140 autorë francezë qëmtuar me kujdes për këtë Antologji, dëshmojnë, me penën e tyre të fuqishme, për virtytin, dinjitetin, krenarinë dhe fisnikërinë shqiptare ndër shekuj, krahas dhembjes, mjerimit dhe tragjikes që i ka shoqëruar. Ligjërojnë në të, ëmbël e thekshëm, figurat madhore të Letrave franceze, Montenji, Ronsari e Volteri, Shatobriani, Hygoi e Dyma, Lamartini e Nervali, nobelisti Mistral, Godari e Jursënari, krahas sa e sa zërave të tjerë po aq të fuqishëm, të djeshëm e të sotëm, me në krye Moris Dryonin, Sekretarin e përhershëm të Akademisë Franceze.