დამლაგებელი

by Erekle Deisadze

Genres: Georgian

130 pages, Paperback

First published January 1, 2013

About the author

დაამთავრა ქუთაისის პირველი საჯარო სკოლა. აგრეთვე შოთა რუსთაველის თეატრისა და კინოს უნივერსიტეტი.
მუსიკალური კარიერა დაიწყო ჯგუფში „პარალელური თაობა“. 2010 წელს გამოსცა პოლიტიკურ-რელიგიურ თემებზე დაფუძნებული წიგნი „საიდუმლო სირობა“, რომელსაც საზოგადოების არაერთგვაროვანი შეფასებები მოჰყვა. რელიგიურ წრეებში წიგნი მკრეხელობად და რელიგიის, კერძოდ კი, მართლმადიდებლობის შეურაცხყოფად მონათლეს. გაიმართა საპროტესტო აქციები წიგნის გაყიდვიდან ამოღების მოთხოვნით. საზოგადოების მეორე ნაწილში კი პირიქით, მოწონება დაიმსახურა და ერეკლე დეისაძის მხარდასაჭერი აქციები მოაწყვეს.
2012 წელს დააარსა პანკ-ჯგუფი „40 კილომეტრში“. გადაიღო პოლიტიკური ხასიათის კლიპები. მონაწილეობა მიიღო კლიპში „სისტემა უნდა დაინგრეს“, რომელიც საქართველოს სასჯელაღსრულების სისტემაში მომხდარ სკანდალს მიეძღვნა და ქართველმა არტისტებმა გააპროტესტეს ძალადობა ციხეებში.
2013 წელს გამოსცა რიგით მეორე წიგნი „დამლაგებელი“. რომანში ასახულია საქართველოს რეალობის ავტორისებული ხედვა.

Reviews

[Loreley · Rating 3 out of 5]

იმაზე მეტად მომეწონა ვიდრე ველოდი ^^ მომენტებში მაგრად ვიცინე და არც მომბერზრებია :3 დაახლოებით 2/3ზე რომ ვიყავი 4საც ვუწერდი მარა მერე იმდენად აღარ მომეწონა :დ ხშირად მეორე მთხრობელი რომ იწყებს ზოგჯერ ძნელია გაარჩიო რომელია, მეტისმეტად ერთნაირი "ხმები" აქვთ.

[Nika Vardiashvili · Rating 3 out of 5]

"თბილისი - ის უფრო საყვარელია, ვიდრე დედა და უფრო მეტო, ვიდრე ქალაქი. თბილისი მზის და ვარდების მხარეა. ჩინელების, უაქციზო სიგარეტით მოვაჭრეების, მიტინგების, ძველი ბიჭების, ჩოხოსნების და წმინდანების მხარე. თბილისში არის მოცეკვავე შადრევნები, გაღებილი კორპუსები, მსხვილი ინვესტიციები და ბევრი პოეტი. თუ თბილისში ერთი მილიონი მოსახლეა, ეს ნიშნავს რომ მათგან ორი მილიონი პოეტია. მათი კარგად მესმის, რადგან აქ არ დაწერო - ძნელია, აქ ხომ ფოთლებიც მღერიან. ამ ყველაფრის მიუხედავად, მაინც გინდა, რომ გაექცე, მაგრამ ვერ გაურბიხარ. სად წახვალ, სულ ერთია, მაინც აქ ხარ. თითქოს პერსონალური კარცერია, რომელიც ყველგან დაგყვება და მოსვენების საშუალებას არ გაძლევს. ჩემთვის ეს ქალაქი ჯგუფურ სექსთან ასოცირდება, რადგამ თავისი არსით, იმ პორნოვარსკვლავს ჰგავს, ოცკაციან ალყაში მუხლებზე რომ დგას და პირი სპერმით აქვს სავსე. რა არ უნახავს თბილისს - ომები, რევოლუციები, კატაკლიზმები. ის მშიერი კაცის სიზმარს გავს."
SPEECH 100

[Mikheil Samkharadze · Rating 4 out of 5]

ეს 4 ვარსკვლავი არ დამიწერია იმიტომ, რომ ეს წიგნი რაიმე ლიტერაურული ღირებულების მატარებელია.
მიზეზია სარკაზმი - ასეთი სარკასტული ნაწრმოები დიდი ხანია არ წამიკითხავს. აი სარკაზმი, რომელიც იწვევს სიცილს და გადადის შავ იუმორში. ძალიან კარგი იყო.
ქართველ მწერლებსა და გამომცემლობებზე ალუზიებითაა სავსე და ესეც ძალიან სასაცილო და ირონიული იყო.
მოკლდ კარგი საკითხავია :)))