الرفيق سيكو سيكو

by كيرلس بهجت

الحقيقة أنا مش فاكر إم ت ى أول مرة فك
ي ماكونتش أعرف أي حاجة؛ لكن فجأة بقيت عارف
فاكره إ ن 􁣍 ال ي 􁣢
ي بلعت عالم كامل من الأسرار جوايا،
كل حاجة... وكأ ن 􁣍
عالم جميل ومُخيف، واسع بس مستخب ي �، لذيذ
ي الضلمة!!...
لكن لازم يب قى ف 􁣚
وعى الرغم من كل الزحمة
والتشويش ده لا يمكن أنى
أول مرة عرفت إزاي الراجل
والست بيتجوزوا... كان آخر
ي أولى إعدادي...
يوم امتحانات ليَّا ف 􁣚
– ايه ال ي 􁣢 بيحصل
ً
إنت عارف أصا
لمَّا الراجل والست المتجوزين يبقوا
ي أوضة واحدة؟
مع بعض

Genres: Psychology, Audiobook, Young Adult, Self Help

158 pages, Kindle Edition

First published December 1, 2018

Reviews

[Marina Emad · Rating 3 out of 5]

مش مطلوب نصلح الناس اللي بنحبها إنما نحب قطعهم المكسورة ونصدق فيهم وقت ما هما نفسهم مش عارفين يصدقوا في قوتهم!✨

[Menna Lotfy · Rating 4 out of 5]

تعرف منين الكتاب الجيد من الممتاز من السيكو سيكو.. لحظة ما بتسيب الكتاب.. لو لقيت نفسك طلعت بكمية معلومات او حتى مشاعر وافكار اعرف انه كتاب جيد.. لو لقيت نفسك طلعت بكل ده بس حاسس انك فقدت صديق عزيز على قلبك اعرف انك بتقري الرفيق سيكو سيكو او بمعنى اصح بتقري لــ كيرلس بهجت
------------------------------------------------------------------------------
خلينا الاول نسأل سؤال مهم: مين افضل من كيرلس عشان يتكلم عن تابوهذى تابوه الحب والجنس فى مجتمعنا العقيم ده.. انا عارفه ان ناس كتير بتهاجم كتابات كيرلس عشان بيكتب بالعامية رغم انى شايفة ان الكتاب اهميته فى عاميته! كيرلس بيعرف يوصل لكل الناس بعاميته السهلة عشان يتكلم فى مواضيع شائكة وصعبة فى اعمق اعماق علم النفس ودي حاجة تحسبله مش تتاخد ضده......
------------------------------------------------------------------------------
انا حقيقى فخورة بالكتاب وسعيدة جدا ان كاتب مصرى قدر يكتب كتاب بالعبقرية دى وبالسهولة دى وانه يقدر يغير فينا كده ويقنعنا كده.. وسعيدة اكتر انى كنت حاسة ان الكتاب ماشى مع افكارى ومبادئي كنت حاسة نفسى فى الكتاب وكأن الكاتب بيكتب اللي بيدور فى دماغى وبيعبر عن مشاعرى.. انا حقيقى ممتنة لكيرلس عن كل حاجة قريتها فى الكتاب حسيت انها بتلمس قلبى وعقلى وكيانى.. ممتنة ليه عشان قدر فى الكتاب يخلينى اوصل لماهية الاشخاص اللى هو لخصها فى اخر صفحات فى كتابه.. حقيقى شكرا يا كيرلس على كتابك الجميل ومن نجاح لنجاح دايما ^^
------------------------------------------------------------------------------
تقييمى للكتاب : اربع نجمات
انصح بيه وبشدة
الاقتباسات بين الشباتر رائعة ومختارة بعناية فائقة عشان توصف كل فصل
الكتاب فى ماهيته يشبه الروايه ودى حاجة حبيتها
الكتاب ممكن يخلص فى قاعده واحده لانك مجرد ما هتمسكه مش هتقدر تسيبه غير وانت مخلصه

[Ahmed El Wakeel · Rating 1 out of 5]

جاهدت نفسي لاكماله
السم في العسل
كتاب مهلهل .. غير واضح الوجهة و الهدف

[أحمد الشربيني · Rating 4 out of 5]

كيرلس وعنواين كتبه اللي هتودينا في داهية :D

في البداية يعني الكتاب بيتكلم عن العلاقات بشكل عام من اول فكرة الحب لحد الجنس واحنا كبار يعني اننا نتكلم في حاجة زي دي :D .. الكتاب فكرته حلوة جدا يمكن مش متفق مع كل اللى مكتوب فيه بس عجبني فيه انه بيخليني افكر في كل حاجة كأني بتكلم مع نفسي بصوت عالي .. الحلو في الكتاب انه بياخدك خطوة خطوة في اسئلة بتخليك تفكر مع نفسك في كل حاجة وده شايفه من اهم الحاجات يعني .. الكتاب عامة لذيذ وهو مش مقالات هو شبه رواية يعني .. الجميل فيه الاقتباسات اللى في بداية كل فصل وبتخدم الموضوع جدًا

[Rory · Rating 4 out of 5]

الكاتب في بعض النقط متفقه معاه فيها ومختلفه معاه فيها وده طبيعي انت مش لازم تتفق مع كل اراء الكاتب مش قصدي تحديدا كيرلس اقصد بشكل عام ..
نتكلم عن نورا وكريم الأول
من وجه نظري كريم ماكنش عارف هو عايز ايه هو لقي حد مديله فرصه من اللاشيء أخدها ومسك فيها وده طبيعي لأي بني آدم مش نوع معين
بس ماعرفش يحافظ عليها ماعرفش يديها أهميه كفايه
بردو طبيعي لأن اي حد بيلاقي كل حاجه سهله وبسيطه بيحولها لحاجه مضمونه وده الي ديما بنخاف منه اننا نبقي مضمونين في حياه بعض..اما بالنسبه لنورا فاهي ماكنتش بتستخدم عقلها قد ماستخدمت قلبها في العلاقه دي والصحي لأي علاقه لازم يبقي فيها هدوء العقل وهدوء القلب الاتنين فيهم هدوء ومافيش توتر الاتنين متفقين مش قلبك بيقولك حاجه وعقلك بيقولك حاجه تانيه ..ماتنخدعوش بالافكار المزيفة الي بتقولك ماينفعش يبقي في اتزان بين الاتنين لا في اتزان مابين الاتنين ولو مافيش اتزان ماتكملش في حاجه زي دي..
ان نورا عرفت تعمل move on فا هو الموضوع مالهوش علاقه ب الmove on زي ما كريم كان بيقول انها عرفت تعمل ده بسرعه ..الموضوع ليه علاقه ب ان كل تجربه بتمر بيها بتخلي نفسك المستقبليه تعرف هي عايزه ايه أكتر.. نورا وعلاقتها ب أيمن أتبني جزء كبير منها علي التفاهم ولغه الحوار ان ممكن في اي وقت حد يقول الحقيقه الي هو حاسس بيها وبيتهيائلي ده الي كلنا عايزنه اننا نتفهم قبل مانتحب ... الحب جزء من كل يعني ماينفعش نحب وبس لا لازم قبل الحب التفاهم الاحترام لغه الحوار الموده الرحمه التعاطف الحنيه المسؤلية تجاه شريكي واخرهم الحب لانه صوره متمثله في كل دول انما حب لوحده ومن غير اسباب معلومه ده مش حب وبنضحك علي نفسنا لما نقول بحبها مش عارف ليه ..لو مش عارف ليه يبقي انت مش بتحبها وهي كمان نفس الشيء ولا عارف تتحمل مسؤليه زي دي بردو يبقي مش ناضجين كفايه عشان الارتباط الحب كلمه بحبك نفسها مسؤليه مش بتتقال وخلاص دي بيندرج تحتيها معاني كتير....
اختلف مع الكاتب من وجه النظر الجنسية لأن مش هو ده الي خلقنا بس من أجله انا فاهمه انها وجه نظر كريم ان حاجه زي دي مش ها تضر المجتمع ان اي اتنين يقيموا علاقه مش هايضر المجتمع في شيء بس انا اختلف معاه لأن احنا خلقنا عشان علاقه الست والراجل تبقي واضحه في اطار مقدس ألا وهو الزواج الي بيحوي علي اركان كتير ..بس طبعا ده كلام مش موجود ف الوجود الناس بتتجوز هنا خصوصا في مصر لهدف واحد وكلنا عارفينه .. انما الرابط المقدس ده أرقي بكتير من الي بيحصل في عصرنا الحالي والي ماعدش حتي حد بيفهم يعني ايه جواز وليه بنتجوز وايه الاسباب الي بتخلينا ناخد خطوه زي دي في يوم ما... الكتاب حلو وانا شايفه انه بيطرح نقط مهمه ولو هتقروه بلاش نحكم علي الكاتب من خلال نظرته للاشياء لان البعض هيقولك هو ذاكر النظره الجنسيه بشكل مكثف ومالهاش لزمه ماشي ممكن ده رأيك بس خد من الكتاب الحلو وسيبك من الوحش الي معترض عليه.. ريفيو طويل حبتين

[Kⲁrim Hⲁlim · Rating 2 out of 5]

فكر مادي علماني بحت

[Ramy · Rating 3 out of 5]

2.5 من 5
و لعدم وجود انصاف نجوم هتاخد 3 من 5

مشكلتى معا كتابات كيرلس بهجت ...انى بحب له كتبه بس مبحبلوش روايته او اى عمل ادب ليه مش ف صورة كتاب او مقالات
الرواية شبه فيلم اجنبي مش فاكر اسمه دلوقتى فيلم اجتماعى عاطفي فيه كذا قصة حب بين كذا بطل و بطلة ليهم ظروف مختلفة و احيانا قصصهم و علاقتهم بتتقاطع

نجمة من ال 2.5 نجوم دول عشان الاقتباسات ال quotes اللى ف اخر كل فصل
و ال 1.5 نجوم الاخرين عشان الفلسفة و الحبكة

اكتر جملتين مصدقهم فى الكتاب احداهم على لسان الكاتب

"انت معملتش معاها جنس عشان حبيتها انت حبيتها عشان تبرر لنفسك الجنس بدون ما ضميرك يوجعك"
و الاخرى اقتباس

"الاحساس بالرضا يكون عن طريق تقليل الرغبات لا اشباعها "

جربت مرة friends with benefits و كنت مدله - غرقان ل شوشتى زى ما بيقولو -
بس فعلا مكنتش بحبها و جت ال benefits
-ال benefits مكنتش للدرجة التى قد تتصور لمخيلة البعض كانت فى حدود لمسة قبلة ضحكة -
لا دا انا اعتقدت انى بحبها عشان افضل استمتع ب ال benefits
و كانت النهاية المنطقية فعلا زى نهاية كريم و نورا ف الرواية دى

" كنا غرباء ثم اصدقاء ثم احباء ثم عدنا غرباء"
نجيب محفوظ

الكتاب التالى : حكاية غريق

[Maged Safwat · Rating 2 out of 5]

الرفيق سيكو سيكو - كيرلس بهجت
واحدة من طرق تقييم الفن هي عمره ، الفن ده هيعيش اد ايه ؟ و اكتر حاجة بتتحكم في عمر الفن المكتوب هي الغة المستخدمة ، برغم ان استخدام اللغة الدارجة (العامية) بيجلب للكاتب جمهور و شريحة من الناس كبيرة مش متعودة علي القراءة العميقة ، الا ان استخدام العامية بيقصر عمر المكتوب و بعد سنين مش كتير هنلاقي الكتاب ده اندثر و ده يرجع الي ان اللغة العامية بتتبدل مصطلحاتها بسرعة اكبر من اللغة الفصحي و طبعا الجمهور المستهدف من الكتابة بـ العامية مش هيبقي مهتم بكتاب لغته من زمن فات فتقييم الكتاب ده هيقل مع الزمن
عن الكتاب نفسه هو قائم علي اربع شخصيات اساسية في اسلوب روائي بسيط ، فيه شوية تطويل ناتج من محاولة شرح و تبرير المشاعر بلغة فيسبوكية بس "شغال" ، الكاتب كان دبلوماسي جدا لما قدم مفاهيم شرقية بحتة الي فئة المتحررين المعارضين للمفاهيم دي وقدمها ليهم بلغتهم ، جايز المفاهيم دي هي اعتقاد الكاتب فعلا و جايز يكون كان مجبر علي الدبلوماسية دي علشان يقدر ينتج كتاب بمحتوي جنسي في مجتمع شرقي
الفكرة كويسة و تباين وجهات النظر للرواة مقبول و النهاية المفتوحة اللي تخلي القاريء يتمني ان كريم و سارة يتجوزوا هي لعبة الكاتب اللي تخلي المفاهيم الشرقية اتسللت لعقل القاريء من غير ما يحس و تنجح الدبلوماسية
تقييمي له 2 / 5

[Maha Moustafa · Rating 4 out of 5]

حبيت فكرة الكتاب ومناقشة الموضوع بعقلانية
وأن الكتاب كان في إطار حوار وشبه رواية مش مجرد كلام علم نفس وفهم للنفس البشرية من خلال الجنس والحب.

[محمود راضي · Rating 2 out of 5]

أكبر مشكلة واجهتني مع هذا الكتاب -رغم حبي ومتابعتي لما يكتبه كيرلس بهجت- أنه كتاب شديد الارتباك ولم يحدد أهدافه بوضوح منذ البداية: هل كان كيرلس يحاول صياغة رواية على النهج الهيبتاوي -نسبة إلى رواية هيبتا لمحمد صادق- يحاول من خلالها سرد رؤاه عن الحب والجنس؟ أم أن العكس هو الصحيح، وهو أنه أراد أن يجعل من كتابه هذا تأملات شخصية في الحب والجنس مقدمة عبر شخصيات مجسدة في هيئة أمثولات؟ هذا الارتباك هو ما أفقد الكتاب بوصلته تمامًا.

مشكلة أخرى في الشخصيات اﻷربعة التي يتحرك الكتاب من خلالها، وهى أن جميعهم يتحدثون بنفس النبرة ونفس اﻷفكار ونفس "التون"، متحولين إلى مجرد صدى لكيرلس نفسه ورؤاه عن الحب وليس ﻷنفسهم.

[Peter Ramsis · Rating 3 out of 5]

الكتاب هيخليك تفكر بصوت عالي مع نفسك وممكن تختلف او تتفق مع الكلام والرسايل. عجبني الاقتباسات الموجود فى الكتاب

[Eman Abdelnasser · Rating 1 out of 5]

ما كفاية خروج بره الصندوق بقا يا دكتور كيرلس ،الحقيقة انا كنت قرأت التجربة الفكرية وعجبني وقتها ،يمكن علشان كده لسه عندي أمل ألاقي عند الكاتب كتاب تاني يعجبني ، كمان بحتاج كتاب خفيف وسط الكتب التقيلة وعندي فضول اتجاه تفكير الناس فبتشد للكتب اللي الكاتب بيحط فيها أفكاره حتى لو بختلف معاها ،بس الكتاب سيء أفكاره وشخصياته بتشجع ع الفساد ،مينفعش نعيش من غير قيم وأخلاق تحكمنا ،الحقيقة لما عيشت أفكار الكاتب في شخصياته أشفقت عليهم من عدم وجود القيم في حياتهم وقد ايه هم تايهين وتعبانين ،الحياة الشهوانية من غير حدود مش مريحة والتحرر من كل القيم مش مريح ،الكتاب افكاره كلها فساد في فساد وحتى اللغة والحبكة بتاعت القصة ضايعين والشخصيات سطحية جدا بس ده ميمنعش ان اللغة البسيطة دي موجهة لفئة صغار السن اللي غالبا هيتأثروا بأفكار الكتاب بطبيعة عمرهم ودي مصيبة ،باختصار الكتاب بيشجع ع العلاقات القايمة على الجنس بس من غير جواز ،وبيشجع على العادة السرية والدعارة وان من حق كل حد يلاقي اللي هو عاوزه ومينفعش نحجر على حد ! وأنا منظومتي القيمية مبتقبلش بالاختلاط أصلا فشتان بين منظومتي وافكار الكتاب.

[Mekky · Rating 2 out of 5]

300 صفحة من حوارات شباب تويتر و مجتمع وسط ناو

[Asmaa Hassan · Rating 4 out of 5]

في قعدة واحده الكتاب بيخلص !
ايه الجبروت دا يا كيرلس
وانا بشتري الكتاب بقلب فيه لقيت ناس بتكلم بعض ، قولت ايه دا هي رواية ؟
قلبت في الغلاف ملقتش مكتوب رواية !
لما خلصته وبكتب الريفيو مبقتش عارفه أكتب دا كتاب ولا رواية ولا ايه حيرتني :")
الحقيقة موضوع الكتاب صادق وحي
كلام كيرلس عن الحب دايما بيعجبني
الحب أسمى من إني أحصره في علاقة أو موقف أو كلمة
الحب حالة بتترفع عن كل ده
الحب جماله في إنسانيته ، في جوهره
الحب من أجل الحب
أنا بضحي في الحب عشان الحب يعني تضحية
أنا بتعامل بلطف وبخاف على اللي بحبه عشان هو دا الحب
من غير ما استنى مقابل
ودا هياخدنا لنقطة الاستنزاف العاطفي
حاجه جميلة كيرلس بيركز عليها دايما في كلامه إن انت لما تاخد موقف إنساني أو تعيش حالة إنسانية بتترفع فيها عن المواقف والاحتياجات الشخصية ..
خليك اد قرارك ، ما انت هتاخد قرار تضحي يبقى هتتحمل نتيجة التضحية دي والحب بريء من اختيارك الغلط للشخص اللي بتضحي عشانه
لو عايز تعيش الحب يبقى لازم تتقبل إنك هتضحي ، إنك احتمال تستنزف عاطفيا
ف بإيدك من البداية إنك تختار الشخص اللي هتحبه ..
في الكتاب ، جميلة نقطة إن الحب بيكون قرار نابع من العقل قبل ما ينجرف ورا المشاعر
محدش هيحب حد إلا لو عقله أطمن إن الحب مع الشخص دا هيفيده
الشخص دا هيديك أمان .. هيحسسك بوجودك .. هيخليك دايما شباب
الكتاب رحلة لاسكتشاف الحب، بيعرض وجهات نظرنا كلنا في الحب والأجمل إنه بيأكد على إن دي وجهة نظر الشخص مش مشاعره !
يعني الشخص اللي فضل يقول إنه شايف إنه اللي عمله مع شخص هو دا فلسفته في الحب ، فهو مجرد "شايف" مش شرط أبدا اللي هو "شايفه" دا يكون بالضرورة الي هو "حاسه" او اللي معاه في العلاقة "حاسه"
الكتاب مربك والآراء فيه متشعبة والجميل في الآخر إنك مش هترسى على بر
مقدرش أحدد فلسفتي في الحب ، أو يمكن هي دي فلسفتي إن الحب ملوش ملامح أو الحب بيظهر بصور مختلفة متقدرش تحطه في حاجه محددة
ووقت ما نحس بالاستنزاف العاطفي أو إن اختيارنا كان غلط بعد ما نتحمل نتيجة غلطنا ونتقبلها ونعترف بالخطأ ولا نحمل الحب نتيجة فشلنا ، وقتها نقدر ننسحب من حالة الحب
بس مش هنقدر نكره الحب !
فترة الحب اللي مرينا بيها كانت جميلة ومش مهم اتحبيت زي ما حبيت ولا لا
قد ما المهم اني حبيت واني عيشت الحب
ودا هياخدنا لنقطة الأنانية في الحب اللي اتختم بيها الكتاب
لما بنحس بشعور الحب ونكتشف اد ايه هو جميل ممكن نوصل لإننا نبقى أنانيين ودا غلط لأنه مرهق للطرف التاني
المرحلة الأعلى والأسمى في الحب هي إني أحب الطرف التاني لدرجة أتمنى سعادته ورضاه سواء كانت معايا أو لأ .. أتمنى وأحاول من أعماق قلبي أخلي الشخص دا عايش بعواطف دافية كلها احتواء وهدوء .. عايش بعاطفة أعمق .. بيشتغل بحب ، بيفرح بحب ، بيزعل حتى بحب !
ولما نلاقي الشخص اللي بيقدر احتياجاتك في الحب وشايفك مهم لحياته وتكون بتبادله نفس المشاعر ونفس الصدق في الرغبة في تلبية احتياجاته في الحب والعلاقة ومؤمن بأهميته في حياتك .. فهو دا أعظم شيء ممكن تحصل عليه في حياتك ..
ال quotes الل بين الفصول جميلة جدا

تقيمي للكتاب ٤ نجمات لأني لسه مصرة على رأيي إن لو الكتب باللغة الفصحى كانت هتكون أجمل ..

[MeRaZ · Rating 2 out of 5]

النجمتين للاقتباسات 😅

[Hager Moharram · Rating 4 out of 5]

I never expected to absolutely love this book that much. Many ppl recommended the writings of the author as He is known for being a satirist and a comedy writer. But after reading this book I believe he is much more and there is more than the eye beholds.
I identified in various aspects with the female characters, the philosophical monologues were written beautifully. The author managed to strike the balance between the internal monologues, philosophical ideas and the storyline.
There was humor but I truly loved his approach towards such a sensitive topic here in Egypt and which we can safely say most ppl treat it as a taboo.
The author doesn’t dictate a certain belief or a set of beliefs but explores and analyzes them. Many of his ideas I believe in and I truly appreciate that he decided to speak about it.
The book is amazing despite the grammatical and punctuation errors which in any book might trouble me but because the book was written via colloquial Arabic it didn’t affect very much the flow of reading
Definitely recommend it

[Fatma Mahmoud · Rating 3 out of 5]

كتاب جميل جدا ف رأيي،،انا من متابعي د كيرلس بجهت ومعجبينه ،،أراء تحترم وضحلي صور كتير وتفسيرها عن الحيوات العاطفية المختلفة وتشابكها مع الجنس ،،استمتعت بالحوار بين الابطال كريم ونورا ،،وسارة وأيمن كتير..اخر الكتاب عرفت ان الكتاب من ٢٠١٩ ..بالتوفيق ديما يا د كيرلس..سمعته ع منصة ستوري تل ..لو له كتب تاني هناك هكملها ..زمان كنت مشترية له كتاب التجربة الفكرية لروح أمه وكان عاجبني خالص مقالاته بالذات عن سندريلا واخد مني زميل بقى اخصائي اطفال ف القاهرة ومشوفتهوش تاني من أيام التكليف والوحدة الصحية من ٢٠١٤ ياه ذكريات ،،فاكرة انه عجبني ولو اتيحت لي فرصة اشتريه تاني او اي كتب لكيرلس مش هتردد ..بالتوفيق يا صديق

[أحمد الكيلانى · Rating 2 out of 5]

حسنا ، كيرلس بهجت قال كل ما عنده فى كتابه التجربة الفكرية لروح أمه ، غير ذلك مجرد عبث فى عبث ولكن بدرجات ، كيرلس بهجت يملك الموهبة بالفعل وعنده بذرة الكتاب الجادة ولكن فكرة إنتاج كتاب كل سنة تجعل الكتاب يخرج مهلهلا ، فلا تعرف هل هو رواية أم آراء لكيرلس نفسه ، ايضا عبثية الأفكار والتى هى مجرد خواطر له على لسان الشخصيات ، وإصراره على تفسير كل موقف للشخصيات على لسانه هو ، كيرلس يحتاج وقت كى يفكر فيما يريد أن يقدمه بالفعل وليس مجرد التواجد واستثمار نجاح كتابه الاول دون تقديم شىء حقيقى ، سأفكر كثيرا قبل قراءة أى شىء آخر له

[Dee · Rating 4 out of 5]

عجبني جدا بس كان محتاج شويه ترتيب
الرسايل فيه غير مباشره ومخفيه
وسايب القرار لوجهة نظر القارىء انه يحدد اكتر مين صح ومين غلط او بالمعني الاص�� انه سايب الغلط و الصح نسبي
بس أكد ان الي حصل مابينهم مش غلط ودى وجهة نظر الكاتب طبعا وتحترم
انما احنا ممكن منقيسش بالمقياس ده لكن انا معاه جدا .. حريتهم الشخصيه ومينفعش حد يتعداها حتي هما نفسهم بعد انتهاء العلاقه
افضل كتييييير من بيضه مان لكن العامي مش اقوى حاجه
المجمل هو بيخاطب المجتمع العادى مع ان لغه الكاتب تمكنه من كتابه كتاب عربيه فصحي ذو اطار فلسفي عميق
عجبني
٤ نجوم للواقعيه والرسايل المخفيه

[Nihal Sharaf El-Din · Rating 1 out of 5]

كنت هقدر جدا لو الكتاب بيتكلم عن الصحة الجنسية بأسلوب ساخر، ويكون الكاتب قصده توعية أكتر من كدا، مش فاهمة ليه friends with benefits اتقالت كتير جدا؟! أي تجاوزات بتحصل بين اتنين مش معناها انهم صح حتى إن كانت بدافع الحب والمشاعر، الدين والعادات والتقاليد اللي في المجتمع مش حاجة ينفع يتم تجاهلها بالأخص الدين؟ انت مش جاي تسأل ربنا ليه يا رب المفروض اتجوز الأول عشان أمارس شهوة انت خليتها فيا من الأول!! أنا حقيقي مش فاهمة الكاتب كان عايز يوصل لايه لما كتب كتاب زي دا!

[Eman AbdElNafia · Rating 3 out of 5]

كتاب لطيف وخفيف جداً خِلص في قاعده من كتر جماله ..

انا من محبي كيرلس بهجت من زمان جداً من ايام ما كانت كتاباته مجرد بوستس والحقيقه هو من احد اهم الاشخاص اللي مخليني لسه موجوده علي الفيس بوك ..

كتاب بيتكلم عن العلاقات والحب والصداقة والجنس بسلاسة ممتعه ، بتكتسب كم معلومات لا بأس به بأسلوب عامي بعيد كل البعد عن الابتذال ومن غير ارهاق ..

كتاب كنت محتاجه افصل بيه عن الكتب المعقدة اللي باقرأها من فتره 😅

حقيقي مبسوطه بيك وابهجتني فعلاً ❤️

[Gehad Alaa · Rating 2 out of 5]

انا متفاجاءة نوعاً ما من الكتاب.. انا بحب كل كتب كيرولس بهجت و الي خلاني اشتري الكتاب عشان بحب كتاباته، بس الي ضايقني ان نوعية الكلام المره دي ماضفتش اي جديد حسيت اني ممكن اكتسب الكلام ده من فلم اجنبي اسمه friend with benefits ،، يمكن الحاجه الوحيد الي عحبتني هي ان الكاتب ف الاخر خلي نورا تفكر بعقلها و كسبت ف الأخر .. بعد كده كان نفس الاقي حاجه جديده تلفت نظري حتي وصف علاقة كريم بنورا ف بنشوفها كل يوم قدمنا.. بس يُحسب للكاتب إيضاح دور الصداقه بين كريم و سارة

[Chaima ♡ · Rating 3 out of 5]

في الحب لا تتوقع شيئا .

[قسمت خالد · Rating 4 out of 5]

خلصت الكتاب ده ف قعدة واحدة كام ساعة..
حلو على فكرة.. ومهم وعميق - بخلاف الاسم😂-

[Marian · Rating 5 out of 5]

Amazing

The author succeeded in portraying the depth and the complexity of the human feelings in relationships. It was a very easy read.

[Noha · Rating 3 out of 5]

3.5
It is a deep read; very thought-provoking.
وجهة نظره عن الحب- بعيدا عن حب الأفلام أو الحب اللي احنا فاكرينه مثالي- جديدة عليا.

[Mina Habib · Rating 2 out of 5]

* عدم الحسم:
طريقة سرد الكتاب قائمة علي مجموعة حوارات بين الشخصيات اللي خلقها الكاتب و اللي احنا بنتفرج علي الحوارات اللي ناتجة عن تفاعلهم و تبادل آرائهم مع بعض في مواضيع معينة. و ده خلي الكتاب يظهر كأنه مجموعة من وجهات النظر من عدة مناظير علي حسب كل شخصية. و ده خلي مافيش conclusion الكاتب بيوصل بعض الحوارات و التفاعلات بين الشخصيات و بالتالي مافيش رأيي معين أو منظور معين باين إن الكاتب بيفضله عن الباقيين ومن هنا بقي يأتي احساس بعدم الحسم. في حين إن إحساس عدم الحسم ده بيعطي انطباع آخر و هو فكرة إن مافيش صح و غلط و إن احنا جايين في الكتاب ده علشان نتفرج علي المناظير المختلفة للشخصيات المختلفة -اللي عددهم محدود بالشخصيات اللي خلقها الكاتب - في المواقف و المواضيع المختلفة - اللي بردو الكاتب حددها في شوية مواضيع.

* مش هتحس بيه:
الكتاب بصراحة page turner لدرجة إنك مش هتبقي مصدق كمية الـ progress اللي بتعمله في كل جلسة قراءة. اللغة العامية المستخدمة خلت الكتاب more friendly و خففت من وطئة الموضوع و المفاهيم اللي الكاتب بيحاول يناقشها.

* جرأة بس مش لآخر الخط :
ما فيش كلام إن بدايةً من عنوان الكتاب و مروراً ببعض الأفكار اللي اتطرحت و اتناقشت - الأفكار الخاصة بالسيكو سيكو - بتحمل نوع و قدر لا بأس به من الجرأة و لكن الكاتب ماقدرش أو خاف أو مش حابب أو لأي سبب من الأسباب ماقدرش يأخد المواضيع اللي طرحها في الكتاب و المتعلقة بالسيكو سيكو لآخرها. فقرر إنه يأخد الجنس و العلاقة الجنسية ككتلة واحدة و يتكلم عن علاقتها مع الحب و العلاقات الإنسانية في العموم و لم يتطرق مثلاً للأثر النفسي للشخصية أو المحيط العام بالعلاقة الجنسية. لم يتطرق مثلاً لأفكار مهمة زي الاغتصاب الزوجي أو زي مثلاً الابتزاز العاطفي - نظام لو بتحبني هتعمل اللي أنا عاوزه - الكتاب حاول يبين أنماط الناس في العلاقات العاطفية بس ماحولش يتطرق لمدلولات التصرفات و الأنماط للتصرفات في وقت العلاقة الجنسية لكشف معلومات عن أنماط الشخصيات زي مثلاً العلاقات اللي فيها سيطرة أو عنف أو حتي ممارسة جنس عنيفة و كون ده تفريغ للضغوط المجتمعية.

* البداية غير المشجعة:
الكتاب ده تحسه عامل زي العلاقات الانسانية عموماً في البداية نقدر نقول تلت الكتاب الأولاني هتحس إن الكتاب ده آخره يقرؤه teenagers و لكن لما بتكمل الموضوع بيتعقد و هتتحول علاقتك و رأيك في الكتاب لـ it's complicated .

* الكتاب فعلاً محير في تقييمه في العموم مش هتقدر تقول عليه وحش و في نفس الوقت مش قادر تقول عليه جيد جداً، مش هتقدر تقول عليه غامض و غير واضح و في نفس الوقت بتواجه شئ من الصعوبة و أنت بتستخلص الأفكار، مش قادر تقول إن أغفل جوانب كتير و فيه حاجات مهمة لم يتعرض ليها و في نفس الوقت مش قادر تنكر عليه شجاعته في طرق الموضوع أصلاً و توضيح مفاهيم كتير

[wafaa ateya · Rating 4 out of 5]

من نادرا لما اخلص كتاب ابقي نفسي اقراء تانى من الاول لان ببقي عايزة اعيش تفاصيل بتاعتى من تاني
كيرلس يستحق فعلا لقب ان كاتب بامتياز كمان

[Hany Mohamed Ali · Rating 4 out of 5]

من أكتر المواضيع المعقدة فحياة البشر وخصوصا حياة العرب وواخده حيز كبير من تفكيرنا هو الجنس وبرغم إنه واخد حيز كبير من تفكيرنا لكن دايما رافضين الإعتراف بيه وبنتعامل معاه علي أساس إنه شئ تافه ومنحط ومجرد مناقشته رذيلة
وكل شئ مبيظهرش للنور دايما مبيبقاش فيه مجال لإصلاحة أو تقوميه

الكتاب ده بيناقش إضطرابات العلاقة اللي ممكن تكون رومانسية بشكل مبهر بس هدفها الأساسي الجنس أو الجنس الصريح اللي هدفه الأساسي إحتواء واحتياج نفسي
وعمر الإنسان ما حينجح ففهم علاقته ولا شريكة الا لو فهم اولا نفسه ودوافعه وفهم معنى الحب وفك التشابك بين الحب والجنس وحطهم فمكانهم الطبيعي بدون مغالاة او تهميش

الكتاب إسلوبه مختلف ونقدر نقول انه كتاب وروايه فنفس الوقت واحداثه بتدور علي أربع شخصيات ( نورا ‘ كريم ‘ أيمن ‘سارة) اللي فالغالب هما نسخ مننا علي ورق

مع الشخصيات دي حتعرف يعني إيه حب ويعني إيه علاقه وازاي وليه بنبتدي أي علاقه وليه بننهيها

الكتاب جميل جدا وبيقدم نوع من الثقافه اللي واقع مجتمعنا فعلا محتاجها وبأسلوب بسيط رغم ضخامة الموضوع

[Abanop Adeep · Rating 4 out of 5]

انطفاء الشغف للقرائة بالنسبة لي شيئ بكرهه جدا
خصوصا لاني عاشق للروايات والكتب
رجعت المرة دي وقلت لازم اقرا لاحد الكتاب المفضلين عندي دكتور كيرلس بهجت
واحاول يمكن الشغف يرجع
العنوان شدني اوي وقلت ليه ما اقراش كام صفحه وبدأت
١٠ صفحات بعدين ٤٠ وصلت ل١٥٠ وبعديها ٢٥٠ وبعدها ٣٠٣ صفحه ف جلسه واحده من الحماس والاثاره اني اكمل الرواية
حرفيا انا كنت بداخل الروايه
بعيش الاحداث حقيقي
يمكن اني مقبل علي الحياة الزوجيه الكتاب شدني اكتر وكان تركيزي ١٠٠٪
انا بحاول اجمع اذاي حد بيكتب افكاره ونظرته للجنس والزواج والحب بالطريقة دي وبيوصلها بكل أريحيه للقارئ
انا استمتعت بالكتاب جدا جدا
والريفيو دا كاتبه بلغتي العامية ذي ما الكتاب مكتوب برضه
عشان حاسس اني منطلق كدا ومتحرر انا وبكتب الريفيو عن الكتاب الجميل دا