O Soño Sulagado

by Celso Emilio Ferreiro, Ramiro Fonte Crespo (Editor)

O soño sulagado (1954) é o segundo libro de poemas publicado en galego por Celso Emilio Ferreiro. Sen embargo, a través das súas páxinas podemos atopar claves do que vai constituír, en entregas posteriores, unha parte fundamental do mellor mundo poético do autor de Celanova. A chamada da infancia, do lar materno; a procura do paraíso perdido (simbolizado nas árbores, na terra, no azul dos horizontes) conxúgase cos degaros de liberdade, coa ansia por transformar un presente esquivo e hostil. Ramiro Fonte (Pontedeume, 1957) é membro destacado da máis recente xeración da poesía galega. A súa análise está feita desde o rigor e desde o traballo serio e continuado, pero tamén desde o diálogo entre imprescindible para dar coas verdadeiras dimensións da sensibilidade.

Genres: Poetry

112 pages, Paperback

Published January 1, 1991

About the author

Celso Emilio Ferreiro Míguez, nado en Celanova o 4 de xaneiro de 1912 e finado en Vigo o 31 de agosto de 1979, foi un escritor e político galeguista.
Máximo expoñente da poesía social en lingua galega, a súa obra «Longa noite de pedra» é un dos libros chave para entender a literatura galega contemporánea e unha referencia obrigada de toda unha xeración de autores e lectores.
No 1964, participou na fundación da Unión do Pobo Galego (UPG) xunto con Méndez Ferrín, Reimundo Patiño e Lois Soto, organización de orientación nacionalista e marxista.
Foille adicado o Día das Letras Galegas de 1989.

Reviews

[Paulaaa · Rating 5 out of 5]

Saudade

A silandeira sombra sin consolo
de aquil que fun, decote vai conmigo.
Lexano amor, hedra que medra e medra
dentro de min rubíndome a modiño.

Aquil que fun non son, por iso estamos
xuntos os dous. Aquil que entonces era
coma un río fuxiu, pero quedouse
coma o río que pasa e sempre queda.

Fecunda sementeira do pasado,
espello meu, única vida viva,
tódalas cousas morren i esmorecen
somente ti, lembranza, te eternizas.

Espello meu, no que me estou ollando;
ise que agora son xa non esiste.
O tempo faise estatua na saudade
i eu morro de saudades cada intre.

[Vera Santomé]

quero tanto a Celso Emilio Ferreiro

[Antonio Parrilla · Rating 4 out of 5]

Primero he intentado leerlo en gallego, aunque miraba rápido al castellano -¡aunque dos poemas los he entendido enteros!-. Poco a poco.
Son poemas muy lindos, con imágenes clarísimas que no desentonan mucho con que el libro sea de los cincuenta. Me ha gustado mucho.

[pabbblo ✧*:･ﾟ · Rating 4 out of 5]

celso emilio non defrauda NUNCA