாரெனவும்,தான் அவற்றை கவனிக்க மறந்ததாகவும் கூறுகிறார்.).இவர் பெண்களிடம் அசைவ நகைச்சுவை கூறுவதையும்,சூழ்நிலை அறியாமல் நகைச்சுவை செய்வதையும் வழக்கமாக கொண்டிருந்ததை திருத்திக்கொள்ளுமாறு கணேஷ் பல இடங்களில் அறிவுரை கூறுகிறார்.இவரின் "மெக்ஸிகோ சலவைக்காரி" நகைச்சுவை பற்றி பெண்களிடம் கூறியதாக எல்லா நாவல்களிலும் குரிப்பிடப்பட்டபோதினும் அந்த நகைச்சுவை எந்த ஒரு நாவலிலும் தரப்படவில்லை.வசந்த் எல்லா பெண்களிடமும் அபத்தமாக பேசினாலும் எந்தவொரு பெண்ணிடமும் தவறாக நடந்துக்கொள்ள முற்படவில்லை(உதாரணம்.இதன் பெயரும் கொலை நாவலில் போதை மருந்தினால் புத்தி கலக்கமுற்ற பெண் அவருடன் புணர விரும்பிய போதும் அதை அவர் தவிர்க்கிறார்).அதேபோல் எந்தவொரு பெண்ணையும் அவர் மனதார விரும்பவில்லை.அவர் கணேஷின் உதவியாளராக எந்த பணியையும் செய்ய முற்பட்டார்.அவர் நகைச்சுவை நிரம்பிய மனிதராகவும்,எந்த ஒரு கவலையுமற்ற மனிதராகவும் சித்தரிக்கப்பட்டார்.அவரை சினம் கொள்ளசெய்வது கடினம் அதனினும் கடினம் அவரை கண்ணீர் சிந்த வைப்பது எனினும் அன்று அவன் கண்ணில் கண்ணீர் துளியிட்டது என மேலும் ஒரு குற்றம் நாவலில் சொல்லப்பட்டுள்ளது.அதே நாவலில் கணேஷ் வசந்த் இருவருக்கிடையேயான பிணைப்பு பற்றியான எழுத்தாக்கமும் காட்டப்பட்டுள்ளது.வசந்த் வழக்காடும் கட்சிகள் எதையும் ஒரு முறை,மேகத்தை துரத்தினவன் ஆகிய நாவல்களில் மட்டும் வருகிறது.