قولوا لعين الشمس

by نجيب سرور

قولوا لعين الشمس

Genres: Poetry

168 pages, Paperback

About the author

بدءُ نجيب سرور في كتابة أولى تجاربه الشعرية، متأثراً بسقوط الكثير من الضحايا المصريين من الطلبة والعمال، أثناء الاحتجاجات والمظاهرات الشعبية الحاشدة المناهضة للاحتلال البريطاني لمصر، والمناهضة كذلك لـ "مشروع صدقي ـ بيفن" بين الحكومتين المصرية والبريطانية 1952 قيام الجيش المصري بانقلاب عسكري فى يوليو، وانفعال نجيب بالحدث. نزوح نجيب إلى القاهرة للالتحاق بكلية الحقوق تلبية لرغبة والده، والتحاقه فى الوقت نفسه بالمعهد العالي للفنون المسرحية، مع زميله وصديقه المخرج والممثل الراحل كرم مطاوع، لمدة أربع سنوات.

1956 تأميم قناة السويس المصرية فى 26 يوليو، وانفعال نجيب بالحدث. نشر قصيدة نجيب سرور الشهيرة "الحذاء" بمجلة الرسالة (الجديدة). تخرج نجيب سرور من المعهد العالي للفنون المسرحية وتعيينه ممثلاً ومخرجاً بالمسرح الشعبي فى العام نفسه
1961 زواج نجيب من طالبة الآداب السوفيتية ساشا كورساكوفا فى 23 مايو. فقده جواز سفره المصري لمهاجمته الممارسات القمعية فى مصر وسوريا فى إحدى المؤتمرات التضامنية مع الشعب الكوبي. نشره قصيدة "فرج الله الحلو.. والجستابو" كاملة فى جريدة "الأخبار" اللبنانية فى 17 سبتمبر.
1964 مطالبة الناقد رجاء النقاش على صفحات جريدة الجمهورية فى 5 يوليو بالسماح بعودة نجيب سرور (تائباً) من منفاه في بودابست.

عودة نجيب سرور إلى مصر، ونجاح المخرج كرم مطاوع فى مسرحة رائعة نجيب الشعرية (ياسين وبهيّة) على مسرح الجيب موسم 1964/1965، بعد تعيين كرم مديراً له فى العام نفسه. تعيين نجيب سرور أستاذاً بالمعهد العالي للفنون المسرحية، وهى الوظيفة التى فقدها نجيب بعد عامين
1969 إيداع نجيب سرور قسراً مستشفى الأمراض العقلية بالعباسية، فور عودته من سوريا، حيث عمل هناك لبضعة شهور
1974 تعيين نجيب مديراً للمسرح القومي (راتب متواضع بدون السماح لنجيب سرور بممارسة اختصاصاته)، وذلك عقب استغاثة زوجته الروسية بوزير الثقافة آنذاك يوسف السباعي، فقد سمحوا لها بدخول مكتبه لاعتقادهم أنها صحفية أجنبية! ولقد أعطاها يوسف السباعي جواب توصية لمحافظ الإسكندرية آنذاك يطلب إليه منح شقة لأسرة نجيب فى الاسكندرية، وهو الأمر الذى حال تغيير المحافظ دون حدوثه!
1978 سفر زوجة نجيب سرور الروسية إلى روسيا بصحبة ولديها، شهدي وفريد، لإلحاق شهدي بمدرسة ثانوية داخلية فى روسيا. ووفاة نجيب فى منزل أخيه ثروت بمدينة دمنهور. وحصول أسرته على معاش له!.

Reviews

[BookHunter M ُH َM َD · Rating 3 out of 5]

أنا مش عارف لإمتى بس نفضل طيبين
ليه منتعلمش نكره
ليه منكرهش اللي عاشوا يكرهونا
ليه نفوّت .. ليه نغطرش .. ليه نطنش
ليه نسامح
ليه نقول معلهش .. ليه دايما بننسى
ليه منزرعش المشانق
للي ياما زرعوها في أرضنا
أرضنا شبعانه م الدم البريء
دمنا .. دم الضحايا
بس ماشبعتش من دم الكلاب المجرمين
لسه ما بردتش نارها
⭐️⭐️⭐️⭐️⭐️
كل ليله باقعد اسكر
و أفكر
و يا عيني على ينّي
ابن ينّي .. ابن ينّي .. ابن ينّي
و الغريبه يا عطيه
كل واحد م المقاولين اليونان
اسمه ينّي
و اللي أغرب يا عطيه
كل ينّي يجي مصر
برضو يفتح فرع منقوع الصرم
و اللي أغرب م الغرابه يا عطيه
إني عمري ما شوفت ينّي بيشربه
و اللي هيخليني اطرشق يا عطيه
إني عمري ما شوفت يني
يني واحد بس بيدخن سيجاره
كلهم زاهدين و لا من نسل غاندي
كلهم رهبان يا قادر
كلهم من أولياء الله .. و نظره
يا سي ينّي
تبقى صدفه؟!
و الا تبقى وراها إنّه
إنه و أخواتها و ابوها
و أمها و جدود جدودها
أنا بشرب من شويه
السويس لسماعيليه بورسعيد
مصر .. أسوان .. زفتى .. طنطا
كل حته فيها ينّي
طب تصدق يا عطيه
أنا صوتي يجيب دهب
لو أسافر بس بره
يعني بيروت .. الكويت
العراق .. السعوديه
أي حته .. إلا مصر
هنا ممنوع الغنا
إلا بشهادة مرور
مش شهاده في الموسيقى
شوف معايا كام شهاده
المعاهد بره مصر
كلها شهدت لي .. إلا مصر
زرعنا بيفرش لبره
ما علينا
المهم
العقود .. الشرط نور
امضي بس القبض بره
غني و ارقص .. بس بره
بره .. بره .. بره .. بره
كله .. كله
على بره
تيك مي بره
بره كايرو
يعني هاجروا
اطفشوا و سيبوا البلد
أجروها بفرشها
طب لمين
للمقاولين الأجانب
يعني ينّي و شركاه
الحكايه مش موسيقى
الحكايه واسعه خالص
المدرس
المهندس
أي واحد في البلد يفهم كويس
يا عطيه في أي حاجه
على بره
لو كبابجي
لو فطاطري
لو منجّد
فاكر السلطان سليم
لمّ كل الحرفجيه في كل حاجه
و على اسطامبول و طار
يعني تهجير يا عطيه
شهادات .. شهادات .. شهادات
شهادات .. ملهاش تمن
ما أنا بيها ع الرصيف
ع الرصيف من غيرها برضو
تفرق ايه
شهادات من غير رصيد
شهادات مش جايبه حتى حق ينّي
حق منقوع الهباب
⭐️⭐️⭐️⭐️⭐️
أنا متهيألي شوفته
أيوه شوفته
اتقابلنا زمان ضروري
بس فين و ازاي و امتى
قول معايا
قول معايا
قولي يا امه
إنتي ناسيه
يعني قال هيه اللي فاكره
أيوه فاكره بس ناسيه
و ألا ناسيه بس فاكره
مش ساعات ندخل بيوت
عمرنا مدخلنهاش
بس شيء جوانا يا امه
جوه خالص
شيء غريب لكن حنيّن
زي صوت جاي من بعيد
م النجوم
م القمر
صوت كده يوشوش لنا
أيوه و يأكد و يحلف ميت يمين
اننا كنا هنا
كنا في الحته دي قبله
كنا قاعدين من زمان بالشكل ده
كنا بنقول من زمان نفس الكلام
و اللي يا امه معانا برضو همه همه
همه نفس الناس يا قادر
بس فين و ازاي و امتى
ربنا هوه اللي عالم

[Sawsan · Rating 3 out of 5]

مسرحية شعرية لنجيب سرور
شعر عامي يحكي هموم الوطن والبشر
بدءا من سنة 1950 وحتى يونيو 1967

[إسلام رمضان · Rating 4 out of 5]

نجيب سرور
ده تالت جزء ف الثلاثية اللي بتبدأ ياسين وبهية وبعدين آه يا ليل يا قمر وصولاً للمسرحية دي .....جدير بالذكر إن مافيش حد ممكن يفلق قلبك أد نجيب سرور ولا حد تحس إن مصري ف كتاباته أد الراجل ده

[Ashraf Ali · Rating 3 out of 5]

الجزء الثالث من من مأساة شعرية ياسين وبهية
الجزء ده فيه بناء السد العالي لحد حدوث النكسة
شعر عامي طبعا لكن كله صور مبتكرة ومشاعر
وطنية جياشة ترى في شخصية بهية مصر الأم
الحزينة دائما قليلة الحظ

[وائل المنعم · Rating 2 out of 5]

هذه المسرحية مدخل مناسب لمناقشة اشكالية تقييم الاعمال الفنية، من ناحية الموضوع ومضمون المسرحية، فهي تعكس حالة هم صادقة وتملك القدرة من خلال صياغة الحوار على نقل مشاعر الوجع للقارئ بشكل متميز واعتقد انها مثال لمسرحية تحريضية سياسية من الدرجة الأولى خاصة اذا عرضت على مسرح شعبي وسط جمهور، ولكن رغم كل هذا هناك مشاكل كثيرة في بناء المسرحية، فالمسرح الشعري تراث كبير يسبق حتى شكسبير، وبالتالي من المتصور ان تكون المسرحية - بجانب دورها السياسي الاجتماعي - على مستوى عالي من الناحية الفنية وهو ما نفتقده في هذه المسرحية، فكثير من شخصياتها بسيطة للغاية ولا تحمل اي ابعاد حتى بالتسليم بانها رموز ما، والاحداث لا تتطور ولا يوجد حيكة واضحة، ويمكننا التأكيد على ان الموهبة حاضرة بقوة ولكن قد يكون الشكل المسرحي او الهدف منها بالاساس هو من حكم بان تكون بهذا الشكل المتوسط فنيا.

[إستبرق عبدالكريم · Rating 4 out of 5]

ماذا يعني الأدب؟ أن يصلك وجع يبيّنه الأديب وإن استعمل في تبيانه لهجة أخرى ليست لهجتك ومجتمعا ليس مجتمعك.. تكفيكما لغة الأدب والمجاز والتشبيهات مشتركا تفهمان منه بعضكما.. كلمات الشخصيات تتسق لتكون الصفحة الأساس في حكاية حدث قد لا تعرف عنه الكثير، لكن حكايتهم له وصبغه بصبغة الناس الذين يشبهوننا، يجعلك مهتما بأن تعرف، مهموما بالذي جرى، بالسد العالي وبهزيمة يونيه.. نجيب سرور قد نجح هنا في صناعة أدب يجعل أي قارئ مهتما به، لأنه وضع فيه من نفسه المصرية جادا، وحكى الوجع عبر كلمات شخصياته صادقا كأنه يحكي وجعه الخاص، فينفذ بالجد والصدق للقلوب سريعا. تنفذ بهية وعطية. وينفذ بكاء طويل وعويل.

"آه يا حسرة ع اللي ماتو".

[Esraa Jad · Rating 4 out of 5]

نجيب سرور عبقري ظلمه المرض والسلطة وهذه المسرحية شاهدة على عبقريته

[Fdwa Omar · Rating 3 out of 5]

فعلا مأساة شعرية...وبما إنها مأساة فهي صالحة لكل أوقاتنا ...

[ALLA BASIM · Rating 4 out of 5]

مأساة شعرية مسبوكة التفاصيل عذبة اللغة برغم أنها كتبت بالعامية المصرية وإن كانت عاميتها فخيمة.. أجاد فيها الأستاذ نجيب سرور الكتابة الغنائية ومزجها بمشاعر مأساوية، المسرحية في بعض صحائفها تجبرك على البكاء حتى ولو كان بكاء داخليا... طبعا من الضروري استصحاب النسخة المسموعة من إنتاج الإذاعة المصرية فروعة الأداء مضمونة والمزج ما بين المسموع والمقروء في هذا النوع من الكتابات مهم جدا حتى تستشعر كل كلمة ولفظ...
الإسقاطات السياسية واضحة لا غموض ولا لبس بها..
بعد أن أتممتها وجدت انها الجزء الثالث من مسرحية شعرية مأساوية طويلة..

[أحمد رفاعي · Rating 3 out of 5]

نجيب وأأأأخ من نجيب وكتاباته مسرحية رمزية كلها عبارة عن إسقاطات .

[Manar Ahmed · Rating 4 out of 5]

حكاية الشعب المصر منذ انتهاء الملكيه وحتى نكسة يونيو جميله فى تصويرها وتعبيرتها حستها اوى ووجعت قلبى اوى

[レイラ · Rating 3 out of 5]

" حمدي مات يوم الهزيمة ولي يموت يوم القيامة يلقى مين يبكي عليه..!!؟ "

[MohamedEbraheem Issa · Rating 4 out of 5]

اه..يا ولي هزم عرابي....
الفلوس اللي راحت على بند السد خانه كانت تقوم سد تاني...سد عالي....
ليه منتعلمش نكره....
ليه مادوستش عالزناد يا عطية....
أرملة واتنين يتامى...مين ياخدهم...مين يشيلهم....
والبيوت دي اصحابها ناس زيك وزيي...هو احنا ناس
اه يا بلد...رجالتها كتير يا حسرة بس نايمين ف القبور....
وليه الحي ابقى من اللي مات....
العيال غاليين صحيح... بس ليه...ليه نجيبهم زينا يتعذبوا....
شهادات من غير رصيد...شهادات مش جايبه حتى حق يني...طب يا جماعه جربوني.
في حياة كل منا لابد وتجد
بهية_عطية_ياسين_حمدي_امينة
المسرحية عابره للتاريخ..ستجدها صالحة في كل زمان معبرة بشكل حقيقي عن ازماتنا التي لاتتغير...
لكن اتمنى انتهاء صلاحيتها في المستقبل القريب.