نوارة نجم's Blog, page 7

البيان الختامي لاضراب مجلس الشعب

لم نضرب عن الطعام ولم نعتصم أمام مبنى مجلس الشعب إلا طلبا لوحدة وطنية تضمن إنقاذ مصر من عودة النظام البائد وانتقامه، وقد كانت القوى السياسية الممثلة في مجلس الشعب، ومرشحو الرئاسة المحسوبون على الثورة، توافقوا على ضرورة عزل الفريق أحمد شفيق واختلفوا على ما عدا ذلك. فاعتصمنا أمام مبنى مجلس الشعب وأضربنا عن الطعام نطالبهم بالوفاء بما التزموا به ووقعوا عليه، وهو أن يعملوا معا على عزله بأن يعتصموا في قاعة مجلس الشعب. إن اعتصاما كهذا يرسل رسالة جلية إلى حكام البلاد مفادها أن قوى الثورة، وممثلي الشعب من ذوي الشرعية الانتخابية، لن يقبلوا بأحمد شفيق رئيسا لمصر، وأن بقاءه في سباق الرئاسة ثم تزوير الانتخابات لصالحه لن يمر مرور الكرام. وإن اعتصاما كهذا لو تم لأسهم في عزل الفريق شفيق فإن لم يعل، فإنه يشكل رادعا عن تزوير الانتخابات لصالحه، فإن لم يردع التزوير وأجبر المصريون زورا وبهتانا على رئاسة الفريق شفيق فإن هذا الاعتصام كان يشكل نواة لجبهة ثورية تحمي الشعب المحتج على التزوير، ويحميه الشعب الثائر في الميادين.لم يكن هذا الاعتصام لو تم ليعرقل خطة أيا من القوى السياسية الممثلة في مجلس الشعب أو مرشحي الرئاسة إلا إذا كانوا يبطنون غير ما يظهرون فالظاهر من أمر من يريدون خوض المرحلة الثانية من الانتخابات أنهم يكرهون تزويرها وقد صرحوا أكثر من مرة أنهم لن يقبلوا به فهذا الاعتصام وسيلة لردع التزوير، وإجراء احتياطي يضمن أن يذهبوا إلى المواجهة متحدين، مع كافة القوى الثورية ولا يذهبوا إليها منفردين أما إذا اعتقد البعض منهم أن الانتخابات ستجري بلا تزوير فإن الاعتصام لن يضر بها ولن يمنع إجراءها. والظاهر من أمر من يريدون مقاطعة المرحلة الثانية من الانتخابات أنهم يريدون قيادة موحدة للقوى الوطنية وهذا الاعتصام هو باب الوحدة. أما مرشحو الرئاسة عبد المنعم أبو الفتوح وحمدين صباحي ومحمد مرسي فقد وقعوا ورقة التزموا فيها بالعمل على الحشد الجماهيري لعزل أحمد شفيق ولم يصنعوا شيئا يمكن أن يؤدي عمليا إلى هذا العزل حتى الآن.لذلك فإننا لم نفهم موقف السيد رئيس مجلس الشعب الدكتور سعد الكتاتني من عدم الاستجابة لمطلبنا الذي أضربنا من أجله ثمانية أيام ورفض مناقشته وقد حدد سيادة النائب كمال أبو عيطة مشكورا موعدا بين الدكتور الكتاتني والمضربين لكن السيد رئيس المجلس غادر قبل اللقاء ودون أن يعتذر.إن الإضراب وسيلة ضغط على من تهمه حياة المضربين وصحتهم، لذلك أضربنا عن الطعام متوجهين بذلك إلى نواب انتخبناهم وظننا أنهم يهتمون بأمرنا، فإن خذلونا اليوم فطالما خذلونا من قبل، وما علينا لوم في موقف أقدمنا فيه على التضحية لنحميهم فأحجموا هم فيه عن حماية أنفسهم وكرامتهم وقوانينهم وبلادهم. وإنا لا نجد تفسيرا لإحجامهم هذا إلا أن يكونوا قابلين باطنا بالتزوير الذي يرفضونه في العلن، وأن يكونوا متصالحين مع إمكانية عودة النظام القديم رغم زعمهم العكس أمام الناس.ويجدر هنا أن ننوه أن بعض النواب تجاوبوا معنا وأيدوا مطلبنا بشكل مباشر أو غير مباشر ونحن نشكرهم ونقدرهم كثيرا كالنائب كمال أبو عيطة والذي بات على الرصيف مع المعتصمين ليلتين كاملتين بعد أن خرج السيد رئيس المجلس مخلفا موعده معه. كما زار كلا من النائب محمد منيب والنائب محمود عبد الرسول والنائب زياد العليمي والنائب إبراهيم عبد الوهاب الاعتصام. وتواصل مع المعتصمين كلا من النائب عصام سلطان والنائب محمد البلتاجي.إننا إذ نعلق إضرابنا عن الطعام نحمل كل من رفض الوحدة والاعتصام تحت قبة البرلمان مسئولية ما قد يجري غدا إذا زورت الانتخابات وعاد النظام القديم ووجد الناس أنفسهم بلا قيادة موحدة وذهبوا إلى المواجهة مفترقين، أو كانوا مفترقين إلى حد لا يسمح لهم بالمواجهة، ورغم قلة العدد إلا أن التاريخ سيسجل أن جماعة من الشباب جوعوا أنفسهم وافترشوا الرصيف محاولين أن يجعلوا من هؤلاء السياسيين قادة فلم يستطيعوا، وإذا عاد النظام القديم لا سمح الله فسيسجل المؤرخون أن ثورة قام بها عامة الناس أضاعها من كان المفترض فيهم أن يقودوها بسبب خوفهم وترددهم إذا حسن الظن، وبسبب تواطؤهم وصفقاتهم إذا ساء الظن. نعلق إضرابنا عن الطعام ونحول اعتصامنا من أمام مجلس الشعب الذي أوصدت أبوابه أمامنا إلى وقفة سلمية أمام المحكمة الدستورية العليا لنبدي راينا في قضية عزل احمد شفيق صباح الخميس الرابع عشر من يونيو وإننا إذ نشدد على سلمية هذه الوقفة نؤكد أن حق التعبير عن الرأي والتظاهر السلمي هو من منجزات هذه الثورة التي ماتزال في أيديها ونحن لا ننوي التنازل عن حقوق اكتسبها أخواننا بأرواحهم وعيونهم كما تنازل عنها غيرنا ممن استفادوا من دماء الشهداء ثم لم يحافظوا عليها.ونحن إذ ننتظر قرار المحكمة الدستورية، فإننا نكرر دعوتنا لنواب مجلس الشعب بالاعتصام تحت قبة البرلمان في حال ما إذا حكم بعدم دستورية قانون العزل.المضربون عن الطعام والمعتصمون أمام مجلس الشعب

توقيعات 16 شخصية عامة على بيانين للمساندة

الدكتور تميم البرغوثي كتب بيانين الاول داعم للاعتصام والمضربين والتاني ضد اتهام اطراف بريئة في موقعة الجمل وجمع عليهم توقيعات ولسه بيجمع تاني، واليكم البيانين.. رجاء تشيروهم
نداء إلى نواب مجلس الشعب ومرشحي الرئاسة الثلاثة مرسي وأبو الفتوح وصباحي نحن الموقعين أدناه من المتضامنين مع المضربين عن الطعام والمعتصمين أمام مبنى مجلس الشعب نطالب نوابنا الممثلين عنا وعن الشعب المصري أن ينقذوا كرامتهم وكرامتنا ويعتصموا تحت قبة البرلمان حتى تطبيق قانون العزل. لقد أكدت تجاربنا المريرة طوال الشهور السبعة عشر الماضية أن افتراقنا يمكن النظام القديم منا، وإن مصر اليوم تواجه خطر عودة النظام القديم بوجه الفريق أحمد شفيق مرشحاً لرئاسة الجمهورية على الرغم من إصدار مجلس الشعب قانوناً يقتضي حرمانه من ممارسة حقوقه السياسية. إن القوى السياسية الثورية كلها، إسلاميها وليبراليها ويساريها، إن كانت اختلفت ما بينها على المشاركة في جولة الإعادة من انتخابات الرئاسة أو مقاطعتها، فإنها قد اتفقت على مواصلة الحشد الجماهيري لعزل الفريق أحمد شفيق ورموز النظام السابق، تخوفاً من أن تعود أجهزة الدولة، والتي لم يلحق بها أي تغيير يذكر منذ قيام الثورة حتى اليوم، إلى ممارساتها القديمة من تزوير الانتخابات وإجبار شعب مصر على قبول حكام يسفكون الدم ويأكلون المال الحرام. وعليه فإننا نطالب هذه القوى السياسية الممثلة في نواب مجلس الشعب، ومرشحي الرئاسة الثلاثة، محمد مرسي وعبد المنعم أبو الفتوح وحمدين صباحي، والذين وقعوا على وثيقة تلزمهم بالعمل على عزل شفيق، نطالبهم بالوفاء بوعدهم وتحمل مسؤولياتهم، والاعتصام معاً تحت قبة البرلمان لحين عزل المذكور. إننا ندعو نواب البرلمان ومرشحي الرئاسة للاعتصام تحت قبته حتى عزل أحمد شفيق، فإن صدر قرار المحكمة الدستورية العليا بعزله فهو ما أحبوا، وإن لم يصدر، فإن في اجتماع المرشحين الثلاثة والتفاف النواب حولهم، ما قد يردع أجهزة النظام القديم عن نيتها في تزوير الانتخابات لصالح أحمد شفيق، فإن لم ترتدع تلك الأجهزة وزورت الانتخابات لصالح المذكور، فإن في اجتماع النواب والرؤساء قيادة جاهزة لتحمل مسؤولياتها، تستمد شرعيتها من انتخاب الناس للبرلمان، ومن انتخاب الناس للرؤساء الثلاثة وتمثيلهم معاً للأغلبية الساحقة للشعب المصري، قيادة مقرها مجلس الشعب المصري، السلطة الوحيدة المنتخبة حتى الآن ما بين سلطات الدولة الثلاث. إن عزوف نواب البرلمان عن الاعتصام فيه، يعرضهم، ويعرض تنظيماتهم، والبلد كله من ورائهم للخطر، إن عودة النظام السابق بنية الانتقام، لن تترك حجراً على حجر، ولن يستطيع فصيل واحد مهما بلغت قوته أن يواجهها منفرداً. إن دعوتنا إنما هي دعوة للوحدة الوطنية التي تحمي الجميع، وتحفظ سلمية الاحتجاج وفعاليته، إذا اعتصم النواب ومرشحو الرئاسة في البرلمان فإن الناس سيحتشدون حولهم في الميادين، ولن يتجرأ أحد على البرلمان والناس في الميدان، ولن يعتدي أحد على الميدان والقادة والنواب في البرلمان. لقد أجاع الشباب والشابات أنفسهم، وناموا على الأسفلت، متناسين ما بينهم وبين بعض التنظيمات من خلافات، بل وعاضين على جراحهم، رغبة في الوحدة الوطنية، وفي إنقاذ البلاد من شر يرون علائمه يومياً، وما إهمال تنفيذ قوانين مجلس الشعب، وتهديد الحكومة بحله واتهاا بعض نوابه الثوار بقتل إخوانهم والتآمر مع قوى خارجية، إلا عودة واضحة للنظام القديم ولرغبته في معاقبة الشعب المصري وممثليه على ثورتهم. أيها النواب، أيها المرشحون، نفذوا ما وعدتم به، واغضبوا لكراماتكم، فإن لم يكن من أجلكم فمن أجل من تمثلونه من الناس الذين أعطوكم أصواتهم وائتمنوكم على كراماتهم، أعتصموا في مجلس الشعب، لتعلم هذه الحكومة أنها إن أجبرت المصريين على ما لا يريدون زوراً وبهتاناً فإن لها بديلاً منتخباً محمياً بدماء الناس وعيونهم. توقيع: د. مصطفى عبد الجليل، د. علاء الأسواني، د. سيف الدين عبد الفتاح د. رضوى عاشور، أ. صنع الله إبراهيم، د. عايدة سيف الدولة، أ. عبد الرحمن يوسف، د. فاتن مرسي، أ. صفاء زكي مراد، أ. محسنة توفيق، د. أحمد دراج، د. أميمة إدريس، د. يحيى القزاز، د. ابتهال يونس، أ. تقادم الخطيب، د. تميم البرغوثي، أحمد فؤاد نجم، صافي ناز كاظم
نص البيان الثاني:  بيان  نحن الموقعين أدناه، نبدي غضبنا الشديد من هجوم بقايا النظام السابق من أجهزة أمنية وشخصيات سياسية وإعلامية على رفاق الثورة من الذين وقفوا في أصعب أيامها يواجهون القتل بأيديهم العزلاء، واتهامهم كذباً وافتراءً بل ووقاحةً، بأنهم هم المسؤولون عن قتل الثوار، وأن جهات إقليمية كالمقاومة الفلسطينية واللبنانية ضد الاحتلال الإسرائيلي شاركتهم في ذلك. إنه من شر البلية أن القاتل يتهم القتيل، والجاني يتهم الضحية ودماؤها لم تزل متجددة ندية على يديه وثيابه. إن قيام بقايا نظام مبارك، سواء كانوا أجهزة أو أفراداً، باتهام النائب محمد البلتاجي وجماعة الإخوان المسلمين، وحركة المقاومة الإسلامية حماس، وحزب الله، بقتل المتظاهرين، إن هو إلا حلقة من سلسلة الاتهامات المفتراة على غيرهم من القوى الثورية في البلاد وحولها، فقبلهم ما وجهت هذه الاتهامات إلى جماعة السادس من إبريل والاشتراكيين الثوريين والأناركيين وسائر شباب الميادين زوراً وبهتانا. لذلك فنحن نعلن أننا نقف صفاً واحداً مهما بلغت بيننا الخلافات والمرارات وخيبات الأمل، فما يصيب واحداً منا سيصيب الجميع، ومصر كلها في خطر إذا سكتنا على هذا الهجوم المستمر من بقايا النظام السابق على الثوار. كما أننا ننبه إلى أن موقف بقايا النظام السابق المعادي لحركات المقاومة، هو ذات موقف حسني مبارك وطغمته والذي بلغ إلى حد دخوله حلفاً عسكرياً مع إسرائيل حاصر بموجبه قطاع غزة بينما كانت الطائرات الإسرائيلية تمطر أطفالها ونساءها وشيوخها بقنابل الفسفور الأبيض، ومنع عنهم الماء والغذاء والدواء، ناهيك عن الوقود ومواد البناء والسلاح. إن من عجائب الزمن وشدائد المحن، أن حكام مصر اليوم والأمس يعتبرون عداوة إسرائيل تهمة بينما يرون التحالف معها واجباً وطنياً. لقد ثار هذا الشعب المصري على حاكم خائن لبلاده، حليف لأعداء الأمة، سفكت دماء كثيرة في مصر وفي غيرها من بلاد العرب بسبب قراراته، ولن يقبل الشعب المصري أن يعود إلى حكمه، ولن يسكت على تقصد ثواره وتفرقة صفه وبيع ثورته. توقيع: د. مصطفى عبد الجليل، د. علاء الأسواني، د. سيف الدين عبد الفتاح د. رضوى عاشور، أ. صنع الله إبراهيم، أ. بلال فضل، د. عايدة سيف الدولة، أ. عبد الرحمن يوسف، د. فاتن مرسي، د. هاني الحسيني، أ. صفاء زكي مراد، أ. محسنة توفيق، د. أحمد دراج، د. أميمة إدريس، د. يحيى القزاز، د. ابتهال يونس، أ. تقادم الخطيب، د. تميم البرغوثي، د. رباب المهدي، احمد فؤاد نجم، صافي ناز كاظم

اعتصام مجلس الشعب

الصبر والثبات.. إنما النصر صبر ساعة
احنا عاملين اعتصام عند مجلس الشعب وفي حوالي اكتر من 16 واحد مضربين عن الطعام، كانوا امبارح 12 ودلوقت بيزيدوا، المنصورة تضامنت معانا وعاملة اضراب عن الطعام يبتدي من النهاردة الساعة اتناشر ظهرا والساعة اربعة العصر حيروحوا يحرروا محضر اثبات حالة وده اللي احنا عملناه امبارح في قسم قصر النيل
خلاص... احنا مالناش غير نفسنا، وانا شخصيا مش حاقابل ربنا وما بذلتش كل جهدي ان الثورة دي ما تفشلش، وان البلد ما ترجعش للنظام القديم
احنا بقالنا يومين الخطاب الاعلامي كله بيقول ان الاخوان هم اللي فتحوا السجون وعملوا موقعة الجمل ودخلوا حماس وحزب الله من الحدود، ده غير براءة كل القتلة وتهديد بحل البرلمان، اللي هو الجهة الوحيدة المنتخبة
يعني الوحيدين اللي انتخبناهم على عبلهم وقرفهم وخيبة املنا فيهم حتتنزع شرعيتهم، واللي حيمسك البلد شفيق وزير طيران المخلوع، ورئيس وزراءه، والمتهم الاول في موقعة الجمل
على جثتي بقى.. اموت ولا يحصل ده، كان لازم من الاول النائب العام يعزل واللي وقف لنا فيها الاخوان، كان لازم من الاول يتطبق قانون العزل واللي فنيخ الحكاية الاخوان وشالوا منصب الوزير عشان يحتفظوا بشفيق والمشير، كان لازم من الاول اصلا ما نلجأش للعملية السياسية قبل ما نستكمل الثورة واللي استعجل في لم الغنائم قبل نهاية المعركة الاخوان، كان لازم حلول كتير ثورية تتعمل واللي وقف في وشنا الاخوان واهم برلمانهم حيتحل وحيلبسوهم تهم هم ابرياء منها، ومش ناقص غير يجيبوا الشيخة ماجدة تشهد في المحكمة انها كانت واقفة في ميدان عبد المنعم رياض على البحر جنب برج القاهرة لما واحد ايراني طلع من البحر وقالها احنا اشراف زي بعض وانا ارتاحت لك احنا جايين نقتل المتظاهرين واللي باعتنا الاخوان، اللي شفيق قال عليهم كانوا يوم الجمل بيحدفوا نابالم من فوق السطوح، وكتير من شباب الثورة بيجيلي البيت :D شباب ثورة ايه بقى يا سيادة الفشيق، هو في ثورة اساسا؟ ما اللي بيتظاهروا اخوان، او باكستانيين حسب رواية الشيخة ماجدة، وهم نفسهم اللي حدفوا على نفسهم نابالم من فوق السطوح.. النابالم ده بيتحدف ازاي من فوق السطوح؟ الفريق هربان من التجنيد ولا ايه؟ وهم ذاتهم اللي دخلوا حماس وحزب الله من ورا المخابرات المصرية عشان يفتحوا السجون، وهم اللي نزلوا يوم 28 "لما الثورة نجحت"! بيقول ان الاخوان نزلوا لما الثورة نجحت يوم 28! يوم المدبحة ده كانت الثورة ناجحة.. صح يا حاج، هم نزلوا الشارع لما الثورة نجحت وانت نزلت الانتخابات لما الثورة فشلت، يعني الاخوان هم اللي المتظاهرين، وهم اللي البلطجية، وهم القناصة، وهم اللي في السجن وهم اللي فتحوا السجن وهم العجل في بطن امه، طب فين شباب الثورة بقى؟ قالك دول نزلوا يوم 25 بس، بعدين روحوا، نفس الكلام اللي كان بيتقال ايام مبارك، اصبروا بس.. اصبروا يخلص على الاخوان ويلبسهم موقعة الجمل وفتح السجون واحنا حنتاخد في قضية دعارة بتهمة طبل وزمر وعلاقات جنسية كاملة جوه الخيم... ما باهزرش على فكرة، لما باقول انهم حياخدونا في قضايا دعارة وخيانة عظمى وازدراء اديان ما باهزرش.. 
ها يا أخوان؟ هااااا؟ مبسوطين كده؟ اخبار جمعة الوقيعة ايه؟ على الله تكونوا مبسوطين دلوقت.. طبلت على دماغنا كلنا.. وادي الاخوان حيرجعوا تاني المحظورة، واحنا بقى اللي حيفضل فينا عايش حيرجع يقف على سلم النقابة مع محمد عبد القدوس اللي حيفضله محتفظين بيه عايش وخارج السجن عشان كل ما يشوفوه يسحلوه، وبقالنا كتير نهاتي وننادي عليهم احنا بنتحبس عسكريا احنا بنتقتل في الشوارع اللي بيحصل لنا ما يجيش فتفوتة في اللي حيتعمل فيكوا، وهم ابدا... ودن من طين وودن من عجين.. 
وعدنا من حيث بدأنا... عدنا من حيث بدأنا.. 
ومرشحين الرئاسة نزلوا لي ياخويا الميدان، وقعدوا يمسكوا ايدين بعض، ومبسوطين قوي، بعدين كل واحد فيهم لحس كلامه وروح بقى يريح له ساعة بعد الغدا ويحط رجليه في مية وملح من الوقفة في الشمس
وهم كل دول جاي عليهم بايه؟ مش حيحصل لهم حاجة... احنا اللي حنلبس اسود، واللي شوفناه ايام مبارك كوم والايام اللي جاية علينا بعد ما شفيق يمسك البلد كوم تاني.. وبلغ الامر بالاسلاموفوبيك انهم يحسنوا صورة شفيق على حساب مرسي، وعاملين لي فيها مثقفين ونخبة وهم شوية ناس فاشيست لو اتمكنوا على رقبة الناس مش حيفرقوا حاجة عن بشار قاتل الاطفال الرضع
خليك محترم.. انا شخصيا لا حانتخب شفيق ولا مرسي.. ولا اساسا موافقة الانتخابات تجرى بالشكل ده.. واحنا نقدر
في امل
في امل
بس احنا نثق في نفسنا.. احنا جربنا نفسنا قبل كده وطلعنا بنعرف نعمل حاجات كتير، بس المجلس فرقنا عن بعض واخد كل واحد ورا مصنع الكراسي وعشمه بالجواز وخلي بيه.. احنا في امل نستعيد نفسنا تاني، العقدة مش في شفيق ولا طنطاوي ولا امريكا ولا السعودية ولا اسرائيل اللي بيدعموا شفيق.. العقدة فينا احنا.. طول السنة ونص المجلس العسكري ما بيعملش حاجة غير انه بيحاول يكسرنا من جوه عشان نرجع نفقد الثقة في نفسنا تاني.. لكن احنا لازم كل ما ثقتنا تتهز في نفسنا نفتكر نفسنا في بداية الثورة، ونعرف اننا نقدر على حاجات كتير
زي ما نزلت يوم 25 يناير وانت فاكر انك نازل لوحدك بس بتعامل ضميرك.. انزل معانا اعتصام مجلس الشعب.. وعامل ضميرك، مالكش دعوة مين نازل ومين مش نازل
انا عملت كده.. اخدت خيمتي وجه معايا محمد حسن ومصطفى وحسين ومحمود، وفرشنا الخيمة عند مجلس الشعب لوحدنا، وقلنا حنضرب عن الطعام لوحدنا، لقينا اسماء محفوظ جاية لنا في انصاص الليالي وباتت معانا، وبعدها ناس كتير جات، وست عجوزة عندها ضغط وسكر ومصممة تضرب عن الطعام، بس احنا بنمنعها، وناس كتير عادية، يعدوا علينا ويسألونا انتوا هنا ليه ولما نقولهم يقعدوا معانا.. ويضربوا معانا، ولو كل محافظة اتحركت زي ما كنا بنتحرك قبل كده ماحدش يقدر يقف قدامنا... انا مش باطالب حد ييجي ولا ما يجيش.. انا باطالبك تعامل ضميرك بس.. الناس اللي انت مستنيهم ينزلوا معاك ولا يساندوك مش حينفعوك لما تقابل ربنا وانت كان في ايدك تعمل حاجة وما عملتهاش
دي نصيحة لوجه الله عايز تعمل بيها اعمل مش عايز تعمل انا رقبتي رقبتي رقبتي.. انفد برقبتي قدام ربنا واغسل ايدي من الدم الجاي.. وافهم ان في دم جاي.. نزلت الشارع فيه دم.. قعدت في بيتك في دم.. ماحدش حيستناك في الشارع عشان يجيبك.. هم عارفين عنوانك ويعرفوا يجيبونا واحد واحد من البيوت، بالعكس، لما بنبقى في الشارع مع بعض بنبقى محميين اكتر
وميدان التحرير ده تحول الى جبلاية قرود بالمعنى الحرفي، لو قعدنا الف سنة في ميدان التحرير ماحدش حيسمع لنا، الثورة مش انك تتظاهر في المكان المسموح لك تتظاهر فيه.. ثورة ايه دي ياخويا؟ يعني ميدان التحرير بقى مطرح سلم النقابة ولا بيحل محل الاستاد؟
اول ما رحنا عند مجلس الشعب واحنا كنا خمسة بس لقينا قوة كبيرة جات وقعدوا يقولوا لنا انتوا هنا ليه؟ انا مش حاروح اعتصم في حتة مافيش عسكري يسألني انت هنا بتعملي ايه؟ الثورة يعني اتظاهر في منطقة حيوية تخلي الناس تشوفني وتاخدني بجدية
احنا مستنيين نواب مجلس الشعب اللي قريب قوي حيبقى المحلول زي المحظور كده عشان يعبروا امنا
على جثتي الثورة تفشل، مش بعد الدم ده كله والتعب ده كله
انا ما عنديش مصالح، ولا حسابات، ولا ليا ولاء لحد ولا لحاجة غير بلدي، مش حافكر في مصلحة جماعة وهي اصلا مالهاش قيمة من غير الناس اللي انتخبتها ولا الناس اللي شاركتها الثورة ولا حافكر في مصلحة مرشح وشكله قدام الناس وهو ساقط اصلا...
أنا مصر عندي أحب وأجمل الأشياء... ومضربين عن الطعام لحد ما نواب مجلس الشعب اللي حيتحل يسألوا في قرعتنا وينزلوا لنا يعتصموا معانا ويعرفوا ان مالهمش حد غيرنا يحميهم..
في ناس بشكل فردي تضامنت معانا من اسكندرية، واي حد عايز يتضامن معانا ويضرب عن الطعام ياخد البيان اللي احنا كاتبينه ويوقع عليه برقمه القومي ويعمل محضر اثبات حالة في القسم


ملحوظة:
احنا من ساعة ما بدأنا الاعتصام واحنا بنواجه تشكيك وتسفيه وقلة ادب وناس مش عايزة تقول خيرا او لتصمت ومزايدات.. ببساطة لان في بعض قوى سياسية اعتبرت اننا تخطيناهم وما استأذناش منهم وهم مش فاهمين ايه المصلحة المباشرة اللي حتعود عليهم! مافيش مصلحة مباشرة ولا حد حيحلي بقه بالاعتصام ده.. مش حينفع يتعمل دعاية انتخابية ولا حينفع يتعمل صناعة زعامية ولا حينفع يتعمل كرنفال.. عشان نبقى واضحين مع بعض يعني.. احنا مطالبنا واضحة... وجاي على هوانا نتعب.. وانا شخصيا ام لسانين شفت قلة الادب دي وما ردتش عليها.. عشان عادي استحمل.. ما استحملش ليه؟ اشمعنى امهات الشهدا استحملوا؟ اشمعنى اللي عينه طارت استحمل؟ اشمعنى اللي اتحبس استحمل؟ ليه انا ما استحملش الجوع والهجوم يعني؟ على راسي ريشة؟


اليكم بيان اعتصام مجلس الشعب:

قامت ثوره ٢٥ يناير من أجل العيش والحرية والكرامة الانساني وتفعيل دولة القانون والمؤسسات،ولما كان رأي الشعب هو السير في آليه الديموقراطيه، والموافقه على الاعلان الدستوري الموضوع من اللجنه المشكلة للحاكم الانتقالي للبلاد( المجلس العسكري ). ثم قام الشعب بإرادته الحرة النزيهة بانتخاب مجلس الشعب، والذي أقر بقانون العزل السياسي رقم ١٣١ لسنه ٢٠١١- كان لزاما علينا نحن الشعب ان نساند السلطه التشريعيه المختارة من الشعب حتى وان كانت قد وضعت مواداً تعسفية (اجحافية) فنحن مستمرون في ثورتنا السلمية من اجل تفعيل دولة القانون والمؤسسات. فقد قمنا نحن المعتصمون ممثلون عن انفسنا كجزء من الشعب في الدخول في اعتصام عام مفتوح حتى تتحقق المطالب الاتية: ١-تفعيل قانون العزل السياسي ضد كل من افسد الحياة السياسية في مصر على رأسهم اخر رئيس وزراء لفرعون مصر (الرئيس المدان المخلوع/مبارك) - النائب العام، محامين العموم... الخ ٢- البحث والتحري عن كل من قتل الثوار في ميادين التحرير في عهد النظام السابق والضغط على الاجهزة السيادية في الدولة والتي امتنعت عن تقديم ادلة تدين قتلة الثوار الحقيقيين بتقديمها في محاكمات مدنية عادلة عاجلة لهولاء القتلة ٣-الافراج الفوري لجميع المعتقليين على خلفية جميع الاحداث منذ بداية الثورة حتى الان.  ونحن مضربون عن الطعام من تاريخ ٦/٦/٢٠١٢ مطالبين النواب المنتخبين بتحمل مسئولياتهم تجاه الشعب الذي اعطاهم ثقته وسنظل مضربين عن الطعام حتى ينضم الينا نواب البرلمان في الاعتصام ولقد قمنا بتحرير محضر اثبات حالة في قسم قصر النيل ويحمل رقم ٤١٨١/٢٠١٢ اداري قصر النيل  يسقط يسقط حكم العسكر  المعتصمون امام مجلس الشعب


ملحوظة أخيرة:
محابيس العباسية بقالهم اسبوعين مضربين عن الطعام وامبارح في ناس اضربت عن المية
ابو ام الانتخابات على السياسة على الساسة على الطين اللي على دماغنا

SOS الاستغاثة الاخيرة

الساعة واحدة وربع على ما اخلص البوست حتبقى واحدة ونص على ما يتقري وينتشر حتبقى اتنين ونص تلاتة.. يعني ما عندناش وقت كتير بس لازم اخلص ضميري للمرة مليون قدام ربناالوضع دلوقت حرج جدا، والبلد في رقبة اتنين بالتحديد: ابو الفتوح وحمدين.لو اتحالفوا دلوقت حالا بإنهم يشوفوا مين اصواته اكتر ويبقى هو الرئيس واللي بعديه نائب انشالله بنص صلاحيات الرئيس يبقى بيوفروا دم كتييييييييير جدا... كل الدم اللي نزف قبل انتخابات الرئاسة كوم، والدم اللي حيسيل في حال ما اذا شفيق او مرسي نجحوا كوم تانيوده طبعا لاننا عارفين يعني ايه شفيق يبقى رئيس.. يعني القذافي.. يعني كتاب البلوفر اللبني، يعني اطاطا بتتكلم كل يوم وتقول لنا: سرقة الجزم من قدام الجوامع لسه ما حدش يعرفها، سرقة مستودع الانابيب انا بس اللي اعرفها.. عشان انا فريق جدع.. وانت عارف ان انا فريق جدععصام سلطان؟ ده نحمده يا ولا.. نحمده بتاعة البخوربما انه عسكري + فلول + مجنون + حاسس بالاهانة من كم الجزم والتهزيء اللي اخده وعايز يثبت شخصيته فالمدابح اللي عملها العسكر طول السنة والنص اللي فاتت مش حتيجي حاجة في اللي هو حيعمله فينا.. حيبقى القذافي حرفياوبما ان فيه ناس كتير مش حتقبل يحكمها القذافي فالموضوع ممكن يتطور وتبقى حاجة شنيعة جدابالنسبة لمرسي فهو الخيار الثاني اللي لحد دلوقت الارجح يطلع الاعادة مع شفيقوهو حكم آل سعود مترجم ومدبلج باللهجة المصرية.. مش محتاجين يعني نتناقش في اسلوب حكم الاخوان اللي مش حيبقى وراهم غير الختان والمواقع الاباحية ومنع الخمور + ان الاخوان معاهم فلوس بالعبيط وعايزين يكسبوا الناس والبلد عندها ازمة اقتصادية، مصطنعة صحيح بس اهي موجودة، فحيضخوا فلوس كتير لانهم زي مرجان احمد مرجان كده متعودين يشتروا الناس بالفلوسيعني اربع سنين قمع وفلوس.. وتعالى بقى بص على المصريين النسوان محبوسة في البيت بتلزبن على بعض والرجالة بكرش وبينطوا على السواق الهنديوده مش كلام عنصري، لانه مش مرتبط بطبيعة شعب، ده مرتبط بطبيعة حكمحرية + رفاهية = تقدمقمع + فقر = ثورةحرية + فقر = فوضىواوحش حاجة على الاطلاق اللي بتشوه طبيعة الانسانقمع + رفاهية = جاموسةهات السويد وخليها في رفاهيتها واعمل لها قوانين قمعية وتعالى بعد سنتين حتلاقي الراجل بينط على السواق الهندي والستات بتشقط ستات تانيين من على النتهات السعودية واحتفظ برافهيتها واديها حرية وتعالى بعد سنتين حترجع تلاقيهم بيطوروا قنبلة نوويةحتقول لي ايران دولة قمعية وفيها تقدم علمي حاقولك ايران مافيهاش رفاهية، الانسان لازم يشتغل عشان يلاقي ياكل، مش بياخد الاعدادية وياخد عليها اعانة، صحيح مش ضاربهم السلك زينا، بس ماحدش بيلاقي ياكل الا اللي بيشتغل وعندهم مشروعين مهتمين بيهم التعليم والمشروع النووي فزي ما اللي عايز ياكل عيش في مصر بيغني او بيلعب كورة اللي عايز ياكل عيش في ايران لازم يتعلم.. الى جانب انك مش سامع عن ايران غير المشروع النووي اللي هو مشروع دولتهم، لكن ما تعرفش مثلا ان ايران فيها اعلى نسبة ادمان للمخدرات في المنطقة، وماهياش يعني يوم الهنا يوم المنى مبروك علينا كلنا ولا حاجةالخلاصة... الاخوان ما عندهمش مشروع غير فلوس كتير وقمع كتير وده حيخليك غصب عنك تضرب الفلبينية وتنط على السواق الهندي، لانك مذلول وطافح الكوتة، ومعاك فلوس كتير مش عارف توديها فين، فبتروح تجيب اي حد غلبان تطلع عليه عقدكمبارك افسد الانسان المصري بما فيه الكفاية.. مبارك خلى الانسان المصري فرجة العالم، وبقت الناس تشاور علينا وتقول الشحاتين اهم.. الواطيين اهم.. الاندال اهم.. الجبنا اهموده يفسر سر اقدام الناس على الموت بشكل هيستيري وكلامهم عن الكرامة بشكل هيستيري زي اللي بينفي عن نفسه تهمة الجبن والوطيان والشحاتة.. وزي ليه؟ هي كده فعلااحنا ما عملناش ثورة وصبحنا الفساد اللي عمله فينا مبارك اتغير.. احنا عملنا ثورة عشان نجيب نظام يصلح الفساد اللي عمله فينا مباركواذا كان مبارك خلق من قطاع كبير منا واطيين وشحاتين وجبنا واندال.. فمش ناقص نجيب شفيق يخلق منا معاتيه، ولا مرسي يخلق منا جواميس.. كده بقى اختصر وقول شامبانزي.. حنعيش ليه؟ احنا لحقنا نعالج نفسنا من الامراض اللي جابها لنا مبارك لما حنجيب لنفسنا امراض تانية؟وطبعا.. بما ان فيه قطاع في مصر حيبقى واعي لده كله فبرضه مش حيسكت لما مرسي يمسك الحكمومن ثم حيبقى فيه دم كتير تانيودم بقى بما لا يخالف شرع الله.. والدم بتاع شرع الله ده بيبقى بحور والناس بتسكت لبعدين تخش النارطبعا الثوريين مش حيسمحوا لشفيق او مرسي انهم يخربوا الثورةالا الثورة على جثتنابس لازمتها ايه جثتنا واحنا عندنا الحلعبد المنعم ابو الفتوح وحمدين صباحي في ايديهم الحل انهم يضموا على بعض دلوقت حالابدل ما بتوع الحملتين دايرين على اللي انتخبوا خالد علي يشحتوهم.. انا انتخبت خالد علي لاني قرفانة منكوا.. كان مفروض من الاول تعملوا فريق رئاسي وخالد قال ان لو حمدين وابو الفتوح عملوا فريق رئاسي هو حيتنازللكن خالد اترشح واحنا انتخبناه لما يأسنا منكوا، وعددنا مش كبير، احنا بالمقاطعين، بتتوع ابو العز الحريري بالبسطويسي مش ممكن نعمل لكم اي حاجة دلوقت.. انتوا اللي في ايديكم الحل بدل ما انتوا نازلين شتيمة في بعضما تبقوش زي ما ام كلثوم بتقول: انا وانت ظلمنا الثورة بالغيرة وجبنا للظنون سيرة، وعز عليك تسيب العند وتسامح، وعز عليا أكون البادي واتصالح دي جهة مستقلة بتتكلم عن استطلاعات رأي وده محمد واكد مستقل ومقاطع الانتخابات وبيراقبها وبيقول ان ابو الفتوح وحمدين عوروا بعض جامد وانفصالهم خلى لحد دلوقت اولا: الاقبال ضعيف جدا، ثانيا: الاعادة لحد دلوقت حتبقى بين مرسي وشفيقالاستطلاعات بتقول ان ابو الفتوح متقدم على حمدينواجب ابو الفتوح انه دلوقت حالا يتصل بحمدين صباحي ويتعهد له بانه يدي له صلاحيات نائب نص صلاحيات الرئيسوواجب على حمدين انه يقبلمافيش غير كده.. مافيش حل تاني.. ده اللي حيزود الاقبال في الساعات الاخيرة على الانتخابات، وده اللي حينقذ الموقف وينجينا من دم محتوماحنا مش حنسيب بلدنا تروح للعسكر ولا لنظام فاشيست قمعي يشتري الناس ببطنهمومستعدين نموت... ولو ابو الفتوح وحمدين ما ضموش على بعض دم اللي حيموت بعد الانتخابات في ايديهموانا احملهم مسئولية كل واحد حيموت بعد الانتخابات.. وباقولكم انا حانزل احاول اموت تاني بما ان الموت مش راضي يستعبرني.. ومش حنسيب بلدنا.. بس انتوا تقدروا توفروا دمنا.. ومافيش غيركم يقدر يعمل ده في البلد كلها دلوقت وفي الساعات المقبلة.. لو انقذتوا البلد حتبقوا ابطال قوميين... ولو استمريتوا على المعاندة والانانية مش حنسامحكم لا واحنا احياء ولا واحنا امواتألا هل بلغت؟ اللهم فاشهد

تجميع فيديوهات العباسية

انا مش محتاجة اتسول دعم حد من اللي بيدافعوا عن الجيش لان الحق ظاهر والباطل ظاهر واللي بيشتم في المتظاهرين والقتلى والجرحى كل مرة نفس الجهاتبس انا قلت اجمع فيديوهات احداث العباسية الناس كلها تشوفها، عشان اتأكد كده ان اللي بيدافع عن الجيش بيدافع على بينة عشان اطمن من قلبي انه ان شاء الله يحشر مع طنطاوي وحمدي بدين والملا في الاخرة
 واخر حاجة كنت اتوقعها من بعض الناس ان الاسلاموفوبيا توصل بيهم انهم يخالفوا ضميرهم ويشمتوا في ناس مظلومة ومقهورة ومحبوسة ومصابة ومقتولة لمجرد ان دول سلفيين واللي وقف معاهم.. ويوصل بيهم الامر انهم يقولوا احسن يحصل كده للسلفيين ولما ناس تانية تقولهم مش كل اللي ماتوا سلفيين (طبعا انا عمري ما اقول كده لان عيب.. انا سلفية لما السلفيين ينضربوا ومسيحية لما المسيحيين ينضربوا.. انا على دين المظلوم ايا كان.. بس فيه ناس بتدافع بالطريقة دي) يردوا ويقولوا احسن يستاهلوا اللي يروحوا يقفوا مع السلفيين عشان يبقوا يمشوا ورا السلفيين تاني! ايه الـ.. ال ايه؟ مش عارفة اشتم اقول ال ايه؟ وساخة؟ ابقى باشتم الوساخة؟ الحقارة؟ لا عيب.. الحقارة ما عملتليش حاجة.. ايه الكفر ده؟ مالهم الكفار؟ طب ده فيه كفار يتحطوا على الجرح يطيب والله.. مش لاقية صفة والله.. اول مرة يعجز لساني الزفر عن وصف الناس دي.. هم انجس من اي شتيمة

رجاء نسخ هذه الشهادة على كل المدونات لتأمينها

رابط المدونةقمت بتصوير هذا الفيديو وسط البلطجية ... شاهدوا أولاًhttp://www.youtube.com/watch?v=YeVFepoLNxg

نأتى الى شرح الفيديو:وجدت بعض من أهالى العباسية بيناشدوا اهالى تانيين من البلكونات للنزول لحماية البنزينة من الاحتراق وبعض منهم  يهتف ايد واحدة وبعض منهم يهتف "العباسية مش بلطجية" وسمعت صوت ضرب نار كتير وتصفيرفى اللحظة دى شوفت مجموعة من البلطجية راجعين من العباسية فى وشى وتذكرت أحدهم وقمت بعرض صورة له فى اخر الفيديو وساشرح فيما بعد ملابسات تصويرى له يوم ٢٢ يوليو الماضى ٢٠١١ ودا كان المشهد الاول فى الفيديو اللى عرضته
المشهد الثانى كان على مدخل شارع امام جامع النور بعد شارع البنزينةظهر صاحب الرشاش الألى الذى لا انسى شكله عندما ضرب فى الشارع وهتف البلطجية "خش عليهم" وراءه دخل عليهموضرب واختفى داخل شوارع العباسية مرة أخرى حاملاً الرشاش



أستقريت فترة فى هذا الشارع وكانوا يحضرون لضربة فجائية مباغتة للمتظاهرين وفى الوقت دا ظهر شخص بتى شيرت أصفر مخطط قوى البنية يحمل حزام للمسدس بها طبنجة ومعه صندوق مولوتوف يقدمه للبلطجية ويأخذ سلاح ابيض ويشير به الى المتظاهرين هاتفاً ايد واحدة  ايد واحدة!! صورة بالطبنجة


دخلت فى اللحظة دى الى الشارع  التانى واللى فيه البنزينة ودا كان المشهد الثالث عندما شاهدت فى النور كل طاقم حراسة منصات الفلول فى العباسية مع البلطجية بينما ظهر مرة أخرى فى الضوء الشاب ذو الطبنجة ليأتى لهم بالمولوتوف والجميل انه بيقول لولد يحمل مولوتوف "فين الجيش اللى انت بتدافع عنه بقى يجى يشوف اللى بيقع منكوا"
المشهد الرابع هو فيديو للشاب ابو سكسوكة اثناء حراسته لمنصة العباسية فى ٢ ديسمبر ٢٠١١ صورة واضحة وجدتها فى حملة عسكر نشطاء اثناء افتعاله خناقة امام وزارة الدفاع مع المتظاهرين فى فبراير الماضى
المشهد الخامس هو الشاب الذى رأيته ليلا ولم أجد الفرصة لتصويره ولكن ظهرت صورته فى ثانى يوم صباحا على جريدة المصرى اليوم فقمت بعرض صورة أخرى له قد التقطها له يوم ٢٢ يوليو قبل يوم موقعة العباسية  أثناء التعدى على المتظاهرين أمام جامع النور اثناء وجود الجيش وكان معى والدة علاء عبد الفتاح وبعد اصدقاء الثورة وعندما أصروا على التعدى علينا قمت بتصويره لتخويفه فحاول ضربى فهربت فى عربة أحد مصورى المصرى اليوم الشاب العارى الجسد تماما ببنطلون جينز

تحليلى لما شاهدت علماً بأنها ليست اول مرة أكون فيها مع أهالى العباسية:- أولاً جملة أهالى العباسية جملة غير دقيقة لان منطقة العباسية منطقة كبيرة جدا وفيها فرق فى طبقات المجتمع بشكل واضح- صاحب الرشاش الشهير معروف جدا بين أهالى المنطقة- بعض الشباب الذى يقوم بضرب المتظاهرين يدافع عن المجلس العسكرى بدافع ما يظن انه يقوم بعمل وطنى حمايةً للجيش- صاحب الطبنجة الذى يأتى لهم بالمولوتوف يبدو انه من كبار المنطقة وهم يعرفونه جيداً وتعليقه للشاب على موضوع حماية الجيش هى محاولة منه لاقناع الشاب ان ما يفعلونه ليس لحماية الجيش وانما لحماية المنطقة- بعض الشباب الذى يقوم بضرب المتظاهرين هم من مناطق اخرى مجاورة ولكنهم على علم بأهالى المنطقة- معظم البلطجية هم من أهالى الوايلى واصحاب مقاهى وقادرين على فعل اى شىء مقابل المال ويستخدمهم منظمى تظاهرات العباسية فى حمل البانارات وتأمين المنصات وبعض من هؤلاء قد شاهدتهم اكثر من مرة فى أحداث مختلفة يفتعلوا مع المتظاهرين امام وزارة الدفاع مشاجرات- ان البلطجية فى بداية الأمر جروا المتظاهرين الى ميدان العباسية ثم الى شوارع العباسية ليظهر أمام الرأى العام ان المتظاهرين هم من قاموا بترويع أهالى العباسية- بعض من هؤلاء البلطجية ساعدوا التحريات العسكرية فى جمعة ٢ ديسمبر على اعتقال مراسل الجزيرة مباشر أمام عينى- البلطجية عارفين انواع الاسلحة وصوتها وايه الفرق بين الصوت والحى والخرطوش لانى سألتهم اكثر من مرة بأسئلة استنكارية ويشتهرون بقنابل تسمى قنابل المونة تباع الواحدة ب ٣ جنيه على حد معلوماتى منهم.
ليس هذه فقط كل المعلومات التى أعلمها عن بلطجية العباسية ولكن الباقى مازلت اتحرى عن مدى صحته
مداخلتى مع ريم ماجد بخصوص شهادتى عن الاحداث فى الرابطين التاليينhttp://www.youtube.com/watch?v=hkWFOwE38s4http://www.youtube.com/watch?v=DP6dGLMpav4

طظ في ذاتك الملكية يا ذات الاربع

سمعة بيقولك لو ما قبلوش الطعن بتاعي حافضح قضايا الرشوة

كانت فين قضايا الرشوة دي؟ وليه اتستر عليها عم سمعة الواد المؤمن؟ وليه بيقول حاضطر اظهرها، لو ما قبلوش الطعن، طب ولو قبلوا الطعن حتسيب المزورين من غير محاسبة؟واحد من ولاد ابو اسماعيل قالي: ازاي تقولي عليه بيتستر؟ هو فيه قضاء محترم عشان يقدم قضايا الرشوة؟ طيب بما ان مافيش قضاء محترم، ليه بيهدد بإنه يظهرها لو ما قبلوش الطعن؟ والقضاء كان محترم لما رفع قضية على وزارة الداخلية عشان ياخد منها ورقة ان امه ما طلبتش اذن باخذ الجنسية منهم؟ ويضحك على الناس ويفهمهم ان ده دليل على ان امه ما اخدتش الجنسية؟ هو كام واحد بياخد الاذن ده من الداخلية؟ ولما تقولهم ماهو لما اتسأل على اخته قال ناقص يقولوا اختي فرنسية، يقوم يردوا عليك ويقولوا: ماهو قال ناقص يقولوا ان اختي فرنسية ده مش معناه انه انكر انها امريكية!مالهمش عندي غير الرد ده
والنبي ابويا ده برنس.. برنس البرنسات كمان

اصحىىىىىىىىىىى... كله يصحى

اصحوا بقى.. اصحوا شلتونيانا مش عارفة ابتدي منين بعد ما اتفرجت على الهذيان بتاع حازم ابو اسماعيل.. وبصراحة بقيت اتحسس مسدسي تجاه نظرية المؤامرة دلوقت (هيييييييه... فيييين ايام ما كنت واخدة توكيل المؤامرة حصري، زمن المؤامرة الجميل، ايام ما كانت المؤامرة ما تطلعش غير مع انجر قهوة وبعديها كوباية شاي اخضر بالنعناع.. دلوقت المؤامرة رطرطت وبقى اي حد يهذي فيها بكلام مش راكب على بعضه) بس في هذا المضمار اللي باتكلم فيه المؤامرة واضحةمؤامرة خطة اجهاض الثورة المؤجلة من فبراير.. فاكرين؟ لما عمر سليمان قال لنا: جووووووووووو هووووووووووووووووم. واحنا ما رضيناش نجو هوم، بعدين وائل الابراشي طلع في قناة المحور وقال: انا للاسف صدقت كلام مبارك وعمر سليمان وحاولت اقنع الشباب انهم يروحوا وهم رفضوا، بعد 11 فبراير وصلتني معلومات مؤكدة ان كل اللي كانوا في الميدان اتصوروا واحد واحد وان كان فيه خطة لتصفية كل اللي شارك في الثور على مراحل.الله ينور عليكمين قال ان الخطة دي اتلغت؟ هي اتأجلت بس، او اتفردت على مدة اطول1- طبعا اخدوا الاخوان في حتة اسمها المواسير ورا مصنع الكراسي وهم كإخوان انبسطوا وباعونا، وراحوا ساحبين وراهم السلفيين، اللي هم فعلا ما عندهمش اي خبرة سياسية، وقعدوا فترات منعزلين مش بس عن الحياة السياسية، كمان عن الحياة الاجتماعية، هم لهم دوايرهم وقليل قوي لما بيتعاملوا معاملات قريبة مع بقية الناس بسبب المعاملة اللي كانوا بيتعاملوها ايام مبارك2- دبحوا لهم كام مسيحي، كعادة نظام مبارك، عشان يوسعوا الفجوة3- استفردوا بينا احنا وهاتك يا ضرب وخزق عينين وقتل وتلفيق قضايا وبهدلة في المحاكم لما بقينا مجهدين فعلا، ومنهكين خالصدلوقت بقى حان الوقت يتخلصوا من العقدة الكبيرة... العادي في التخلص من الاسلاميين باي ذا بوك زي ما بيقولوا انهم بيتخلصوا من السلفيين الاول لان السلفيين الحلقة الاضعف بسبب اداءهم اللي بيخلي قطاع كبير من الناس ما تتعاطفش معاهم بما فيهم الاسلاميين من تيارات تانية، وان كنت ناسي افكرك بالتسعينياتاااااااااااه التسعينيات.. وللعودة الى مرحلة التسعينيات الامر يتطلب شخص قلبه ميت وما عندوش ضمير وبيحب يقتل الناس كدهو.. بعد مبارك مافيش الا عمر سليمانحازم ابو اسماعيلبص يابني.. "قولا واحدا" على رأيه.. حازم ابو اسماعيل كداب.. طب هو مش عارف انه كداب؟ لا هو عارفاسمحوا لي بقى اعبر عن نفسي في هوجة نظرية المؤامرة دي واقول بكل ارتياح اني شاكة في الراجل ده وشهو عارف موضوع الجنسية، دخوله السباق الرئاسي وهو عارف ده ممكن يتفسر على انه هطل، لكن اصراره الرهيب على شعللة الناس وتسخينهم بالشكل ده بيقول حاجة واحدة بس: حازم ابو اسماعيل مزقوق يعمل الازمة دي اللي يعقبها تفجيرات يلبسها السلفيين ونعود لايام التسعينيات تانيانتوا اتفرجتوا على المؤتمر؟ شفتوا الراجل اللي بيقول بايعوه على الدم؟ شفتوا الاعدام يا مشير؟ طيب دي معركة دفاعا عن واحد كداب ومزور ومش حينضم لهم اي حد فيها.. وهم بصراحة انا عارفة ان ما يطلعش منهم لا تفجيرات ولا نيلة دول صوت بس واغلب من الغلب.. دول لما بيتهوروا بيصلوا العشا في الميدان ويروحوا بعدها، واخرهم يكسروا منصة ولا حاجة، مش حيعملوا اكتر من كده، وانا مش عايزة ازعلهم بقى دلوقت خصوصا انهم قربوا يموتوا..بس هم خوافين يعني شوية، ما جراش حاجة، يكون المؤمن جبانا قال نعم.. بس يكون المؤمن كذابا؟ قال لا.. صح؟هم اغلبهم يا عيني مش مستوعب انه بيدافع عن واحد كداب، هم مصدقينه فعلا، لاسباب كتير مش كلها ان مخهم على قدهم، لان مش طبيعي ان كلهم يبقى مخهم على قدهم، بس هم لهم تراث من الاضطهاد والحصار اللي يخليهم اقرب لتصديق نظرية المؤامرة حتى لو الكلام مش منطقيفهم حيفضلوا يجعروا كده ومش حيلايموها... وفجأة نلاقي تفجيرات، وطبعا ماحدش متعاطف مع وش امهم خالص في اللي هم بيعملوه ده، فالناس حتبقى اقرب تصدق انهم هم اللي عملوا كده، فحيتلموااممممممم... امتى؟مش عارفة، هل بعد قفل باب الترشح، ولا بعد نجاح عمر سليمان ده بفرض اننا ادينا له فرصة للنجاحما اقدرش اتوقعلكن انا اقدر اتوقع ان فيه حاجات كتير كنت باقول عليها مش ممكن وطلعت ممكنيعني من سنة كان فيه واد مخبر مزقزوق عليا قال لي.. لا والله من اكتر من سنة كمان، ده قبل 9 مارس، قالي: عمر سليمان هو رئيس مصر القادمطبعا قعدت ارفس من الضحك واقول شوف الواد الاهبل مش كفاية انه مخبر ومفضوح لا وكمان عامل لي محلل سياسياهو عمر سليمان جات له الجرأة انه يترشح.. لا وبيكيدنا وبيترشح بتوكيلات مش عن حزب ولا توكيلات نواب.. وبيقول لنا انا نازل بناء على طلب الجماهير والتمثيلية الفشيخة ديييجي واحد يقولي: يا شيخة بطلي عصاب بقى.. عمر سليمان حينجح في الانتخابات؟ هي الناس حتنتخبه؟ده مثلا على اساس انك واثق في نزاهة الانتخابات؟ اذا كان الاخوان اللي بايتين في حضن المجلس وظبطناهم كذا مرة في اوضاع مخلة بيقولوا لك الانتخابات حتتزور، والمشير قالها صراحة والراجل ده ما بيرجعش في كلامه: الانتخابات مش حتتزوريبقى حتتزور على طول كدهعمر سليمان كان الخطة البديلة للامريكان والاسرائيليين مش بعد قيام الثورة.. ولكن من سنة 2006 لما كان الجيش لسه مش موافق على توريث جمال مبارك (بالمناسبة قبل ثورة بشوية صغيرين كان خلاص وافقوا ووثائق ويكيليكس بتقول انهم وافقوا.. بس احنا لحقناهم وعملنا ثورة) امريكا كانت عايزة جمال، بس كانت حاطة عمر سليمان "رجل اسرائيل في مصر" كبديل في حال ما اذا لاقى جمال عدم قبول شعبي كبير، نظرا لتقل دمه التاريخي، يعني ايه الكلام ده.. يعني لما امريكا توافق على عمر سليمان سهل جدا الانتخابات تتزور، وهي مش موافقة عليه بس.. دي حتموت عليه، واسرائيل عاملة فرح في الجرايد بتاعتها انه اترشححيخش علينا عمر سليمان دخلة انه بيطهر البلد من الارهابيين اللي بيدافعوا عن واحد كداب ومجنون.. وبعدين يسرح على الباقيين. زي ما مبارك عمل بالظبط، هو عمل حاجة تانية غير انه مسك الاسلاميين غسيل ومكوى ولحد ما وصلنا ان سواقين الميكروباص بيهتك عرضهم في الاقسام؟ طب ايه بقى؟بقى حازم ده مزقوق.. وماحدش يقول لي حطي احتمال انه يبقى مجنون.. حط انت الاحتمال ده، من ساعة ما غدر بينا يوم 18 نوفمبر وانا الشك حيقتلني، واللي هو بيعمله ده ما بيعملش حاجة غير انه بيعمل مشكلة بين الاخوان والسلفيين، وعادي برضه الاخوان لهم تاريخ في الندالة مع السلفيين، والسلفيين عندهم مرارة من ساعتها، وبيقدمهم على طبق من فضة للعسكر ولعمر سليمان ياكلهم ويشرب عليهم بيبسي بما لا يخالف شرع الله ويتكرعايه الحل؟الحل انهم يلايموها.. ما اعرفش يلايموها ازاي؟ بس لازم يلايموهااولا لازم كل الناس تجتمع عشان تقعد مع بعضها وتعرف انها لو فضلت طمعانة كده حنونس كلنا بعض في السجنمعلش.. مش وقت عتاب دلوقت.. نخلص من عمر سليمان والمجلس ونحطهم في السجن بعدين الاخوان بالذات لهم حساب عسير معانا، عشان هم اللي حطونا في الموقف القذر اللي احنا فيه ده لما سابوا المعركة قبل ما تخلص ونزلوا يلموا الغنائموما بيتعلموش نازلين انتخابات الرئاسة عشان يتفوا في الطبق لا هم ياكلوا منه ولا غيرهم حياكل منه ويسلموها تسليم مفتاح لعمر سليمانبس دلوقت.. وانا لا املك الا النصيحة، على الاخوان سحب مرشحهم فورا والتراجع عن طرح اي مرشح اخواني والحشد للي الناس حتتفق عليه، مرشح توافقي اه، بس مش توافقي بين العسكر والاخوان، توافقي بين القوى السياسي الاخرى والاخوان، على حازم ابو اسماعيل، انه يبطل هطل اذا ما كانش مزقوق، واذا كان مزقوق حسبي الله ونعم الوكيل فيه ربنا قادر يبصر الغلابة اللي ماشيين وراه، والبرادعي (البرادعي... الله يمسيك بالخير يا برادعي.. لا عمره كدب علينا كدبة واحدة، ولا خبى علينا حاجة، ولا دلس علينا في حاجة، ولا حاول يمشينا وراه، لدرجة اننا كنا بنتعل منه عشان مش عايز يمشي حد وراه خالص وعمال يقول كل واحد يمشي بدماغه... واخرتها زهد في المنصب وبرنس والله.. برنس، مهما الواحد يختلف معاه ولا يتضايق منه في بعض حركات، انما الراجل ده برنس، ومتربي والله) بس البرادعي معاه كتلة وتوقيعات، وعندنا ابو الفتوح وحمدين وخالد علي، هم دول اللي نعرفهم مع الثورة، وطبعا ايمن نور اتقلش يا عيني، بس معاه كتلة مش بطالة.. كل دوووول، يلموا على بعض، ويعملوا فريق رئاسي محترم من مرشح ونائب والباقيين يتنازلوا، مافيش اي داعي لحازم يخوض معركة خسرانة وحيخوضها لوحده مع مجموعة حتبقى منعزلة وماحدش حيتعاطف معاهم لو اتشنيروا، وسهل يتصدق عليهم اي اعمال عنف بسبب الجعير اللي هم فيه.. زي البرص يبخ في الملح ما يسمش بس يربي عداوة.. ده مثل مصري ما تزعلوش :)، ومافيش اي داعي الاخوان يبقى الطمع عاميهم والغل يملا الشاطر من ابو الفتوح بلا مبررالمشنقة حتبقى واحدة، واحنا مسيرنا نرجع نتخانق ونشرشح لبعض تاني، بس لما المعركة تخلص، دلوقت مافيش مجال للشرشحة.. حنموت كلنا.. ايه في ايه؟ملحوظة: انا عارفة ان اغلب الظن الطمع واكل الناس وماحدش حيسمع النصيحة دي.. لكن انا باخلص ضميري عشان اتشنق وانا مرتاحة وحاسة اني عملت اللي عليا، وماحدش يرجع يلومني ويقول لي ما حذرتيناش.. انت السبب.. زي ما بيقعدوا يقولوا لي انت السبب في كل حاجة، وبرضه يمكن تكون، ولو واحد في المية الخطة دي صح، ولما نفضحها يتراجعوا عنها او حتى يأجلوها لحين ما نفكر في حاجة.. يعني ممكن لو جرسنا عمر سليمان يدفعوا بعمرو موسى بداله.. فاحنا بقى ساعتها نتفرغ نجرس عمرو موسى.. كده يعني، ماهو احنا مش لازم نكن عشان هم مش حيكنوا ابدا ويا احنا يا هموانا باحذركم تاني اهو.. عمر سليمان خطر ومكانه السجن، وبقالي مدة ماسكاه وكلكم استهزأتوا بيابس فيه فرصة نلحق.. يا اما نلبس كلناكمان جرأته على الترشح لازم يبقى لها رد في الشارع، فيه واحد اقترح مليونية: لو ما اتجمعتوش في الميدان حتتجمعوا في اللومان.. معا ضد ترشح عمر سليماناديني قلت يا رب وخلصت ضميري

عمر سليمان جالكم خبوا عيالكم