Dauðabókin

by Stefán Máni

Stúlka á unglingsaldri deyr vegna ofneyslu eiturlyfja í sumarpartíi í Borgarnesi. Enginn er handtekinn vegna málsins.

Um haustið er piltur myrtur við Rauðhóla. Skömmu síðar fá vinir hins myrta torkennilegar vinabeiðnir á samfélagsmiðlum sem leiða þá að síðu sem kallast Dauðabókin. Hver stendur að baki síðunni og hvað vill Dauðabókin unga fólkinu?

Hörður Grímsson rannsakar málið, sem verður sífellt flóknara. Þegar annað ungmenni liggur í valnum er samfélagið í áfalli en Hörð grunar að vinir hinna látnu segi ekki allan sannleikann. Eiga þeir leyndarmál sem ekki þola dagsljósið?

Hörður Grímsson hefur unnið sér sess sem ein allra vinsælasta söguhetja íslenskra spennusagna. Dauðabókin er áttunda bók Stefáns Mána um þennan sérstæða lögreglumann.

Genres: Mystery

298 pages, Hardcover

Published January 1, 2020

About the author

Stefán grew up in Ólafsvík and lived there until over the age of 20. After school he did general manual labour and service jobs. To name a few, he worked in the fishing industry, did building work, plumbing, gardening, was a security guard, a cleaner, worked with teenagers and cared for the mentally ill.
He has now written eight novels, the first coming out in 1996, Dyrnar á Svörtufjöllum (The Door in the Black Mountains).

Reviews

[Gerður · Rating 2 out of 5]

Þó ég hafi gert margar tilraunir til þess í gegnum tíðina að lesa bækur eftir Stefán Mána er þetta fyrsta bókin sem ég hef náð að festa mig í og klárað. Sem þýðir að þetta eru fyrstu kynni mín af Herði Grímssyni rannsóknarlögreglumanni, sem er ein óviðfelldnasta aðalsögupersóna sem ég hef lesið. Í fyrstu köflunum hafði það mjög truflandi áhrif á mig að unglingarnir í sögunni hljóma eins og unglingar frá 10. áratugnum ekki unglingar í dag, við erum ekki að tala um jafn mikla hörmung og unglingana í Sölva sögu unglings en þetta er samt slæmt. Eins eru allir unglingarnir í sögunni á Facebook og Messenger sem verður að teljast mjög hæpið. Eftir nokkra kafla tókst mér að leiða þetta hjá mér og koma mér inn í söguna, sem náði að vera áhugaverð þrátt fyrir fyrirsjáanleikann. En... það er ýmislegt í þessari bók sem er það problematic að ég gat ekki leitt það hjá mér.

*varúð spoilers*
Haft er eftir einstaklingi sem vill fara í kynleiðréttingarferli: „En þangað til er ég bara transkona en ekki karlmaður.“
Í bókinni eru mjög komment sem jaðra við að vera transfóbísk en þau er hægt að skrifa á karakterana en þarna er einstaklingur sem er að reyna að komast í kynleiðréttingu sem þekkir ekki muninn á transkonu og transkarli.

Sálfræðingur í bókinni talar um fólk sem þjáist af þunglyndi og lífsleiða sem sé „vissulega fylgifiskur þunglyndis. Lífsleið manneskja vill í rauninni ekki lifa , hún þráir annaðhvort líkn eða dauða og þegar líknin virðist utan seilingar verður dauðinn oft fyrir valinu. Manneskja í slíku hugarástandi ber enga virðingu fyrir lífinu, hvorki eigin lífi né annarra. Hún á því auðvelt með að drepa.“ Er virkilega verið að láta sálfræðing segja að þunglyndir eigi auðvelt með að drepa fólk?

Afgreiðslustúlka lýsir ungri stúlku sem fékk að hringja hjá henni: „Hún var frekar lítil, Grönn. Mjóna, þú veist. Lítil brjóst og lítill rass. Ljóshærð, frekar sítt hár.“ Really? Hvaða kona er að fara að lýsa brjóstunum og rassinum á unglingsstúlku? Og ef hún myndi á annað borð gera það, kæmi það á undan hárinu?

Og úff... Poirot atriðið í endann

2/5, hefðu verið 3 ef ekki hefði verið fyrir problematic atriði 1, 2 og 3

[Örvar Steingrímsson · Rating 3 out of 5]

Fínasta bók frá Stefán Mána um Hörð Grímsson, hefði fengið svona 3,5 stjörnur ef það væri í boði. Áhugaverð saga en maður var stundum pirraður á asnalegum ákvörðunum sem manni fannst kannski ekki alveg trúverðugar sem dregur hana niður. En annars bara fínasta bók.

[Birgir Aðalbjarnarson · Rating 4 out of 5]

Ég er bara nokkuð ánægður með þessa. Betri en Aðventa í fyrra. Hörður er skemmtilegur en óþolandi og aumkunarverður, fullkominn í ófullkomleika sínum. Sagan frekar klikk, en hún passar samt einhvernveginn bara vel inn í Harðarland.

[Inga Hrund Gunnarsdóttir · Rating 2 out of 5]

Ég hef ekki gaman af glæpasögum og útskýrir það að hluta þessa lélegu einkunnagjöf. Fékk þessa bók í jólagjöf. Bókin er vel skrifuð, textalega séð, en er of löng. Seinni hluta bókarinnar fletti ég bara í gegnum svo að ég héldi þræðinum og kæmist að lausn málsins.
Bókin fjallar um morð og eru helstu söguhetjurnar á menntaskólaaldri og svo rannsóknarlögreglan. Ég tek undir ýmsa gagnrýni á efni bókarinnar en það sem ég hef ekki heyrt aðra nefna og ég var mest hissa á er hvaða menntaskólanemi fer ferða sinna í leigubíl? Ég þekki ekki einu sinni fullorðið fólk sem gerir þetta þó að ég viti að það sé til haha.

[Kristín · Rating 4 out of 5]

Þetta var ágætis bók frá Stefáni Mána. Ég hef yfirleitt fremur gaman af að lesa um Hörð Grímsson þótt ég verði að viðurkenna að það er alltaf svolítið skrítið að bækurnar skuli ekki koma í tímaröð. Manni finnst maður alltaf hálfpartinn vera að lesa bækurnar í vitlausri röð nema auðvitað að maður fær ekki að vita um fyrri mál og hvernig þau fóru sem er gott því það er það sem gerist þegar maður raunverulega les svona sögur í vitlausri röð.

[Már Másson · Rating 4 out of 5]

Enn og aftur frábær saga. Plottið í kringum morðin er aukaatriði því Hörður er áhugaverðasti karakterinn í íslenska glæpasagna heiminum. Djöfulsins skíthæll en samt ekki. Maður þolir hann ekki, vorkennir honum og samsamar sig við þennan lúðalega tröllkarl með minnimáttarkennd og impostorsyndrome.
Geggjuð bók.

[Inga Þórunn · Rating 4 out of 5]

Góð bók frá hendi Stefáns Mána. Þarft umræðuefni sem hann setur fram í spennubók. Hættur sem leynast á netinu og kunnátta og áhrifamáttur einstaklinga sem eru siðlausir og valdasjúkir og hatursfullir. Geta fengið fólk til að gera hluti sem þeir mundu aldrei geta ímyndað sér að þeir ættu eftir að gera eins og að fremja morð eða vera meðvirkur.

[Ida · Rating 3 out of 5]

Sífelldar endurtekningar s.s rauðhærði risinn, gamli sléttuúlfurinn og útlitslýsing á hinni stóru og HOLDMIKLU Jenný fóru svo í taugarnar á mér að ég hætti næstum að hlusta! Og hvað er málið með að "rauðhærði risinn" breytist í nördalegan unglingsstrák sem roðnar í tíma og ótíma í hvert skipti sem Jenný kemur fyrir?!?!?
Sagan sjálf annars bara fín 🙃 en svolítið fyrirsjáanleg.

[Hulda Rós · Rating 4 out of 5]

Breyting fyrir Hörð í miðri bók sem hristir upp í honum og á betur við hann. Finnst eins og barnið hafi verið komið í annarri bók. Fljótlesin bók sem heldur manni við efnið, tiltölulega auðvelt að giska á gerandann, gömlum karakterum lýst betur en áður.

[Júlía Ósk Hafþórsdóttir · Rating 5 out of 5]

Geggjuð bók! Fékk mig til að góla og taka nokkur andköf!
Skemmtilegt plot þó maður áttaði sig á því. Og Hörður Grímsson. Þessi maður, óttalegur auli en samt svo góður og klunnalegur. Hann er svo mikið uppáhald. Fannst þó gott að bókin snerist ekki að mestu um drykkjuvandamál hans eins og hefur oft verið!

[Unnur]

maðurinn gat haft samband við rannsóknarlögreglumann og blóðferlasérfræðing til þess að hafa lýsingar nákvæmar en gat ekki einu sinni gúglað skilgreiningarnar á trans konu og trans karli áður en hann skrifaði þessa þvælu…

[Brynjólfur Sveinsson · Rating 3 out of 5]

Ágætis bók, léttari en margar frá Stefáni Mána og lesin á stuttum tíma. Hörður er í uppáhaldi en þetta er ekki besta bókin um hann.
Plottið gegnsætt.

[Ragnar · Rating 2 out of 5]

Áhugaverð saga en fer í ótrúverðugar áttir og missir dambinn undir lokinn. Fram að endanum var hún mjög góð

[Iris Anny · Rating 4 out of 5]

Mjög góð bók, tók andköf þrisvar á einni opnu. Eina sem ég á erfitt með er villa í miðri bók. Maður getur ekki bara svissað hver myrti hvern í miðri bók, ha.. en fyrirgefa má svo sem rugling.

[Ingibjörg Hólm · Rating 3 out of 5]

TW for transphobia

[Agust Holm · Rating 4 out of 5]

Góð saga gott plot 🤓

[Borghildur Sigurbergsdottir · Rating 4 out of 5]

Svo gaman að lesa um Hörð Grímsson, hann kemur lifandi fram í bókunum. Frábær penni hann Stefán Máni. Kannski óþarflega rausnarlegt að gefa þessari sögu 4 stjörnur, hún var ekki sú besta.

[Kollster · Rating 3 out of 5]

með betri bókunum hans Stefáns að mínu mati.

[Sara Hlín · Rating 3 out of 5]

Ég kann vel við Hörð Grímsson þó hann sé að mörgu leiti gallað eintak. Fannst þessi saga þó aðeins of langdregin þó fléttan hafi verið góð.

[Anna Hardardottir · Rating 3 out of 5]

Hörður er skemmtileg persóna sem olli mér vonbrigðum í þessari bók :( sniðug fletta en smá unglingabókabragur á sögunni....
samt alveg ágætis afþreying en ekki besta bók Stefáns

[Helga · Rating 3 out of 5]

Fljótlesin og nokkuð fyrirsjáanleg. Ekki besta bókin um Hörð en agætis afþreying.

[Sindri Ágústsson · Rating 1 out of 5]

Þessi átti ekki upp á pallborðið hjá mér.

[Kári Christian · Rating 4 out of 5]

Good stuff

[Kitta Pálsdóttir · Rating 3 out of 5]

Ekki sú besta en spennandi samt ....

[Stefan Svartling · Rating 3 out of 5]

Huvudrollsinnehavaren är dum och beter sig korkat och storyn förutsägbar.

[Áróra (Icelandic bookworm) · Rating 2 out of 5]

Ætlaði að gefa bókinni 3.5 ⭐ en útaf homophobic atriðunum sem voru í bókinni þá fær hún 2⭐

[Tupu · Rating 3 out of 5]

Ennalta-arvattava,mutta viihdyttävä. Päähenkilö epävarmuudessaan symppis.

[Gunnella Kaaber · Rating 4 out of 5]

Endurlestur

[Svana Þorbj · Rating 5 out of 5]

Spenandi

[Hera · Rating 3 out of 5]

Besta bókin sem ég hef lesið eftir Stebba. Er alltaf smá pirruð hvernig hann skrifar kven-karakterana sína.