Þegar fennir í sporin

by Steindór Ívarsson

Þegar Róbert fær beiðni um að snúa aftur til Íslands frá Þýskalandi eftir fjörutíu og fjögur ár til að jarðsyngja æskuvinkonu sína Örnu neyðist hann til að horfast í augu við fortíðina og leyndarmálin sem ekki hafa þolað dagsins ljós. Uppgjör þeirra mála verður smátt og smátt óumflýjanlegt. Er rétt að rekja spor sín aftur þegar fennt hefur í þau?

240 pages, Hardcover

First published January 1, 2021

Reviews

[Unnur María Sólmundsdóttir · Rating 5 out of 5]

Bara yndisleg bók sem fjallar um ástina, vináttuna og lífið sem er stútfullt af endalausum ákvörðunum sem allar eru réttar á því augnabliki sem þær eru teknar - og rangt að gangrýna áratugum síðar. Hálfþýskur kaþólskur prestur uppalinn á Íslandi en fór ungur til Þýskalands að sinna preststörfum snýr heim eftir 44 ár til að jarða æskuvinkonu sína. Söguþráður er að hluta byggður á sendibréfum milli þeirra og því mikið um tímaflakk en samt rennur sagan áfram áreynslulaust. Þrátt fyrir nokkur rólegheit er margt sem kemur á óvart og ljóst að ALLIR búa yfir leyndarmálum. Bókin hélt mér allt til síðustu síðu og mæli algjörlega með henni!

[Sigurður Ármann · Rating 4 out of 5]

Þessi kom á óvart. Hélt að væri krimmi en reyndist annað og afbragðs bók.

[Berglind Steinsdóttir]

Hljóðlát en ansi mögnuð bók. Best fannst mér að höfundur var ekkert að ofútskýra hlutina heldur leyfði lesendum að uppgötva aðalastriðin smátt og smátt. Og eiginlega fannst mér endirinn ná að koma mér ögn á óvart.

Mér fannst samt ergilegt að frágangurinn á bókinni versnaði til muna um miðja bók. Hún hefði grætt svo mikið á einum góðum yfirlestri í lokin, hefði ekki þurft nema einn dag til að bæta praktísk atriði til muna.

[Sara Hlín · Rating 4 out of 5]

Um íslenskan mann sem fer utan ungur og gerist kaþólskur prestur. Sagan gerist þegar hann kemur til Íslands sem gamall maður til að kveðja æskuvinkonu sína og fer í huganum yfir farinn veg. Hugljúf og vel skrifuð.

[Anna Kristín · Rating 4 out of 5]

3,5 Alveg ágæt en fékk smá hláturskast í lokin og varð að taka mér pásu. Þetta var það eina sem vantaði og svo bara vantaði það ekki neitt. Hefði líklegast gefið henni 4 ef bókin hefði bara klárast í flugvélinni á leiðinni út.

[Elín Gunnlaugsdóttir · Rating 3 out of 5]

Vel skrifuð bók um eilífa ást. Það eru oft nokkuð skemmtilegar vendingar í bókinni sem breyta sjónarhorninu og gera hana þannig skemmtilega aflestrar. Höfundi liggur samt að mínu mati of mikið á hjarta, það er eins og hann vilji taka á öllum vandamálum samtímans í einni bók.

[Kollster · Rating 4 out of 5]

Algjör perla þessi bók!
Mikið vona ég að þessi höfundur haldi áfram að skrifa!

[Fjola Stefansdottir · Rating 4 out of 5]

Öðruvísi og nokkuð óvænt. Frábær lestur

[Ásta Ólafs · Rating 4 out of 5]

Vá hvað þessi kom skemmtilega á óvart!

Yndislega falleg bók.

[Guðrún Gróa · Rating 5 out of 5]

Frábær!

[Sigríður Hjördís · Rating 5 out of 5]

Afar áhugaverð saga með óvæntum snúningum.

[Helga Guðrún Loftsdóttir · Rating 3 out of 5]

Saga um vináttu og ást. Svolítið hæg, mikið borðað, svolítið drukkið, messuferðir. En ágætis bók um ást sem ekki er endurgoldin

[Kristjana Atladóttir · Rating 4 out of 5]

mjög góð bók. ég mæli með henni.

[Signý Yrsa · Rating 5 out of 5]

Vel skrifuð og ófyrirsjáanleg.

[Ólafur Guðmundsson · Rating 4 out of 5]

Lágstemmd og nosturslega skrifuð bók með “góða nærveru”, svolítið eins og ÓJÓ.

[Ásdís Ósk Valsdóttir · Rating 5 out of 5]

Virkilega góð bók. Vakti mig til umhugsunar hvað skiptir máli. Er alltaf rétt að rugga bátum fortíðar. Dásamlega vel skrifuð bók með góða nærveru

[Kolbrún Steinsdóttir · Rating 5 out of 5]

Mæli með!

[Ester · Rating 5 out of 5]

Æðisleg, kom rosa á óvart. Ætlaði að hætta í byrjun bókar en himinlifandi að hafa haldið áfram með hana!!

[Hjordis G · Rating 5 out of 5]

Falleg og hugljúf saga sem lætur engan ósnortinn. Mæli með næði og vasaklút við hönd.

[Jónína Lárusdóttir · Rating 5 out of 5]

Fljótlesin og alveg með það sem skiptir máli. Fékk tengingu við allar sögupersónur

[Ágústa Friðriksdóttir · Rating 4 out of 5]

Kom mjög á óvart, frumleg frásögn og flétta sem ég átti erfitt með að sjá í gegnum til enda. Erfitt að leggja þessa frá sér, vakti einmitt alveg ovart í klukkutíma lengur í nótt til að klára.

[Brynhildur Stefánsdóttir · Rating 5 out of 5]

Besta bók árins sem ég hef lesið.

[Þórunn Sigurðardóttir · Rating 5 out of 5]

Mjög vel skrifuð bók á fallegri íslensku. Einstaklega hugljúf saga en einnig spennandi og kemur á óvart. Hlakka til að lesa fleiri bækur eftir þennan höfund.

[Emma Viktorsdóttir · Rating 4 out of 5]

4 1/2 ⭐️ Falleg og yndisleg bók um vináttu, einmannaleika, tilviljanir og fleira.