Elma/എൽമ

by Farsana

ബെര്‍ലിനിലെ ഒരു അനാഥമന്ദിരത്തിലെ എല്‍മ എന്ന
പെണ്‍കുട്ടിയുടെയും അവളെ ജീവിതത്തിന്റെ നിറക്കൂട്ടുകളിലേക്ക്് കൈപിടിച്ചു നടത്തിയ ഫോട്ടോഗ്രാഫറായ ഗില്‍ബര്‍ട്ടിന്റെയും
സമാനതകളില്ലാത്ത പ്രണയത്തെ, വംശവിദ്വേഷത്തിന്റെയും
മതസ്പര്‍ദ്ധയുടെയും നടപ്പുകാലസങ്കീര്‍ണ്ണതകളിലൂടെ
അനുഭവിപ്പിക്കുന്ന രചന. എക്കാലത്തെയും കൊടിയ അപമാനവും പേടിസ്വപ്‌നവും വംശീയവെറിയുടെ ഒരിക്കലുമുണങ്ങാത്ത
മുറിവടയാളവുമായ ഔഷ്‌വിറ്റ്‌സിലെ ജൂതക്കൂട്ടക്കൊലയുടെ
പൈശാചികത നിറഞ്ഞ ഓര്‍മ്മകളെ മനുഷ്യസ്‌നേഹംകൊണ്ട്
മറികടക്കുന്ന അത്യപൂര്‍വ്വമായ പ്രണയകഥ.

ഫര്‍സാനയുടെ ആദ്യനോവല്‍

302 pages, Kindle Edition

First published August 14, 2022

Reviews

[Sreelekshmi Ramachandran · Rating 2 out of 5]

പുറത്ത്‌ നല്ല മഴയൊക്കെ പെയ്യുന്നുണ്ടാവും അല്ലേ. അപ്പോൾ മഴയുടെ തണുപ്പിൽ ഒരു കപ്പ് കാപ്പിയുടെ ചൂടിൽ ഒരു പുസ്തകം വായിക്കാൻ നിങ്ങൾക്കു മൂഡ് തോന്നിയാൽ 'എൽമ' വായിക്കാം.. ഇതൊരു സാധാരണ കഥയാണ്.. എന്നാലും സമാധാനത്തോടെ വലിയ പ്രശ്ങ്ങളൊന്നുമില്ലാതെ വായിച്ചു തീർക്കാം.. 

എൽമ എന്ന ഒരു ജർമ്മൻ പെൺകുട്ടി ചില പ്രത്യേക കാരണങ്ങളാൽ ഇന്ത്യയിൽ എത്തുന്നതും തുടർന്നുണ്ടായ അവളുടെ ജീവിതവും വഴിതിരിവുകളുമൊക്കെയാണ് പുസ്തകത്തിന്റെ ഇതിവൃത്തം. 

ഒരു one time read ആയി കരുതി വായിക്കാവുന്ന രചന
.
.
.
📚Book - എൽമ
✒️Writer- ഫർസാന
📜Publisher- മാതൃഭൂമി ബുക്സ് 

[Akhil Gopinathan · Rating 3 out of 5]

ഫർസാന എന്ന എഴുത്തുകാരിയെയും അവരുടെ 'കിള ' എന്ന പുസ്തകത്തെയും ഞാൻ ആദ്യമായി അറിയുന്നത് ഇൻസ്റ്റാഗ്രാം ഫീഡുകളിലൂടെയാണ്. ആ പുസ്തകം ഇതുവരെയും വായിക്കാൻ സാധിച്ചില്ലെങ്കിലും കിൻഡിലിൽ 'എൽമ' കണ്ടപ്പോൾ രണ്ടാമതൊന്ന് ആലോചിക്കേണ്ടി വന്നില്ല. വലിയ പ്രതീക്ഷകളോ മുൻവിധികളോ ഇല്ലാതെ വായനയിലേക്ക് ചേർത്തു.

ഇത് എൽമയുടെ കഥയാണ്. സ്നേഹിക്കാൻ മാത്രം അറിയുന്ന എൽമയുടെ കഥ. ജർമനിയിലെ ഒരു അനാഥാലയത്തിലേക്ക് അവൾ എത്തി ചേരുന്നത് മുതലാണ് നോവൽ ആരംഭിക്കുന്നത്. അനാഥത്വത്തിന്റെ സങ്കടങ്ങളേക്കാൾ, അവിടെ അവൾക്ക് ലഭിക്കുന്ന കരുതലും സ്നേഹവുമാണ് പിന്നീട് എഴുത്തുകാരി വരച്ചുകാട്ടുന്നത്. അനാഥാലയത്തിലെ 'ഗ്രാനി', സിസ്റ്റർ ആൻ, അവിടെയുള്ള മറ്റ് ജീവനക്കാർ എന്നിവർക്കൊപ്പം സ്നേഹനിർഭരമായ ഒരു ബാല്യമാണ് അവൾക്കുള്ളത്. പിന്നീട് അവളുടെ കോളേജ് കാലഘട്ടത്തിലേക്കും, അവിടെ വെച്ച് പരിചയപ്പെടുന്ന ഷേറ എന്ന കൂട്ടുകാരിയുമായുള്ള ഗാഢമായ സൗഹൃദത്തിലേക്കും കഥ വികസിക്കുന്നു. എൽമയുടെ ജീവിതത്തിൽ പ്രണയം കടന്നുവരുന്നത് ഗിൽബർട്ടിലൂടെയാണ്. സ്നേഹവും സൗഹൃദവും നിറഞ്ഞ ആ ജീവിതയാത്ര ഒടുവിൽ അപ്രതീക്ഷിതമായ ചില കാരണങ്ങളാൽ അവളെ ഇന്ത്യയുടെ മണ്ണിലെത്തിക്കുന്നു. അവിടെ എൽമ നേരിടുന്ന പുതിയ സാഹചര്യങ്ങളും അനുഭവങ്ങളുമാണ് നോവലിന്റെ തുടർന്നുള്ള ഭാഗങ്ങൾ.

കേവലമായ ഒരു പ്രണയകഥ എന്നതിലുപരി ലിംഗഭേദങ്ങൾക്കപ്പുറമുള്ള സ്നേഹത്തിന്റെ ആഴം ഈ നോവൽ ചർച്ച ചെയ്യുന്നുണ്ട്. പ്രണയത്തോടും മനുഷ്യ ബന്ധങ്ങളോടും ഉള്ള സമീപനം ഒരോ നാട്ടിലും വ്യത്യസ്തമാണ് എന്ന് കാണിച്ചത് എടുത്ത് പറയേണ്ടതാണ്.ജർമനിയിലെ പശ്ചാത്തലത്തിൽ സ്നേഹം എന്നത് തികച്ചും വ്യക്തിപരവും ശുദ്ധവുമായ ഒരനുഭവമായി നിലനിൽക്കുമ്പോൾ, ഇന്ത്യയിലെത്തുമ്പോൾ അതിന്റെ ചിത്രം മാറുന്നു. ഇവിടെ പ്രണയത്തിന് മുകളിൽ ജാതിയും മതവും പോലുള്ള സാമൂഹിക ഘടകങ്ങൾ വലിയ നിഴൽ വീഴ്ത്തുന്നതായി ചൂണ്ടിക്കാണിക്കുന്നു. ഒരേ വികാരത്തെ വ്യത്യസ്ത സംസ്കാരങ്ങൾ എങ്ങനെയാണ് കൈകാര്യം ചെയ്യുന്നത് എന്നതിന്റെ കൃത്യമായ താരതമ്യം ഇതിൽ കാണാം. ഉദാഹരണത്തിന് ഷേറയുടെയും ഏർനെസ്റ്റിന്റെയും തിരഞ്ഞെടുപ്പുകൾ നോക്കുക.

വളരെ ലളിതവും ഒഴുക്കുള്ളതുമായ ഭാഷയിലാണ് ഈ പുസ്തകം എഴുതിയിരിക്കുന്നത്. ആ അനാഥാലയവും എൽമ സന്ദർശിച്ച സ്ഥലങ്ങളുമെല്ലാം ഒരു ചലച്ചിത്രത്തിലെന്ന പോലെ വായനയിൽ ഉടനീളം മനസ്സിൽ തെളിയുന്ന രീതിയിലുള്ള ഒരു എഴുത്ത്. നല്ല വായനക്ക് നന്ദി ഫർസാന.

[Manoharan · Rating 3 out of 5]

മലയാള നോവൽ കടൽ കടന്നു തുടങ്ങിയിരിക്കുന്നു. ഒരു പാടു വിദേശ നോവലുകൾ നമ്മുടെ ഭാഷയിലേക്ക് വിവർത്തനം ചെയ്യപ്പെട്ടിട്ടുണ്ട്. എന്നാൽ കുറച്ചുകാലമായി നമ്മുടെ എഴുത്തുകാർ വിദേശ പശ്ചാത്തലത്തിൽ എഴുതാൻ തുടങ്ങിയിരിക്കുന്നു. ഹരിത സാവിത്രിയുടെ രണ്ടു നോവലുകൾ ഇതിനകം വായനക്കാരുടെ സ്വീകാര്യത നേടിയിട്ടുണ്ട്. ഫർസാനയുടെ ഈ ആദ്യ നോവൽ ആ ഗണത്തിൽ പെടുന്നു.
ജർമ്മൻ പശ്ചാത്തലത്തിലാണ് എൽമ എന്ന ഈ നോവൽ ' ജർമ്മനിയിലെ ഒരനാഥാലയത്തിൽ വളർന്ന എൽമ എന്ന പെൺകുട്ടിയുടെ കഥയാണ് മിഴിവോടെ ഫർസാന വരച്ചിട്ടുന്നത്. ജീവിതത്തിൻ്റെ ഒരു പ്രതിസന്ധിയിൽ ഇന്ത്യമുഴുവൻ ചുറ്റാനൊരുങ്ങുന്ന എൽമ താൻ്റെ കഥ പറയുന്നതായാണ് നോവൽ ആഖ്യാനം 'ഓർഫനേജിൽ അവളെ താലോലിച്ചിരുന്ന ഗ്രാനി , വളർന്നപ്പോൾ അവൾക്ക് സ്നേഹം പകുത്തു നൽകിയ ഗിൽബർട്ട് 'ബോംബെയിൽ അവളെ ഗ്രാനി യെപോലെ സ്നേഹിച്ച ഗ്ലാഡി റ്റ്, ഗിൽബർട്ടിനു ശേഷം അവളെ ആകർഷിച്ച ഏണസ്റ്റ് ഇങ്ങിനെ ഒരു പാടു കഥാപാത്രങ്ങളും സംഭവങ്ങളും നിറഞ്ഞതാണീ നോവൽ ' ജർമ്മനിയുടെ പശ്ചാത്തലവും ജീവിത രീതികളൊക്കെ ശ്രദ്ധയോടെ പാലിച്ചു കൊണ്ടാണ് ഫർസാന ഈ നോവൽ എഴുതിയിട്ടുള്ളത്.
ആദ്യ നോവലിൻ്റെ യാതൊരു പതറിച്ചയുമില്ലാതെ എഴുതിയ ഈ നോവൽ തീർച്ചയായും വായിക്കപ്പെടേണ്ടതാണ്.