تۆ مەچۆ بۆ شەڕ

by ماردین ئیبراهیم

سەرجەم شعرەکانی ماردین ەیبراهیم

Genres: Poetry

138 pages, Unknown Binding

First published March 14, 2015

Reviews

[Bara'a Moussa · Rating 4 out of 5]

خه‌دیجه‌ گوڵاوی دایکمه‌، هه‌رچه‌نده‌ ده‌قی ئه‌ده‌بی به‌و نه‌خشه‌ عه‌قڵانییه‌ش ناڕوات به‌ڕێوه‌، به‌ڵام له‌ناخ و ئاگایی مندا ئه‌وه‌ هه‌بوو، که‌ چۆن بتوانم شتێک بکه‌م دایکم نه‌مر بێت، ئه‌و شتێکی زۆری بۆ ژیانی من کردووه‌، من چ شتێک بکه‌م که‌ ته‌نیا من ده‌توانم بیکه‌م، هیچ که‌سیبَکی تر ناتوامێت ئه‌وه‌ بۆ دایکم بکات، ئه‌وه‌مکرد که‌ ئه‌وده‌قه‌ی بۆ بنوسم و به‌نه‌مریی بیهێڵمه‌وه‌.




تۆش فریوی دنیات خوارد
دنیا وایە خەدیجە
یەکەمجار پەپووسلێمانەکانت پیشاندەدات
ئینجا ئەبابیلەکان
یەکەمجار مانگ بە تریفەکانییەوە دەنێرێت
ئینجا دووپشکەکان
کە دڵبەستەی بوویت وەک ناپاکێک پشتت تێدەکات وەک فاحیشەیەک ڕووت لێوەردەگێڕێت

دنیا وایە خەدیجە !! دنیا وایە

پێم دەڵێی غەریبەکان خەون نابینن؟ بەڵام من , لەڕۆما , ئەو ڕۆژانەی وەک
سەگ لە چارەنووسی خۆم هەڵدەهاتم , تۆم لەیاد بوو
تۆم لەیاد بوو , ئەو کاتانەی لە یەختەکاندا
دەڕشامەوە
لەسەر کۆنکرێتی ساردی بەندەرەکان دەخەوتم و
تۆم لەیاد بوو


کەنگێ وای لێهات بەینی من و تۆ , خەدیجە؟
بە بیرت نایەت
ژیژکێکمان هەبوو
لە ترسی فڕۆکەکان خۆی دەشاردەوە
ژیژکێکمان هەبوو
بە گەنجی قاروونمان نەدەدا
بە بیرت نایەت لە وەڕانگە
شیری بزنەکانت دەخواردەوە
چونکە دایکت نەمابوو
حەز ناکەم وەک شاعیرانی دی بڵێم دنیا تەم بوو , بەڵام دنیا تەم بوو
کچۆڵەیەک بوویت لە ماشێن دەترسایت
لەتۆ وایە مانگایە و خوا کردوویەتی بە ئاسن

پێم دەڵێی کوڕەکان ڕەحم لە دڵیاندا نییە؟ بەڵام من , لە کۆرنسۆس , ئەو
شەوانەی لای ماسیگرەکان خۆم گەرمدەکردەوە , تۆم لە یاد بوو
تۆم لە یاد بوو

ئەو دەمەو عەسرانەی لەناو بەلەمەکاندا قورعانم دەخوێند
لە ئیجەدا قرشەکان ڕاویان دەنام و تۆم لەیاد بوو


دنیا وایە خەدیجە
یەکەمجار زەردەپەڕت بۆ دەڕازێنێتەوە
تا فریوی تاڵە زیوینەکانی بخۆیت
کازیوە دەهێنێته سەر ڕێت
تا بکەویتە داوی نەسیمی سبەینای
کە جوانییەکانی هەڵیانخەڵەتاندیت , کە بەختیارییە وردەکانی لە خشتەیان
بردیت , کە دڵشادییە کەمخایەنەکانی زەفەریان پێبردیت,ئینجا وەک
هاوڕێیەکی خائین پاشقولت لێدەگرێت , وەک دۆستێکی دووڕوو چەمۆڵەت لێدەنێت

[Gashtyar · Rating 5 out of 5]

٭ژیان بە گێرانەوەی ماردین چەندە جوانە....
٭جوانیەکی ئیجگار قووڵ لە غەمدا هەیە، کە لەوانەیە هەرگیز لە شادیدا نەیدۆزێتەوە.
٭شیعرەکانی ماردین نایابن و، پێویستە بخوێنرێنەوە...

[Peshawa Jalal Muhammad · Rating 5 out of 5]

پێمگوتن با لە ئێوارەیەکی هاویندا
لای کێڵگەیەکی زەردی گوڵەبەڕۆژەوە
خۆمان بکوژین
ئەو هەموو جوانیەی لە هەڵفڕینی کتوپڕی پۆڕێکدا
بوو
پەشیمانی کردینەوە
ئەو هەموو نەشئەیەی لە بۆنی گەڵامێوێکدا بوو
پەشیمانی کردینەوە

پێمگوتن با دەمەوعەسرێکی بەهاری
لە لای دارچوالەیەکی شۆخەوە خۆمان بکوژین
لەنجەولاری پەڵەگەنمێک پەشیمانی کردینەوە
با لەناو گەرمەی سروتێکی پایزدا
خۆمان بکوژین
ڕاکردنی کچێک بە ژێر باراندا پەشیمانی کردینەوە
با لە مانگەشەوێکی چلە
کاتێک بەفر بە باوە دەبارێت
خۆمان بکوژین
حیلەی ماینێکی کەحێل پەشیمانی کردینەوە

پێمگوتن ها ئەوە خەنجەر من زۆر موحتاجم
بمکوژن
دەستیان تێمنەچوو بمکوژن خوشکەکانم!

ماردین ئیبراهیم - خوشکەکانم (١٩٩٩-٢٠٠٠)

[V · Rating 2 out of 5]

ئەم دوو ئەستێرەیەش بە خاتری شیعرەکانی «خەدیجە» و «نەینەوا»ـیە. پێشتر سێ رۆمانی ماردین ئیبراهیمم خوێندۆتەوە و بەدڵم بوون، چەندین جاریش شیعری «خەدیجە»ـم بە ئۆنڵاین خوێندۆتەوە و خۆشم ویستووە، بۆیە ئەم کتێبە بۆ من بێهیواکەر بوو. شیعری خراپ و لێکپچڕاو، خاڵبەندی و ئیدیتێکی زۆر خراپ.
ئەو هەموو چوار و پێنج ئەستێرەیەی ڕیڤیو دەمخەنە گومانەوە، ئایا هەر بەڕاستی دیوانەکە خراپە، یان من تێینەگەیشتووم؟ بەهیوام ڕۆژێک بێت دووبارە بیخوێنمەوە و ڕام بگۆڕێ.

[Sima Radha]

شیعرەکانی دەست لە ڕۆح دەدەن، بەڵام ئەو کفرانەی تێدایەتی بەهای کتێبەکەی نەهێشت..

[Bawan · Rating 5 out of 5]

کاک ماردین هەرجی بنووسێ جوانە، ئەم کتێبەشی بەدەر نییە . زۆر زۆرم بەدڵ بوو بەتایبەتی شیعری (خوشکەکانم)

[JJookk Eerr · Rating 5 out of 5]

جوانترینەكەی ماردین ئەمەیە

[Rahell Bamo · Rating 4 out of 5]

هؤنراوةى خةديجة و تؤمةجو بؤ شةر بةراستي نايابن