مصر المصرية بتغنى

by فؤاد حداد

شمر دراعك انت حى وصانع الفين سنه وبانى الهرم والجامع تشقى الشقا وتركل الموانع تنهض تخلى الصخر ناطق وسامع والخد مابتجريش عليه المدامع والصدر زين الأمهات والمراضع ودراعها فوق الكل عالى ورافع الطرحة بيلاقى النهار الطالع والشمس دايما شمس فوق الزارع

Genres: Poetry

244 pages, Paperback

First published January 1, 2002

About the author

فؤاد حداد من أبرز شعراء العامية في منتصف القرن العشرين، فهو المؤسس الحقيقي لشعر العامية الملحمي في مصر، وكان دائما ما يعرف نفسه قائلا: أنا والد الشعراء فؤاد حداد. أطلق عليه كذلك فنان الشعب، حيث استلهم من الشعب المصري، عدد من الملاحم التي كتبها، مثل أدهم الشرقاوي.
ولد فؤاد سليم حدٌاد بحى الظاهر بالقاهرة، والده سليم أمين حدٌاد ولد في 5 يونيو 1885 في بلدة 'عبية' بلبنان في أسرة مسيحية بروتستانتية لوالدين بسيطين اهتما بتعليمه حتي تخرج في الجامعة الأمريكية في بيروت متخصصا في الرياضة المالية ثم جاء إلى القاهرة قبيل الحرب العالمية الأولي ليعمل مدرسا بكلية التجارة­ جامعة فؤاد الأول ­ ويحصل علي لقب البكوية وعندما تنشأ نقابة التجاريين في مصر تمنحه العضوية­ رقم واحد، وما زالت كتبه وجداوله تدرس باسمه حتي الآن.
أما والدته فهي من مواليد القاهرة في 19 يونيو 1907م جاء أجدادها السوريون الكاثوليكيون الي مصر واستقروا فيها وولد أبواها في القاهرة. أبوها من عائلة أسود التي جاءت من دمشق الشام وأمها من عائلة بولاد من حلب، وفي المعتقل تحول "فؤاد حداد" إلى الإسلام.
تعلم في مدرسة الفرير ثم مدرسة الليسية الفرنسيتين، وكانت لديه منذ الصغر رغبة قوية للمعرفة والإطلاع على التراث الشعري الذي وجده في مكتبة والده، وكذلك على الأدب الفرنسي من أثر دراسته للغة الفرنسية. اعتقل فؤاد حداد عام 1950 لأسباب سياسية، ثم عاد واعتقل مرة أخرى عام 1953.
نشر حداد ديوانه الأول "حنبني السد" بعد خروجه من السجن عام 1956، واعتقل مرة أخرى عام 1959 لمدة خمس سنوات، وخرج ليكتب في شكل جديد لم يكن موجودًا في الشعر العربي، وهو شعر العامية فكتب أشعار الرقصات مثل "الدبة" و"البغبغان" و"الثعبان" وغيرها.
كتب "المسحراتي" لسيد مكاوي 1964 وكتب له البرنامج الإذاعي "من نور الخيال وصنع الأجيال" 30 حلقة عام 1969 والذي كانت أغنية "الأرض بتتكلم عربي" قطعة منه. أصدر 33 ديوان منها 17 ديوان أثناء حياته والباقي بعد وفاته ولابنه الأكبر هو الشاعر أمين حداد، وهو يعتبر أحد الشعراء الذين خرجوا من عباءة والده مسحراتي الشعراء، وله ابن آخر هو أيمن حداد ويعمل في مجال المسرح.

Reviews

[BookHunter M ُH َM َD · Rating 3 out of 5]

01
الملحمة أخلد من التماثيل
كان حي ما له في الشجاعة مثيل
كان جسم في تراب الوطن مثواه
كان قلب كل المؤمنين جواه
عظم شهيدك كل دم يسيل
على أرض مصرية عظيم الجاه
قول كل حرف في اسمه و اتهجاه
02
مصر يا مصر أنا داير داير
أزرع تاني الأرض بشاير
أزرع تاني الأرض أغاني
قد ما بشقى و قد ما اعاني
ألقى شجر و نظر و معاني
شغل الحق مافيهش خساير
03
ندهه الملك و كان ملك أعظم من العمده
و عيّنه مضحك ولي العهده
و قال له يا ألعب من القرموط
تضحّك الولد أعلّي مراتبك
تبكّي الولد أقطع رقبتك
افهم كلامي و امشي بالمظبوط
والدي الله يمسيه بالخير ماكنش ناقصه
طلّع سلاح أبيضاني و قطع رقبته بنفسه
راح الولد في البكا و أنا والدي مات مبسوط
أنا والدي مات مبسوط
لأنه عكس أوامر الملك
أيام ما كان الملك ملك
و مصروف الأمل مضغوط
04
مافيش أنزه من كده و لا أجمل
عندك مثل أخر عن الحلو يكمل
ده عم بيرم يا أخي فتأمل
هو اللي سابق في مجال الميدان
هو اللي رافع للحواري ديوان
هو اللي قايل قبل هذا الأوان
الفلاحين و الشعب عين أعيان
مجمع فنون القول و مغنى الأدب
و مينتهيش العجب
05
يا مصري يا سيد و أبوك درويش
النيل بيجري و الا ما بيجريش
النيل بيجري و العجل بيدور
و الفجر طالع بالصنايعية
و مصر لازم تبقى مصرية
و كل كلمة تقولها أغنية
و كل أمنية و أمل دستور
06
الشوك يجرّح إيدي و اقيد صوابعي شموع
و أنا اللي تضحك عيني بس لونها دموع
و حسّي هادي و نادي و سندسي و مسموع

[Heba Tariq · Rating 5 out of 5]

دايما لما بقرأ كتاب بحاول أحط المقتبسات التى اعجبتنى
لكن فى الحقيقة
مع فؤاد حداد خاصة
باكون مبسوطة و ا نا بقرأ و أغلب الأجزاء بتعجبنى
ف صدقاً لو أردت ان اضع مقتبس أعجبنى سأضع نسبة لا تقل عن 75% من الكتاب كله

[واضحة السعيد · Rating 4 out of 5]

ده لازم يتقرى بهدووووووء :D
بيقول مثلا :
المصرى أول سيرة للإنسان
إحنا من صخر العزيق والصبر
وإحنا من طل وندى المواويل
زى مااتعود علينا النيل
زى مااتعود علينا العطش
يمكن خطأنا فى الزمن الطويل
كان من سبيل الرحمة والخيبة
يصعب علينا فى يوم نفارق عيالنا
وماجاش فى بالنا ..
زى العرق :الدم يبنى البيوت
ياللى الشقا من ست الاف حبنا
اللى يزرع واللى يصنع خير بيعرف ربنا
واللى يعدل فى نصيب اليتيمة يعرف ربنا
واللى يضرب فى قلوب الأعادى يعرف ربنا
سجدت لله الكريم الهادى
المشي طاب لى
والدق على طبلى
ناس كانوا قبلى
قالو فى الأمثال "الرجل تدب مطرح ماتحب"
♥ ♥

[Omar Elbanouby · Rating 5 out of 5]

كما وعدته، أبدأ اليوم الأول من السنة الجديدة مع أشعاره الرائعة، ورغم أن ما يقرب من ربع هذا الكتاب مأخوذ من الكتاب الرائع "المسحراتي"، إلا أنه زخر أيضًا بالعديد من الأشعار التي جعلتني أتراقص على نغماتها طوال فترة القراءة :)
عم فؤاد كم أنت رائع :)

[محمد الحويف · Rating 3 out of 5]

حسنًا ، لا أحب كثيرًا الشِعر المكتوب في أشخاص بعينهم ! لذا راق لي الجزء الذي تحدث عن الفلاحين والعمال بشكلٍ عام أكثر من الجزء الذي تحدث عن أشخاص مُحددين ، ولكن بشكلٍ عام هي أول قراءاتي لفؤاد حداد ولن تكون الأخيرة إطلاقًا فهذا شاعر موهوب مُتمكن من أدواته الشعرية

[نجلاء سعيد · Rating 5 out of 5]

القلب الأبيض وطن

شمل الأحبه وطن

_وانت وشِعرك وطن

_وأنا بحبك ياعم فؤاد :)

[Mahmoud · Rating 2 out of 5]

مصر بتغني لاعلامها و مشاهيرها و اهلها و ناسها...لطيف

[Donia Yahia · Rating 5 out of 5]

ابونا فؤاد حداد هنا مكانش بس الشاعر.. كان شاعر ومؤرخ وانثربولوجي وحكاء

[Mohamed Hassan · Rating 5 out of 5]

الله عليك يا عم فؤاد ايه العظمه ديه!

[أروى محمد الزريعي · Rating 1 out of 5]

بغض النظر عن عدم انسجامي مع الكتاب، ما هذا التكرار الباذخ والمخل للمعنى والمبنى؟!

[سندس أحمد · Rating 5 out of 5]

أقول لك الحق يا ابني كلنا من الطير
ولولا بين الجناين والشجر ما نعيش
وهدومنا لسه عليها من عيدان العش
يا ميت صباح النعيم
أنا اللي صاحي أهيم
واغني للورد يستاهل صوابعي شموع
بحس هادي ونادي وسندسي ومسموع

[Lio Lio · Rating 4 out of 5]

ديوان جميل .. خاصة القسم الثاني والثالث منه

[Wessam Ahmed · Rating 2 out of 5]

أكتر جزء عجبني اللي بيتكلم فيه عن الصنايعية والحرف والعبد الشاكر

[Islam · Rating 4 out of 5]

أول ديوان أقرأه لفؤاد حداد ، رائع زي ما توقعت.

[Mohamad Mega · Rating 4 out of 5]

reall very fantastic poem ( ketab 3n masr bel she3r el 3amy aw zay ma ba7eb asameeh el she3r el 7alamanteeshy bas to7fa :)......)

[Abdul-rahman Salem · Rating 5 out of 5]

حدّاد، البساطة، الجمال، والروح المصرية الأصلية.

[Ahmed El-Shahawy · Rating 5 out of 5]

عبقري .. هو فعلا مصر المصرية بتغني

[Karim Hikal · Rating 4 out of 5]

بسيط بأناقة ,,
أول قراءاتي لـ فؤاد حداد

[M. Ashraf · Rating 4 out of 5]

فؤاد حداد، مفيش كلام بعد كدا يتقال ... في هذه الظروف اللي بتمر بها البلاد تحب تسمع مصر و تشوف كلامها و شعبها و عظمته مفيش احسن من أشعاره في الموضوع دا :) :)

[Zeinab Hamza · Rating 4 out of 5]

حداد :) اختياري كان صح لما قولت عاوزة حاجة تفصلنى من الدوشة والتوتر وزحمة الأفكار جوايا فببساطته نقلنى معاه لعالم تاني ومبقتش عارفة شوية أغني معاه ولا أقرأ بصوت ولا أتأمل في صمت ^^

[Abdelhakim Ali · Rating 3 out of 5]

الجزء الثالث رائع

[مينا ناجي · Rating 1 out of 5]

فين طلتك في الدقايق تسبق المواعيد / والابتسامة اللي أحلى من السلام بالإيد