What do you think?
Rate this book
Medusa
’n Ongekende vuur brand in Kassie Kasselman se binneste. Hy en Rooi Els het nog nooit só ’n saak hanteer nie. Die sterk emosies wat hy ervaar, stem hom onrustig. Reeds as groentjiespeurder het Kassie geleer dat jy te alle tye afsydig moet staan van ’n saak sodat dit jou nie emosioneel oorweldig nie. Anders maak jy oordeelsfoute. Maar hierdie saak laat dit nie toe nie. Dit krioel in sy binneste soos ’n bondel giftige slange. Die gedagte aan die kinders, aan wat hulle moet meemaak . . . Boonop voel dit of elke leidraad soos ’n geelwortel voor hulle neuse geswaai word, maar sodra hulle dit waag om daarna te hap, is daar niks. Die saak seil onder hom en Rooi uit. Hulle kan die glibberige spoor net-net in die verte sien kronkel. En die slagoffers gil desperaat om hulp . . . In Medusa boor Rudie van Rensburg ’n nuwe, donkerder aar oop vir ons geliefde speurder kaptein Kassie Kasselman. Daar’s mensehandel en psigopatie om mee handgemeen te raak – en kinderlewens op die spel.
358 pages, Kindle Edition
Published February 7, 2019
53 people are currently reading
67 people want to read
About the author
Rudie van Rensburg
29 books66 followersRudie van Rensburg is op 6 Oktober 1951 in Bloemfontein gebore. Hy matrikuleer aan die Hoërskool Sentraal in Bloemfontein en behaal die grade BA (HOD) en BA (Kommunikasiekunde) aan die Universiteit van die Vrystaat en ’n BA (Hons.) in Kommunikasiekunde aan Unisa.
Hy begin sy loopbaan as joernalis by Die Volksblad in die sewentigs, waarna hy in 1982 mede-stigter en uitgewer van Bloemnuus (die eerste gratis weekkoerant in die Vrystaat) sou word en later die redakteur van Die Ekonoom (’n landwye saketydskrif). Hy was ook verbonde aan die Universiteit van die Vrystaat se skakelburo voordat hy in 1987 Kaap toe verhuis en hom by Sanlam aansluit. In sy twee dekades by Sanlam is hy onder meer senior bestuurder: reklame, uitgewer van die kliëntetydskrif Sanlamklub en hoof: borgskappe en promosies.
In 2008 word sy komedie Die Begrafnis (onder die skuilnaam van Phil Janse) by die KKNK bekroon met die Sanlamprys vir Afrikaanse Teater (beste dramaturg), en word opgevoer by al die groot Afrikaanse kunstefeeste. Die Begrafnis verskyn ook in boekvorm by Genugtig! Uitgewers. In 2009 verskyn ’n selfpublikasie van hom, Die Doempies van Tafelberg, vir kleuters.
Sy debuutroman, Slagyster, was een van die drie finaliste vir die Jan Rabie-Rapport-prys vir Afrikaanse debuutfiksie wat in 2013 by enige uitgewer in Suid-Afrika verskyn het. Slagyster is ook een van die drie finaliste vir die Prys vir Spanningslektuur van die ATKV-Woordveertjies.
Hy skilder ook die afgelope 26 jaar, het meegedoen aan verskeie uitstallings in Suid-Afrika, en sy werke is opgeneem in versamelings in Suid-Afrika, die VSA, Duitsland, Brittanje, Australië en Nieu-Seeland.
Hy is getroud met Lize en het drie kinders, MC, Neil en Amieke.
Hy begin sy loopbaan as joernalis by Die Volksblad in die sewentigs, waarna hy in 1982 mede-stigter en uitgewer van Bloemnuus (die eerste gratis weekkoerant in die Vrystaat) sou word en later die redakteur van Die Ekonoom (’n landwye saketydskrif). Hy was ook verbonde aan die Universiteit van die Vrystaat se skakelburo voordat hy in 1987 Kaap toe verhuis en hom by Sanlam aansluit. In sy twee dekades by Sanlam is hy onder meer senior bestuurder: reklame, uitgewer van die kliëntetydskrif Sanlamklub en hoof: borgskappe en promosies.
In 2008 word sy komedie Die Begrafnis (onder die skuilnaam van Phil Janse) by die KKNK bekroon met die Sanlamprys vir Afrikaanse Teater (beste dramaturg), en word opgevoer by al die groot Afrikaanse kunstefeeste. Die Begrafnis verskyn ook in boekvorm by Genugtig! Uitgewers. In 2009 verskyn ’n selfpublikasie van hom, Die Doempies van Tafelberg, vir kleuters.
Sy debuutroman, Slagyster, was een van die drie finaliste vir die Jan Rabie-Rapport-prys vir Afrikaanse debuutfiksie wat in 2013 by enige uitgewer in Suid-Afrika verskyn het. Slagyster is ook een van die drie finaliste vir die Prys vir Spanningslektuur van die ATKV-Woordveertjies.
Hy skilder ook die afgelope 26 jaar, het meegedoen aan verskeie uitstallings in Suid-Afrika, en sy werke is opgeneem in versamelings in Suid-Afrika, die VSA, Duitsland, Brittanje, Australië en Nieu-Seeland.
Hy is getroud met Lize en het drie kinders, MC, Neil en Amieke.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 17 of 17 reviews
November 22, 2020
Ek noem Rudie van Rensburg se boeke my naweek boeke, want as ek eers een begin, kan ek dit nie neersit nie, en lees ek dit altyd in minder as twee dae. Ek is bly om te se dat Medusa, nou saam met Pirana my gunsteling Kassie boeke is.
Die onderwerp, pedofilie, is heelwat donkerder as waaraan ons gewoond is in die reeks, maar Rudie het dit regtig goed gedoen - met respek, empatie en sonder om dit vir skokwaarde te gebruik.
Ek het so halfpad deur die boek uigewerk werk wie die een skurk is, maar het geen idee gehad oor die laaste "reveal" nie.
Ek het vergeet hoe baie ek die reeks geniet. Ek sal die volgende een sommer vinnig moet nader trek.
Die onderwerp, pedofilie, is heelwat donkerder as waaraan ons gewoond is in die reeks, maar Rudie het dit regtig goed gedoen - met respek, empatie en sonder om dit vir skokwaarde te gebruik.
Ek het so halfpad deur die boek uigewerk werk wie die een skurk is, maar het geen idee gehad oor die laaste "reveal" nie.
Ek het vergeet hoe baie ek die reeks geniet. Ek sal die volgende een sommer vinnig moet nader trek.
May 18, 2019
Medusa boei van die begin af en hanteer 'n moeilike tema met welslae. Al wat my wel gepla het is dat die karakters soms onrealisties optree. Ek verstaan dat dit seker 'n manier is om spanningsvolle situasies te skep, maar dit kom tog bietjie kunsmatig voor (contrived is die Engelse term). Dis vir my byvoorbeeld onverstaanbaar dat 'n elite polisie-eenheid wat desperaat na ontvoerde kinders wat seksueel aangerand word op soek is, sal besluit dat 'n kritiese getuie maar eers sy roes vir 8 ure kan afslaap voordat hulle hom gaan optel vir ondervraging.
Boon die identiteitsbedrieër se parallele verhaal verskaf so 'n effe ligter kant soos hy van botter na wors toe struikel in sy pogings om homself by 'n ryk familie in te wurm.
Medusa sal nie Rudie se aanhangers teleurstel nie en is moontlik die beste boek in die Kasselman-reeks tot dusver.
Boon die identiteitsbedrieër se parallele verhaal verskaf so 'n effe ligter kant soos hy van botter na wors toe struikel in sy pogings om homself by 'n ryk familie in te wurm.
Medusa sal nie Rudie se aanhangers teleurstel nie en is moontlik die beste boek in die Kasselman-reeks tot dusver.
January 2, 2021
Hierdie book was LIGJARE beter as Kamikaze en met ‘n moeilike tema soos pedofelia het Rudie van Rensburg gewys hy kan skryf met sensitiwiteit en insig.
Ek het die boek in ‘n paar dae verslind en selfs Rooies se idiotiese opmerkings het my hierdie keer nie so veel gepla nie.
‘n Uitstekende afsluitings boek vir 2020.
Ek het die boek in ‘n paar dae verslind en selfs Rooies se idiotiese opmerkings het my hierdie keer nie so veel gepla nie.
‘n Uitstekende afsluitings boek vir 2020.
March 24, 2019
Ek het eers gedink dat ek niks oor hierdie boek sal sê nie (bloot omdat daar al baie daaroor gesê is) en dat ek dit net stilletjies 5 sterre op Goodreads sou gee.
Maar ek wil tòg sê: ek volg Kassie se avonture al van die begin af. Ek het elke boek geniet, maar hierdie is die eerste 5 ster van my. Dis min skrywers wat daarin kan slaag om verskeie storielyne suksesvol in een boek te laat momentum behou én bevredigend afsluit - en Medusa slaag hier met vlieënde vaandels. Daar is die 2 broers: een ‘n ‘common criminal’ en een ‘n vreesaanjaende psigopaat; daar is vermiste kinders; mensehandel; die gevolge van boeliegedrag; polisie politiek; sosiale media; die terugkeer van die ‘verlore (klein) seun’ en ‘n ongewone speurder.......
Ek hoop regtig om nog van Kassie te lees !
February 2, 2019
Ek wil glad nie uitbrei oor die storielyn van Medusa nie. Dat ek die boek in twee en 'n bietjie sittings verorber het, behoort genoeg te sê. 'n Heerlike blitsblaaier met 'n kinkel in die slot wat ek glad nie verwag het nie.
September 1, 2019
Ek kon hierdie boek nie neersit nie!
December 23, 2020
Dis die gewone span van Kassie Kasselman en Rooi Els, die slag op die spoor van 'n pedofielsindikaat. Dis 'n ontstellende onderwerp, maar soos Ys is die pas vinnig en interessant. Vir 'n Kapenaar soos ek is dit nog lekkerder omdat die omgewing so bekend is. Veral die karakter van Johnny Januarie is na my mening uitstekend geskets, met sy Kaaps net soos hy in die Kaap gepraat word. Ek weet nie hoe mens so iets kan vertaal nie.
April 18, 2020
Ek het lank gewik en geweeg of ek hierdie boek wil lees. Baie goed geskryf, ontstellende onderwerp.
December 3, 2023
Kassie en Rooi pak seker hul mees emosioneel uitputtende saak ooit aan. Kinders word ontvoer links en regs en dis asof almal net verdwyn van die aardbol af. Die hele spul is net te goed georganiseerd om toevallig te wees – hulle het beslis met ‘n tipe mafia te doen. Sodra die twee speurders dink hulle het ‘n deurbraak gemaak, glip die saak weer van hul vingerpunte af weg.
Hoe meer kinders verdwyn, hoe dringender raak die saak en hoe meer druk is daar. Aangesien kinders betrokke is, is dit nog moeiliker om te keer dat emosies inmeng met logika en feite. As speurder, moet mens fokus op die feite, anders gaan jy nooit die saak oplos nie. Kassie en Rooi haal alles uit om hierdie psigopatiese ontvoerders vas te vang. Ongelukkig beteken ook hoe meer hul insit, hoe gevaarliker raak dit. Sal hulle ooit hierdie saak kan oplos en die verlore kinders vind?
My gedagtes: Dit was ‘n rowwe ene om te lees as mens self kinders het. Dit was beslis baie spannend gewees om te lees en trek maar erg aan mens se hartsnare. Ek dink dit was goed geskryf oor hoe Rooi en Kassie die hele ding beleef en hanteer het, dit was beslis nie maklik nie.
Hoe meer kinders verdwyn, hoe dringender raak die saak en hoe meer druk is daar. Aangesien kinders betrokke is, is dit nog moeiliker om te keer dat emosies inmeng met logika en feite. As speurder, moet mens fokus op die feite, anders gaan jy nooit die saak oplos nie. Kassie en Rooi haal alles uit om hierdie psigopatiese ontvoerders vas te vang. Ongelukkig beteken ook hoe meer hul insit, hoe gevaarliker raak dit. Sal hulle ooit hierdie saak kan oplos en die verlore kinders vind?
My gedagtes: Dit was ‘n rowwe ene om te lees as mens self kinders het. Dit was beslis baie spannend gewees om te lees en trek maar erg aan mens se hartsnare. Ek dink dit was goed geskryf oor hoe Rooi en Kassie die hele ding beleef en hanteer het, dit was beslis nie maklik nie.
May 12, 2019
Met die bloedstollende proloog en inleidende hoofstukke begin ons al kriewelrig weet boosheid loop die hele boek deur. Die kern van die boosheid is pedofilie met die karakters verweef in hierdie netwerk. Tog, deur ekonomiese woord- en sinsgebruik, en teen 'n vinnige pas, deurleef ons die menslikheid van die karakters, goed en sleg, wat of die boosheid probeer kortwiek of laat voortleef. En ook deur blote suggesties in plaas van grafiese beskrywings, is die donker reise ysingwekkend. En dan is ons heeltemal aan die kant van die polisiekarakters wat stadigaan agter die kap van die byl kom. En die boek eindig met 'n ander vorm van boosheid wat maar kan-kan seevier. Rudie van Rensburg is weliswaar 'n regte staatmaker wat jou neus in die boek hou tot jy klaar is, ongeag van wat in die res van die huis aangaan. Hopelik kry hy soveel internasionele erkenning as sy Afrikaanse eweknie, Deon Meyer.
May 13, 2025
Ek het 'n nuwe gunsteling outeur ontmoet.... en Rudie Van Rensburg het n splinternuwe bewonderaar.
Medusa is die derde boek van Rudie wat ek lees, en weereens het hy nie teleurgestel nie. Ek het Medusa in ' dag gelees ..Ek kon die boek net nie neersit nie... Ek het my so ingeleef in die wereld van Kassie Kasselman ... ,dat ek ook byna borspyne gekry het met sy hartaanval... haha.
Hierdie boek is 'n meesterstuk wat die leser vasgenael hou van bladsy een tot op die laaste bladsy.
Tog het ek kritiek.... die Here se naam word ydelik gebruik... en daarom gee ek dit 4 sterre in p-laas van 5. Rudie , jy kan nogsteeds 'n briljante storie skryf sonder om die Here see Naam ydelik te gebruik.
Medusa is die derde boek van Rudie wat ek lees, en weereens het hy nie teleurgestel nie. Ek het Medusa in ' dag gelees ..Ek kon die boek net nie neersit nie... Ek het my so ingeleef in die wereld van Kassie Kasselman ... ,dat ek ook byna borspyne gekry het met sy hartaanval... haha.
Hierdie boek is 'n meesterstuk wat die leser vasgenael hou van bladsy een tot op die laaste bladsy.
Tog het ek kritiek.... die Here se naam word ydelik gebruik... en daarom gee ek dit 4 sterre in p-laas van 5. Rudie , jy kan nogsteeds 'n briljante storie skryf sonder om die Here see Naam ydelik te gebruik.
May 8, 2019
Dié Kassie-verhaal het my vir twee aande laat wakker lê en wonder hoe op dees aarde Rudie van Rensburg so ‘n uitsonderlike storielyn bedink het. Ná elke boek dink ek dat dit sy beste boek nóg is, maar hier het hy homself weer oortref!
March 5, 2019
Was weereens een uit die boonste rakke!
April 5, 2019
Rudie van Renseburg se beste boek by verre! Rudie het 'n nuwe standaard gestel met hierdie boek. Bindend van die proloog en hy hou die spanningslyn tot die eiende.
Sal die boek beslis aanbeveel!
Sal die boek beslis aanbeveel!
August 20, 2020
Excellent. But not for the faint hearted.
It makes us think of what really is going on out there in our country and what type of sick people there is out there.
It makes us think of what really is going on out there in our country and what type of sick people there is out there.
December 26, 2021
It was a very good book and went quick because of the action so I just want to read, he also put in humor so his books are great.
Read
December 13, 2024Gut wrenching, but worth reading. Sad to know that the reality in SA is so close to this.
Displaying 1 - 17 of 17 reviews