Unha rapaza de provincias

by Cecilia F. Santomé

1979. Carrexando unha maleta cargada de entusiasmo, Carmen chega a unha Barcelona vibrante, moderna e chea de contrastes para pasar o verán. Coa súa irmá Pilar e o seu cuñado Gabino como guías, descubrirá os paseos polas Ramblas, os almorzos no ultramarinos do barrio, as expedicións ao SEPU, as tardes dos sábados no parque. Dunha punta a outra da cidade, daranlle a coñecer aquela sociedade libre, diversa, laboriosa, sacrificada. Abafante. Unha sociedade nos antípodas da súa aldea, tan pequena, tan pechada. Mais non todo en Barcelona é de cor de rosa. Carmen comprobarao cando busque colocación como criada nos barrios altos, para sacar uns cartiños mentres non regresa á casa. Ao servizo de señoras adiñeiradas, cociñará, fregará, escoitará moito e calará aínda máis. Aprenderá a adaptarse ao medio e a baixar a cabeza. No fin de contas, ela só está de paso. En «Unha rapaza de provincias» Cecilia F. Santomé recrea a Barcelona da Transición e réndelle tributo a esa emigración galega -interior, en feminino- pouco explorada e a miúdo eclipsada polas grandes epopeas transoceánicas.

104 pages, Paperback

Published October 14, 2021

Reviews

[Jana NuRe · Rating 5 out of 5]

Semella unha historia sinxela pero chea de pequenos detalles que relatan de xeito vivo as vivencias das mulleres no éxodo rural ás grandes cidades. Unha delicia de novela.

[Luniluni · Rating 3 out of 5]

Librito corto y de agradable lectura en el que acompañamos a Carmen por las calles de Barcelona en un verano en el que visita a su hermana, y que aprovecha para sacar algo de dinero trabajando en el servicio doméstico. Muy bonito el estilo de la autora, con esa cercanía y ese detalle en la narración. Se queda un poco escueto, pero te hace pasar un buen rato.

[Bárbara · Rating 2 out of 5]

Novela curta que fai unha pequena foto da migración feminina galega de finais dos anos 70.
🔹
Ao contrario que sobre a masiva emigración a América, pouco se ten divulgado sobre estas mulleres que marchaban na procura de sustento ás grandes cidades do país.
🔹
A través da historia de Carmen, coñecemos unhas pinceladas dun fenómeno sobre o que quedo con ganas de saber máis.

[Cristina Andión Barreiro · Rating 3 out of 5]

Unha rapaza de provincias fálanos do fenómeno da emigración galega de posguerra ás grandes cidades españolas.
Barcelona acolleu a moitas mulleres galegas que marcharon alí a traballar no servizo doméstico. Nesta novela coñeceremos a historia delas a través dos ollos de Carmen, unha rapaza estudante universitaria que aproveita un verán no que visita á súa irmá para gañar un cartiños. Unha obra moi curta pero que te deixa con bo sabor de boca.

[Alser · Rating 4 out of 5]

Está ben. É fácil de ler e ten unha temática interesante. Quedei con ganas de máis, pensaba que afundiría un pouco máis no que acontecía naquela época.

[Cris]

abril 2025