കമ്പിളികണ്ടത്തെ കൽഭരണികൾ | Kambilikandathe Kalbharanikal

by Babu Abraham

തികച്ചും പ്രതികൂലമായ ചുറ്റുപാടുകളില്‍ വളര്‍ന്ന നിര്‍ദ്ധനനും നിരാലംബനുമായ ഒരു ബാലന് ജീവിതപ്പടവുകള്‍ കയറാനായത് നിരന്തരോത്സാഹത്തോടൊപ്പം ജീവിതമൂല്യങ്ങള്‍ മുറുകെപ്പിടിച്ചതുകൊണ്ടാണ്. അമ്മയുടെ വാക്കനുസരിച്ച് കരപിടിച്ചപ്പോള്‍ ബാബു തന്റെ പിന്‍ഗാമികള്‍ക്കുവേണ്ടി വെള്ളത്തിലേക്കു തള്ളിവിട്ട ചങ്ങാടമാണ് ഈ ഓര്‍മ്മപ്പുസ്തകമെന്നു പറയാം. ചുറ്റിലും നിന്ന് ലഭിച്ച അവജ്ഞയും അവഹേളനങ്ങളും അവഗണനകളും അവിശ്വസനീയമാംവിധം മറികടന്നതിന്റെ ജീവിതരേഖയാണ് ഈ പുസ്തകം.

Genres: Memoir, Biography, Nonfiction

207 pages, Paperback

Published January 1, 2025

Reviews

[Athul C · Rating 4 out of 5]

Hype കണ്ട് പേടിക്കണ്ട, ബുക്ക് ശരിക്കും നല്ലതാണ് 😅❤️

[Vyshakh TR · Rating 5 out of 5]

വായിച്ച ഓർമ്മക്കുറിപ്പുകളിൽ ഏറ്റവും മികച്ചതിൽ ഒന്ന്.

പ്രതിസന്ധികളെ സ്വന്തം ഇച്ഛാശക്തികൊണ്ട് നേരിട്ട മേരിയുടേയും നാല് കുഞ്ഞുങ്ങളുടേയും കഥ..

വായനയിലുടനീളം നെഞ്ചിൽ ഒരു വിങ്ങൽ അനുഭവിച്ചു വായിച്ച ഒരു ഓർമ്മക്കുറിപ്പ് വായിച്ചപ്പോൾ ഇങ്ങനെ ആയിരുന്നെങ്കിൽ അനുഭവിച്ചവർക്ക് എങ്ങനെ ആയിരുന്നേനെ എന്ന് മനസിൽ ചോദിക്കേണ്ടി വന്ന നിമിഷങ്ങൾ.

ജീവിതത്തിൽ ഒരിക്കൽ എങ്കിലും വായിച്ചിരിക്കേണ്ട ഒരു പുസ്തകം എന്ന് എനിക്ക് തോന്നുന്നു.

പ്രതിസന്ധി ഘട്ടങ്ങളിൽ തളർന്ന് പോവാതെ ആത്മവിശ്വാസത്തോടെ മുന്നോട്ട് പോകാൻ ഊർജ്ജം നൽകുന്ന ഒരു അനുഭവസാക്ഷ്യം.

[Sanuj Najoom · Rating 5 out of 5]

''ചുറ്റും വെള്ളം പൊങ്ങുന്നു എന്നു കണ്ടാൽ, നീന്തൽ വശമില്ല എന്നറിയാവുന്ന നീ പകച്ചു പേടിച്ച് അലമുറയിടരുത്. ആ വെള്ളപ്പാച്ചിലിൽ അവിടവിടെ പൊങ്ങിക്കിടക്കുന്ന മരക്കഷണങ്ങളിൽ പിടിച്ചുകയറി വെള്ളത്തിലങ്ങ് പൊങ്ങിക്കിടക്കണം. എന്നിട്ട് ഓളത്തിനൊപ്പം ഒഴുകുന്ന ശിഖരങ്ങൾ കാട്ടുവള്ളികളിൽ ചേർത്തുവെച്ചു കെട്ടി ഒരു ചങ്ങാടമുണ്ടാക്കണം. കരപറ്റിക്കഴിയുമ്പോൾ ഉണ്ടാകുന്ന ആ സന്തോഷമായിരിക്കണം തുഴഞ്ഞുനീങ്ങുമ്പോൾ നിന്റെ മനസ്സിൽ. തീരം എത്തിക്കഴിയുമ്പോൾ മറ്റാർക്കെങ്കിലും ഉപകരിക്കാനായി ആ ചങ്ങാടം വെള്ളത്തിലേക്ക് തള്ളിവിടണം. മുങ്ങിപ്പോകുമായിരുന്ന ആരെങ്കിലുമൊക്കെ ആ ചങ്ങാടം കയറി തീരമെത്തുമ്പോൾ നമ്മുടെയുള്ളിൽ ഉണ്ടാകുന്ന സ്വർത്ഥതയില്ലാത്ത ഒരു ആനന്ദമുണ്ട് - അതായിരിക്കണം നിന്നെ എന്നും നയിക്കേണ്ടത്.”

ഹൃദയസ്പർശിയായ ഓർമ്മക്കുറിപ്പുകളാൽ നിറഞ്ഞ ഈ പുസ്തകത്തിന്റെ കേന്ദ്രകഥാപാത്രം എഴുത്തുകാരന്റെ അമ്മയായ നന്ദിക്കുന്നേൽ മേരിയാണ്‌. അമ്മയുടെ ത്യാഗവും സഹനവും അതിജീവനശക്തിയും വളരെ സുതാര്യവും സത്യസന്ധവുമായ രീതിയിൽ ഇതിൽ അവതരിപ്പിക്കപ്പെടുന്നു. കുട്ടിക്കാല ഓർമ്മകളിൽ നിന്ന് തുടങ്ങി വിജയകരമായ ജീവിതത്തിലേക്ക് എത്തിച്ചേരുന്ന അനുഭവങ്ങളാണ് ഈ കൃതിയിൽ വിവരിക്കുന്നത്.

തന്റെ ചെറുപ്പത്തിൽ കുടുംബം വിട്ടുപോയ അച്ഛന്റെ അഭാവം മൂലം അമ്മ നാല് കുട്ടികളുമായി ഒറ്റയ്ക്ക് ജീവിതം നേരിടേണ്ടിവരുന്നു. സാമ്പത്തിക ബാധ്യതകൾ വർധിക്കുകയും ജീവിതഭാരം അസഹനീയമാകുകയും ചെയ്ത ഘട്ടത്തിൽ അമ്മ ഈ മക്കളെയും കൂട്ടി ആത്മഹത്യ ചെയ്യുവാനായി വീട് വിട്ടു പുറപ്പെടുകയും മകളുടെ ചോദ്യത്തിന് മുന്നിൽ പതറിപ്പോകുകയും ചെയ്യുന്ന ആ അമ്മ ആ ശ്രമം ഉപേക്ഷിച്ചു മക്കൾക്കായി മരണത്തിന്റെ മുഖത്തു നിന്നു മുന്നോട്ടുള്ള ജീവിതത്തെ നേരിടാൻ തിരികെ നടക്കുന്നു. അതിനുശേഷമുള്ള ഓരോ പ്രതിസന്ധിയെയും ധൈര്യത്തോടെയും സഹനത്തോടെയും അവർ കൈകാര്യം ചെയ്യുന്നു. തന്റെ അമ്മയുടെ ഈ പോരാട്ടങ്ങളും ത്യാഗങ്ങളും എഴുത്തുകാരൻ നിരന്തരം ആദരവോടെയും സ്നേഹത്തോടെയും അവതരിപ്പിക്കുന്നു.

പുസ്തകത്തിന്റെ ഭൂരിഭാഗവും ദുഃഖഭരിതവും കണ്ണുനിറയിക്കുന്നതുമാണ്. പല അനുഭവങ്ങളും വായനക്കാരനെ സ്വന്തം ജീവിതത്തിലെ സാഹചര്യങ്ങളുമായി ബന്ധിപ്പിക്കാൻ പ്രേരിപ്പിക്കുന്നു. അതുകൊണ്ടുതന്നെ ഈ പുസ്തകം ഒരു വ്യക്തിയുടെ ജീവിതകഥ മാത്രമല്ല, അനേകം അമ്മമാരുടെയും കുടുംബങ്ങളുടെയും പ്രതിനിധിയാണ്.

കമ്പിളിക്കണ്ടത്തിലെ കൽഭരണികൾ അമ്മമാരുടെ നിശ്ശബ്ദമായ പോരാട്ടങ്ങൾക്കും അതുല്യമായ സ്നേഹത്തിനും നൽകിയ ഒരു ആദരവായാണ് വായിച്ചു തീർന്നപ്പോൾ തോന്നിയത്. അവസാന അധ്യായങ്ങൾ വായിക്കുമ്പോൾ അറിയാതെ പോലും കണ്ണ് നിറഞ്ഞൊഴുകിപ്പോയിരുന്നു.

[Deepa · Rating 4 out of 5]

A poignant life story which is a legacy of a strong and determined mother – told by a resilient son!

This is a memoir by Babu Abraham, where he gives the readers memorable moments of his life in Kambilikandam which is a village located in Idukki district of Kerala. The book is a tribute to the strength and grit of his mother who fought bravely despite poverty, neglect and isolation and raised her four children.

Babu Abraham was the third child and only son to Kunnel Mary and her husband. Babu had two elder sisters and one younger sister. Mary’s husband an alcoholic who neglects to take care of his family and abuses his wife daily one fine evening decides that he is going to leave his family in Kambilikandam and go to Malabar to find some work and make money. Now left with no husband and not knowing how to pay back the loan from the bank taken by her husband, Mary took a desperate decision. She took her four children to the church and then headed to commit suicide by jumping into the river. She instructed them clearly that she would first jump and that the children should follow. When the eldest daughter Jessey told her mother to throw them first and then jump Mary says she couldn’t do that. This is when Jessey tells her mother:

"Mother, what if we travelled far from Kambilikandam? Only the people here know who we are. If we go to a village where we are strangers, we could beg for food and money without shame, and that way, we won't have to die."

This was the part which shook me completely. That was an awakening for Mary and she hugged Jessey tightly and kissed her. At that moment she decided she wouldn’t give up and that in a world where everything and everyone tried to put her down, Mary would stand tall and raise her children in honour.

Babu Abraham gives us a beautiful glimpse into his life up to the age of 26 and how he and his family went through the hardship and difficulties life threw at them. He also mentions about all the lovely people who were God sent and who helped Babu and his family knowingly and unknowingly.

Lovely read!

[Deffrin Jose · Rating 4 out of 5]

Starting this year with this book makes me very happy. The author still remains very close to my heart.

[Varna Binu Sasidharan · Rating 3 out of 5]

Obviously, the book is good. but just not my type. I have read Bhagyalakshmi's സ്വരഭേദങൾ ten years back. The book resembles one to other. Story of someone's sweat and tears.

[Suhas Krishnan · Rating 4 out of 5]

നന്ദി കുന്നേല്‍ മേരി എന്ന സ്ത്രീയുടെ അസാധാരണമായ ഒരു ജീവിത കഥയാണ് "കമ്പിളി കണ്ടെത്തേ കല്‍ ഭരണികള്‍". നാലു മക്കളയേയും ചേർത്ത് ദാരിദ്ര്യത്തോടും ജീവിത സാഹചര്യങ്ങളോടും പടപൊരുതി മുന്നോട്ട് പോയപ്പോഴും, കുട്ടികളിൽ സ്നേഹവും മൂല്യവും കെടാതെ നിലനിർത്താൻ അവർക്ക് സാധിച്ചു. ഒരിക്കലും മറക്കാൻ പറ്റാത്ത ഒരു വായനാനുഭവം.

[BIJU · Rating 5 out of 5]

കമ്പിളികണ്ടത്തിലെ കൽഭരണികൾ.
ബാബു അബ്രഹാം.
(2025, ബുക്ക് 77).

“……യഹൂദരുടെ ശുദ്ധീകരണകർമത്തിനുള്ള വെള്ളം നിറയ്ക്കുന്ന ആറു കൽഭരണികൾ അവിടെ ഉണ്ടായിരുന്നു. ഓരോന്നിലും രണ്ടോ മൂന്നോ അളവു കൊള്ളുമായിരുന്നു. ഭരണികളിൽ വെള്ളം നിറയ്ക്കുവിൻ എന്ന് യേശു അവരോടു കൽപിച്ചു. അവർ അവയെല്ലാം വക്കോളം നിറച്ചു. ഇനി പകർന്നു കലവറക്കാരന്റെ അടുത്തു കൊണ്ടുചെല്ലുവിൻ എന്ന് അവൻ പറഞ്ഞു. അവർ അപ്രകാരം ചെയ്‌തു. കലവറക്കാരൻ വീഞ്ഞായി മാറിയ ആ വെള്ളം രുചിച്ചു നോക്കി.അത് എവിടെനിന്നാണെന്ന് അവൻ അറിഞ്ഞില്ല. അവൻ മണവാളനെ വിളിച്ചു പറഞ്ഞു: എല്ലാവരും മേൽത്തരം വീഞ്ഞ് ആദ്യം വിളമ്പുന്നു, അതിഥികൾക്കു ലഹരിപിടിച്ചുകഴിയുമ്പോൾ താഴ്ന്നതരവും. എന്നാൽ, നീ നല്ല വീഞ്ഞ് ഇതുവരെയും സൂക്ഷിച്ചുവച്ചുവല്ലോ….”

കൽഭരണികൾ എന്നു കേൾക്കുമ്പോൾ എപ്പോഴും ആദ്യം മനസ്സിലോക്കോടിയെത്തുന്നത് മേൽപറഞ്ഞ ബൈബിൾ വചനങ്ങളാണ്. ശ്രീ. ബാബു അബ്രാഹാമിന്റെ ഓർമ്മക്കുറിപ്പുകളായ മാതൃഭൂമി ബുക്സ് പ്രസിദ്ധീകരിച്ച ‘കമ്പിളികണ്ടത്തിലെ കൽഭരണികൾ’ എന്ന പുസ്തകം വായിക്കുമ്പോഴും മനസ്സിൽ മുഴങ്ങികേൾക്കുന്നുണ്ടായിരുന്നു ആ വാക്യങ്ങൾ.

ഉപേക്ഷിക്കപ്പെടലിന്റെയും ദാരിദ്ര്യത്തിന്റേയും അവഗണനയുടെയും ഒറ്റപ്പെടുത്തലിന്റെയും കൊടിയവേദനയ്ക്കിടയിലും താൻപോരിമയോടെ പോരാടിയ ഒരമ്മയുടെ കഥ ഹൃദയസ്പർശിയായിതന്നെ ഓർക്കുകയാണ് എഴുത്തുകാരൻ ഈ പുസ്തകത്തിലൂടെ.

ഇടുക്കി ജില്ലയിലെ കമ്പിളികണ്ടത്ത് ജനിച്ചു വളർന്ന്, ദാരിദ്ര്യത്തിന്റയും അവഗണനയുടെയും പരിഹാസത്തിന്റെയും കനൽവഴികളിലൂടെ നടന്ന് കയറി ഇപ്പോൾ ഫ്രാൻസിൽ മാനേജ്മെന്റ്‌ വിഭാഗത്തിൽ അസോസിയേറ്റ് പ്രൊഫസറും സോഷ്യോളജിയിൽ ഗവേഷകനുമായ എഴുത്തുകാരൻ തന്റെ ഇരുപത്തിയാറാം വയസ്സുവരെയുള്ള ജീവിതം ഓർത്തവതരിപ്പിക്കുകയാണീ കൃതിയിലൂടെ.

ദൈവപുത്രൻ കാനായിലെ കൽഭരണികളിൽ വെള്ളം വീഞ്ഞാക്കി മാറ്റിയത് തന്റെ മാതാവിന്റെ അപേക്ഷയാലായിരുന്നെങ്കിൽ, കമ്പിളികണ്ടത്തിലെ ഈ കൽഭരണിയിലെ വെള്ളത്തെ ഏറ്റവും മാധുര്യമുള്ള വീഞ്ഞാക്കി മാറ്റിയത് ദൈവപുത്രന് ജന്മം നല്‍കിയ മാതാവിന്റെ നാമം വഹിക്കുന്ന ആ അമ്മയുടെ ധൈര്യവും ഇച്ഛാശക്തിയും പോരാട്ടവീര്യവും സ്നേഹവും കരുതലും തന്നെയായിരുന്നു.

ഒരു പാതിരയ്ക്ക് തന്റെ നാലുമക്കളോടൊപ്പം അണക്കെട്ടിൽ ചാടി ജീവിതം അവസാനിപ്പിക്കാനായി ഇറങ്ങിതിരിച്ച ആ അമ്മയുടെ പോരാട്ടത്തിന്റെയും അതിജീവനത്തിന്റെയും കഥപറയുന്ന ഈ ഓർമ്മകുറിപ്പുകൾ വായനക്കാരെ പൊള്ളിക്കും തീർച്ച.

വായിച്ചുതീരുന്നതു വരെ പിടിച്ചിരുത്തും ഈ എഴുത്തുകൾ. പലപ്പോഴും സങ്കടം നിറയും മനസ്സിൽ. അറിയാതെ നിറയും കണ്ണുകൾ.

ജീവിതത്തിൽ തോറ്റുപോയെന്ന് വിചാരിച്ചിരുന്നിടത്തുനിന്നുമുള്ള ഈ ഉയിർത്തെഴുനേല്പ്പിന്റെ അനുഭവക്കുറിപ്പുകൾ തീർച്ചയായും ഒരിക്കലെങ്കിലും വായിച്ചനുഭവിക്കേണ്ടത് തന്നെയാണ്.

“…‘ചുറ്റും വെള്ളം പൊങ്ങുന്നു എന്നു കണ്ടാൽ, നീന്തൽ വശമില്ല എന്നറിയാവുന്ന നീ പകച്ചു പേടിച്ച് അലമുറയിടരുത്. ആ വെള്ളപ്പാച്ചിലിൽ അവിടവിടെ പൊങ്ങിക്കിടക്കുന്ന മരക്കഷണങ്ങളിൽ പിടിച്ചുകയറി വെള്ളത്തിലങ്ങ് പൊങ്ങിക്കിടക്കണം. എന്നിട്ട് ഓളത്തിനൊപ്പം ഒഴുകുന്ന ശിഖരങ്ങൾ കാട്ടുവള്ളികളിൽ ചേർത്തുവെച്ചു കെട്ടി ഒരു ചങ്ങാടമുണ്ടാക്കണം. കരപറ്റിക്കഴിയുമ്പോഴുണ്ടാകുന്ന ആ സന്തോഷമായിരിക്കണം തുഴഞ്ഞുനീങ്ങുമ്പോൾ നിന്റെ മനസ്സിൽ. തീരമെത്തിക്കഴിയുമ്പോൾ മറ്റാർക്കെങ്കിലും ഉപകരിക്കാനായി ആ ചങ്ങാടം വെള്ളത്തിലേക്ക് തള്ളിവിടണം. മുങ്ങിപ്പോകുമായിരുന്ന ആരെങ്കിലുമൊക്കെ ആ ചങ്ങാടം കയറി തീരമെത്തുമ്പോൾ നമ്മുടെയുള്ളിൽ ഉണ്ടാകുന്ന സ്വാർത്ഥതയില്ലാത്ത ഒരു ആനന്ദമുണ്ട്–അതായിരിക്കണം നിന്നെ എന്നും നയിക്കേണ്ടത്.’…” ജീവിതയാത്രയിൽ താങ്ങായിരുന്ന തന്റെ മാതാവിന്റെ വാക്കുകൾ എഴുത്തുകാരൻ പങ്കുവെയ്ക്കുന്നു വായനക്കാർക്കൊരു പ്രചോദനമായ്.

പ്രിയപ്പെട്ടതിലും പ്രിയപ്പെട്ട എഴുത്തുകാരിലേക്ക് ഈ എഴുത്തുകാരനെയും അദ്ദേഹത്തിന്റെ ഈ ഓർമ്മക്കുറിപ്പുകളെ ഏറ്റവും പ്രിയപ്പെട്ട പുസ്തകങ്ങളിലേക്കും ചേർത്തുപിടിക്കുന്നു.

ബിജു എം. പൗലോസ്.
2025, മെയ് 30.

[Aravind Kesav · Rating 3 out of 5]

വളരെ മികച്ച ഒരു വായനാനുഭവം തന്നെ സമ്മാനിച്ച ബുക്കാണ്, ബാബു എബ്രഹാമും കുടുംബവും വെല്ലുവിളികളെ അതിജീവിച്ച് ജീവിതത്തിൽ വിജയിച്ച കഥകൾ ഒരുപാട് പേർക്ക് പ്രചോദനം തരുന്നതാണ്, എന്നാൽ ബുക്കിൽ പരാമർശിച്ചു പോകുന്ന പല കഷ്ടതകളും, സന്ദർഭങ്ങളും, ഈ 2026 ലും സമൂഹത്തിൽ നിലനിന്നു പോകാൻ ഒരു ശരാശരി ദളിത്‌ കുടുംബം ഇപ്പോഴും നേരിടുന്നുണ്ട്.

[Alphonsa Thomas · Rating 5 out of 5]

it was an inspirational autobiography

[Lamiya Basheer · Rating 5 out of 5]

One of the best real life stories of a mother and her 4 children.

[Stephen Jose · Rating 5 out of 5]

വായിച്ചുതീർത്ത് പുസ്‌തകം അടച്ചുവെച്ചാലും ബാബു അബ്രഹാമിൻ്റെ അനുഭവങ്ങൾ നമ്മളെ കുറേക്കാലം വേട്ടയാടിക്കൊണ്ടിരിക്കും. വെയിലും മഴയും മഞ്ഞുമേറ്റ് ഇതിലെ കഥാപാത്രങ്ങൾ കുറേക്കാലംകൂടി നമ്മോടൊപ്പം ജീവിതം തുടരും. അതാണ് ഈ പുസ്‌തകത്തിൻ്റെ മികവിനുള്ള സാക്ഷ്യപത്രം.

[Femi · Rating 5 out of 5]

Starting the year with this book feels like a gift I gave myself. It is one of those rare reads that leaves behind a quiet ache in your heart long after the final page is turned.
At its core, the book is a testament to resilience-the unwavering will of a man who keeps moving forward without surrender, even when life presents circumstances that could easily break him. It speaks of unyielding determination, of divine human bonds that held his hand when his steps faltered, and above all, of his Amma- Nannikkunnel Mary- whose presence rises above everything else.

[Sanjay Krishna · Rating 5 out of 5]

തിരിഞ്ഞു നോക്കുമ്പോൾ ജീവിതത്തിൽ എത്ര പേരോട് നന്ദി പറഞ്ഞാൽ മതിയാവും എന്ന് അറിയില്ല. ഓരോ വാക്കുകളും നെഞ്ചിൽ തറച്ചു കയറുന്നത് പോലെ തോന്നി. കരയാൻ തോന്നി, ആരോടൊക്കെയോ നന്ദി പറയാൻ തോന്നി. ആർത്തി തോന്നി, കൂടുതൽ വായിക്കാൻ തോന്നി.

"ചുറ്റും വെള്ളം പൊങ്ങുന്നു എന്നു കണ്ടാൽ, നീന്തൽ വശമില്ല എന്നറിയാവുന്ന നീ പകച്ചു പേടിച്ച് അലമുറയിടരുത്. ആ വെള്ളപ്പാച്ചിലിൽ അവിടവിടെ പൊങ്ങിക്കിടക്കുന്ന മരക്കഷണങ്ങളിൽപിടിച്ചുകയറി വെള്ളത്തിലങ്ങ് പൊങ്ങിക്കിടക്കണം. എന്നിട്ട് ഓളത്തിനൊപ്പം ഒഴുകുന്ന ശിഖരങ്ങൾ കാട്ടുവള്ളികളിൽ ചേർത്തുവെച്ചു കെട്ടി ഒരു ചങ്ങാടമുണ്ടാക്കണം. കരപറ്റിക്കഴിയുമ്പോഴുണ്ടാകുന്ന ആ സന്തോഷമായിരിക്കണം തുഴഞ്ഞുനീങ്ങുമ്പോൾ നിന്റെ മനസ്സിൽ. തീരമെത്തിക്കഴിയുമ്പോൾ മറ്റാർക്കെങ്കിലും ഉപകരിക്കാനായി ആ ചങ്ങാടം വെള്ളത്തിലേക്ക് തള്ളിവിടണം.
മുങ്ങിപ്പോകുമായിരുന്ന ആരെങ്കിലുമൊക്കെ ആ ചങ്ങാടം കയറി തീരമെത്തുമ്പോൾ നമ്മുടെയുള്ളിൽ ഉണ്ടാകുന്ന സ്വാർത്ഥത യില്ലാത്ത ഒരു ആനന്ദമുണ്ട്-അതായിരിക്കണം നിന്നെ എന്നും നയിക്കേണ്ടത്."
-നന്ദികുന്നേൽ മേരി

“അങ്ങനെ കൂടോത്രവും ഓത്തും ഒന്നും ഭക്ഷണത്തിനില്ല. ആ കൊച്ച് നീ വിശന്നിരിക്കുന്നതുകൊണ്ട് തരുന്നതാ. പിന്നെ, അവളുടെ ചോറ്റുപാത്രത്തിലുള്ള ചോറിൻ്റെ പാതി നീ കഴിച്ചാൽ ആ കൊച്ചിന് പിന്നെന്താ ഉള്ളത്?”

ഞങ്ങൾ വളരുന്നതനുസരിച്ച് വിശപ്പിന്റെ വികൃതികളും കൂടിവന്നു. അമ്മയുടെ കൂലിപ്പണിയും എരുമവളർത്തലുമൊന്നും ഞങ്ങൾ നാലു മക്കളെ വളർത്താൻ മതിയാകുമായിരുന്നില്ല. ഏറ്റവും വിശപ്പ് എനിക്കായിരുന്നു. എത്ര കഴിച്ചാലും വിശപ്പ് അടങ്ങാതിരുന്ന എനിക്ക് അമ്മ എന്നും കൂടുതൽ ചോറ് വിളമ്പുമായിരുന്നു.

“മാർക്ക് കിട്ടാനുള്ള കടമ്പകൾ ഇനിയുമുണ്ട്. പള്ളിക്കൂടത്തിൽ നല്ല മാർക്ക് കിട്ടിയതുകൊണ്ടായില്ല. ജീവിതത്തിൽ ഫസ്റ്റ് ക്ലാസ് മേടിക്കുന്നതാ പ്രധാനം.” അമ്മ അന്ന് എന്നെ പൊതിഞ്ഞുപിടിച്ച് പറഞ്ഞ ആ വാക്കുകൾ എന്റെ ഇന്നുവരെയുള്ള ജീവിതയാത്രയിൽ ഇന്ധനംപോലെ ഒഴുകിക്കൊണ്ടിരിക്കുന്നു.”

“എന്റെ സിസ്റ്ററേ, പത്താംക്ലാസ് കഴിഞ്ഞ് ഒരുവർഷം നന്നായി പണിയെടു ത്ത് ജീവിതം എന്താണെന്ന് മനസ്സിലാക്കിയിട്ട് അവൻ കോളേജിൽ പോകുന്നതാ നല്ലത്. ഈ പ്രായമല്ലേ, ഈ കാലമല്ലേ, പണമുണ്ടാക്കാനുള്ള വിഷമവും ജീവിതത്തിന്റെ കഷ്ടപ്പാടുമൊക്കെ അത്യാവശ്യം മനസ്സിലാക്കിക്കഴിയുമ്പോൾ ഇവൻ തുടർന്നു പഠിച്ചോട്ടെ.”

“ഫ്രാൻസിൽ ചെന്ന് ഇന്ത്യക്കാരെയും ഇന്ത്യൻ ഭക്ഷണവും ഒന്നും തേടി നടക്കേണ്ട. അതൊക്കെ ഇവിടെത്തന്നെയുള്ളതല്ലേ?”

"ഡൽഹിയിൽ ചെന്നിട്ട് അവിടെയുള്ള മലയാളികളെ തേടിപ്പിടിച്ച് അവരും കൂടെ കഴിയാനാണേൽ നീ അങ്ങോട്ടു പോകണ്ട. ഡൽഹിയിലുള്ളതിൽക്കൂടു തൽ മലയാളികൾ കേരളത്തിലുണ്ട്.'

[Shilpa · Rating 4 out of 5]

ഇതുവരെ പേരുപോലും പരിചയമില്ലാത്ത ഒരാളുടെ ജീവിതാനുഭവങ്ങൾ എങ്ങനെ നല്ലൊരു വയനാനുഭവം നൽകും എന്നുള്ള ഒരു സംശയം ഈ പുസ്തകത്തെ കുറിച്ചുള്ള റിവ്യൂകൾ കേട്ടപ്പോൾ തോന്നിയിരുന്നു എങ്കിലും ഇതിലെ ആദ്യ പേജ് വായിച്ചതോടെ അത് മാറി. പിന്നെ ഇത് മുഴുവൻ വായിച്ചു തീരാതെ ഒരു സമാധാനം ഇല്ല എന്ന അവസ്ഥയായി. മനസ്സിൽ തട്ടുന്ന ആഖ്യാനത്തിലൂടെ സ്വന്തം ജീവിതാനുഭവങ്ങളെ ഇത്രയും ഭംഗിയായി ഒരാൾ എഴുതിവെക്കുമ്പോൾ ആ പുസ്തകം എങ്ങനെ വായിക്കപ്പെടാതിരിക്കും. കമ്പിളികണ്ടത്തെ കൽഭരണികൾ എന്ന പുസ്തകത്തിലൂടെ ബാബു അബ്രഹാമിന്റെ അനുഭവങ്ങളിലൂടെ കടന്ന് പോകുമ്പോൾ അദ്ദേഹത്തേക്കാൾ മനസ്സിൽ കയറിക്കൂടിയത് അദ്ദേഹത്തിന്റെ അമ്മയായിരുന്നു. ഇത് വരെ വായിച്ചറിഞ്ഞ സ്ത്രീ കഥാപാത്രങ്ങളുടെ കൂട്ടത്തിൽ ഇത്രയും ബോൾഡ് ആയൊരു സ്ത്രീയെ കണ്ടിട്ടുണ്ടോ എന്ന് സംശയമാകും. എല്ലാ കടങ്ങളും വരുത്തി വച്ചു വീടും പറമ്പും പണയത്തിലാക്കി, നാല് മക്കളെയും ഭാര്യയെയും ഉപേക്ഷിച്ച് ഇറങ്ങി പോകുന്ന ഭർത്താവിന്റെ പിന്നാലെ ചെന്ന് ഈ മക്കളെയും കൊണ്ട് ഞാൻ എന്ത് ചെയ്യുമെന്ന് ചോദിച്ചു നിസ്സഹായായി നിൽക്കുന്ന ആ അമ്മയിൽ നിന്നും ആ മക്കളെയും കുടുംബത്തെയും ജീവിതത്തിന്റെ പ്രതീക്ഷകളിലേക്കും വിജയങ്ങളിലേക്കും വഴിതിരിച്ചു വിടാൻ കാരണമായ ധീരയായ ആ അമ്മയിലേക്കുള്ള വഴികളും ദൂരവും അത്ര ചെറുതായിരുന്നില്ല. ജീവിതത്തിലെ ചെറിയ പ്രതിസന്ധികളിൽ പോലും തളർന്നു പോകുന്നവർക്ക് പ്രതീക്ഷയുടെ വലിയ വെളിച്ചമേകാൻ ഈ പുസ്തകത്തിനു കഴിയും.

✒️"തീവ്രമായി അഭിലഷിച്ച് പിന്തുടരുന്ന ലക്ഷ്യങ്ങൾ ആർക്കും നമ്മിൽനിന്ന് എടുത്തുമാറ്റാനാവില്ല. നമ്മുടെ മരുഭൂമികളിൽ ഓരംപറ്റി മരുപ്പച്ചകളുമുണ്ട്. മണൽക്കാറ്റ് സൃഷ്ടിക്കുന്ന മായ ആ മരുപ്പച്ചകളെ കാണാതാക്കാം. അപ്പോൾ കണ്ണുകൾ അടച്ച് ഉള്ളിലേക്ക് നോക്കുമ്പോൾ എപ്പോഴെങ്കിലും ലഭിച്ച ഒരിറ്റ് സ്നേഹത്തെ നാം ഓർത്താൽ മതി. മരുപ്പച്ചകൾ ലക്ഷ്യത്തിലേക്കുള്ള ആ യാത്രയ്ക്ക് ഇന്ധനമാകും."

[Albin · Rating 4 out of 5]

In this evocative work, Babu Abraham explores the hidden emotional landscapes of the Malayali migrant community.
The book moves away from the typical narrative of financial struggle, focusing instead on the psychological toll of living in exile. Abraham highlights how migrants often mask their loneliness and identity crisis behind a "blanket" of normalcy to protect their families back home. His prose is noted for its nostalgic warmth, frequently contrasting the sensory richness of Kerala with the stark isolation of life in the Middle East.
Ultimately, the work is a tribute to the silent resilience of the "Pravasi," offering a deeply human look at the sacrifices made in pursuit of a better future.

[Vishnugopal · Rating 2 out of 5]

This book is overhyped, overrated. Even though this book takes you to the nostalgic era of 80s many of the things explained seems repeating and the interesting or clutch part happens from the last 50 pages which is pretty okyish

What I liked:
This book shows the immense power of a mother.
Mary, the authors mom is glorified and she deserves it

What I disliked:

Many instances kept repeating, homosexual individuals kept on coming in each intervals and I genuinely doubts it’s real or not.
There are many other points to be added here but it might lead to spoilers.

Recommendation: 3/10

[Anjo Cheenath · Rating 4 out of 5]

കമ്പിളികണ്ടത്തെ കൽഭരണികൾ – ബാബു എബ്രഹാം

ചെറുപ്പം മുതൽ എഴുത്തുകാരൻ കടന്നുവന്ന കഠിനമായ ജീവിതാനുഭവങ്ങളുടെ സമാഹാരം. കമ്പിളിക്കണ്ടമെന്ന ചെറു മലയോര ഗ്രാമത്തിൽ നിന്നും ഫ്രാൻസ് വരെ എത്തിച്ചേർന്ന അവിശ്വസനീയമായ ജീവിതം. തങ്ങൾ നിശ്ചയിക്കുന്ന വാർപ്പുമാതൃകകളിൽ നിന്നും വ്യതിചലിക്കുന്ന വ്യക്തികളെ, കുടുംബവും സംഘടിത മതവും എങ്ങനെ അകറ്റിനിർത്തുന്നു എന്നതിനു മികച്ച ഉദ്ദാഹരണമാണു എഴുത്തുകാരൻ്റെ അമ്മയുടെ ജീവിതം. ജീവിതത്തിൽ ചെറു പ്രതിസന്ധികൾ നേരിടുമ്പോൾ, തളരാതെ ചെറുത്തുനിൽക്കാൻ പ്രചോദിപ്പിക്കുന്ന ഒരു വായനാനുഭവം.

[Siddhartha · Rating 4 out of 5]

Babu Abraham's memoir about first 26 years of his life.
The key message for everyone is, how to stay focused on your life goals, live a life with optimism even when you are going through the worst life experiences with no immediate respite or escape and don't let those experiences to destroy you and win over you.

[Dhanush Kumar · Rating 4 out of 5]

മനസിനെ വലിഞ്ഞ് മുറുകുന്ന അനുഭവങ്ങളുടെ ഒരു പുസ്തകം. തകർചകിൽ തകരാതെ ജീവിതത്തെ മുന്നോട്ട് കൊണ്ടു പോയ അമ്മയാണ് കമ്പിളികണ്ടത്തിലെ ഉരുകുവനിത. സ്കൂൾ കുട്ടികൾ തിർച്ചയായും വായിക്കേണ്ട ഒന്നാണ് ഇത്... ജീവിതത്തെ ഒരു വീക്ഷണം ലഭിക്കുവാൻ സ്ഹായകരം ആവും

[Sarath Dileep · Rating 4 out of 5]

നമ്മൾ ഒരിക്കലും അറിയാത്തവരും നമ്മോട് ഒരു ബന്ധമില്ലാത്തവരുമായ ചില വ്യക്തികൾ നമുക്ക് കൊണ്ടുവരുന്ന ചില വഴിവിളക്കുകളുണ്ട്.തിരിച്ചൊന്നും പ്രതീക്ഷിക്കാതെ വെറുതേ സ്നേഹിക്കുന്നവർ.മറ്റുള്ളവരുടെ നന്മ കാണുമ്പോൾ ആത്മാവു നിറഞ്ഞ് സന്തോഷിക്കുന്ന മനുഷ്യരും ഈ ലോകത്തുണ്ട്.

കമ്പിളികണ്ടത്തെ കൽഭരണികൾ (ബാബു അബ്രഹാം)

[somy zacharia · Rating 5 out of 5]

ലൂർദിലെന്ന പോലെ, മാതാവ് ഇന്നും പ്രത്യക്ഷപ്പെടുന്നു! പാരീസിലെ ഗാരിസോൺ ഗ്രാമത്തിൽ "കൊളേത്ത് അമ്മ” എന്നും, ഇടുക്കിയിലെ കമ്പിളികണ്ടത്ത് "മണലു വാരുന്ന മേരി അമ്മ" എന്നും അവൾ സ്വയം പരിചയപ്പെടുത്തുന്നു.. അമ്മയ്ക്കു സ്തുതിയായിരിക്കട്ടെ ❤️🙏
Somy puthanapra ✍🏻

[Subin jose · Rating 5 out of 5]

It was a fantastic life story about a person who went through many struggles yet stayed passionate and determined to achieve success. It’s a real, inspiring story, and people—especially those from Iddukki district—can truly connect with it. A beautifully told and motivational journey.

[Shebin · Rating 5 out of 5]

നേരുള്ള കുറെ ജീവിതങ്ങളും, സത്യസന്ധമായ ആത്മകഥയും ...

[Rahul CS · Rating 5 out of 5]

The Story of Strong Mother and her perspectives of life

[Arya R Nair · Rating 5 out of 5]

Awesome.Highly Motivational book for students

[Dr. Vineeth · Rating 5 out of 5]

Good book ❤️

[Vichu Vishnu · Rating 4 out of 5]

life is an experiment and experience

[Lekshmi · Rating 5 out of 5]

Very motivational real life story, must read

[Nithin v Kumar · Rating 5 out of 5]

Worth the hype!!