فرشة الموتى

خبايا #1

by أحمد يونس

العدد الاول من السلسلة الشهريه الجديده التفاعليه : (خبايا مع احمد يونس ) ملحوظه .. (ليس لها علاقه نهائيا ببرنامج خبايا مع احمد يونس) – خبايا هي سلسله شهريه جديده للجيب … رعب حقيقي حدث بالفعل !!! – خبايا : يقص علينا فيها احمد يونس قصص حقيقيه مخيفه حدثت له شخصيا ، وقصص وخبايا مر بها متابعوه ! وخبايا مرعبه مفزعه وسريه للمشاهير !!

Genres: Horror

Paperback

Published June 1, 2022

About the author

أحمد يونس هو مذيع راديو و تلفزيون مصري، من مواليد 30 يناير 1981 (34 سنة)، متزوج و لديه ابن ، حاصل على ليسانس اداب قسم لغة إنجليزية , بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003 , كانت فقرة "نص ساعة مع احمد يونس " هى اول ما أذاع على نجوم إف إم،و مؤخرا يقدم برنامج عالقهوة من الساعة ال12 منتصف الليل و حتى ال3 فجرا ايام الاثنين و الاربعاء و الخميس و الجمعة،و كان أيضا يقدم برنامج "حياتنا" مع دكتور سعد الدين الهلالى على نجوم إف إم، و لكنه توقف عن تقديمه في أواخر عام 2014 لأسباب غير معروفة،و اصبح دكتور سعد الدين الهلالي يقدمه منفردا.

Reviews

[Ahmed Charisma · Rating 2 out of 5]

هي مسلية وكل حاجة .. بس قصص مكررة أوي ومفيش أي حاجة منهم ممكن أي حد عاقل يصدق إنها حصلت بجد .. كلها ناس شافت ناس فعلا مش مجرد أصوات بس مثلا وخلاص .. العينين البيضة .. الريحة الوحشة .. الكائنات السوداء .. الغاز إللى بيخنق الناس .. تكرار كتييير

[ESRAA MOHAMED · Rating 2 out of 5]

أنا لا هعلق على الأخطاء الإملائية ولا هعلق على نوعية الكتابة الأقرب إلى بوستات على الفيسبوك، لأني عارفة أن هذا الأسلوب منتشر حاليا بين كتاب شباب وهو تجميع بعض البوستات على السوشيال ميديا وتقديمها في كتاب، أو زي ما الكاتب متعود يوثق الحكايات في البرامج بتاعته ويقدمها في سلاسل روايات مع تغيير بعض الأحداث طبعا.

هل هنفضل نهاجم النوعية دي من الكتابة ولا نحاول نتقبلها لأنها أصلا موجهة لجيل مش مهتم أصلا بالقراءة وقد تكون دي الوسيلة الوحيدة اللي هتخليهم يفكروا يفتحوا كتاب، معرفش الإجابة الصحيحة المناسبة في ظل انتشارها وطبعا تحولها لمصدر كسب هائل لمعظم دور النشر.

نيجي لرأيي الخاص هل هكمل السلسلة؟
غالبا آه، السبب أنني عايزة كتابات مفيهاش تركيز الفترة دي، يمكن لو كنت قرأتها في وقت مختلف كنت استنكرت ورفضت وعملت ريفيو ناري يهاجم بس حاليا أنا على نظام مش فايقالك ياعسل والله.

هل استمتعت؟
اعتبرتها قصص خفيفة بقرأها بربع تركيز.

هل صدقت القصص؟
مؤمنة بوجود كائنات وعوالم مختلفة معانا، بس حسيت القصص كلها في قالب محدد زي الأرواح المعلقة بسبب موت مأساوي أو الجان الأسود الضخم أو المس الشيطاني، الأوصاف اللي حاول العقل البشري يستوعبها بخصوص هذه الكائنات.

هل الكتاب مرعب؟
والله يا أستاذ مفيش رعب أكتر من اللي عايشينه في الواقع، وأعتقد أن احنا صعبانين على عالم الماورائيات كله على بعضه.

من الآخر اللي عايز يقرأ الكتاب يتعامل معاه على أنه برنامج من برامج الكاتب أو بوستات عالفيسبوك وأهو كله محصل بعضه.



استمتعوا...
دمتم قراء…❤❤❤

[Marvy Eskander · Rating 2 out of 5]

القصص شيقة لمن يحب حكايات الرعب. ولكني لا أجد بصمة الكاتب في الكتاب حيث إنه عبارة عن قصص منقولة على لسان صاحبها وأخذها كما هي في كتابه واضعًا لها عناوين مكررة وغير مرتبطة بمضمون القصة.

[Hayam Ali · Rating 2 out of 5]

علي قد ماحبيت نادر فوده
علي قد ما ندمانه اني ضيعت وقتي علي خبايا 😔

[Youssef · Rating 3 out of 5]

قرأت الجزء الثاني قبل هذا.
لكن اغلب القصص التي هنا تكررت في العدد الثاني مع اختلاف العناوين.
كما قلت في مراجعة الجزء الثاني انها مجرد قصص سقرأها وتنسها فور الانتهاء من القراءة.
يستخف بعقولنا لدرجة انه في قصة باسم (منيرة).
مكتوب قبل بداية القصة
(- صديقة نادي الخبايا (ع) بتقول.)

(ع) يعني الراوية اسمها اما عالية او علياء مثلاً .. لا بالتأكيد.
وتبدأ الراوية وتقول:
"بابا كان بيحب تيتا منيرة قوي (الله يرحمها) لدرجة انه سماني على اسمها"
(ع) = منيرة.
...
الرعب عند (احمد يونس) في سلسلة خبايا يعني:
1. أشباح سوداء طوال او قصار القامة/ بشعر او بدون.
2. منزل او مصنع او سرير او قطعة قماش (مات او قُتل او انتحر) صاحبها ويظهر شبحه او قرينه.
3. أطفال تظهر في اي مكان . على سبيل المثال الحمام.
4. واشباح بتخرج من دواليب.
والباقي مفهوم.
..
وضعت هذا الجزء في رف (النوستالجيا: الشعور بالحنين للماضي) لأن كان له ايام جيدة معي.
...
افضل من الجزء الثاني .. شبه مخيفه في بعض القصص والبعض الكثير لا.

[Yasmina Wagdy · Rating 4 out of 5]

احلى حاجه أنها قصص حقيقية والكاتب احمد يونس بيعرف دايما يخلينا نتخيل الموقف زى ماهو كأنكك عايش مع اللى بيحكوا الخبايا وخيالك ممكن يصورلكك الحاجات دى ف ارض الواقع مع ان ممكن ميكنش حصل موقف زي دا معانا قبل كدهه

[Moheb M. Moheb · Rating 3 out of 5]

فكرة كويسة.. أغلب القصص كان فيها رعب بشكل كبير.. والجميل كمان إنها قصيرة فما فيش إحساس بالملل.. العيب الوحيد بس إن في أخطاء لغوية في السرد، وأنا مش معترض على اللغة العامية تمامًا وشايفها ميزة في العمل، لكن في أخطاء واضحة في تركيب الجمل واختيار الكلمات.. لكن في المجمل أنا عجبني الكتاب واستمتعت بيه..

[Malak Lotfy · Rating 2 out of 5]

Not that I hate it but I didn't like how short the stories were, barely above 2 pages so you're not attached and would've loved it if he wrote it in his unique way like nader foda :)

[Marramero Mo · Rating 1 out of 5]

*كتاب سيئ وركيك جدا الحقيقة من اسوء ما قرأت وتضييع وقت بجد.
*نفسي بجد نفرق بين اللي ينفع ننشره كبوستات فيسبوك او حتى نتكلم فيه في حواديت في الراديو ومبين ما يستحق نشره في كتاب كعمل ادبي متكامل، لكن للأسف من ساعة مدخلت المصالح المادية والتريندات والأدب بقى سبوبة للأسف واي حد مشهور عنده شوية متابعين لأي سبب من الأسباب ينشر كتاب وهو ضامن ومتأكد انه هيبيع ويبقى ترند والدار نفسها بتكون هي اللي بتجري وراه كمان دون النظر بقى لأي محتوى اصلا وهل دي مادة تنفع تتنشر في كتاب ويصنف عمل ادبي ولا اخرها بوستات فيسبوك؟!!
*بالنسبة بقى للعمل ده - اللي مش هقدر اقول عليه كتاب- فهو لا يمت للأدب بصلة لا قريبة ولا بعيدة وحتى مفهوش عنصر واحد من عناصر العمل الأدبي حتى الترفيهي منه.
*الكتاب عبارة عن شوية حكايات ساذجة وتافهة كليشيه مكررة من تأليف احمد يونس وجزء تاني من تأليف ناس عادية محدش عارف بيألفوا فعلا ولا حصلت بجد وأشك طبعا جدا، وبصرف النظر عن كده، فالحكايات نفسها في منتهى السطحية والركاكة ولو كانت منشورة حتى على الفيسبوك مكنتش هفكر اقرأها اصلا من شدة سطحيتها.
*مفيش اي نوع من انواع التشويق مفيش اي نوع من انواع الحبكة حتي لو متألفة مفيش اي حاجة تماماً لدرجة اني حاسة ان الريفيو ده كتير على العمل ده اصلا.
*للأسف فشل أدبي ذريع ولا يرتقي ولا يصلح انه يكون كتاب حتى لو ترفيهي.
*مش عارفة خالص اذا كنت هفكر مستقبلاً أكمل السلسلة دي أو حتى اقرأ تاني اي حاجة لاحمد يونس واديله فرصة تانية، ولا هكتفي باللي قريته في العمل ده وكفى، لسه مقررتش بس التجربة بالنسبالي كانت من اسوء ما يكون واعتقد حتى حديثي السن والمراهقين الكتاب مفهوش اي متعة بالنسبالهم لا على مستوى التشويق ولا علي أي مستوى.
*ياريت لو احمد يونس يركز في عمله كمذيع افضل واحسن كتير من الدخول في مجال مش مجاله تماماً.

[Osama Elnagdey · Rating 4 out of 5]

الجزء الاول من خبايا
وقصص عالم اخر يعيش معنا
ما هي فرشة الموت ؟
وكيف يتم استقبال احد الاموات ؟
الممثل الذي قام بجلسة تحضير قبل وفاته بايام فهربت اسرته ومات وحيدا
خبايا من افريقيا ورقصة الجن
مطاردة الاموات للسائق الذي نقل الجثث بالحادثه بعيدا عن الطريق
خبايا من العراق وضربة الجن
خبايا من الجزائر والسحر الاسود
وغيرها الكثير والكثير

[Mohamed Ali · Rating 3 out of 5]

كتاب خفيف وجميله القصص اللي فيه، وعجبيني فكره نادي خبايا وقصص أن يحكيها ناس حصل معهم حاجات زي كده ورجعت بها لمستوي كويس عجبيني احسن بكتير من الروايه الأخيرة وفي انتظار باقي السلسله من خبايا اشكرك .
البقاء لله في والدتك وربنا يرحمها ويغفر لها ويجعل مثواه الجنه يا رب

[Amr Tamer · Rating 4 out of 5]

الكتاب مسلي جدا و ارشحه لاي حد عايز يلاقي كتاب اكشن اكتر منه رعب لان الكتاب الرعب فيه رعب مفاجات ورعب نفسي اكتر منه رعب عفاريت و جن و استطاع احمد يونس يبدع في الكتاب ده من خلال خبايا جمهوره و قصص عنه و عن احد المشاهير. الكتاب يعتبرمن كتب الجيب

[محمد أحمدفؤاد · Rating 5 out of 5]

كالعادة
ساعة كاملة كانت كفاية اني أخلص فيها الرواية
ساعة كاملة من القشعريرة غير المبررة في يوم 26-6-2021 في عز الجو النار اللى اضطريت اقوم اقفل المروحة بسبب القشعريرة اللى في جسمي.
رواية خفيفة وممتعة جدًا ومتشوق بقراءة المزيد من الخبايا

[Osama Yosre · Rating 2 out of 5]

كتاب خفيف عبارة عن مجموعه من المواقف التى ليس لها تفسير من اصدقاء احمد يونس اللى هما القراء .... اللطيف انك بعد ما تخلص ما تفتكرش منهم شى بسبب العدد الكبير للقصص القصيرة
اسلوب الكتابة اسلوب بسيط وكانك قاعد ما صحبك بيحكى ليك

[Alanoud Talal · Rating 4 out of 5]

عدد الصفحات : ١٧٣ صفحة
نوع الكتاب : رعب
لهجة سرد الكتاب : اللهجة المصرية




نبذة عن الكتاب : الكتاب عبارة عن قصص قصيرة تدور احداثها عن تجارب اصدقاء نادي خبايا مع الجن و العالم الاخر




حبيت الكتاب خفيف لطيف واسلوب الكاتب ما حسسني بملل

[Nour Mostafa · Rating 4 out of 5]

This is my first read to Ahmed, and second try to read this type of books, i enjoyed but i have many questions!
So, decided to buy the second book of "خبايا"
Give it 4 stars with love ♥️

[Nada · Rating 4 out of 5]

خلصتها فى قاعده واحده كانت مشوقة

[Nour Sayed · Rating 5 out of 5]

مرعبة ♥

[Hassan Ezz ElDin · Rating 3 out of 5]

عمل ضعيف
ليس به اي جذب

[Rh · Rating 3 out of 5]

لم تكن مرعبة

[Mohamed Adel · Rating 1 out of 5]

من اتفه ما قرأت ، لا تستحق القراءة و لا اضاعة الوقت

[Retal Rady · Rating 4 out of 5]

القصص اللي فيها حلوه جدا والرعب بتاعها جامد بس حسيت أنه القصص مفيش حد عاقل يصدقها يعني لان المفروض أنها قصص حقيقيه بس بصراحه انا اعتبرتها خيال وحبتها جدا بصراحه

[Fatma Mohamed · Rating 5 out of 5]

من زمان من وانا صغيره بحب اسمع احمد يونس كنت ببقي مرعوبه بس بجد كان بيشدني دايما الكتاب خلصته ممكن ف اقل من ساعه مبدع ف كل حاجه ♥♥♥

[Yosab Gamil · Rating 3 out of 5]

قصص من الواقع قصص قلما وجدت بها شيا مخيفا لكن حين تقرائها فى نفس الاجواء اللتى كنت اقرأ فيها حتما ستشعر بقليل من الخوف وعدم الارتياح
حيث انه عن نفسى كنت اتخيل كل قصة اقرأها كأنها تحدث فى حياتى أنا كقارئ
اللغة العربية العامية قد تكون متوسطة الاداء لكنها جعلتنى ادخل فى اجواء القصص
التقييم الكلى ( ١٠ / ٦ )
وهذا تقييم جيد بالنسبة لاول عدد ، وانا قررت أنى سأشترى كل الاعداد القادمة.

[Basma Reda · Rating 3 out of 5]

كتاب خفيف
حسيت بالخوف مع كل حكاية فيه

[fatma · Rating 5 out of 5]

رائع