У кнізе «Залатое» сабраныя найлепшыя паэтычныя тэксты Наталкі Кучмель, у якіх словы ствараюць незвычайныя імпрэсіяністычныя малюнкі, а тонка выпісаныя вобразы раскрываюць уражлівае і крохкае лірычнае «я» аўтаркі. Акрамя вершаў, у зборніку змешчаныя ўспаміны «На фальклорную практыку» і гутарка з гэтай адметнай паэткай, чый непаўторны голас, мастацкі густ і зычлівыя парады паўплывалі на многіх творцаў.
Гэтая кніга пра прыгажосць: прыгожае выданне, прыгожая абкладка з залатымі літарамі, якія пераліваюцца на сонцы, прыгожы залаты пераплёт, і канешне ж, прыгожыя вершы. Такую прыгажосць хочацца мець на паліцы.