عزيزي البعيد

by ساره عاشور, أمل عبدالله (Narrator)

"الرسالة الأولى بعد الألف: عزيزي البعيد.. الرقم يبدو ضخمًا أليس كذلك؟ ولكن في الحقيقة أنّه رقم افتراضي فأن فقدت العدد منذ فترة وكبريائي منعني من متابعته فمن يجلس ليكتب هذا العدد من الرسائل لغائبٍ لا يرد؟! تطلُّ علي ذكرياتنا معًا أو لأكون صريحة معك أنني ظللت حبيسةً لها وأظل مع كلّ خطابٍ أجتر المزيد منها وكأنّها نبيذي الذي أعجبتني سكرته ولا أريد أن أفيق منها..أبقى بعالمنا الذي كان لأهرب من عالمي الذي هو الآن من دونك... ..."لا اريد منك ردًّا لقد نسيتك"، هذه العبارة التي تدربت كثيرًا مع كلّ خطابٍ كي أنهيه بها ولكن يخشى قلمي ان يخطها فتصير كالقدر وتمنعك من الرد إن أنت نويت يومًا...." عزيزي البعيد..هي لوعة الأنثى وتقلباتها تبثّها على هيئة رسائل بحروفٍ من نارٍ ونور لبعيدٍ لا يقرأ...ولن يقترب.

Genres: Literature

Audiobook

First published January 1, 2014

About the author

30 سنة، مولودة وعايشة في القاهرة.

بستمتع بحاجات بسيطة في حياتي زي: القراءة والشيكولاتة والنسكافيه.

من هواياتي: التصوير ويمكن بلاقي نفسي فيه أكتر فابحبه جداً .. والكتابة حاجة انا لسة جديدة فيها. بحب أكتب القصص القصيرة والخواطر.


لا أستطيع أن أصف نفسي بالكاتبة، هي فقط محاولات مني للتعبير عما يدور في عقلي.

إذن ابتسم .. أنت في عقلي :)


صدر لي:

كاميليون - عن دار مقام للنشر والتوزيع 2016

عزيزي البعيد - عن دار مقام للنشر والتوزيع 2014

مُشاركتان بعنوان "قيد الانتظار و زحام" بالكتاب الجماعي ألم الاشتياق - عن دار الحلم للنشر

مُشاركة بقصة قصيرة بعنوان "12 ساعة" في كتاب "بحر الحروف" - عن دار إنسان للنشر

مُشاركة بخاطرة بعنوان "تعثر" في كتاب مئة تدوينة للمدونيين العرب الجزء الثاني "نوافذ مواربة" - عن دار روعة للنشر


صفحتي على الفيس بوك: https://www.facebook.com/sarah.ashour85

Reviews

[Merna Mohamed abd el-sattar · Rating 4 out of 5]

الى البحر الذي غرقت فيه ذات التفاته ولم انجو من وقتها ابدا ..
الى كل من يختار الابتعاد كأسهل الحلول و الى كل من اختار البُعد .. ملء الفراغات بعد هروبكم ليس صعبا و تناسيكم امر هين ولكن اصعب مانمر به هو العوده الى انفسنا .. الى مرحلة ماقبل تواجدكم في حياتنا لمعرفة و تعريف انفسنا من دونكم .. العودة إلينا ! ..
فاليهم ..
ابقوا بعيداً
عزيزي الاحمق❤

[نورا يس · Rating 2 out of 5]

الكتاب عباره عن خواطر مكتوبه للبعيد

اللغه حلوه في بعض الخواطر فقط

الغلطه في الكتاب انها كان بعض الخواطر لغه فصحي والبعض لغه عاميه

ودا كان بيعملب تشتت وانا بقرأ اللي هو اقرأ فصحي ولا عامي

لو خدنا الكتاب خواطر متصله لشخص واحد هيجيلك وانت بتقرأ انفصام في الشخصيه

انتي عايزاه ولا مش عايزاه انتي بتحبيه ولا نستيه

ذكرت انها تريد ايقاف عادتها السيئه في الكتابه للبعيد كتير جدا فوق ال 10 مرات

تقيم عام
2/5

مع ان الكاتبه لغتها حلوه بس الكتاب محتاج ترتيب اكتر وانها تكتب بلغه فصحي كل الخواطر

[ghada MarȜe · Rating 3 out of 5]

نبدأ بالغلاف : عجبنى جدا الالوان , شجرة الرسايل, فونت الخط , الطيور و الشمس
غلاف رايق كده و يهدى اعصابك
الاهداء القصير : إليه من اختار الاغتراب
غادة السمان تنبت فى مصر من جديد ربما لفظ عزيزى ذكرنى جدا بكلام غادة السمان ايها القريب كوشم فى صدرى
لماذا 3 نجوم و ليس خمس
ربما ان بعض الرسائل كانت تصلح لان تكون استاتس للفيس و ليس رساله او بالاحرى مرسال للعزيز البعيد
بعض الرسائل باللغة العامية اربكتنى حقا بعد ما امتزجت روحى بفصحى سارة و عذوبة الالفاظ
و لكن لنكن منصفين
الرسائل كلها مرت بها حتما كل بنت فى مصر من مشاعر و كذب على النفس ان تلك هى اخر رسالة للعزيز البعيد
مع كل رسالة كنت اقرأها اقول بداخل نفسي كاذبة لم تنسيه و لن تستطيعى ان تحبي غيره و الا كيف تكتبي اليه حتى الان
بالنسبة لاول عمل مطبوع لسارة جيد جدا جدا
اتمنى قراءة المزيد و الاستزادة من لغتها الجميلة

و اخيرا شكرا سارة على الاهداء الخاص لى فى عيد مولدى

[إسراء فكري · Rating 3 out of 5]

الانبهار الأول لا يعود والفرحة الأولى يبقى جمالها في كونها <<الأولى>> المفاجأة التي دغدغت قلبك داخلك وأخرجت تلك الابتسامة المشرقة على وجهك، بعض الأشياء ستحتفظ بجمالها في بقائها كذكرى <<كانت>> ولن تتكرر مهما حاولنا.

كتاب يحوي بداخله بعض الرسائل الغير مرسلة لكل من ابتعدوا عنا وابتعادنا عنهم ومازلت الحياة مستمرة، لم تتوقف.

[Ahmed · Rating 4 out of 5]

انا من متابعين ساره من زمان ومن اشد المعجبين بكتاباتها واسلوبها..
عزيزى البعيد فى وجهة نظرى هو مش مجرد كتاب ممكن نقرأه ونستمتع بيه للحظة ما وبعد كده خلاص..عزيزى البعيد ياخذك بعيييدا جدا لأعماق قلبك ومشاعرك التى لطالما نحاول الوصول لها والتعبير عنه فنفشل..فى اول اصدار للمبدعه ساره عاشور أثبتت جدارتها وخبرتها التى تشعر بأنها امراه خمسينيه او ستينيه وقد مر بها من التجارب العاطفيه عددا كفيلا لاصدار ملحمه مثلا او موسوعه او سيره ذاتيه تحكى لنا فيها ما مرت به وما شعرت ولا تزال تشعر به..كتاباتها مست جدران قلبى بكل زواياه واركانه وفجرت بداخلى مشاعر واشياء كنت اجهلها تماما..ولا اشك اطلاقا بأن هذا سيكون حال كل من يقرأ عزيزى البعيد..سيذهلك خيالها وأسلوبها ووصفها وتعبيرها وستعيش مع كل كلمه ولل موقف وكل وجع..كأنك انت من تتحدث هى عنه..وهنا يكمن الابداع..علاوة على رقى لغتها الفصحى..السهل الممتنع
احييكى تحيه اولها عندى واخرها عندك :D

[Hala Allam · Rating 1 out of 5]

مؤمنه و بشدّه أنّ العاشق لا يمكن يقدر يقسى ع المحبوب حتى بالكلمات وحتى لو بينه وبين نفسه فى رسائل لن تُرسل ،، وده طبعاً عكس أغلب المُحتوى ..

العشق هدفه الوحيد العشق مش القُرب ف اشتراط القرب خرجه من قيمته و خلاه حب مشروط وده بالنسبالى مش حب ..

أسلوب ممكن أي بنت تكتبه ع الفيس حتى ملاقيتش فيه أي
حاجه مُبهِره ..

على الرغم إنى مش بحب أفرّط فى كتبى ؛ إلا إنّى ممكن أستغنى عن الكتاب ده لإحدى عاشقات الندب و هتعتبرها هديه قيمه جداً على ما أظنّ !!

[Doaa Mohamed · Rating 4 out of 5]

عزيزي البعيد أدامك الله بعيداً الى الأبد
فلم تكن يوماً قريباً
فاللهم لا تجمعنى بمن أبعد نفسه بنفسه دون أسباب و دون سابق إنذار و خلف من يعانون من وطئة التسرع
لا جمعنى الله بك دنيا و لا أخرة و لا صدفة و لا ارانى إياك أبداً ما حييت
أعجبتني فكرة الكتابة لمن لن يقرأ هى فقط لإشباع رغبة الكتابة و تخفيف من وطأة الفراق و ايضا لنضع عن كاهلنا ما لا يمكننا في كثير من الأحيان البوح به
و عجبني ايضا الوصف لجميع المراحل التى نمر بها بعد أن نودع من نحب أو بشكل أخر بعد الفراق المزعوم الاولى من عدم التصديق و الرغبة الملحة فى الرجوع و الشعور بانه لا يمكننا ان نكمل دونهم الطريق و هو شعور زائف بالفعل فمن أبعده الله عنا لم يكن لنا و لن يكون و فى ذلك خير
ثم بدء التأقلم ثم محاولة الاستغناء الى ان ينكشف لنا ان حجة الظروف لم تكن الا شماعة التخلى الزائفة فتبدأ الإفاقة ثم رفض إعادة التجربة الا ان يقضى الله أمراً كان مفعولا و يظهر لنا من هو جدير بقلوبنا و ندرك حينها لماذا أبعد الله عنا ما لا يستحق
أول كتاب أقرأه لسارة عاشور كنت متحمسة جداً في البداية الا أنى شعرت ببعض الملل في الاطالة و كنت في بعض الرسائل ارغب فى أن أقول لها إنه لا يستحق كل ذلك الحجم و لكن أحييها من كل قلبي فهناك الكثير من هذه الرسائل تحويها قلوبنا و نتمنى لو انها تصل فى وقت ما

[Donia Mohamed · Rating 4 out of 5]

اول مرة مبقاش عارفه اتكلم عن رواية،، نتكلم الاول عن الغلاف، لفت نظري ان الغلاف عبارة عن شجرة وحيدة في صحرا في مهب الريح و اغصانها عبارة عن رسايل بس و كأن مش قادرة تقدم حاجة غير رسايل للبعيد،،
نيجي بقي للرواية، روايه رائعة عباره عن رسايل غير مرسله لحبيبها اللي تركها، قدرت توصف تارجح مشاعر البطلة من رغبه في الرجوع و انكسارها رغبتها في نسيانه رغبتها فيه و احتياجها و حقيقة انه بعد عنها و رغبتها في تكمله حياتها، اسلوب كتابتها و انتقالها من اللغه الفصحي للعامية كان جيد حسسني فعلا انها مجرد رسايل او خواطر مش كتابه روايه،،

[سارة الليثي · Rating 3 out of 5]

لا أدري إن كانت تلك الرسائل حقيقية أم لا أي أن الكاتبة كتبتها بالفعل لحبيب بعيد أم أنها محض إبداع ولكن بعض تلك الرسائل يبدو شخصي بحت وذلك البعض كتب بلغة لا ترقى لمستوى لغة بقية الرسائل خاصة ما كتب منها بالعامية وهذا هو الجانب السلبي في الكتاب، أما الرسائل الآخرى فقد كانت لغتها راقية ومعبرة وتلمس واقع كل فتاة تعرضت لمثل هذه التجربة القاسية.

[Asmaa Nassr · Rating 5 out of 5]

بجد اكثر من رائع .. قدرتى توصلى تقلبات الانثى الداخلية اللى ممكن تتغير 24 مرة فى ال 24 ساعة .. كل واحدة وسرعتها ف التغير والعوامل اللى بتسبب التغيير ده ..

[دُعَــاء · Rating 5 out of 5]

مجموعه رسالئل عتاب انتهت بالنسيان ك عقاب لمن اختار البعد
ف هنيئا للكاتيه :))

[Marwa Allam · Rating 5 out of 5]

كتاب أكتر من رائع مش مكتفية إنى أقرأه مرة واحدة بس , فى معظم الرسائل بتاعته كنت بلاقى حاجة منى حبيت أوي تناقضاتها من رسالة للتانية لانى عرفة ان دا الل بيحصل فى الواقع حبيت شخصيتها ومهمنيش وجوده فى حياتها من الاساس حبيتها و هى بتحاول تعتمد على نفسها و تصلح اللى خرب جواها و فعلا قدرت توصلى احساس الفقد و بالنقيض قدرت تحسسنى قد ايه ممكن نبقى بردو اقويه من جوانا المهم انى حبيتها اوووى و خلتنى افهم كتير من تصرفاتى فى مواقف مكنتش بابقى فاهمة انا بعمل التصرف دا ليه يمكن بردو لسه مش مقتنعة بكل التصرفات بس فهمت انا كنت اعمله�� ليه و عذرت نفسى فى تصرفات تانية المهم انى متاكدة انى لازم اقرأه تانى و يمكن لما اقرأه تانى افهم حاجات تانية او تتغير وجهه نظرى فى تصرفات كتيرالمهم إنى متشوقه انى ابدأه تانى :)

[Ola Alaa · Rating 5 out of 5]

عزيزي البعيد... جبت الكتاب بالصدفة الباحتة كنت بشتري كتب لقيت الولد اللي في المكتبة بيرشحه ليا و كنت لسه خارجة من ارتباط و لما بدأت أقرأ الكتاب قولت سبحان الله هو كان باين عليا ولا ايه الولد عرف منين اني محتاجة كتاب زي ده و قريت جزء من الكتاب و قعدت كذا شهر من غير ما اكمل قراية الكتاب و دخلت في ارتباط تاني و فشل برضه و رجعت كملت الكتاب و خلصته
سارة عاشور....عايزه اقولها انتي بجد جريئة جدا و انا استمديت منك ده كون انك تكتبي على المدونة و تنزلي ده في كتاب و هو يشوف الكلام ده دي جراءة انا مكنتش اقدر عليها... بس بسببك قررت انه عادي ما اللي يشوف يشوف و اللي عايز يتكلم ما يتكلم و هقول على ال Facebook اللي انا عايزاه... سارة انتي كتبتي فعلا اللي احنا بنحس بيه لما بنخرج من علاقة فاشلة أو غير كاملة
الكتاب اكتر من رائع بجد

[Heba Albaba · Rating 2 out of 5]

سبق وقد أعلنت اني مش بفضل نوعية الكتب اللي بتندرج تحت صنف الاكتئاب والاستسلام والحزن، لكن في حاجه شدتني في الكتاب دا واغلب ظني هو تشابه موضوعه لاغلب مواضيع الجميلة غادة السمان بغض النظر اني لا اعتقد اني ممكن اقيم كتاب ليها في يوم من الأيام كدا

كمان لغة الكاتبة تعتبر حلوة واعجبني بديع صنعها المتواضع بالكلمات، في كلام وجمل وتشبيهات كدا كيّفتني جدا بصراحة ، بس كان هيكون أفضل لو ما استخدمتش العاميه في بعض رسايلها حسيت انها بتفصلني كدا عن الكتاب وبتقلب على اغاني مصرية شويه xD
دا غير أن الكتاب بيغلفه التكرار من كل جهة

[Arch Marwa · Rating 2 out of 5]

إجمالا الكتاب حالة 99% من البنات عاشتها ومرت بيها..
حبيت اقراه ك status متفرقة على صفحة سارة اكتر من الكتاب نفسه يمكن لأن ترتيب الأحداث في الكتاب بيرجعني لذكريات و فترة مش حابه افتكرها ولذلك قررت مكملش الكتاب و اتابع مقتطفات منه على صفحة سارة.
الجزء القليل اللي قريته من الكتاب حسيت فيه بروح أحلام مستغانمي-غادة السمان.

وده ميمنعش إني حبيت فكرة الكتاب و اسلوبه..
اتمنى اقرأ كتابك الجاي في ظروف أفضل ..و إلى مزيد من النجاح.

[Toqa Ibrahim · Rating 3 out of 5]

فجأني جدا
بداية افتكرت أنه كله رومانسية و غرام ... فحسيت بملل .. لكن لما كملت عجبني جدا لرصدك تقريبا لكل صدمة أو بعاد فعلا البنت بتمر بيهم إزاي ... تجاهل ... تكذيب ...مع تردد ... و ترجع تاني لنفس الدايرة مرة بعد مرة لغاية ما توصل لمرحلة التقبل .. وكمان بيزدها قوة ...
عجبني الغلاف
عجبني لغة الكتابة .. نادر العامي فيه... و عربي بسيط .
باختصار عجبني ... و ساعات بيقول مشاعر البنت نفسها مش بتفهمها لكن بتحيرها جدا.

[Réèm Rääfät ƺsker · Rating 4 out of 5]

عزيزى البعيد
قررت اشتريه كتاب عشان مش اول مره اقرا لساره عاشور خواطرها اللى بتنزلها كانت بتشدنى
اما عزيزى البعيد كل رساله كانت فيها حاله وصلتنى احساسها بالضعف والكذب على نفسها وانا بكره البنت الضعيفه مع كل مره كانت بتقول دمت بعيدا بكنت بحسها هتطلع من الروايه تقولى اخرسى انا كتباها كدا مترددش الجمله عشان متتحققش كل مره تقول انها نسيته كنت ببقى متاكده ان الرساله الجايه هتجيب ورا :)

[Mohja Ahmed · Rating 2 out of 5]

بدآت الكتاب ده ١٥-٩ و خلصته ٣١-١٢ و بالعافيه كمان ... الكتاب في أوله كان عاجبني جدا بس يا دوب وصلت لنصه حسيت بملل فظيع كتير أوي ان ١٧٣ صفحه تبقى رسايل لشخص مع ان الكتاب فيه كلام كتير حلو بس طوله حسسني بملل و قفلني من القراءه أصلا حوالي ٣ شهور بحاول أخلصه علشان مش بحب أسيب كتاب من غير من أخلصه ... والحمد لله أخيرا خلصته ...

[هَنا ؛ · Rating 2 out of 5]

أعجبني الغلاف و اسم الكتاب، اللغة و الألفاظ في معظم الرسائل حلوة جداً ،تسلسل الرسائل و إن كان بيظهر فيه تشتت إلا أنه ممكن يكون مُبرر بالحالة العاطفية اللي بتمر بيها الكاتبة من الشعور بالحاجة عن التخلي و رغبة دفينة في التمسك، أزعجني ذكرها كثيراً بالرغبة في التوقف عن عاداتها السيئة و هي الكتابة للعزيز البعيد و اللي كان بالنسبة ليا مبتذل و مُمل

[Yara Magdy · Rating 5 out of 5]

كتاب رائع .. وصفتينا ..وصفتي مزاجيتنا لما بيوجعنا البعد وصبرنا يخلص ولما كرامتنا تقرصنا ونقرر نكابر .. قدرتي تعبري عن ضعفنا ف رسايلك وعن قوتنا دخلتي ع تفاصيل التفاصيل لمشاعرنا واللي مبنقدش نعبر عنها متخيلين ان محدش هيحس ولا يفهم .. دائما متألقة

[Raghda Elwakil · Rating 5 out of 5]

سارة عاشور اول مرة أقرأ لها .. أبهرتنى بأحساسها بكلماتها وأسلوبها حسيت كل كلمة قالتها
انا من النوع اللى بحب اعلم على اللى بيعجبنى عشان لما ارجعله اقراه تانى تقريبا كدا خططت على معظم الكتاب وصورته وبنزله كأقتباسات ليها لانها تستاهل انه يتنشر
دُمتى جميلة وموفقة ☺☺

[Hamis Allam · Rating 5 out of 5]

المسافات ثم الانكسارات ثم النهايات ثم البعيد الذى لا يقترب ثم النسيان الذي لا نطوله ثم اللهفه التي فقدت ثم خيبات الامل ثم نحن نحيا حياه فقدت طعمها منذ وقت طويل الان عزيزي ولن يعود لها رونقها سوي بالعوده الي نقطه البدايه والي بدايه الشغف بالاشياء من حولنا ..

انتي جميله ياساره <3

[Kholoud · Rating 1 out of 5]

عمرى ما زهقت و انا بقرأ اى كتاب او روايه كده .. على قد ما كنت متحمسه اقراها على قد الملل اللى حسيته

[Asma Labib · Rating 5 out of 5]

انا من متابعين ساره وعجبتني كتابتها وبجد الكتاب رائع ﻻنه بيوصف مواقف حصلت بجد ..... ربنا يوفقك دايما

[Mohamed Seddik · Rating 5 out of 5]

Excellent writer - great feelings

[Nour Al-Shahawy · Rating 1 out of 5]

الملل سيد الموقف.

[إسراء صلاح · Rating 4 out of 5]

أنا لسه بقرأه .. بس ده مش يمنع اني مشدودة اني اخلص كمية الرسايل اللي فيه .. حالة شعورية مختلفة مع كل رسالة .. مبدعة يا سارة جداا زي ماكنت متابعة كتاباتك من قبل كدة ع البيدج بتاعتك <3

[Eman Mo'men · Rating 5 out of 5]

عزيزي البعيد دٌمت بعيداً

[Maryam Abd alrahman · Rating 2 out of 5]

للأسف وانا باقره كنت عاوزه أخلصه وخلاص مكنتش مستمتعه بقرأته وفي رسايل كتيييييير مكرره
هو ينفع استاتس فيس اكتر منه كتاب

[Samar R · Rating 2 out of 5]

الرواية طريقتها بسيطة و لكن مملة بسبب تكرار نفس الفكرة كذا مرة اﻻ و هي انها عايزة تنسي حبيبها نظرة تشائمية بحتة عن اﻻستسلام للذكريات و محاوﻻتها الفاشلة للنسيان !