What do you think?
Rate this book
الكهف
" يا أهالى الماضى .. يا سكان الكهوف ..يا من تنعمون بشئ من الحرية والطبيعة والراحة والصدق .. لاتخرجوا من كهوفكم .. إنها الأمان .. جدرانها تحميكم من كل مكروه وسوء .. إنها الوطن والسكن .. إن خرجتم منها سوف تفقدوا أحبائكم فى ظل الحياة الإجتماعية التى صنعتها أيديكم عن حب وجهل ورغبة ساعية وراء سراب التقدم وإشتهاء المزيد .. لا تخرجوا فقد تضلوا وتضلوا وتقتلوا وتقتلوا وتحاربوا وتتقدموا لتحاربوا أكثر فأكثر .. سوف تستعبدون بعضكم البعض ويستعبدكم عاداتكم وتقاليدكم .. سوف ترجحون ما قاله أباءكم على ما قاله ربكم .. سوف تفقدون عقلكم وتفكيركم وأجسادكم وأجساد ذريتكم ..لا تسعوا للمستقبل .. فقط عيشوا فى زمانكم وتمتعوا بإحتواء كهفكم لكم وانعموا بؤنسة بعضكم البعض فى أحضان جدرانه .. تلك هى الحياة وهذا المستقبل حقا .. أما المستقبل الذي تسعون إليه .. لا يوجد فيه سوا الدمار والخراب والحرب
سوف تموتون جميعا بينما تحيا سيوفكم
إن كان فى عقلكم مقدار أنملة من تفكير ووجد فى قلبكم مقدار حبة من بصيرة
أرجوكم
لا تخرجوا من كهوفكم
لا تخرجوا "
سوف تموتون جميعا بينما تحيا سيوفكم
إن كان فى عقلكم مقدار أنملة من تفكير ووجد فى قلبكم مقدار حبة من بصيرة
أرجوكم
لا تخرجوا من كهوفكم
لا تخرجوا "
Published January 1, 2021
4 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 3 of 3 reviews
December 27, 2023
عارف لَمّا الكاتب يعيّشَك في خيالُه بالكامل ولَكن بخيالَك أنتَ!
لو مُش عارف فـ الكاتب من خلال المجموعة القصصيّة دي هيخليك تعرف.. المهم، اللي قُدّامكُم ده "الكهف - وقصص أُخرى" من أكتر المجموعات القصصيّة المُختلفة والمُميّزة اللي قرأتها لحد دلوقت بدون أي مُبالغة، الكاتب قادر يصنع لَك واقع في خيال والعكس، قادر يجسّد لَك أشياء في اشياء لا يُمكن أن يخطر على بالك إنَّك ممكن تجسّد شيء من خلالها!
فـ مثلا، هل لَك أن تتخيّل يومًا ما أن فأر قد يتحدث بإسم العُنصريّة والطبقيّة! لأ صح؟
خلينا نكمّل.. الكتاب عبارة عن 10 قصص في كُل قصّة قرأتها كنت بلاقي أحداث وأزمنة مُختلفة تمامًا عن اللي قبلها لدرجة خلتني أفكر إيه مستوى الخيال اللي قادر يخلي الكاتب يوصل لليفيل ده، ومع ذَلِك يربطُه بشكل قوي بالواقع "لوهلة هتحس إن رجلك على الأرض وحاسس بيها، بس باقي جسمَك طاير في عوالم مُختلفة" وبتتنقّل مابين قضايا مُهمّة بيناقشها الكاتب بشكل التجرُّد اللي مَيّز اسلوبُه أكتر وضاف لُه..
ومن أفضل النُقط اللي بشوفها نُقطة تَميُّز في أي كاتب وبتخليني أعرف إنّي قُدّام شخص مُتمكّن من اللي بيقدمُه هو إنَّك مَتقدرش تتوقّع أي شيء طول ما أنتَ بتقرأ، وحتى إن حاولت استحاله هتتوقع نهاية القصّة، أو حتّى الفقرة اللي بعد الحالية، وده أهم ما يُميّز المجموعة القصصيّة والنُقطة دي خلتني ما أركنش الكتاب لحظة، من شدّة انتباهي إنّي أكمل..
الحقيقة إنّي حاولت أطلّع عيوب، أو أطلّع قصّة من القصص تكون دون المستوى بالنسبة للباقي، ولَكن فَشلت.. من "الفأر والقط" لـ "كتاب الأرقام" لـ "حالة انتحار" لـ "الكهف" وغيرهُم من قصص خلتني لحد وانا بكتب الريفيو ده بفكّر فيهُم..
ولَكن لَم تَسلم بعض القصص من الإنتقاد ولَكنُّه طفيف زي إن بعضهُم كان أقصر من اللازم، والبعض الآخر رأيت فيه بعض العبثية وعدم الإتزان للنص، بالإضافة إلى بعض الأخطاء الإملائيّة الملحوظة.
نفسي أحرق لكُم القصص وأتكلم عن كُل قصّة على حِدة، ولَكن قررت أسيب لكُم المُتعة دي.
تقييم العمل: 8\10
تقييم السرد: 9\10
تقييم الغُلاف: 9.5\10
لو مُش عارف فـ الكاتب من خلال المجموعة القصصيّة دي هيخليك تعرف.. المهم، اللي قُدّامكُم ده "الكهف - وقصص أُخرى" من أكتر المجموعات القصصيّة المُختلفة والمُميّزة اللي قرأتها لحد دلوقت بدون أي مُبالغة، الكاتب قادر يصنع لَك واقع في خيال والعكس، قادر يجسّد لَك أشياء في اشياء لا يُمكن أن يخطر على بالك إنَّك ممكن تجسّد شيء من خلالها!
فـ مثلا، هل لَك أن تتخيّل يومًا ما أن فأر قد يتحدث بإسم العُنصريّة والطبقيّة! لأ صح؟
خلينا نكمّل.. الكتاب عبارة عن 10 قصص في كُل قصّة قرأتها كنت بلاقي أحداث وأزمنة مُختلفة تمامًا عن اللي قبلها لدرجة خلتني أفكر إيه مستوى الخيال اللي قادر يخلي الكاتب يوصل لليفيل ده، ومع ذَلِك يربطُه بشكل قوي بالواقع "لوهلة هتحس إن رجلك على الأرض وحاسس بيها، بس باقي جسمَك طاير في عوالم مُختلفة" وبتتنقّل مابين قضايا مُهمّة بيناقشها الكاتب بشكل التجرُّد اللي مَيّز اسلوبُه أكتر وضاف لُه..
ومن أفضل النُقط اللي بشوفها نُقطة تَميُّز في أي كاتب وبتخليني أعرف إنّي قُدّام شخص مُتمكّن من اللي بيقدمُه هو إنَّك مَتقدرش تتوقّع أي شيء طول ما أنتَ بتقرأ، وحتى إن حاولت استحاله هتتوقع نهاية القصّة، أو حتّى الفقرة اللي بعد الحالية، وده أهم ما يُميّز المجموعة القصصيّة والنُقطة دي خلتني ما أركنش الكتاب لحظة، من شدّة انتباهي إنّي أكمل..
الحقيقة إنّي حاولت أطلّع عيوب، أو أطلّع قصّة من القصص تكون دون المستوى بالنسبة للباقي، ولَكن فَشلت.. من "الفأر والقط" لـ "كتاب الأرقام" لـ "حالة انتحار" لـ "الكهف" وغيرهُم من قصص خلتني لحد وانا بكتب الريفيو ده بفكّر فيهُم..
ولَكن لَم تَسلم بعض القصص من الإنتقاد ولَكنُّه طفيف زي إن بعضهُم كان أقصر من اللازم، والبعض الآخر رأيت فيه بعض العبثية وعدم الإتزان للنص، بالإضافة إلى بعض الأخطاء الإملائيّة الملحوظة.
نفسي أحرق لكُم القصص وأتكلم عن كُل قصّة على حِدة، ولَكن قررت أسيب لكُم المُتعة دي.
تقييم العمل: 8\10
تقييم السرد: 9\10
تقييم الغُلاف: 9.5\10
July 14, 2022
~ مجموعة قصصية غريبة إلى حدٍ ما..
~ عشر قصص كل قصة فيهم أغرب من اللي قبلها وفيها من عدم الواقعية والمبالغة قدر محترم، ده في ظاهر الأمر.. في الباطن بقى إحساس قوي أن القصص دي بشكل أو بآخر واقعية، خليط غريب لكنه لذيذ الحقيقة.
~ بالنسبة للمحتوى ففي بعض القصص حسيت فيها جوانب سياسية/ إنسانية/ اجتماعية، منقولة بصورة مجرّدة من الواقعية بحيث تِبان بالصورة اللي تم عرضها بيها، ولكن في الحقيقة أنا مهتمتش بالجوانب دي -أو تعمدت أني أقرأها بالشكل اللي كُتبت بيه وبس- وإذا كان فيها إسقاطات سياسية أو نفسية أو… إلخ..
على النقيض تمامًا، أنا كنت مستمتعة بمدى غرابة القصص وحابّة أفضل شيفاها غريبة كده بدون ما أدخل في فوضى تفسيرها، مش هنكر أن مضمون بعض القصص كان بيجي على بالي بنفس الطريقة وربما أغرب وكان بيتملكني إحساس أن كل اللي بفكّر فيه ده هبل، وإذ فجأة وبلا أي تخطيط أشتري كتاب بشكل عشوائي -جذبني فيه عناوين قصصه، إضافةً لحُبي للمجموعات القصصية عمومًا- فـ ألاقي فيه بعض أفكاري الهبلة -مع كامل احترامي طبعًا- على شكل قصصي محبوك في عدد صفحات لا يزيد عن ١٥ صفحة -تقريبًا لكل قصة
وأثناء القراءة عقلي بيردِد جملة واحدة "مش أنا بس اللي بفكّر كده!" ومن هنا بقى تبدأ فكرة أن أكيد في ناس كتير بتفكّر في حاجات غريبة بالشكل ده، وأكيد برضه الأفكار دي متخلقتش في عقلنا من فراغ، يعني أكيد ليها سبب.. وأكيد في عوالم موازية في تبرير الأفكار العشوائية اللي في عقولنا و..
ودي تحديدًا متعة الكتاب، أنه من شدة غرابة أسلوب التصوير فيه، غصب عني بدأت أمنطق قصصه بأفكار لامنطقية عشان مأفقدش لذة الكتاب أو الجانب المميز فيه.
~ في بعض القصص في بدايتها حسيت فيها أخطاء شوية لكونها عن عالمنا الواقعي عادي بس فيها معلومات خطأ ولكن في نهاية القصة كنت بكتشف أن ده تم تبريره بطريقة غير متوقعة، وبالتالي كانت الأمور ماشية تمام بالرغم من أن ولا قصة فيهم ماشية بشكل طبيعي!
~ مش هنكِر أني كنت بتفاجئ مع كل قصة جديدة من محتواها، خاصةً زي ما ذكرت سابقًا لو كانت القصة بتعتمد على الأفكار العشوائية اللي ممكن تخطر على بال أغلبنا..
وهنا ممكن أقول أن القصص بتضم جانب من أفكار ما قبل النوم، اللي هي الأسئلة اللامنطقية والمُستعصية الحل اللي بنفكّر فيها في أوقات مش مناسبة دائمًا.
~ اللغة كانت لطيفة جدًا، مفيش مشكلة فيها -من وجهة نظري- كان في بعض الجمل العامّية ولكنها قليلة جدًا ولكن الغريب أنها كانت وسط جُمل حواريّة فصحى وده أربكني شوية في القراءة أو مفهمتش سببه، ولكنه مش عائق إطلاقًا في المُجمل.
~ في النهاية الكتاب ده بيحمل عالمين موازيين -كمثل عنوان إحدى القصص-
عالم له أبعاد منطقية مش واضح في الأغلب لكنه برضه مش مُستعصي الفهم، وآخر خيالي بنسبة كبيرة هيختلف من قارئ للتاني؛ بناءً على مدى قابلية كل فرد على التخيّل.
وفي العموم فالكتاب واحد، والقارئ واحد، والذائقة تختلف، وكل واحد يقدر يختار الصورة الأنسب له لمعايشة العمل بجميع قصصه.
~ عشر قصص كل قصة فيهم أغرب من اللي قبلها وفيها من عدم الواقعية والمبالغة قدر محترم، ده في ظاهر الأمر.. في الباطن بقى إحساس قوي أن القصص دي بشكل أو بآخر واقعية، خليط غريب لكنه لذيذ الحقيقة.
~ بالنسبة للمحتوى ففي بعض القصص حسيت فيها جوانب سياسية/ إنسانية/ اجتماعية، منقولة بصورة مجرّدة من الواقعية بحيث تِبان بالصورة اللي تم عرضها بيها، ولكن في الحقيقة أنا مهتمتش بالجوانب دي -أو تعمدت أني أقرأها بالشكل اللي كُتبت بيه وبس- وإذا كان فيها إسقاطات سياسية أو نفسية أو… إلخ..
على النقيض تمامًا، أنا كنت مستمتعة بمدى غرابة القصص وحابّة أفضل شيفاها غريبة كده بدون ما أدخل في فوضى تفسيرها، مش هنكر أن مضمون بعض القصص كان بيجي على بالي بنفس الطريقة وربما أغرب وكان بيتملكني إحساس أن كل اللي بفكّر فيه ده هبل، وإذ فجأة وبلا أي تخطيط أشتري كتاب بشكل عشوائي -جذبني فيه عناوين قصصه، إضافةً لحُبي للمجموعات القصصية عمومًا- فـ ألاقي فيه بعض أفكاري الهبلة -مع كامل احترامي طبعًا- على شكل قصصي محبوك في عدد صفحات لا يزيد عن ١٥ صفحة -تقريبًا لكل قصة
وأثناء القراءة عقلي بيردِد جملة واحدة "مش أنا بس اللي بفكّر كده!" ومن هنا بقى تبدأ فكرة أن أكيد في ناس كتير بتفكّر في حاجات غريبة بالشكل ده، وأكيد برضه الأفكار دي متخلقتش في عقلنا من فراغ، يعني أكيد ليها سبب.. وأكيد في عوالم موازية في تبرير الأفكار العشوائية اللي في عقولنا و..
ودي تحديدًا متعة الكتاب، أنه من شدة غرابة أسلوب التصوير فيه، غصب عني بدأت أمنطق قصصه بأفكار لامنطقية عشان مأفقدش لذة الكتاب أو الجانب المميز فيه.
~ في بعض القصص في بدايتها حسيت فيها أخطاء شوية لكونها عن عالمنا الواقعي عادي بس فيها معلومات خطأ ولكن في نهاية القصة كنت بكتشف أن ده تم تبريره بطريقة غير متوقعة، وبالتالي كانت الأمور ماشية تمام بالرغم من أن ولا قصة فيهم ماشية بشكل طبيعي!
~ مش هنكِر أني كنت بتفاجئ مع كل قصة جديدة من محتواها، خاصةً زي ما ذكرت سابقًا لو كانت القصة بتعتمد على الأفكار العشوائية اللي ممكن تخطر على بال أغلبنا..
وهنا ممكن أقول أن القصص بتضم جانب من أفكار ما قبل النوم، اللي هي الأسئلة اللامنطقية والمُستعصية الحل اللي بنفكّر فيها في أوقات مش مناسبة دائمًا.
~ اللغة كانت لطيفة جدًا، مفيش مشكلة فيها -من وجهة نظري- كان في بعض الجمل العامّية ولكنها قليلة جدًا ولكن الغريب أنها كانت وسط جُمل حواريّة فصحى وده أربكني شوية في القراءة أو مفهمتش سببه، ولكنه مش عائق إطلاقًا في المُجمل.
~ في النهاية الكتاب ده بيحمل عالمين موازيين -كمثل عنوان إحدى القصص-
عالم له أبعاد منطقية مش واضح في الأغلب لكنه برضه مش مُستعصي الفهم، وآخر خيالي بنسبة كبيرة هيختلف من قارئ للتاني؛ بناءً على مدى قابلية كل فرد على التخيّل.
وفي العموم فالكتاب واحد، والقارئ واحد، والذائقة تختلف، وكل واحد يقدر يختار الصورة الأنسب له لمعايشة العمل بجميع قصصه.
January 6, 2026
روعة خاصة اخر ثلاث قصص بتاعة الطبيب النفسي وقصتين الكهف وافاعي وبرده عجبتني قصة الفأر والقط كلهم حلوين بس دول اكتر قصص عجبتني
Displaying 1 - 3 of 3 reviews