مرۆڤە بێویستەکان: بێباوەڕی لە کۆنەوە تا ئەمڕۆ

by ئاڤار جەبار

ئەوەی مرۆڤێک لە ڕۆبۆتێک جیا دەکاتەوە ئازادیی ویستە، ئازادی ویست پێدراوێکی هێندە جەوهەرییە، ئەگەر لە مرۆڤێکمان داڕنی ئەوا مرۆڤبوونمان لێ داڕنیوە، چیدی ناتوانین پێی بڵێین مرۆڤ. بەڵکو جیاوازیی نامێنێت لەگەڵ ڕۆبۆتێکدا.
لە کۆن و نوێدا زۆر بێباوەڕ هەن و هەبوون، هەوڵ و تەقەلایان داوە هەتا مرۆڤ بێویست بکەن و یەکێک لە پێدراوە جەوهەرییەکان لە مرۆڤ بسەننەوە. ئەم کتێبە گوزەرێکە بەناو ئەو باوەڕ و دیدانە لە کۆن و نوێدا، هەروەها دەرئەنجامی ئەو بیرانە و لێکەوتەکانیان لەسەر مرۆڤ و کۆمەڵگا شەنوکەو دەکات.

608 pages, Hardcover

First published January 1, 2020

Reviews

[Bnar · Rating 4 out of 5]

کتێبێکی گرنگ و بەسوود سەبارەت بە بێباوەڕی. بەسەر حەوت بەشدا دابەش بووە. لە بەشی یەکەمدا پێناسەی دەکات و جۆرەکانی بێباوەڕی دەناسێنێت، لە بەشی دوودا باس لە مێژووەکەی دەکات و بەشی سێش هۆکارەکانی. بەشی چوارەم و پێنجەم بەهێزترین بەشەکانی کتێبەکەن، کە یەکەمیان لەسەر بێباوەڕییە لە کوردستان و دووەمیش لەسەر بێباوەڕیی نوێ دەکات. دوو بەشی کۆتاییش لەسەر ئەوەیە بەڵگە لەسەر باوەڕدارە یان بێباوەڕ، هەروەها ڕووبەڕووبوونەوەی بێباوەڕی.
خاڵی لاوازی کتێبەکە لاوازیی ڕێنووس و خاڵبەندیی نووسەرە، کە هەندێکجار لە خوێندنەوەی کتێبەکە خاو و ساردت دەکاتەوە.