ബൗദ്ധസ്വാധീനം കേരളത്തില്‍

by Pavanan, C.P. Rajendran

Paperback

Reviews

[Yadhu · Rating 5 out of 5]

പേര് സൂചിപിക്കുന്ന പോലെ കേരളത്തിലെ ബുദ്ധമത സ്വധീനത്തേക്കാള്‍ ഉപരി ഇത് മലയാള സാഹിത്യത്തിലെ ബുദ്ധമത സ്വാധീനത്തെ കുറിച്ചുള്ള പഠനമാണ്‌. ക്രിസ്തുവിനു മുന്‍പ് മുന്നൂറാം ആണ്ടു മുതല്‍ ക്രിസ്തുവിനുശേഷം എണ്ണൂറാം ആണ്ടുവരേയും, ഇപ്പോൾ കേരളമായ പ്രദേശത്തു നിലനിന്ന പ്രധാനപ്പെട്ട സംഘടിത മതം ബുദ്ധമതം ആയിരുന്നു. ആയിരം കൊല്ലത്തിലധികം കാലം നമ്മുടെ സമൂഹത്തെയും സംസ്കാരത്തെയും അത് സക്രിയമായി സ്വാധീനിച്ചിട്ടുണ്ടെങ്കിലും മലയാള സാഹിത്യത്തിലെ ബുദ്ധസംബന്ധമായ പല കൃതികൾ കണ്ടറിയാനും അതിനു വേണ്ടത്ര പ്രചാരം നൽകാനും കഴിയാതെ പോയിട്ടുണ്ട് .കേരള ചരിത്രത്തിൽ ബുദ്ധമതത്തിനു അതിനര്ഹമായ സ്വാധീനം ലഭിച്ചിട്ടില്ല. കേരളത്തിന്റെ സംസ്കൃത പഠനത്തിലും ആയുർവേദ പ്രചാരത്തിലും മലയാള ഭാഷയുടെ തന്നെ പ്രധാനമായ ചില പദങ്ങളുടെ ഉൽഭവത്തിലുമൊക്കെ സ്വാധീനം ചെലുത്തിയ ബുദ്ധമതം പന്ത്രണ്ടാം നൂറ്റാണ്ടോടെ വൈദിക മതത്തിന്റെ അത്യുഗ്രമായ ആക്രമണത്തിന് മുന്നിൽ തകർന്നു തരിപ്പണമാവുകയായിരുന്നു. ഇന്ന് നിലനിൽക്കുന്ന സാമൂഹിക വ്യവസ്ഥിതിയിൽ ഇതിനുള്ള പങ്ക് വളരെ വലുതാണ്. യുക്തിപരമായ അടിത്തറയിൽ നിന്നുയർന്ന ബുദ്ധമതം ജന മനസുകളിൽ നിന്നകന്നു. വികാര പ്രധാനമായ ഭക്തി അതിനു പകരം വയ്കപെട്ടു.