الغثاء

by أحمد صلاح سابق

في هذه الآونة كنت أختبئ وابنتي في أنقاض البناية التي حوت يومًا غرفتنا في حي «كامدن» في «لندن». كان الجيش البريطاني قد قام بتدمير الحي والقضاء على أكثرية سكانه، غير أنه اتفق لنا أن نبقى على قيد الحياة، مع قلة من الناجين الآخرين.

لم تكن حياة بالمعنى المعروف للكلمة، بل مرحلة بين البقاء والموت، كنا نعيش فيها كما يعيش إنسان مصاب بعطب في نشاط الدماغ. كنا جثثًا متحركة، لا تأتي إلا بأفعال منعكسة لا إرادية. نأكل إن عثرنا على ما يؤكل، نشرب إن كان ثمة ما يُشرب، نختبئ، ننتظر، نتسمع، ننام، نصحو، نعيد الكَرَّة.

بقينا على هذه الحال إلى أن أعلنت الحكومة البريطانية عن الانتهاء من أعمال الانشاءات في مخيم اللاجئين في جزيرة «وايت»، وعن عزم الحكومة البدء في نقل المسلمين إلى الجزيرة.
وبحلول شتاء هذا العام، بدأت القطارات والشاحنات في الانطلاق من المحطات الكبرى إلى الجنوب. خلال الأسابيع الأولى، تم إجلاء ما يزيد عن ربع مليون إنسان، وفي ذات الوقت، أجرت فرق «شباب الحرية» عمليات نقل موازية لآلاف المسلمين إلى مناطق نائية في الريف، لإعدامهم.

287 pages, Kindle Edition

Published January 26, 2023

About the author

أحمد صلاح سابق، مهندس معماري ومصمِّم جرافيك، وروائي ورسَّام. تخرَّج في كلية الهندسة، جامعة القاهرة، عام 2003، وعمل مهندسًا ومصمِّمًا في عددٍ من ستوديوهات التصميم المصرية والعالمية بالقاهرة وبودابست ولندن. نُشِرَت له رواية النمروذ في عام 2013، ورواية وادي الرماد في عام 2016.

Reviews

[أحمد الكيلانى · Rating 3 out of 5]

مما لا شك فيه أن أحمد صلاح سابق له بصمة فى كتابة الرواية خصوصا فيما يتعلق بالديستوبيا، ولا تتقصه التفاصيل ورسم الشخصيات ولكن مشكلتى معه فى النهايات المبتورة، كما حدث فى روايته السابقة وادى الرماد.
الرواية تتحدث عن اضطهاد للمسلمين فى إنجلترا لدرجة عزلهم فى معزل على جزيرة تشبه الجيتو، أحداث سوداوية قاتمة بإمتياز، لا تصلح لأصحاب القلوب الضعيفة أو من لا يحبون رسم الشخصيات الشديد.

[عاشور الناجي · Rating 3 out of 5]

هو أنا محتاج أسجل بس إنه تدريجيا أنا فقدت الاستمتاع بأدب الدستوبيا - أحد أهم أنواعي المفضلة من الأدب - بسبب الأحداث اللي شغالة حوالينا من أول بداية عملية طوفان الأقصي في أكتوبر 2023م لأنه اتضح إنه الواقع اللي بنعيشه مرعب وفيه كمية اذلال لينا كبشر عموما وكعرب ومسلمين خصوصا أكتر من خيال أي مؤلف عربي أو أجنبي ، فيه اتنين مليون بني آدم بيتمارس ضدهم إبادة جماعية شاملة علي مرأي ومسمع من العالم كله وسط تواطؤ دولي من القوي العظمي ومفيش ولا بلد ولا نظام ولا جماعة ولا في حد في الكوكب كله قادر يوقف اللي بيحصل بأي شكل

أما عن الرواية ، فيعني هو أنا كنت افهم إنه بعد العالم الكابوسي اللي انت خلقته والدليل التفصيلي المرعب والشامل اللي انت قدمته لأي حكومة أوروبية بتفكر تتخلص من مواطنيها المسلمين إنك تخلق أحداث أكتر من كده ، إنه مثلا جبهة المقاومة العالمية اللي كانت السبب في اندلاع الأحداث كلها واللي كان عندها قدرات تعمل كل التفجيرات دي ضد الحكومة البريطانية يتدخلوا بشكل ما أو بآخر ضد اللي بيحصل ، أو إنه أهل المعزل علي الجزيرة يتحركوا عشان يغيروا أوضاعهم بشكل ما أو بآخر ، أو إنه تنشأ بينهم حركة سرية تنظم أي فعل تخريبي كبير ضد الحكومة وعملائها ويستولوا علي الجزيرة ومقدراتها علي طريقة أحمد خالد توفيق في يوتوبيا ، بدل ما احنا طول الأحداث بنتحرك وسط مجتمع من العصابات وخلاص علي كده ، إنما تعشمني بعالم كامل ممكن يتخلق جوه الجزيرة خصوصا وانت عمال تدي اشارات إنه اللي بيحصل في بريطانيا عادي ويعتبر ارحم من اللي حصل في أوروبا عموما وبعدين فجأة تنهي الرواية علي طريقة فيلم سوبر مان وبات مان لما باتمان كان هيموت سوبرمان وعلي آخر لحظة تراجع عشان اسم أمه علي اسم أم سوبر مان - أو علي اسم حبيبته والله ما فاكر - وتخلي الشرير ميموتش البطلة اللي اتمرمطت معانا من أول صفحة عشان كانت مشتركة في نادي خيري مع أخته الصغيرة زمان ، فلا معلش ده كان اختيار وحش قوي الصراحة

أحداث الرواية عن عمليات تفجيرات ارهابية ضخمة بتنفذها جماعة اسلامية ضد البريطانيين بينشأ عنها تدرج كابوسي للأحداث بينتهي بترحيل كل المسلمين البريطانيين لجزيرة معزولة ومحاوطتها بأسوار وحواجز وترك طريقة الحكم والمعيشة والتعامل لقيادات المسلمين الموجودين في الجزيرة اللي بتتحول بشكل متعمد من البريطانيين لمكان لا آدمي بدون خدمات تذكر وبدون قانون حاكم ، بتحكمه وبتتحكم فيه العصابات والمجرمين ، والأحداث ماشية في خطين زمنيين ، خط الأحداث الحالي اللي بنشوف فيه الدكتورة فاطمة وابن عمها وبعض شخصيات من سكان الجزيرة ملهمش علاقة بيها استهلكت قصصهم جزء كبير من أحداث الرواية وماتوا كلهم بشكل بشع ، والخط التاني هو خط المذكرات اللي بيحكي الأحداث بطريقة الفلاش باك واللي بنكتشف في النهاية إنه جزء كبير هي كاتباه وجزء أكبر كاتبه حد تاني

الرواية كدستوبيا وأحداث وخيال وتدرج في الأحداث خصوصا في جزء المذكرات كانت أكتر من ممتازة ومعيشة المؤلف في بريطانيا خلت الأحداث واقعية ، الجزء التاني كان حلو لكنه فشل يخلق عالم متماسك مربوط ببعضه ، يعني بيحكي عن عيلة كاملة وفجأة خلصهم وماتوا كلهم ، وبعدين قعد يمهد كتير في الأحداث المتعلقة بالبطلة ويحكي حكاية طويلة لابن عمها والاخر الاتنين نهايتهم كانت مش مفهومة وفي شخصيات تاني المفروض مؤثرة ملحقناش نشوفهم ولا نعرف نهايتهم كانت ايه ولا عرفنا مصير باقي مسلمين الجزيرة ايه ولا واقعهم ايه غير البؤس والشقاء وبس بدون ما يكون في اي لمحة أمل قرب النهاية او بدون مايظهر منقذ أو بدون ما يكون في حاجة كبيرة احنا مستنيينها تحصل تحل المشكلة أو تعقدها وكأنا بنحكي كل ده عشان بس عشان نحكي حكاية الدكتورة ونعمل قفلة سوبرمان وباتمان وخلاص علي كده
أنا مش هنكر إني بعد ما عديت نصف الرواية كنت بقارنها برواية وادي الرماد ومش هنكر إنه فكرتها الأصلية عجبتني جدا لكن المحصلة بتاعتها بالنسبالي كانت متوسطة تقترب من ضعيفة

[مصطفي سليمان · Rating 5 out of 5]

كعادة الكاتب المتميز أحمد صلاح سابق في كل شئ الاسلوب والأفكار والوصف والحوار
يهدينا في روايته الجديدة الغثاء كابوس جديد، ديستوبيا مرعبة
رواية تحبس الأنفاس وتقرر فتح الكثير من الجروح وطرح الكثير من الاسئلة لكي نفكر بها
مازالت أري أن أحمد صلاح لم يحصل علي التقدير الكافي والانتشار الذي يستحق
ولكن إيماني بعمله لا يهتز
ينصح بها وبشدة