Nooit is 'n lang, lang tyd

by Anchien Troskie

Drie vriendinne gaan hou saam vakansie langs die see. En in 'n oogwink verander 'n jare lange standvastige vriendskap in 'n stormagtige moeras.

Daleen skraap eindelik die moed bymekaar om die waarheid omtrent haar en haar lover, Jan, se verhouding te vertel; Amelia praat laat een aand haar mond verby oor haar affair met 'n getroude man; en Karien - Karien pak haar goed en gaan vroeer terug huis toe.

Want hoe kon haar twee, beste vriendinne haar soveel jare lank 'n rat voor die oe draai?

Dis 'n boek oor vriendskap, oor leuens, geheime, kinders, kilojoules en mans.

Genres: Fiction

368 pages, Paperback

First published July 1, 2008

Reviews

[Margitte · Rating 3 out of 5]

Drie jarelange vriendinne pak ‘n rusreis aan wat in ‘n emosionele, dramatiese, oorlewingreis verander as hulle uiteindelik hulle diepste geheime begin deel.

Sê die boek: Hulle is veronderstel om te rus, van al hulle probleme en sondes by die huis te probeer vergeet, en hier val die hele goed geboude kaartehuis met sy dig bewaarde geheime inmekaar!

Wat maak ’n mens met al hierdie geheime? Is hulle vriendskap sterk genoeg om dit te oorleef?

Dis ’n boek oor vriendskap, oor leuens, geheime, kinders, kilojoules en mans. Voeg daarby, dis 'n verering van LGBTQ-waardes en norm. 'n Nuwe era.

Dit was ‘n meelewende boek met diverse karakters Die einde was te melodramaties en onvanpas. Teveel sosiale kwessies wat een na die ander, eindeloos, bly uitrol. Onnodig. Andersins ‘n boeiende ervaring.

[Kimberly Uys · Rating 4 out of 5]

“Nooit is ń lang, lang tyd”, die verhaal van drie beste vriendinne (Daleen, Amelia en Karien), wat my eers glad nie vermaak het, toe later baie geïnteresseerd gehou het, nie.
Hierdie verhaal het, vir my, ń baie plat en langdradige begin en, as gevolg hiervan, het dit my langer gevat om hierdie boek te voltooi, as wat dit my gevat het om ander boeke deur Anchien Troskie te voltooi.
Die verhaal ontrafel gou nadat die vriendinne terug is vanaf hulle vakansie saam. Ons, as lesers, ervaar baie emosies en voel ook asof ons in die verhaal getrek word. Jy voel deel van die karakters se lewe.
Dit het op tye gevoel asof Anchien Troskie langs my sit en die verhaal oorvertel, wat dit persoonlik gemaak het.
Algeheel, is hierdie boek goed, maar nie my gunsteling deur die skryfster nie.

[Carolien · Rating 3 out of 5]

3.5 sterre. Drie jare-lange vriendinne in hulle laat-dertigs gaan hou saam vakansie. Elkeen beleef 'n krisis in haar lewe wat sy tot op hede geheim gehou het van die ander. Daleen het uiendelik die liefde van haar lewe ontmoet, maar dis nie die persoon wat haar vriendinne verwag nie. Karlien se huwelik met die mees aantreklike man op die dorp is besig om uitmekaar te val en Amelia is verveeld en het haar eie geheime. Ek het die karakters geniet en kon hulle situasies waardeer. Dit het egter by tye gevoel of daar te hard probeer word om alle moontlike probleme en situasies in dieselfde storielyn te vertel. Nogtans 'n lekker ontspannende verhaal van vriendskap wat maklik lees.

[Amanda · Rating 4 out of 5]

Drie vroue wat as kinders belowe het om vir altyd vriende te bly, vertrek op ’n twee weke lange vakansie, wat hulle ’n rusreis noem. Dit begin onskuldig en opwindend, maar dan begin geheime wat hulle nog nooit gedeel het nie, die samesyn versuur en blyk nooit te lank te wees om hulle beloftes gestand te doen.

Daar word ’n wye spektrum van krississe en foute saamgesnoer in ’n storielyn wat my aandag gehou het. Tewens, ek het die 360 bladsye nogal vinnig kafgedraf. Ek is telkens met ’n gevoel van: wat nóg? gelaat wanneer een na die ander lewensveranderende gebeurtenis die karakters tref, of ’n stuk geskiedenis onthul word.

[Chagne · Rating 2 out of 5]

Bit dragged but the sudden unexpected twist and turns made it better.

[Melanie Rousseau · Rating 4 out of 5]

Good book. Wanted more closure at the end but it was a good read.

[Maree Clarkson · Rating 5 out of 5]

Excellent, riveting read, couldn't put the book down!

[Salomé Kotzé · Rating 2 out of 5]

Teleurgesteld.

[Kitten]

Nooit Is 'n Lang, Lang Tyd is ietwat anders as vorige boeke van Anchien Troskie; dit voel vir my asof dit bietjie ligter en minder melodramaties is, maar ook asof daar iets missing is. Dit is net nie so boeiend nie.