What do you think?
Rate this book
Moord op Pofadder: Die skokkende verhaal agter Suretha Brits se meesterplan en die kontrak op haar man
Wat dryf 'n pragtige jong ma van drie daartoe om haar man wreed te laat vermoor? Waarom wou Suretha Brits só graag van Leon ontslae raak?
Danksy binne-inligting van vriende, familie en die polisie, sit die ondersoekende joernalis Charné Kemp al die stukkies van die legkaart bymekaar en vertel die volle verhaal van die huurmoord op die geliefde Pofadder-hotelbaas.
'n Boeiende ware misdaadverhaal oor diamante, Krugerrande, seks, verraad en wraak.
Danksy binne-inligting van vriende, familie en die polisie, sit die ondersoekende joernalis Charné Kemp al die stukkies van die legkaart bymekaar en vertel die volle verhaal van die huurmoord op die geliefde Pofadder-hotelbaas.
'n Boeiende ware misdaadverhaal oor diamante, Krugerrande, seks, verraad en wraak.
- GenresCrime
255 pages, Kindle Edition
Published April 14, 2022
23 people are currently reading
25 people want to read
About the author
Charné Kemp
3 books6 followersCharné Kemp is 'n bekroonde ondersoekende joernalis en skrywer. Sy het naam gemaak in die Afrikaanse media deur haar werk vir verskeie gewilde publikasies soos Rapport, Volksblad, Beeld, Netwerk24, Rooi Rose, Insig and Sarie. Sy is die skrywer van Moord op Griekwastad en Bloed, dunner as water. Kemp is genomineer as finalis in die Standard Bank Sikuvile Journalism Awards vir haar verslaggewing oor die Griekwastad-moorde. Charné woon in Kimberley.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 6 of 6 reviews
May 19, 2022
#moordoppofadder – Charnė Kemp
#Tafelberg
7 Oktober 2020, Von Wiellighstraat, Pofadder, Noord-Kaap. Suretha Brits, jong, beeldskone ma van drie jong kinders, ontdek die lyk van haar man, Leon Brits, ‘n gesiene plaaslike sakeman, in hulle swembad. Hy het veelvuldige steekwonde, ‘n hoofbesering en ‘n ketting is om sy nek gedraai. Verskeie waardevolle items, vuurwapens en kontant word vermis. Wat aanvanklik na ‘n rooftog gelyk het, sou mettertyd die eens onbekende dorpie op die platteland die onderwerp van koerantopskrifte maak toe gerugte van ‘n huurmoord, verraad, geld, seks, diamante, gesinsgeweld en Krugerrande al harder begin opklink het.
Hierdie boek is die produk van die skrywer, ‘n bekroonde ondersoekende joernalis, se navorsing en beriggewing oor die moord, die ondersoekwerk en die hofverrigtinge. Hofrekords, onderhoude, verklarings en foto’s (sommige deur die skrywer self geneem) het as bronne gedien. Dis die verhaal van ‘n 14-jarige tiener se verhouding met ‘n man 11 jaar ouer as sy; hulle latere huwelik en gedeelde sakebelange en die krake in die oënskynlike sprokie wat tot sy dood sou lei. Die leser ontmoet ook die middelman tot die huurmoord, Jacques van Vuuren, en die twee daders, Enrich Williams en Amantle Bareki; familielede en vriende.
Verskeie agter-die-skerms interessanthede is ook ingesluit: Riaan Fouchė, die kringtelevisie-installeerder en -kenner, wie se privaat speurtog uiteindelik waardevolle getuienis sou oplewer; die betrokkenheid van die welbekende Bushie Engelbrecht as privaat ondersoeker; die eertydse lyfwag, John Halloway, wat met Suretha se eerste hofverskyning hardop uitgeroep het ‘Love you Sue, lief vir jou’ (155) en ‘n amusante dialoog tussen Regter O’Brien en regverteenwoordiger Katlego Moribe tydens Williams en Bareki se verhoor waartydens die regter se opmerking ‘Ek sien jy is baie opgewonde. Jy praat baie hard’ (225) beantwoord is deur ‘Jammer, U edele, ek was vroeër ook ‘n pastoor.’ (226)
Soos dikwels die geval met nie-fiksie werke, veral beriggewing oor misdade en hofsake, is, is daar nie altyd volledige antwoorde nie. Potensiële getuies se onwilligheid om betrokke te raak en/of oneerlikheid, asook subjektiewe oortuigings en persepsies maak dit bykans onmoontlik om antwoorde op alle vrae te verskaf. Twee aangeklaagdes (Jacques en Suretha) het pleitooreenkomste met die Staat aangegaan en daar was dus geen uitgerekte verhore met openbare getuienis nie. Die ander twee aangeklaagdes (Williams en Bareki) het tydens hulle verhoor hulle swygreg beoefen en nie getuig nie. Ten spyte van hierdie uitdagings slaag die skrywer daarin om ‘n toeganklike en objektiewe weergawe van die gebeure op ‘n feitelike en sinvolle wyse aan te bied. Anders as wat dikwels die geval is by soortgelyke werke, getuig die aanbieding van objektiewe waarneming; nie van sensasionele en dramatiese oordrywings nie.
Die oorheersende gevoel waarmee die lees van die boek my gelaat het, word goed verwoord deur Suretha se eertydse skoolmaat, Anelia Heese, in ‘n ope brief (gepubliseer in Die Huisgenoot, 19/11/2021) se slotparagraaf: ‘Ek is jammer die beterweterige tiener in my het nie genoeg vrae gevra oor hoekom hierdie jong meisie by hierdie nice ou oor naweke kuier nie… Ek weet nice ouens verdien nie die dood nie, maar of jy 25 jaar verdien, weet ek nie.’ (210) Dis uiteindelik die vraag wat onbeantwoord bly: was Suretha die slagoffer van haar eie keuses en omstandighede wat werklik geen ander uitweg gesien het nie of was sy inderdaad die Daisy de Melker van Pofadder ?
Die boek word opgedra aan Brigadier Dick de Waal, die hoof-ondersoekbeampte, wat voor Suretha se skuldigbevinding en vonnis (op 15/11/2021) aan Covid-19 oorlede is.
⭐️⭐️⭐️⭐️⭐️
#Uitdieperdsebek
NB-Uitgewers/Publishers
#Tafelberg
7 Oktober 2020, Von Wiellighstraat, Pofadder, Noord-Kaap. Suretha Brits, jong, beeldskone ma van drie jong kinders, ontdek die lyk van haar man, Leon Brits, ‘n gesiene plaaslike sakeman, in hulle swembad. Hy het veelvuldige steekwonde, ‘n hoofbesering en ‘n ketting is om sy nek gedraai. Verskeie waardevolle items, vuurwapens en kontant word vermis. Wat aanvanklik na ‘n rooftog gelyk het, sou mettertyd die eens onbekende dorpie op die platteland die onderwerp van koerantopskrifte maak toe gerugte van ‘n huurmoord, verraad, geld, seks, diamante, gesinsgeweld en Krugerrande al harder begin opklink het.
Hierdie boek is die produk van die skrywer, ‘n bekroonde ondersoekende joernalis, se navorsing en beriggewing oor die moord, die ondersoekwerk en die hofverrigtinge. Hofrekords, onderhoude, verklarings en foto’s (sommige deur die skrywer self geneem) het as bronne gedien. Dis die verhaal van ‘n 14-jarige tiener se verhouding met ‘n man 11 jaar ouer as sy; hulle latere huwelik en gedeelde sakebelange en die krake in die oënskynlike sprokie wat tot sy dood sou lei. Die leser ontmoet ook die middelman tot die huurmoord, Jacques van Vuuren, en die twee daders, Enrich Williams en Amantle Bareki; familielede en vriende.
Verskeie agter-die-skerms interessanthede is ook ingesluit: Riaan Fouchė, die kringtelevisie-installeerder en -kenner, wie se privaat speurtog uiteindelik waardevolle getuienis sou oplewer; die betrokkenheid van die welbekende Bushie Engelbrecht as privaat ondersoeker; die eertydse lyfwag, John Halloway, wat met Suretha se eerste hofverskyning hardop uitgeroep het ‘Love you Sue, lief vir jou’ (155) en ‘n amusante dialoog tussen Regter O’Brien en regverteenwoordiger Katlego Moribe tydens Williams en Bareki se verhoor waartydens die regter se opmerking ‘Ek sien jy is baie opgewonde. Jy praat baie hard’ (225) beantwoord is deur ‘Jammer, U edele, ek was vroeër ook ‘n pastoor.’ (226)
Soos dikwels die geval met nie-fiksie werke, veral beriggewing oor misdade en hofsake, is, is daar nie altyd volledige antwoorde nie. Potensiële getuies se onwilligheid om betrokke te raak en/of oneerlikheid, asook subjektiewe oortuigings en persepsies maak dit bykans onmoontlik om antwoorde op alle vrae te verskaf. Twee aangeklaagdes (Jacques en Suretha) het pleitooreenkomste met die Staat aangegaan en daar was dus geen uitgerekte verhore met openbare getuienis nie. Die ander twee aangeklaagdes (Williams en Bareki) het tydens hulle verhoor hulle swygreg beoefen en nie getuig nie. Ten spyte van hierdie uitdagings slaag die skrywer daarin om ‘n toeganklike en objektiewe weergawe van die gebeure op ‘n feitelike en sinvolle wyse aan te bied. Anders as wat dikwels die geval is by soortgelyke werke, getuig die aanbieding van objektiewe waarneming; nie van sensasionele en dramatiese oordrywings nie.
Die oorheersende gevoel waarmee die lees van die boek my gelaat het, word goed verwoord deur Suretha se eertydse skoolmaat, Anelia Heese, in ‘n ope brief (gepubliseer in Die Huisgenoot, 19/11/2021) se slotparagraaf: ‘Ek is jammer die beterweterige tiener in my het nie genoeg vrae gevra oor hoekom hierdie jong meisie by hierdie nice ou oor naweke kuier nie… Ek weet nice ouens verdien nie die dood nie, maar of jy 25 jaar verdien, weet ek nie.’ (210) Dis uiteindelik die vraag wat onbeantwoord bly: was Suretha die slagoffer van haar eie keuses en omstandighede wat werklik geen ander uitweg gesien het nie of was sy inderdaad die Daisy de Melker van Pofadder ?
Die boek word opgedra aan Brigadier Dick de Waal, die hoof-ondersoekbeampte, wat voor Suretha se skuldigbevinding en vonnis (op 15/11/2021) aan Covid-19 oorlede is.
⭐️⭐️⭐️⭐️⭐️
#Uitdieperdsebek
NB-Uitgewers/Publishers
January 31, 2025
Sjoe. Arme gesin. Goed geskryf. Die moeite werd om te lees!
December 23, 2022
Ek moet erken, ek is beslis 'n "true-crime junkie" en was so opgenwonde toe @nbpublishers híérdie outjie op my drumpel kom aflewer. Die afgelope paar jaar was maar vreemd (to say the least), so hierdie storie het my heeltmal verbygegaan! Dus, het ek geen idee gehad wat om te verwag of wíe om te verdink nie!
Moord op Pofadder deur Charné Kemp volg die ware verhaal van Suretha Brits - die meesterbrein agter haar man Leon se moord. Maar dit is alles behalwe 'n eenvoudige gedoente. Kemp kry dit reg om die storie te laat lees soos n goeie Netflix true crime dokumentêr en laat die leser se kop draai (op die beste manier) tussen al die verskillende betrokke karakters, sieninge en motiewe. Ek wil regtig nie teveel weggee nie, maar soos met enige ware moordverhaal is daar altyd 'n motief - en elke nou en dan mag 'n mens maar wonder of omstandighede ooit die grudaad verregverdig?
'n Kennis van die moordenaar skryf: "Ons dorp is vol nice ouens, nè? Die busdrywer wat dronk agter die stuur inklim is 'n nice ou. Die boer wat sy werkers teen die wilgerboom vasmaak en doodslaan is 'n nice ou. Die dominee wat met 'n drankasem bewerig op die preekstoel staan is 'n nice ou... Ek weet nice ouens verdien nie die dood nie, maar of jy 25 jaar verdien, weet ek nie."
Algemene indrukke:
1. Sjoe, die girl is bietjie crazy, en haar acting skills sub-par
2. Okei, ek het níé geweet dinge raak so spicy in die Noordkaap nie
3. Krugerrande, diamante, gestapelde banknote ter waarde van honderdeduisende, wapens en seks - dit klink soos 'n dramatiese Western. Wie leef so?! En ook, ek het nie geweet mense stapel geld nie (die mooi afrikaanse woord is seker kramdruk(ker)!?)
4. Soms is daar niks so vreesaanjaend soos 'n Afrikaner man in besit van die bogenoemde nie
5. As dit kom by true crime, is dit ALTYD die lover òf die eggenoot
Moord op Pofadder deur Charné Kemp volg die ware verhaal van Suretha Brits - die meesterbrein agter haar man Leon se moord. Maar dit is alles behalwe 'n eenvoudige gedoente. Kemp kry dit reg om die storie te laat lees soos n goeie Netflix true crime dokumentêr en laat die leser se kop draai (op die beste manier) tussen al die verskillende betrokke karakters, sieninge en motiewe. Ek wil regtig nie teveel weggee nie, maar soos met enige ware moordverhaal is daar altyd 'n motief - en elke nou en dan mag 'n mens maar wonder of omstandighede ooit die grudaad verregverdig?
'n Kennis van die moordenaar skryf: "Ons dorp is vol nice ouens, nè? Die busdrywer wat dronk agter die stuur inklim is 'n nice ou. Die boer wat sy werkers teen die wilgerboom vasmaak en doodslaan is 'n nice ou. Die dominee wat met 'n drankasem bewerig op die preekstoel staan is 'n nice ou... Ek weet nice ouens verdien nie die dood nie, maar of jy 25 jaar verdien, weet ek nie."
Algemene indrukke:
1. Sjoe, die girl is bietjie crazy, en haar acting skills sub-par
2. Okei, ek het níé geweet dinge raak so spicy in die Noordkaap nie
3. Krugerrande, diamante, gestapelde banknote ter waarde van honderdeduisende, wapens en seks - dit klink soos 'n dramatiese Western. Wie leef so?! En ook, ek het nie geweet mense stapel geld nie (die mooi afrikaanse woord is seker kramdruk(ker)!?)
4. Soms is daar niks so vreesaanjaend soos 'n Afrikaner man in besit van die bogenoemde nie
5. As dit kom by true crime, is dit ALTYD die lover òf die eggenoot
May 29, 2022
Lord Byron's het in 1823 gesê: 'Tis strange – but true; for truth is always strange; Stranger than fiction; if it could be told, How much would novels gain by the exchange!” Samuel Langhorne Clemens, beter bekend as Mark Twain, het dekades later gesê: “Truth is stranger than fiction, but it is because Fiction is obliged to stick to possibilities; Truth isn't.”
In Moord op Pofadder vertel die bekroonde ondersoekende joernalis, Sharné Kemp, die skokkende ware verhaal van Suretha Brits se fynbeplande kontrakmoord op haar man.
Geen koerantberig of hofverslag kan ʼn mens voorberei hoe ʼn gesin uitmekaargeskeur word en watse diep trauma dit vir alle betrokkenes bring nie. Dit was asof die akteurs in ʼn teaterstuk, skielik lewendig word met die lees van Moord op Pofadder.
In Moord op Pofadder vertel die bekroonde ondersoekende joernalis, Sharné Kemp, die skokkende ware verhaal van Suretha Brits se fynbeplande kontrakmoord op haar man.
Geen koerantberig of hofverslag kan ʼn mens voorberei hoe ʼn gesin uitmekaargeskeur word en watse diep trauma dit vir alle betrokkenes bring nie. Dit was asof die akteurs in ʼn teaterstuk, skielik lewendig word met die lees van Moord op Pofadder.
February 3, 2023
Daar is darem niks lekkerder om ‘n boek in jou eie taal te lees nie en dan as dit nog true crime is nog beter. Die skryfstyl was besonders en ek kon myself omtrent inleef maar daar was soveel herhaling wat my teen die einde effe verveeld gehad het. Ek glo egter altyd daar is uitkoms maak nie saak wat die probleem nie maar moord is beslis nie die antwoord nie.
May 12, 2024
Die beeld van ‘n lewe wat mense skets, is maar slegs wat hul jou toelaat om te sien. Niemand weet wat gebeur wanneer die deure toegaan en die wêreld buite gelaat word nie. Aanvanklik is mens gewalg deur die daad- ondenkbaar hoe ‘n vrou haar man laat vermoor, ‘n ma die pa van haar kinders. Maar hoeveel kan een mens vat voor hulle knak? En wat as die persoon wat vasgevang is geen ander uitweg sien nie?
Displaying 1 - 6 of 6 reviews