أحببت لاجئة

by محمد المشد

خَضَعَت لنا دُوَلْ، وقُصِفَت لأجلِنا مُدُنْ، وعُزِفَت لنا أحداثٌ عالمية "" كل هذا لنلتقي, فهل يُفيدنا اللقاء ؟تلك الكلمات قيلت للاجئة سورية قادها القدر لمصر فأحبت شارب مصري شعبي يجتهد في الوصول لأن يصبح أهم رجال الأعمال من خلال إمتلاكه سيارات أجرة بموقف الميكروباصات ليكشف لنا إمبراطورية الموقف التي تحكمها نفس قوانين السياسة لكنها تتسم بالوضوح التام المسمى بلطجة يحاول البطل تهيئة بيئة مناسبه للحبيبته اللاجئة فيساعدها على إنشاء وطن سوري صغير بمصر ويبدأ شرارة المشاريع السورية التي تأخذ نصيبا كبيرًا في السوق وتسيطر على جزء كبير في الإقتصاد المصري ,وبالتوازي مع نجاح اللاجئة يبدأ البطل المصري خسارة كل شئ أمام سطوة البلطجيةلتنقلب المعايير , ليصبح ا&#

Kindle Edition

First published January 27, 2018

About the author

محمد المشد
مؤلف ومقدم برامج تليفزيونية
تخرج في كلية الآداب قسم صحافة
حصل على المركز الأول في كتابة القصة القصيرة
من جامعة عين شمس عام 2012
كتب وقدم برامج الأطفال مثل ( عيد - بيحبنا وبنحبه - حبات اللؤلؤ )ا
كتب حلقات الأطفال لبرنامج الإعلامي / شريف مدكور
كما أعد وقدم البرنامج الوثائقي " بلاد الكنانة "2017

رواياته

عَرَفتُ الله بِحُبِك 2017
أحبَبْتُ لاجِئة 2018
بطلة كل حكاياتي 2020
غير قابل للكتمان 2022

Reviews

[Mayar Hashem · Rating 2 out of 5]

تاريخ محمد نجيب وجمال عبدالناصر، والثورة، وعالم موقف الميكروباصات، وبشار وسوريا، وأحلام نوح الوردية وكفاحه، كل الحاجات دي واقعية جدا وكانت احلى ما في القصة، بس موضوع فيروز اللي معداش علي القصة صفحتين الا وحبت نوح، وأمنية اللي وقعت في حبه أول ماشافته والحواديت الرومانسية المبالغ فيها، والplot twist اللي في الاخر ده مش مقنع وحسسني اني باتفرج على فيلم هندي، يعني لو الكاتب كان ركز اكتر على السياسة والتاريخ كانت هتبقى احسن، بس دي رواية رومانسية في الاخر يعني. وانا بقرا القصة كان نفسي تخلص بسرعة لأنها مملة ومكنتش حباها وكنت ساعات بقول "ايه القرف اللي انا اشتريته ده" كل ماخلص صفحة او اتنين، وفي الاخر النهاية طلعت مفتوحة يعني ماعرفناس لو نوح كانوا من اللي نجوا ولا لأ. لكن من الناحية الواقعية، الكاتب ماقصرش في انع  يكشفلنا عالم السواقين الunderrated وانه يوصلنا ادق تفاصيل محاولتهم عشان يجيبوا لقمة العيش وازاي شباب الثورة اللي هتفوا في الميدان هما هما الناس اللي لجأت للهجرة الغير شرعية.
مش قادرة احدد لو الكتاب ده حلو ولا وحش، بس الصول فرغلي ده احلى حاجة في القصة ❤

[Amira " MoRoo " · Rating 1 out of 5]

يالحظي التعس ..المفروضه انه روايه سياسيه رومانسيه ..لا يافندم هي روايه رومانسيه عربجيه من الدرجه الاولي ليس اكتر. كل هذا الكم من المهاترات الرومانسيه بين البطل وبين امنيه ثم حدوته اللاجئه اللي حكت حكايتها في مجرد صفحه واحده فقط...والنهايه الصراحه غير واقعيه جدا واعترافهم لبعض نوع من انواع اللي يلي بقي نحب بعض في اخر صفحه...تجربه سيئه جدا

[Nagham Mahmoud · Rating 5 out of 5]

احبت لاجئه هذه اول رحلة لي ف عقل الكاتب و لم تكن الاخيرة ايضا لان مهما كان الكتاب خيال فقط و لكن بيه بعض الحقائق الا اننى احبت فيروز و احبت نوح و بالاخص احبت سوريا و اهلها
الروايه بتتخلص ف النهايه فى حضن فيروز ل نوح و المركب بتغرق تمسكهم ببعض كل دقيقه انا كانت شايفه قدام عينى وحتى فى مشهد امنيه و نوح الاخير كان تحفه و كلامها ليه كان موثر حقيقى و فكره ادخال سيره محمد نجيب ف الروايه كانت فكره رائعه 🌻
سيبنا من كل ده انا الروايه حبتها من غير ليه و ازاى و تحليل و مش حابه بصراحه احلل فيها انا حبتها كده و هفضل حابه اسلوب الكاتب و ترتيب الاحداث و طريقه السرد الاكثر من رائع يكفى انى عشيتها و ان الكاتب ع قدر كفى من اللغه اللى تشبعك و انت تقرا محمد المشد انت اكثر من رائع
عشقت النهايه ❤️

[Rofaida Elmelege · Rating 3 out of 5]

تستيقظ جرائم الماضي عندما ننوي الإستقامة.

رواية عادية و احداثها مملة، تحكي عن شاب يقع ف يحب ثلاث أو أربع فتيات، لغتها ضعيفة بشكل كبير و معظم النقاشات بالعامية ، تطور الاحداث بشكل مبالغ فيه في بعض الاحداث.
الميزة هنا إنه وضحلي صورة عن سواقين الميكروباصات مكنتش شيفاها ، و أحداث في وقت كنت صغيرة على استيعابها ، و بعض المفاهيم الجديدة عن المشاريع الصغيرة و رؤوس الأموال و كيف تدار.

[Lamis abu Hamdiyah · Rating 4 out of 5]

رواية رائعة وبتشد القارئ وبتخلي عنده الفضول يعرف النهاية، لكن النهاية مش كتير حبيتها كنت بتمنى تنتهي قصة نوح وفيروز بطريقة تانية انو يكون في شجاعة عند نوح وفيروز انه يواجهو بعض بمشاعرهم مش يهربو التنين من بعض. " خلي الموت يشجعك تعيش، خلي خوفك من الموت يقويك فتستمتع بكل لحظة في حياتك وترضي ربنا، واحزن بس ما تديهوش اكتر من حقه، خلي الحزن ينفس عنك مش يدمرك."

[رضوى أحمد عيد · Rating 1 out of 5]

من أول كام صفحة مقدرتش أكمل من تقل الدم ومكتوب إنها حقيقية بس معتقدش بصراحة واللهجة السورية أو اللبنانية -مش فاكرة- مكتوبة غلط وأي حاجة..حاولت بصراحة أزود عن الكام صفحة اللي قريتهم بس مقدرتش 😌

[Hanaa Hany · Rating 3 out of 5]

نهاية مش مفهومة لكن طريقة السرد جميلة تعودت عليها من قبل في بطلة كل حكاياتي

[Ahmed Taha · Rating 3 out of 5]

يمكن في الاول اسمها حسيتو تافه ودا مكنش مخليني عايز اقراها وبعدين قلت اشوفها الكاتب كويس اوي وجرئ وبيقول رايو بشكل ذكي عجبني الأحداث مفيش ملل والأشخاص مكتوبين كويس يمكن حسيت باهانه بفكرة لاجئه او احببت لاجئه كنت شايف لو الاسم الطف كانت هتبقا احلي الروايه مظلومه جدا بجانب روايات تاقهه تانيه ولقت نجاح الكاتب انا معرفوش لكن هو كاتب جيد جدا وهيبقا هايل مع الروايه القادمه انا معرفلوش حاجة تانيه بس اكيد هقراله انا اهتراضي عالبنت المصريه اللي حبها كانت سوقيه جدا ومعرفش ازاي واحد بفكر البطل لتشد ليها لكن في المجمل انت امام روايه جيده وغير مبتزله وغير ساذجة وكاتب هيبقا من أفضل الكتاب

[بَـسـمـة · Rating 5 out of 5]

إنتهيت من قراءة الرواية المحببة إلي قلبي للمرة الثانية ، و فى كل مرة أقرا فيها تلك الرواية تجعلنى أري الأشياء بمنظور آخر تماماً ، بعين الحُب و الإهتمام 💙 و تعلمت أن :

- الاحداث الصغيرة قد تقلب مسار الأمور أحياناً .
- ‏- كِتمان أشياء نود قولها قد تؤدى لإنهيار كامل فى جدران قلبك .
- ‏- ليس علينا دوماً أن نتقبل الواقع كما هو.
- ‏- لا تسمح أن تكون الشخص الذي لطالما كرهتة بالماضي.
- ‏- الندم أشد الوسائل تعذيباً و أكثرها تهذيباً للنفس.
- ‏-الحُب يصنع الكثير .
- ‏- دائماً هناك من يختبئ بك لتبحث عنة .

[Youmna Fathy · Rating 4 out of 5]

حبيتها جدااا جدااا جدااا،
بالرغم أن في الاول كنت حاسة انهم حسوا بمشاعر تجاه بعض بسرعة بس حقيقي طريقة السرد رااائعة حبيت الوصف و السرد و التعبيرات الكلمات فعلا جميلة جدااا و قوية 💖 انا حقيقي كنت لما بمسكها بسبها بصعوبة جدااا في البداية كنت حاسة انها رومانسية تقليدية و مفيهاش اي جديد و مجرد حب تافه لشباب لكن كل حاجة فيه مختلفة عن التقليدي ممتعة جدااا و بتجسد الواقع بطريقة مرعبة يمكن حسيت الموقف ده هو دولتنا فعلا و كل الدولة ماشية بنفس النظام ، حقيقي رواية خفيفة ممتعة و فيها معاني حلوة 🌸

[Nourhan Khamis · Rating 5 out of 5]

#أحببت_لاجئة دى احلى رواية ف الكوكب 💜
الرواية روعة فعلا ....ممتعه جداً ...أسلوبك رائع
خليتنا نعيش جواها كده بجد ❤يارب تلف الدنيا كلها إن شاء الله💜💜 هتخلى اللى مش بيحب القراية يحبها ❤
أنت فعلا مُبدع ربنا يوفقك و تكون دايماً ناجح لأنك تستحق ده بجد❤

[Mona Mahgoub · Rating 3 out of 5]

مش قادرة أحدد اذا كنت حبيت الرواية ولا كرهتها، الأكيد انها قلبت مواجع كتير و أكدت على قد ايه احنا كنا ساذجين و طيبين و معندناش خبرة و قد ايه السنين اللي فاتت من بعد الثورة غيرتنا و تعبتنا و عجزتنا ... الكاتب كان عاوز يبرز و يوضح كل اللخبطة و الصراعات اللي مرت علينا فحسيت ان الرواية مكدسة زيادة عن اللزوم بشرح تفصيلي للمواجع اللي مرت بينا في وسط قصص حب أقل ما يقال عنها fake لاني معتقدش ان في كده اصلا المثالية المبالغ فيها من البطلة و البطل و المشاعر التقيلة جداً بالشكل ده، و حتى البنت اللي حبها و خطبها و ظلمها كانت شبه حاجات كتير حقيقية لكنها مستضعفة أو مستسلمة، أكتر شيء أزعجني في الرواية هي علاقات حب الكاتب اللي حاطط فيها من روحه و ذكوريته و تحكماته و تفاصيله، الرواية في المجمل لطيفة مش وحشة و طبعاً اسلوب الكاتب جيد بغض النظر عن السرد المبالغ فيه للمشاعر و تكرارها و أتمنى الجاي منه يكون أفضل :)

[Amal Mohamad · Rating 2 out of 5]

احببت لاجئة
_ بصراحة الاسم شدني وكنت متاكدة القصة عن بنت سورية وكانت كذلك ...
- برائيي لو ضل الكاتب محايد من الناحيةالسياسية كان افضل للكتاب
- اللهجة السورية ضايعة ع الاخر 🤦🏻‍♀️
- طريقة لقاء وحب البطلين غير مقنعة بالنسبة الي 🙂
- البطلة عندها عقدة انو هي اقل من الناس وهاد شي صعب نلاقي باي بنت سورية (انو بالاخر في عزة نفس/كرامة)
- في شوية تناقضات بالقصة
- بعد هالرواية رح يصير عندك خبرة بالميكروباصات وحياة الناس الي بتملكها
- اكتر شي عجبني فيها الطموح الموجود بالبطل
- الاسلوب سهل وبسيط
- حبيبت الشعر او الغزل الي موجود فيه
- النهاية مأساوية محزنة.

[Sara zain · Rating 3 out of 5]

لحد اكتر من نصها كنت بقول عليها رواية هابطة ومضايقة من الطريقة العامية خاصة اني متعقدة من اسلوب اغلب الروائين الجُداد ،، بس حقيقي فاجئني تتابع الأحداث السياسية ابتدأ من عبارة السلام لحد مركب رشيد وانه يجيب شريحة من المجتمع كله بيبصلها بنظرة شفقة او رجعية ويجيب خبياها ومعانتها حبيت.. مكنتش متخيلة انه اخر الرواية هقول كده بس حبيت نوح أو عمر وفيروز وأمنية 💙
الى البطل الحقيقي عُمر اتمنى لك السلام إينما كنت..

[محمود · Rating 4 out of 5]

أحببت "أحببت لاجئة "........
ربما تكون روايتان الاولى سياسية بحته والثانية رومانسية
وبقدرة الكاتب ربطهم ربطا عبقريا ببعضهم لدرجة انك تشعر انهم رواية واحده
أعجبتني الصلة الكبيرة بين الرواية والشارع الشعبي والثقافة الكبيرة بالبيت المصري
كذلك الألفاظ سهلة وشعبية وفي مكانها وتؤدي دورها جيداا

رسم الشخصيات كاان ممتازا حتى ان الأفعال والقرارات فعلا مقنعه انها خرجت من تلك الشخصيات

والأكبر من ذلك هو القدرة على توصيل مشاعر القهر والظلم وقناع القارئ التأثر لها

أحببتها....

[إسراء تامر · Rating 3 out of 5]

ابهرني وحبيت أسلوب الكاتب في تفاصيل الموقف وحياة السواقين ، اختلفت نظرتي ليهم كتير و بدأت اتخيل كان نوح موجود بينهم.
الإسقاط وتشبيه عالم الموقف بالدوله والواقع.
أول مرة اقرأ في السياسة كانت في الرواية دي وحبيت المعلومات وقررت اقرأ في التاريخ والسياسة.
كانت أغلب اقتباساتي او جميعها سياسي، لم يكن للرومانسيه منها أي جانب لضعف هذا الجزء في الرواية وكنت بعدي الصفحات سريعًا بحثًا عن جزء أكثر واقعية ومن وجهة نظري الأحداث الواقعيه والسياسة كانت ك طوق نجاة للرواية دي .

[Fatema El.Zahraa' · Rating 4 out of 5]

أحببت أسلوب الكاتب في سرد الرواية مع أنني تعجبت من اختيارات الأبطال لكنها مهما كانت آراء شخصية حتى في الحياة الواقعية. لكنني تعجبت أكثر من النهاية! نهاية مفتوحة حاول الكاتب في اعتقادي حل الحبكة بها.
لكن المضحك أنني ظللت أحث الأبطال على قول مشاعرهم في مخيلتي و أنا أقرأ الأحداث :) و أتعجب من عدم البوح بها.

[Rawan Maree · Rating 5 out of 5]

رواية جدا جميلة وجذبتني من اول كلمة.
الكاتب دمج روايتين برواية وحده.
فيها من السياسة والاحداث الكثير بالاضافة للرواية الرومانسية الواقعية.
فعلا كتير من البشر بخسر حب صادق بحياته لخوفه من رفض الطرف الثاني وخسارته للابد ف بيبقى عالق بين الحب والحلم والواقع الي مابده اياه.
النهاية جدا أحزنتني لكن واقعية.
أشكر أناملك على رواية رائعة ... زمان ماقرأت رواية تعجبني من اول حرف لاخر حرف.

[Salma Ezzat · Rating 2 out of 5]

الفكره حلوه من برا ولكن في المجمل رواية سيئة
مش بس عشان الفيلم الهندي الي في القصة الرومانسيه
عشان الالفاظ الغبيه والحوار المتخلف (صفحه 203 كمثال)الي خلتني كزا مره اقفل الكتاب استوعب ايه القرف ده وافتح تاني احاول اكمل عشان اخلص ممن العذاب ده

[Dalia Sayed · Rating 4 out of 5]

قريتها وحبتها جدا ممكن كنت مستغربه ان الأحداث تروح لناحيه امنيه بس الاكيد ان نظرتى للى حوليا اختلفت كتير اسلوبك حلو جدا لدرجه ان مش عقلي بس إللى كان بيتخيل لأ و معاه روحى عايزه اقولك شكرا على الروايه شكرا على نووح❤

[Omnia Osama · Rating 5 out of 5]

عندما تجتمع موهبة الكتابه و المشاعر الصادقه و الحبكة الروائية معاً.. اذا انت تقرأ ل محمد المشد.. الحقيقه أحببت لاجئة هي اول تجربة قراءه ليا ل محمد المشد.. وعرفتها عن طريق الصدفه.. هي رواية من احب ما قرأت.. رواية تلمس مشاعرك وتحرك دموعك.. الحقيقة ان كلامي هيظلم الرواية..بس تجربة ممتعة فعلا 💖

[Islam elhossiny · Rating 4 out of 5]

على الرغم من احتواء الروايه على العديد من العلاقات و المشاعر و الأفكار السطحية اللي يمكن تكون لتعبر عن واقعنا إلا أن الكاتب متمكن في رسم النهاية و الإمساك الجيد بخيوط نسيج الشخصيات.

[Sherehan Mohmed · Rating 4 out of 5]

جميله اعجبتني بساطتها

[Nesma Bakry · Rating 3 out of 5]

قصه فيها تاريخ يشدك

[Mona Magdy · Rating 2 out of 5]

ليتنى عرفتك بقلبٍ بِكر وعقل خالٍ من صراع المشاعر، ليتنى عرفتك قبل الثورة، وقبل دمار سوريا، وقبل صراع الأطراف السياسية على السلطة حتى طحنوا الشعوب تحتهم
وياليت (ليت) تفيد ...

[Bothaina · Rating 2 out of 5]

أحببت السرد والأحداث وإسقاطات الثورة، تمنيت بس لو قلل الجزء الرومانسي أو لغاه حتى لأنه أفسدها!

[Dodo Gamal · Rating 5 out of 5]

كتاب رائع جدا يستحق القراءه

[Marwan El-Sangry · Rating 2 out of 5]

النهاية وسعت اوي

[Doha Elshazly · Rating 5 out of 5]

قراتها من فتره كانت واقعيه وممتعه جدا غالبا بقيت اقدم عذر لكل سائقي الميكروباص على أفعالهم، والنهاية كانت حزينه بس عمتا ممتعه💕

[Shahd Walid]

حبيت الرواية جدا و حبيت طريقه الكتابة اللى خلتنى اخلص الرواية كلها على بعض و حقيقى من الروايات المقربة ليا جدا بتفاصيلها ❤️❤️