عش ع الريح

by نوارة نجم

مقالات عن حياتها الشخصية، وعن شخصيات عامّة أثرت فيها

First published January 1, 2009

About the author

نوارة أحمد فؤاد عزت نجم (ولدت في القاهرة في 8 أكتوبر 1973) مدونة وناشطة وصحفية مصرية مهتمة بالعمل العام وحقوق الإنسان. تخرجت في قسم اللغة الإنجليزية بكلية آداب جامعة عين شمس سنة 1996 وتعمل محررة أخبار ومترجمة بقناة النيل للمعلومات (إحدى قنوات النيل المتخصصة) منذ سنة 1997. هي صاحبة مدونة جبهة التهييس الشعبية. وهي ابنة الشاعر أحمد فؤاد نجم والكاتبة والناقدة صافي ناز كاظم. ولدت إبان حرب أكتوبر 1973 فسمتها والدتها نوارة الانتصار أحمد فؤاد نجم

Reviews

[مصطفي سليمان · Rating 3 out of 5]

كتاب لطيف
مقالات مكتوبة
بصورة فضفضة
فيها معلومات حلوة
كانك قاعد ع الكنبة
وهي بتتكلم معاك
ودي اكتر شئ بحبه ف نوارة
البساطة
جو التلقائية والذكريات
والتجارب وكل شئ
الخاصة بيها
صاغتها بأسلوب هادي ولطيف
يخليك تستمع وانت بتقراء الكتاب
شكرا نوارة ليكي
:))

[Mina Habib · Rating 2 out of 5]

* بالرغم من إن كتاب و أنت السبب يا أبا هو الكتاب الأشهر لنوارة و بالرغم من إن أنا قرأته الأول، إلا إن الحقيقة إن الكتاب ده هو الكتاب اللي أنا حصلت عليه الأول و تقدر تقول بالصدفة أو بشكل عشوائي. و الموضوع ببساطة إن أثناء أحد معارض الكتاب كمن معدي من قدام جناح دار العين و لقيت عرض حلو علي أحد رفوف الكتب، و للاستفادة من العرض لازم اختار مجموعة من الكتب اللي علي الرف، و بما إني ماكنتش أعرف حاجة عن أغلب الكتب و في أغلب الأحيان النبذة اللي علي الغلاف الخلفي ماكنتش مفيدة كفاية و بمعني أدق ماكنتش حاسمة كفاية بالنسبة لي علشان أخد القرار، فقررت الإستناد علي أسماء الكتاب لاختيار الأعمال اللي هحصل عليها علشان استفيد بالعرض و الخصومات. و كان واحد من هذه الكتب هو هذا الكتاب، وكانت صدمة بالنسبة لي إني أعرف إن نوارة نجم نزلت كتب قبل كده.

* طيب أنا بحكي القصة اللي مالهاش 30 لازمة دي ليه، وإيه علاقتها بالكتاب ؟! الحقيقة إن القصة دي و ما فيها من عشوائية، نسبياً، و صدفة في اختياري للكتاب و وقوعه في إيدي، نقدر نقول إنها مستمرة و قادرة علي وصف الكتاب نفسه. بمعني تاني إني أقدر أوصف الكتاب ده ومحتواه بالعشوائية أو بمعني أدق شوية التنوع الشديد أو الشديد قوي كمان. مواضيع و مقالات و كتابات من الشرق و من الغرب مافيش موضوع معين ولا فكرة معينة مسيطرة علي الكتاب و لا تسلسل فكري ولا وحدة فكرية بتجمع المقالات اللي جوة الكتاب.

* بالرغم من تعددية مواضيع الكتاب و عشوائيتها إلا إني مش هقدر أقول عن الكتاب إنه وحش أو ردئ أو ممل. الحقيقة إن الكتاب جيد جداً و مسلي جداً. و العشوائية في اختيار المواضيع مش واصله لمتون المقالات نفسها، بالعكس المقالات واضحة و افكارها واضحة. اللغة كمان واضحة و سهلة الفهم ومافيهاش تعقيدات. و الأهم إن خفة الدم و الهزار المصري و السخرية موجودين تقريباً طول الوقت، في أحلك و أغمق المواقف هتلاقيهم خاصة لما يبقي الغضب المباشر مافيش منه فائدة ومش بيقدم جديد.

[Shahd Rdawi · Rating 4 out of 5]

نوارة.. اول.مرة اقرة كتاب بدون مااعرف شي عنة او عن كاتبة هو صراحة صديق طلب مني ترجيعة للمكتبة واثناء رحلة الترجيع استهواني العنوان وبديت اقرة اول فصلين جذبني اسلوب الكاتبة كوكلت اسمها حتى اكتشف الحقيقة الواضحة من هذا الاسلوب السياسي الساخر والناقد الها.. انها ابنت الشاعر الشعبي احمد فؤاد نجم! بشكل عام هي تعتبر مقالات موكتاب متواصل لكن جيدة بغض النظر عن تحفظي لبعض اراءها لكن حبيت تحديداً انتقادها على واقع المرأة المعاصر وزمن الابيض والاسود هههههه صاغت حقيقتها بأسلوب جدي-هزلي مثير للاهتمام.. فعلاً مصر منبع من منابع الفن ومثل ميكولون بأمثلتهم مصر ولادة

[Hazem Ashraf · Rating 3 out of 5]

كتاب سريع جميل ،يصلح كسبيل لبعض (الروقان)