Ástarsögur íslenskra kvenna

by María Lilja Þrastardóttir, Rósa Björk Bergþórsdóttir

Aldrei áður hefur önnur eins bók komið út. Í fyrsta sinn hefur verið safnað saman reynslusögum íslenskra kvenna af ástinni. Hér er að finna safn af sönnum ástarsögum af öllu tagi eftir konur sem koma hvaðanæva að. Ástarævintýri á Tinder, ástarsaga úr sveit frá síðustu öld, ástarsaga úr miðborg Reykjavíkur – og allt þar á milli.

Sögurnar eru rómantískar og fyndnar, einfaldar og flóknar, harmrænar og gleðilegar; stundum gerast þær á örfáum dögum, stundum á nokkrum áratugum.

María Lilja Þrastardóttir og Rósa Björk Bergþórsdóttir söfnuðu sögunum saman og bjuggu til útgáfu í samráði við konurnar sem hér segja frá. Hafirðu einhvern tíma elskað er þetta bók fyrir þig. Líka ef þú átt það eftir!

Genres: Nonfiction

227 pages, Paperback

Published July 5, 2016

Reviews

[Guðrún Úlfarsdóttir]

Söruverksmiðjan las þessa í húslestri, ári eftir að við lásum Ástarsögur íslenskra karla. Mæli sannarlega með því að lesa þessar bækur með öðrum, það skemmtilegasta við þessa athöfn var að ræða og hneykslast og cringe-a og jafnvel tárast yfir þeim sætustu — öll saman í hóp.

Sögurnar eru ágætlega fjölbreyttar, auðvitað venjulegar "hittumst á djamminu og eigum núna tvö kríli" en okkur fannst áhugaverðast að heyra af dramatískari samskiptum. Eitt áhugavert þema kom upp. Oft verður vendipunktur í ástarmálunum um áramót! Í þónokkuð mörgum sögum gerist eitthvað á gamlárskvöldi — nýtt upphaf og töfrar í lofti. Líkamslýsingar kvennanna eru líka talsvert ólíkar þeim kynferðislegu í karlabókinni, og yfir höfuð mun neikvæðari. Ég man ekki eftir neinni lýsingu af kynþokka karlmanns, þeir voru bara „þunnhærðir“ eða „gengu með búkinn stífann en sveifluðu örmunum svo lauslega að það leit út fyrir að þeir hefðu dottið úr lið.“

Lokaniðurstaða: Er ánægð með þessa útgáfu, þetta er svo skemmtileg heimild um samskipti sem oft verða ekki endilega dokúmenteruð. Til dæmis eru nefndar mismunandi samskiptaleiðir, það er rúntað, spjallað á msn, hringt í heimasíma og svo framvegis. En það besta við þessa bók voru fyndnu og sniðugu vinir mínir sem ég las með ❤️

[Heiða Sigfúsdóttir · Rating 5 out of 5]

Æðislegt concept og vel útfært. Svo gaman að fá svona ólíkar ófeimnar raddir með fjölbreyttar sögur bæði úr veruleika sem ég þekki vel úr Reykjavík sem og frá framandi stöðum.
Meira svona popp í íslensku bókmenntasenuna!

[Hildur · Rating 2 out of 5]

Frábær hugmynd að bók en flestar sögurnar voru frekar þunnar og skildu ekki mikið eftir sig.

[Adam Pálsson · Rating 3 out of 5]

Sögurnar eru misgóðar en í heildina er þetta skemmtileg lesning.

[Harpa Reynisdóttir · Rating 3 out of 5]

Skemmtileg bók með misgóðum sögum.

[Björn · Rating 3 out of 5]

Skemmtileg hugmynd og verður vafalaust samtímaheimild sem hægt verður að greina þegar fram líða stundir. Sögur þeirra Rakelar Mjallar og Júlíu Margrétar bera af. Virkilega frambærilegar báðar tvær.