حلمي مهران التجربة ٨

سلسلة حلمي مهران #5

by أحمد عثمان

في محاولة منه للتخلص من المسكنات التي كادت تصل به إلى الأدمان، يتعرف "حلمي مهران" على دكتورة نفسية تنصحه بحضور جلسة للعلاج الجماعي في جزيرة بعيدة، بحجة الأنعزال عن العالم، ليكتشف فيها "حلمي مهران" أنه ضحية تجربة نفسية ليست الأولى ولكنها قد تكون الأخيرة، فهو بين سبعة أخرين من المرضى من بينهم من يكيد لتلك الدكتورة، ليصارع "حلمي مهران" الوقت لأكتشاف الحقيقة قبل فوات الوقت وضياع الجميع، من على تلك الجزيرة التي تجعل كل منهم يواجة أصعب مخاوفه.

200 pages, Paperback

Published January 15, 2023

About the author

أحمد عثمان من مواليد القاهرة ١٩٨٢
تخرج من كلية الهندسة بجامعة حلوان، قسم الهندسة المعمارية سنة ٢٠٠٤.
عمل بمجال المعمار والديكور وأنشئ شركته للأعمال الهندسية والديكور في باريس سنة ٢٠١٤، ثم عاد الي القاهرة وأنشئ شركة أحمد عثمان أركي آرتس للديكور والمقاولات

درس كتابة السيناريو ومن ثم شرع في أولى أعماله الأدبية وهي رواية "لمسة مليكا" في ٢٠١٦ ومن ثم الوحي ولنوفيلا والقديس و٣١١٠ والخائن والسيناريو أكس، خلاف سلسلة "حلمي مهران" كما تم تصوير أول أعمال الكاتب السينمائية فيلم "قبل الأربعين" من تأليف الكاتب والذي عرض في السينما في ٢٠٢١ كما تم انتاج أول عمل مسلسل درامي من تأليفه سنة ٢٠٢٣ بعنوان "روحي فيك" المقرر طرحها روائيًا في ٢٠٢٤

Reviews

[طارق سيد · Rating 4 out of 5]

تجربة.
ولكنها ليست مش أي تجربة.
مع نهاية العدد الخامس يتحول حلمي مهران الي رفعت إسماعيل الجديد!
للمزيد من التفاصيل مراجعة مرئية للعمل بدون حرق للأحداث
#كوكب_الكتب 🌍
#العراف 😎
https://youtu.be/g6Nsi8pTb44

[Dina · Rating 2 out of 5]

٢.٥/٥ كانت ماشية حلو و بعدين للاسف حسيت الحبكة باظت و بقت هندي

[Moheb M. Moheb · Rating 1 out of 5]

مملة جدًا لدرجة إني مقدرتش أكملها للآخر..
الفكرة كويسة جدًا.. لكن معالجتها فيها مشاكل كتير؛ في طريقة السرد، الحبكة، ودوافع الشخصيات..
أكتر حاجة زعلتني إن الرواية دي جت بعد رواية (كاموفلاچ) واللي كانت بالنسبة لي أفضل أعداد السلسلة وتستحق 5/5 بجدارة..
لكن الرواية دي مشكلة كبيرة لدرجة إني حتى مقدرتش أكتب عنها review مفصل..

[Doaa · Rating 3 out of 5]

⭐⭐/5

متوقعة جدا رغم ان الشخصيات كلها جديدة ما عدا حلمي مهران طبعا .. وحلمي كان متفرج طول الجزء أو بالأحرى كان حبيس عقله في هذة الجزيرة الغريبة التي ظهر فيها أشباح شخصيات أساسية في حياته متوالية كل منهم يعاتبه على أمر ما..
ماقدرش أقول ان الجزء ده أضاف جديد لأن الأبطال المألوفين ما ظهروش هنا إلا في دماغ حلمي بس.. ولكن الكاتب مستمر في ذكر أعمال أخرى له منفصلة في سياق حكايات حلمي مهران خلت عندي فضول أقرأ باقي أعماله.

[jannah elhadi · Rating 4 out of 5]

this book was different than all the parts before, it makes you know more about helmy’s truth. I really enjoyed it, u’ll see the dark inside people, but will also understand the reason behind it, which leaves u confused whether they are the oppressors or the ones oppressed.

[Youssry Effat · Rating 3 out of 5]

المراجعة المرئية لاول 5 اعداد ع اليوتيوب
https://youtu.be/tUEB1QyP8Dk

[Ahmad Rakhawy · Rating 1 out of 5]

ادب اطفال ..بس الحقيقة بتبقا النوعية ديه مفيدة للفصل بين قراءاتك الاعمق

[Hashem · Rating 1 out of 5]

أضعف جزء في ال ٥ اجزاء، واضح انها مكتوبة بغرض تحويلها لفيلم

[Kholoud Mohammed · Rating 3 out of 5]

دايما فيه حاجة ناقصة فى رواياتك وده مخليها متعلاش عن تقييم 3/5

[Youssef Hossam · Rating 2 out of 5]

.الحقيقة النوع ده من الأعمال بيخليني في حيرة وحاسس اني عايز اراجع كل الكتابات اللي فيها حلمي مهران علشان اوصل لقرار حقيقي
رواية 3110 كانت رواية طويلة تستحمل تقلبات والتواءات كتيرة عكس أعداد السلسلة الصغيرة اللي المفروض تبقي أميل لحبكة بوليسية بشوية تويستات زي أجاثا كريستي مثلا أو أفلام نايڤز أوت بإنك عندك شخصيات في مكان مقفول فتزرع شوية حاجات صح وتخدع المتلقي بشوية حاجات غلط علشان التويست
لكن شخصيا بقيت بحس إن أحمد عثمان عايز يعمل تويست لغرض التويست وخلاص فبتقلب افلام هندي ساعات فيطلع في الاخر البطل هو اخو البطلة اللي مات قبل كده .
انا مش عارف أحمد عثمان تقاطع أعماله الروائية مع السينما ازاي ولكن هو دايما عايز يقطّع السرد بطريقة سينمائية وده أحيانا بيبقي كويس لكن أغلب الوقت بالذات في العمل ده مع الهلاوس والتنسيق السئ كالعادة من دار إبداع بيخلي تجربة القراءة غير مريحة وده من العيوب المتكررة الحقيقة
أيضا من العيوب المتكررة الحوار الزايد عن السرد واللي بيكون بالعامية فبيخلي العمل أغلبه عامي مع إن الكاتب عنده مخزون معقول من الفصحي بيوزع كلماته علي مدار العمل ولكن بشكل مش متقن أوي فتبقي الفقرة ضعيفة ومرة واحدة يرمي كذا كلمة فصحي قوية فتحس إن الفقرة مش ماية واحدة
في شخصيات برضه زي أمنية وغيره الكاتب بيتلاعب بمصيرهم من زمان وهل اللي شافه حلمي مهران ده كان حقيقي ولا لا فأنا معرفش هل لأن الكاتب ميعرفش لسه مصيرهم ايه لأن الموضوع طول ولازم في نقطة الكاتب يقرر مصيرهم علشان الموضوع ميأفورش
وكالعادة أعمال أحمد عثمان بتشد وتخليك عايز تخلصها في قاعدة وليا صديق جديد في القراءة بيحب أعماله جدا فلو أصلا دي الفئة اللي الكاتب بيستهدفها فكل اللي قولته ممكن يبقي علشان العمل مش ليا عادي لأني باخد بالي من الثغرات اللي في الحبكة واللي من عادة احمد عثمان يسيبها ويحاول يسدها كلها في الآخر وانا مبشتريش في الآخر يعني فكرة النهاردة فلسفية نفسية من الطراز الأول وهي مبدأ النفعية فاعتقد كان ممكن اكيد تتعمل أحسن من كده
ولو انا من الفئة المستهدفة فنصيحتي لموهبة زي عثمان بشخصية متبلورة زي حلمي إن الكاتب يتأني شوية في الأعداد ويركز أكتر علي العالم الأدبي بدل من السينمائي لأن الكاتب إضافة بلا شك للأدب البوليسي النفسي الملتوي.

[Ahmed Halawa · Rating 2 out of 5]

مغامرة جديدة من مغامرات حلمي مهران بنعشها
مع اختلاف كبير في القضية دي بظهور حلمي مهران فقط بدون الاعتماد علي وجود الابطال الرئيسيين للسلسلة
في الاول صراحة كنت متوقع اني اكون في عدد ملحمي زي ما كل قضية لكن للاسف بالرغم من توافر امكانيه ده الا اني الحبكه فيها ثغرات كتير جدا
و مش من عاده حلمي مهران انه يقف متفرج و هو عارف اني في ارواح في خطر و خصوصا انه اكتشف اللي هيحصل من بدري كان لازم يبقي تصرفه مختلف عن المكتوب

[Karim Kassim · Rating 5 out of 5]

رواية جميلة جدا
من احلي روايات السلسلة
تحسها مختلفة وجديدة في انتظار باقي السلسلة اللي هتكسر الدنيا كلها

[Alaa' Nabil · Rating 3 out of 5]

عجبتنى ف الاخر نهايتها بس خلال القرايا كنت حاسه انى تايهه كدا.
بس هى مختلفه عن باقى الأجزاء