धर्ती आकाश भन्दा पर जाऔँ कतै हिँड

गीत
- सुमन पोखरेल


धर्ती आकाश भन्दा पर जाऔँ कतै हिँड
म पछि पछि आउनेछु तिमी अघि हिँड

तिम्रो लागि गर्नु पर्ने सबै नै म गर्ने नै छु
विरोधका सागरहरू तिमीसँगै तर्ने नै छु
दुनियाँ यो बैगुनीले वाधा गर्न सक्छ
म बाँधी यसलाई आउनेछु तिमी अघि हिँड

ताराबुट्टे आकाशको घुम्टो लगाइदिउँला
जून टिपी निधारमा टीका लगाइदिउँला
आकाशगङ्गा गलाभरि पोते सुहाउने छ
म लिई यसलाई आउनेछु तिमी अघि हिँड


(यो गीत यस लिङ्कमा सुन्न सकिनेछ)
https://soundcloud.com/sumanpokhrel/d...


Hazaar Aankhaa Yee Aankhaama

Suman Pokhrel