تصحبي على خير: رسايل من عاشق لحبيبته

by عمرو حسن

مجموعه من الرسائل بين مُحب وحبيبته والعكس، إضافة إلي بعض النصوص المعروفه في ذات السياق ( أنا مش كداب . ميم ، قصيدة ماكتبهاش نزار ، تقابليني ، كما يليق بوردة ) ونصوص غنائية لم تُنشر من قبل ،

Genres: Poetry

215 pages, Paperback

Published January 1, 2020

Reviews

[AhmEd ElsayEd · Rating 1 out of 5]

متي في وادينا الطيب ظهر هذا القدر من مدعي الشعر!
كيف نٌسب هذا الكلام غير المقفي غير الموزون زورا وبهتانا للشعر!
لم يصل حتى لمستوى قصائد التراث الشعبي
ألا يخجل هؤلاء من أنفسهم!
ألا يخجل أصحاب دور النشر من طباعة هذا السخف!
لن ألوم جمهور وقراء هؤلاء، ولن امارس وصاية فكرية عليهم
لكن يمكنك بسهولة معرفة المرحلة السنية والفكرية لهؤلاء من قراءة تعليقاتهم
غدا يعلمون، غدا يندمون، غدا يتعلمون

[رضوى أحمد عيد · Rating 3 out of 5]

البذرة صُدفة والفروع علاقات"
بالتالي ياحضرات
لا تُهملوا الخطوات أو تمشوا مش شايفين
"هتدوسوا على علاقات وبواقي بني آدمين

فضلت أقرا"
فضلت أرجع
شهور وأيام
كلام متقال كأنه النار في كومة قش
"رصاص طالع من الشاشة لقلبي الهش

هتوحشني -"
❤ "وحشتي القلب من دلوقت -

[محمد الحويف · Rating 1 out of 5]

هذا الشئ لا يصلح إلا -و أعتذر عن اللفظ- لشقط بنات ثانوي.

لا يمت للشعر بصلة.
الكتاب دا لو ضاف حاجة لعمرو حسن هتبقي شوية فلوس في البنك، غير كدا مفيش أي حاجة.

يمكن عمرو حسن عمره ما كان أحسن حد بيكتب شعر في جيله، ولا حتى من أحسن تلاتة مثلًا، بس كان مُختلف، كان عنده موسيقا خاصة بيه تعرف إن الجملة دي كاتبها عمرو حسن، كان بيعُك كتير وسط القصيدة بس بيجي في الأخر يقفلها قفلة مبهرة أحيانا بتخليك تنسى العك اللي في النص، بس للأسف هنا مفيش موسيقا، مفيش قفلات مبهرة، مفيش أي حاجة.
حقيقي زعلان يا عمرو، خسارة.

صحيح، التضاد بيكون حلو فعلا لإظهار المعنى، بس دا مش معناه إن كل كلمة تكتبها تيجي بعكسها بعدها

[Ahmed Adel · Rating 3 out of 5]

الديوان فيه قصايد حلوة قوي وفيه قصايد أي كلام، وده طبيعي..
ما عجبتنيش قصايد تايتنك خالص..
فيه شوية قصايد مش كتير موزونين حلو قوي والموسيقى فيهم تحفة، بس الأغلب في الديوان قصايد مش موزونة وفيها معاني أي كلام الصراحة..

[دينا جمال بدر]

بحب كتابات عمرو حسن والقاءه .. ما شاء الله

[آلاء العبيري · Rating 3 out of 5]

ريفيو لديوان "تصبحي على خير"، للشاعر عمرو حسن.
*********************************************************
يتكون الديوان من 23 قصيدة في 215 صفحة.
****من المميزات في الديوان:
1- وجود قصائد في غاية الروعة من حيث الوزن والتشبيهات، ومن أفضل القصائد بالنسبالي (وحشتيني 2، منِّي ليها 1، منِّي ليها 2، أنا مش كداب، قصيدة ماكتبهاش نزار، ميم، منها ليَّا 6، ماخبِّيش عليكي، تقابليني، منها ليَّا 7)
2- وجود تشبيهات قوية وفارقة، ومن أفضلهم بالنسبالي:
- "أنا جايب بُكرة أتفاوض بيه
على حصة وجعك في امبارح".
- "اتنين ف واحد يعملوا المشهد
أشهد بإني كنت من غيرك
مفتاح يتيم الباب
بيتمسك ساعة دخول الوقت وبعدها يتساب
واحد حضوره غياب"
- "كان هو لوحده بيتمشَّى مغرَّب وحزين
ومعاه أصحابه اللي تملِّي بيكْملوا عشرين
أصحابه سجايرُه اللي مابينهم حزن ونيكوتين".
- "إياك تظن الخد ناشف نبقى عال
إحنا بنمحي دمعنا زي البيوت ف الهجرة مابتمحي العزال".
- "الحضن نقل المواجع من مكان لمكان
من غير ما يتكسر شيء انتقل بينهم".
- "رنة ضحكتي على وضع سكوت
وعياطي تملِّي بيتأخَّر".
- "أنا التقاء الوجع بالصبر ف مراية".
- "ما أقدرش أبُص لفوق
أزرع جناين سجاير وسط باكو لبنان
وأخبي نفسي وحلمي وريحة الدخان".
- "دول الاتنين اللي المفروض يبقوا عيالنا
لكن مابقوش علشان دايمًا
نشطُب مشروعهم بشروعنا ف تطويل البُعد".
3- يحتوى الديوان على حوالي 5 رسومات جيدة ومعبِّرة عن حالة القصائد.
**** من عيوب الديوان بالنسبالي:
1- فيه تفاوت شاسع بين القصائد؛ إذ يوجد قصائد ضعيفة وقصائد قوية، وهذا التفاوت جعلني أشعر أن النصوص كتبت في أوقاتِ متفرقة بينهم مدى واسع من المهارة.
2- وجود صفحات فارغة بشكل مبالغ فيه وكتابة عدد شطور غير متوازية في الصفحات بما يجعل صفحة تبدأ من منتصفها وأخرى تملأها الشطور، وكأنه أمر مُتعمَّد لاكساب الديوان عدد صفحات أكثر؛ حين يمكن أن يكون الديوان إذا عمدنا إلى حذفت تلك المسافات الفارغة أن يكون عدد صفحاته في حدود 150 صفحة فقط.
3- كنت أفضل أن تكون الهواش الداخليه والقصائد التي تحمل أرقام لاتينية مرقمة بتسلسل واضح داخل الديوان ولها عناوين فرعية أو تنسيق خاص يوضِّح فرعيتها أكثر من ذلك.
تقييمي للديوان:
3/5
وربما كنت أتوقع من الديوان إبهارًا أكثر من ذلك، لكنه لا شك تجربة جيدة.
#آلاء_العبيري

[My Novels · Rating 5 out of 5]

كتاب:تصبحي على خير💙
الكاتب:عمرو حسن
هو ديوان يحتوى على مجموعة من القصائد وهم عبارة عن 9 رسائل من عاشق لحبيبته والعكس ومنهم قصائد معروفة للشاعر عمرو حسن مثل (وحشتيني2، انا مش كداب، قصيدة مكتبهاش نزاز، كما يليق بوردة، تقابليني)والبعض الاخر كُتب لأول مرة 💙
....
طبعا عمرو حسن أفضل شاعر بالنسبالي والوحيد، والديوان لا يفرق شئ عنه وهو بيلقي الشعر انا بقرأ وكأني سمعاه هو اللي بيلقيه حاجة تحفة أكتر حاجة حبتها الرسومات اللي موجودة والهامش اللي ف أخر كل قصيدة وفي بعض القصائد محبتهاش أوي لكنه ديوان جميل جدًا❤️
عدد صفحاته:215 صفحة
تقييمي:9من10❤️
اتمنى لكم قراءة ممتعة❤️❤️

[Sarah · Rating 1 out of 5]

فيه حالات كتيرة من العياط غير العياط بدموع..
زى العياط بالانعزال..
فض المجال والبُعد عن وهم الجدال..

[Toqa Maher · Rating 5 out of 5]

بجد الكتاب جميل جدا جدا

[Ola Aboallel · Rating 2 out of 5]

فقط البعض من القصائد اعجبني
ديوان بسيط وحلو

[نورا نورالدين · Rating 2 out of 5]

القليل فقط يعلق بالذهن

[Ahmed Abdelsattar · Rating 4 out of 5]

تصبحي على خير لعمرو حسن
الكتاب عبارة عن ديوان شعر واضح و سهل المعاني

[Hager Hamdy · Rating 1 out of 5]

متأكدين إن ده شعر ؟؟

[Maryam Hany · Rating 1 out of 5]

أول مره ادى كتاب نجمة واحده وان كنت حقيقي شايفاها كتير ..
كتاب ملوش اي علاقه بالشعر وكلام غريب غير مترتب

[Marvy Eskander · Rating 5 out of 5]

متحيز لكتابة وإلقاء عمرو حسن!

[Rania Rayan]

كتاب حلوووو اووي ...وعمر حسن اعظم شاعر 😍😍

[Mirna Rashad]

شعر عامية غير مفهوم!

[مريم سيد · Rating 4 out of 5]

ممتع جدا،في طابع حزين لكن فيه قصائد كتير مفضلة زي تصبحي ع خير و أنا مش كداب ..يستاهل القراءة

[إيمان · Rating 1 out of 5]

نجمة وحيدة للغلاف ...

[Moaaz Mousa · Rating 1 out of 5]

متى أزهر في وادينا كل هذا العبط ؟
مقدرتش اكمل ٢٠ صفحه إلا وأنا بضحك
أسف لكل معجبين عمرو حسن وكل بنات اعدادي

[خالد عبد · Rating 2 out of 5]

عمرو حسن من أهم الشعراء الشباب حاليا و من أنجحهم و كنت متوقع أكثر منه و بالنجاح والتوفيق فى الديوان القادم

[Radwa Eid · Rating 5 out of 5]

تحفهه كما هو متوقع من عمرو حسن♥️