إلى أبي

by نورا خشبة

الكتاب ليس فقط لمن فقد أباه ولكنه عبارة عن رسائل من كل فاقد إلى مفقوده ويعبر عن حالة الفقد وما يدور فيها من أحداث على مدار سنة أولى فراق ..
.
.

Genres: Poetry

84 pages, ebook

First published November 10, 2012

About the author

• شاعرة وكاتبة مصرية شابة من مواليد محافظة الدقهلية.
• ظهرت موهبتها في التأليف منذ كان عمرها 9 سنوات.
• بدأت الكتابة في الشعر الغنائي وقامت بتأليف عدد من الأغاني.
• تُجيد العزف على الأورج والأكورديون ولديها موهبة التلحين.
• أنهت دراسة الإقتصاد والمحاسبة في كلية التجارة جامعة المنصورة.
• أنشأت مدونة "نورا خشبة" في 2008 ، ومدونة "كلام موزون" في 2009.
• شاركت ببعض المجلات الأدبية الشابة مثل "ﭼورنالنا" و "خُد".
• قامت بالتعاون مع بعض الفرق الغنائية مثل فريق "فكرة باند".
• أنشيء كتابها "كلام موزون" في ديسمبر 2010.
• أنشيء كتابها "إلى أبي" في نوفمبر 2012 ، سبق أن نُشرت له مُقتطفات من 2011.
• صدر لها ديوان "قفص عصافير" في يناير 2015 - ديوان بالعامية المصرية عن دار أطلس للنشر.
• صدر لها كتاب "مضيء كالقمر حزين كالبيانو" في يناير 2020 - خواطر أدبية عن دار أطلس.
• أصدر لها الديوان الكامل "كلام موزون بزيادة" أشعار عامية - في يناير 2022 عن دار أطلس.

https://www.facebook.com/Noura.Khasha...
◘
◘

Reviews

[نورا خشبة · Rating 4 out of 5]

شكر ...

شكر.. للسيدة فاطمة الزهراء “أم أبيها”

شكر.. لماما ولإخواتي “دليلي اللي بعيش بيه”

شكر.. لفيلم “آسف على الإزعاج”

شكر.. لأغنية “فقدتك” ، ولأغنية “واحشني يا طيب” .. اللي مشيتهم للأب

شكر.. للي إستفزوني وكتبوا للأم وغنوا للأم وعملوا عيد للأم ،
ونسيوا الأب .. فخلوني أعمل الكتاب ده .

[Hadeer abd el fattah · Rating 5 out of 5]

عادةَ ما لا أقيم الكتاب قبل قراءته.. لكن اعتقد بأنه يستحق ال خمس نجوم.. فأعتبر هذا الكتاب بمثابه رساله الى كل أب توفى من كل يتيم فقد والده ف بالفعل ماأصعب فُقدان أحد الوالدين
وما أصعب الحياة بدونهم ..
فقد أعجبنى بعض من مقتبسات كتابكـ مثل


“النفوس الطاهرة لا تموت ..
تبقى آثارها في الدنيا ولا شئ يُمكِنه مَحْوِها .”

“أبي لم يرحل ,
بل يعيش في روحي ووجداني
وجوارحي وشُرياني ..
يضحك ويتنفّس
ويجُول ويتحدّث ..
أراه وأسمعه
, وأجلِس معه
, في منامي وصُحياني ..
دوماً أمامي وفي أذهاني .”



“بعدك يا بابا
مش حاسة بحاجة
غير إني إنكسر جوايا حاجة
والحاجة دي هي أكتر حاجة
أنا هفضل ليها محتاجة
لحد ما أقابلك تاني يا بابا .”



“كلما نظرت لصور طفولتي .. أتذكّر أبي
وأجدني أبكي وأبتسم معاً
أبكي لأني لم أجده بقُربي ، لم يعُد بجانبي
أتذكّر فقداني له وألمي لفراقه
وأبتسم لأني أراه في كل صورة ، يدللني ويبتسم
وكأنه يشاهدهم معي ويقُص عليّ حكايا طفولتي ومُشاغباتي
أراه تماماً كما كان يفعل دائماً

فـى إنتظار قراءته كاملاً .. :)

[Nada Emam · Rating 3 out of 5]

بحب الكتابات العفوية دي
أغلب أجزاؤه لمستني بشدة

حاجات أجلّتها
فاكرة كويس
حضن واحد

عجبوني اوووي اوي وخاصة * حضن واحد
.............
في كل آية أقرأها
يلتئم جرح مفتوح .. وتغلق ثقوب الروح

..
وحتى الأماكن يا أبي تغيرت برحيلك
تكاد تكون قد رحلت معك ولن تعود

..
بعدك يا أبي لم اعد طفلة أحد
برحيلك لو اعد صغيرة أحد
بغيابك لم يعطف عليّ أحد !

..
أحيانا الحزن يجعلنا أكثر ايجابية
فيجعلنا نُصِر على النجاح ويدفعنا بقوة لتحقيقه
أحيانا الحزن يدفعنا أن نثبت شيئاً لأحدهم

..
ماتسيبش زعلك كدا ,, يكبر جواك ويعشش !

..
الدنيا أقصر من اننا نستنى فرصة تانية !

..
سامحني لأني في وقت احيتاجك مكنتش صديقك
ولحظة فراقك مابلتش ريقك

..
لما يبتليك
عارف انك قدها
وعلى اد محنتك بيقويك ! :)

..

[Dr Nabeha ♡ · Rating 3 out of 5]

وأنا بدوري أقول إلى أبي الغالي 💙
I miss you like an ischemic heart miss its blood supply♡♡

I implanted in my SANode♡♡

Miss you like ventilation♡♡

💙💙

[Eman Mourad · Rating 3 out of 5]

بيعيش كل واحد عمره بالورق
مابين اسم بيتكتب وشوية ورق وما بين رُخامة
كله في حياتنا ماشي بالورق
فتلاقي عمرك اتسرق في دنيا أصلا من ورق
وفالنهاية برضو أخرتها ورق
أوراق كتيرة لكل واحد في دوسيه الحياة
أولها بشهادة ميلاد وأخرها بشهادة وفاة
ومابينهم شهادات كتير لمجرد اسم بيتكتب على شوية ورق
منهم ورقةلورث بيتفرق
أوإمضاء تايهة في العقود
وصورة في البرواز ورق ع الحيطة بتتعلق
والإسم في النهاية مكتوب ع الرُخامة
ومحفور عليها حفر تتحط فوق القبر
لما يزوره حد بتتشاف
وتبقى لقبره علامة
واللي باقي لآخر المطاف سيرة بتتجاب بخير أو شر لحد يوم القيامة
فكل الحكاية في النهاية بتكون ورقة ورُخامة!!

[هند · Rating 4 out of 5]

* محدش بيحس بالوجع .. غير صاحب الوجع
ومحدش بيتألم لفراق حد .. غير اللي عاش معاه
ومحدش بيعيش الحزن .. غير اللي بيكون فيه
ومحدش بيحل مكان حد .. ولاحد بيبقى شبه حد
ومكانه فجوة في الحياة .

بجد يانورا وجَّعتيني بكلامك ووصلتّيني ساعات
إن عيوني دمّعوا :(
ربنا يرحمه حبيبتي ويغفرله ويسكنه فسيح جنّاته :(

الكتاب فعلا معبر جداا عن فقد الأحبة , بغض النظر
هما مين .
كثيرٌ منا يعيش في كنف أهله .. وكأنه يعيش وحيداً
لايشعر بهم !!
وكثير منا أيضاأيضا من يؤجل أشياء عليه إحقاقها
أو فعلها لأحبته .. ثم يستفيق بالنهاية على حسرة
فقدهم ويندم .

[Maya · Rating 2 out of 5]

كبرتًُ يا أبي...
وارتسمَت على ملاحي الهموم
كبرتُ... وكبر الوجع بروحي
كبرتُ... وكبر الحِمل على كاهلي
كبرَت ابنتك الصغيرة
أو بالأحرى التي كانت صغيرة

[Isel · Rating 5 out of 5]

عجبنى جداً

الكتاب فعلا معبر جدا عن فقد الأحبة , بغض النظر
هما مين .


* محدش بيحس بالوجع .. غير صاحب الوجع
ومحدش بيتألم لفراق حد .. غير اللي عاش معاه
ومحدش بيعيش الحزن .. غير اللي بيكون فيه
ومحدش بيحل مكان حد .. ولاحد بيبقى شبه حد
ومكانه فجوة في الحياة .

“النفوس الطاهرة لا تموت ..
تبقى آثارها في الدنيا ولا شئ يُمكِنه مَحْوِها .”


وحتى الأماكن تغيرت برحيلك
تكاد تكون قد رحلت معك ولن تعود


بعدك يا أبي لم اعد طفلة أحد
برحيلك لم اعد صغيرة أحد
بغيابك لم يعطف عليّ أحد !


“بعدك يا بابا
مش حاسة بحاجة
غير إني إنكسر جوايا حاجة
والحاجة دي هي أكتر حاجة
أنا هفضل ليها محتاجة



رحم الله أمواتنا جميعا

[Bashir Elsamani · Rating 4 out of 5]

كتاب عاطفي جدا , لم اتمالك نفسي من التأثر به والتفاعل معه وبالفعل لا يستطيع احد تخيل احساس الفقد الا من فقد .. شعر جميل وخفيف .. اعجبني الجزء الدارجي كما العربي الفصيح ..
**

فارقتني ولم اشبع منك بعد ..
رحلت عني ولم اكتف من عطفك بعد ..
تركتني ولم ابدأ حياتي في حياتك بعد ..

**

يمنحوننا حب وعطف لدرجة العطاء اللامحدود
تنقلب للضد بعد رحيلهم لحزن ليس له حدود
ربما لو كانوا اقل عطاء
ربما لو كانوا اقل عطفا
ما كان يملؤنا بعدهم كل هذا الحزن
وما كان يجتاحنا هذا الفراغ الموحش برحيلهم

**
اخيرا الرحمة والمغفرة لجميع من فقدناهم

[Nouran Rostom · Rating 4 out of 5]

أحببته جدأ..
رغم ان اللغة مش قوية ..لكن المشاعر الصادقة و الكلام النابع من القلب يصل إلي القلب و يترك بصمة لا تزول..
الكتاب أثر فيا بشكل شخصي،خلاني أدرك تقصيري تجاه أبي و أمي.و أراجع نفسي في ضرورة إني أهتم بيهم أكتر و أظهر لهم الحب و الحنان و الامتنان قبل فوات اﻷوان..
جزاك الله خيرا يا نورا عن كل حد خلتيه يراجع نفسه بقراءته لكتابك.. رحم الله والدك و جعل مثواه الجنة ..ربنا يجمعكوا ببه في جنات النعيم ان شاء الله..
مش هتكون آخر مرة أقرأ الكتاب..كل ما احس اني لازم أفوق من الحياة اللي وخداني و لهياني عن أكتر ناس بيتعبوا عشاني،،هقراه :)

[Nagwan · Rating 5 out of 5]

الكتاب حلو اووووي بجد يا نورا ... كلامك لمسنى اوى ووجعنى جدااا وفى حاجات كتير عبرتى بيها عن اللى نفسى اقولة بجد :(
أحساس الفقد وحش اوووى وانا زيك سنة اولى فراق برضوو عشان كدة بجد كل كلمة كانت قريبة من قلبى اوى وكانت بتفكرنى بموقف او يوم
كان نفسى احدد ليكي الحاجات اللى عجبتنى اوى بس مش هاعرف الحقيقة لانهم كتير اووووي :(

[Aiya ali · Rating 4 out of 5]

:|
Deep & painful !:(

الله يرحمه و يجمعكم بيه فى الجنة إن شاء الله .

خلتينى أقوم أبوس ماما و بابا و هما نايمين دلوقتى :))
و خايفة أحضنهم أصحيهم !:|

[Inass Mihoubi · Rating 4 out of 5]

الى أبي "... أعترف أنني ذرفت دموعي عند كل صفحة .. أحببتها بما فيها من صدق و عفوية .. هي بالفعل رسالة الى كل شخص عزيز فقدناه" ..

[Mohammad Barakat · Rating 5 out of 5]

بداية ... انا اعطي هذا الكتاب ...
كل نجوم السماء ... ليس لشيء ..
وانما لصدق مشاعرك ودفء كلماتك يا نورا
رحم الله والدك وغفر الله له ... وأدخله فسيح جنانه ... وجمعك به الله في الفردوس الأعلى

أعجبتني نورا جدا حين وعدت والدها الراحل ...
أعدك يا أبي ... سأعيش وسأفرح ... وسيكون لي بيت ...
وانت أول من سيدخله ... "بصورتك"
سأعلقها أول شيء ... "أعدك"

اذا كنت يتيما
اصبر ... وابتسم ... وافتخر
فـ نبيك كان يتيما
وباليتم صار عظيما


يقولون لا يموت الانسان الا حين لا يتذكره احد
لذا لم يرحل أبي ولا الراحلون من أحبابي
ما دمت انا أتذكرهم
لن اعهم يموتوت ما دمت على قيد الحياة
اعدهم ... لن يموتون حتى اموت

عند موتي أتمنى أن اموت بين أحبابي على سرير دافئ
حيث هناك من سيحملني برفق ويقرأ لي بعض من القران
ويدعو لي ويساعدني أن أرقض في سلام

أخاف أن لا اجد من يحزن على فراقي
ولا يتذكرني بعد ان اموت
أخاف أن أرحل بين أناس لا يحبونني
وكنت لا أهمم حيّا ... حتى اهمّهم ميتا

فهؤلا ربي أبعدهم عني
ربي لا تسلم أمري لهم وأنا في سكرات الموت
ولا تجعل بدني بين ايديهم
اجعلني بين ايدي أحبابي
واجعل رزجي امنه مطمئنة
وأدخلني في رحمتك
أحيانا الحزن يجعلنا أكثر ايجابية
فيجعلنا الألم .. نصّر على النجاح ويدفعنا بقوة لتحقيقه
أحيانا الحزن ... يدفعا أن نثبت شيئا لأحدهم

[Maha · Rating 4 out of 5]

بابا ❤ بحسها كلمة كفاية تعبر عن الي جوايا، كلمة كلها حب وحنية، مفتقداه جداً، بعشقه جداً، حبي الأول ❤ قدوتي في الحياة، مهما قلت مش حاعرف اعبّر عن حبي ليه واحساسي ناحيته، فجأه في يوم ملقتهوش، سابني وحدي :( نفسي يكون راضي عني..
بحبك وبدعيلك ❤
الكتاب
الغلاف ❤ حلوو جداً
والكتاب جميل أوي وخفيف لمسني جداً وعبّر عن حاجات كتير جوايا
عجبني أكتر الجزء بالفصحي اكتر من العامية

مما اعجبني ^^

بعدك يا ابتي،، لا حياة تحلو لي!


يا من تواسوني..
ومن احزاني تريدوا ان تخرجوني
شكراً لكم .. ولكن،
أرجوكم اتركوني
فأنا إيماني بربي قوي،
ومؤمنة بقضائه وقدره
وأعلم كل ما تقولون،
ولكنكم أنتم لا تعلمون..!
لا تعلمون من كان أبي بالنسبة لي
ومادا يعني وجوده في حياتي
فـ اعذروني
ولأوجاعي اتركوني
ولا تلوموني.

انت اخويا
ابن امي وابن أبويا
إنت سندي
وإنت ضهري بعد أبويا
وإنتي أختي
لو زعلتي واتخانقتي
أو نسيتي أو بعدتي
فـ صاحبتي وأختي انتي
وإنتي أمي
خيرك كله جوا دمّي
شايله همّي
دعوة منك تمحي غمّي
وإنت أبويا
حته منك
شايلة اسمك
وإحنا انت
إحنا واحد
بس مش في جسم واحد
إحنا جملة حضن واحد
حُضن أبويا. ❤

فارقتني..
ولم اشبع منك بعد
رحلت عني..
ولم اكتفي من عطفك بعد
تركتني..
ولم ابدأ حياتي في حياتك بعد!

[ياسمين Thabet · Rating 3 out of 5]

فعلا كتاب متميز
اولا تصميم الغلاف جميل جدا وصافي ومناسب

احب انوه اني وقفت كتير جدا عند المقدمة
اللي بتقول فيها الكاتبة
اللهم اجعل قلمي سلاحا للاسلام
ولا يكن سببا في معصيتك
عجبتني جدا المقدمة المميزة والنادرة دي
ولمستني انا ككاتبة وتساءلت بيني وبين نفسي هل كان قلمي كدة فعلا؟
وهل فعلا افدت بيه ام اذيت او جعلت الهزل يصدر منه؟
اوقفتني مع نفسي كتير
وكمان اتمنى ان كل الكتاب يسألوها لانفسهم
لان في بعض الاقلام مش بس مش بتكون سلاح للاسلام....دي بتكون سلاح ضده

النصف الاول من الكتاب معجبنيش خالص
اما النصف التاني المكتوب بالعامية كان اكثر من رائع
ابدعت فيه الكاتبة
خصوصا قصيدة البوم صور
كانت اروع مافي الكتاب
ابدعني يا نورا

رحم الله اباكِ وادخله الجنة بغير حساب

[Hanaa Alhoshy · Rating 4 out of 5]

(فلبه حاسس) made me cry and remind me with my experience of losing my dad.......... اللهم ارحم ابائنا واغساهم بالماء والثلج والبرد ونقهم من الذنوب والخطايا كما ينقى الثوب الابيض من الدنس ...دعاء حفظته من ابى فى السادسة من عمرى

[Marwa Younis · Rating 4 out of 5]

بدايةً أختى أحب أقولك
رحم الله هذا الرجل الذى الذى أعطى هذا النور وجمعكما فى جنات الخلد اللهم آمين
واما عن الكتاب فهو رائع
صادق جداً .. استطعتى من خلاله توصيل حالة الفقد لعزيز فى أتم صورها
أبكانى وتأثرت به كثيراً
تحياتى لكى

[Enas Rauof · Rating 5 out of 5]

بجد مش لاقيه كلام يوصف الكتاب دا واسلوبك فيه اكتر من راااااااائع .. كل كلمه قريتها فيه اثررررت فيا وخلتنى عيييطت كتيررررر اوى مع انى ابويا وامى الحمدلله معايااا بس بجد خلتنيى عرفت اهميتهم اكترررر ما كنت عارفه .. انا كنت حاسه كأنى اعده معاكى وبتحكيلى ومقدرتش اقفل الكتاب واكلمو ف وقت تانى

[Raghda Ibrahim · Rating 5 out of 5]

من قبل ما اقراه اديتله 5 نجوم لاني متأكده انه هيعجبني وفي نفس الوقت مش عايزه اقراه خوفا من الألم النفسي الرهيب اللي هحس بيه في كل سطر من سطوره لان وفاة بابا معداش عليها شهرين فاكيد هيرجعلي كل الذكريات اللي هي اصلا موجودة في بالي على طول وشكلي هستنى اما تعدي سنة يمكن ساعتها اما اقراه متأثرش أوي

[Ahmed Kareem HD · Rating 4 out of 5]

سأكون لاجلك ياابي
وقال أبي لي مره ستكون شيئا
فعندما القاة اتمنى ان يراني صرت هذا الشيء

أفتقد دعائك ياابي
ولكني على يقين انك معي

كبرت ياابي
وصرت افكر كثيرا مثلك
كبرت ياابي
وارتسمت على ملامحي الهموم
كبرت وصرت اعرف الموت

لن تجف دموعي بعدك ياابي
حتى أكون في جوارك

[Nemo · Rating 5 out of 5]

أحيانا الحزن يجعلنا أكثر إيجابية
فيجعلنا الألم نصْر على النجاح ويدفعنا بقوة لتحقيقه
أحياناْ الحزن يدفعنا أننثبت شيئاللآخرين

بجد شبهك قوى الكلام ده ربنا يوفقك ومن نجاح لنجاح

[Ashraf Fathi · Rating 5 out of 5]

بجد عجبنى الكتاب جداً
أبى أفتقدك بشده ,, أحتاجك بشده
“لن تجف دموعي عليك يا أبي حتى أكون في جوارك”

[Nö NâẊƥ]

<3

[Mervat · Rating 5 out of 5]

i like it

[هدى خورشيد · Rating 1 out of 5]

لم يعجبني بالمختصر المفيد لكنني اقدر مشاعرها ..

[Eslam Khashaba · Rating 5 out of 5]

عــــــالــــــــــي

[Soshy · Rating 5 out of 5]

من الكتب اللى بتعيش ويلمس كل انسان بيحس
..
عاوزة احط كله لان كله عجبنى
بس حلوه دى اووى

ياللى عيشتوا اليوم دا زيي
وياللى لسه حتعيشوه
بوسوا ايده واحضنوه
بوسوا رجله لو تحبو
واوعوا اللحظة دى تفوتكو
صدقوني حتندمو..
وحتعيشوا بقيت حياتكوا
باللحظه دى تحلمو
اوعوا اللحظه دي تفوتكو
قولو ك�� اللى ف قلوبكوا
الدنيا أقصر من اننا
نستنى فرصة تانية
كلنا فيها مغفلين
..عايشين متعشمين
فى دنيا أصلا فانية
العشم فيها مالوش وجود
ولساكم بتستنوه
كلمة عشم زي السراب
مهما يبانلكم قريب
...مستحيل حتمسكوه
فاوعوا الفرص اللي بايدكم
تسيبوها...راح تسيبكم
وإوعوا اللحظة دى تفوتكوا
صدقونى هتندموا

[Bushra · Rating 2 out of 5]

بسيطة جدا كلماتها , عفووووووييييية و تلقائية
ممكن حاليا ما افتكر بيوم اني ممكن بكيت أو دمعت بسبب كتاب , لكن كلمماتها لامستني
كما قالت نورا بالعامي :
محدش بيحس بالوجع
إلا صاحب الوجع

حبيت كتاابتها الفصحى أكثر .. لكن عموما مشاعرها وصلتني :"""

الكتاب قصير جدا , الحقيقة لم يأخذ من وقتي الا ربع ساعة ..لكنه جميل بي حال من لاحوال ..
من الكتب التي لا أفكر بإعادة قرائتها مرة اخرى ولا حتى بنصح أحد بقرائتها * إن شاء الله *.. فهذا مؤلم !!

رحم الله أبي وحفظ أمي ورعاها .

[Houda · Rating 3 out of 5]

الكتاب لطيف، عبارة عن خواطر و رسائل من الكاتبة لابيها المتوفى "رحمة الله عليه"، احسست بكل كلمة خطت فيه و عشت كل لحظة و ذكرى سردتها الكاتبة، ببساطة قالت كل ما وددت قوله عن و لأبي رحمه الله و هذا ما اعجبني بالكتاب.
اختتمت الكاتبة عملها بشكر كل من استفزوها و كتبو للام و غنو للام و عملو عيد الام، و نسو الأب! فجعلوها تكتب هذا الكتاب..
و أنا بدوري اشكرهم على الاستفزاز.. و أشكر نورا الخشبة على العمل.