ასე

by Gela Chkvanava

რომანი ”ასე” ადამიანისხელა ვირთხების - ვადორინელების ქვეყანაში მოხვედრილი ორი გლეხის ამბავია. მიუხედავად იმისა, რომ წიგნში აღწერილი ქვეყანა და ისტორია თავიდან ბოლომდე მწერლის ფანტაზიის ნაყოფია, მკითხველს მონათხრობის რეალურობის განცდა რომანის ბოლომდე არ ტოვებს.

Genres: Georgian

124 pages, Paperback

First published January 1, 2012

About the author

დაიბადა 1967 წელს. დაამთავრა სოხუმის მე-17 საშუალო სკოლა და თსუ სოხუმის ფილიალის ფილოლოგიის ფაკულტეტი. 1986-88 წწ. მსახურობდა საბჭოთა არმიის რიგებში. აფხაზეთის ომის შემდეგ ცხოვრობს თბილისში დევნილის სტატუსით. ომის შემდეგ გამოიცვალა მრავალი პროფესია.

2002 წლიდან მისი მოთხრობები იბეჭდება ქართულ პერიოდულ პრესაში. 2007-2009 წლებში გელა ჩქვანავას ნაწარმოებები დაიბეჭდა რუსულ ლიტერატურულ პერიოდიკაშიც, ჟურნალებში: ნევა, დრუჟბა ნაროდოვ და კრეშატიკი.

2002 წლის აპრილში გაიმარჯვა გამომცემლობა დიოგენეს მოწყობილ პირველ კონკურსში Pen მარათონი 2002 და მოიპოვა პირველი ადგილი. იმავე წელს ლიტერატურული ასოციაცია კვალის კონკურსში მესამე ადგილი დაიმსახურა. 2004 წელს მიიღო ლიტერატურული პრემია საბა წლის საუკეთესო დებიუტის ნომინაციაში წიგნისათვის კოლორიტები.

Reviews

[Giorgi · Rating 2 out of 5]

იდიოტიზმი შეიძლება დავარქვათ. სიუჟეტი ნორმალური იყო, მაგრამ აშკარად ვერ განავითარა მწერალმა. ბრტყელ-ბრტყელი ,,ჭკვიანური" ფრაზები ყელში ამოუვა ადამიანს. ისე უაზროდ და უადგილოდ არის დაწერილი. ნაწარმოები დაწყებისთანავე მიხვდებით ,რომ მარაზმთან გვაქვს საქმე. სადღაც შუა ნაწილში ცოტა საინტერესოდ განვითარდა სიტოაცია, მაგრამ დამთავრება საზიზღარი იყო.პირადად მე ვერანაირი სილამაზე ვერ დავინახე ეპილოგში.საერთო ჯამში 5დან 2. ისიც ცოტა ნორმალური სიუჟეტისთვის.

[Loreley · Rating 2 out of 5]

დაბნეული ვარ :დ წარმოდგენა არ მაქვს როგორ შევაფასო ან მომეწონა თუ არა