Во војната и љубовта

by Верица Митева

Кога самите се ставате во инфериорна положба во однос на другите, не може да очекувате другите да ве стават на пиедестал. Ќе завршите на местото кое самите сте си го одредиле… Сара е девојка која отсекогаш имала проблеми со самодовербата и нејзиното јас е потиснато од егото на нејзиното долгогодишно момче. Но, една ноќ, кога поради силно невреме е принудена порано да се врати дома и го наоѓа со друга девојка во куќата во која заедно живеат, нејзиниот свет се руши и таа е принудена да се промени и да почне да се залага за себе. Сама, невработена и без дом, ќе најде утеха кај нејзиниот брат, кој ќе ѝ даде засолниште додека се снајде и почне да си го средува животот. Иако тешко, ова искуство ѝ ги отвора очите за многу работи, ја зајакнува како личност и ја прави независна. Но, кога во нејзиниот живот влегува Марко, нејзиниот мал стабилен свет повторно се разнишува.

Марко е исклучително амбициозен и успешен маж за кого и покрај целиот успех, најважни остануваат семејните вредности. Тој премногу го цени своето семејство, а уште повеќе сака да оформи свое. Но, кога е оставен од долгогодишната девојка ноќта кога сака да ја запроси, решава дека сите вредности кои нему му се свети, очигледно не се тоа што жените го бараат.

Токму таа ноќ, кога животите им се променети засекогаш, Сара и Марко се среќаваат, но не на добар начин. Напротив, ужасната ноќ за памтење е ноќ која и двајцата сакаат што побрзо да ја заборават, надевајќи се дека никогаш повеќе нема да налетаат еден на друг. Но, судбината има друг план…

231 pages, Paperback

Published January 1, 2021

Reviews

[Ana · Rating 5 out of 5]

Интересна и лесна книга одлична за опуштање 😍 Стилот ме потсеќа како на Џули Џејмс, уживав додека ја читав.
5/5 ⭐

[Eveslibrary · Rating 3 out of 5]

Убава, ама знаеше на моменти да биде… досадна? Пола книга ликовите имаа недоразбирање меѓу себе

[Sтεғαɴɪʝα · Rating 5 out of 5]

Одличен стил на пишување и одлично изградени ликови. Ми се допадна тоа што е изоставен фактот каде се одвива дејството, не е споменато ни држава ни град. Некако тој податок ми пречи кога читам книга од македонски автор.
Добро осмислена приказна, лесно и брзо се чита, совршена за опуштање. Се чувствував како да сум таму, во книгата и скришно ги набљудувам главните ликови и им се смешкам додека војуваат еден против друг.
Топла препорака за сите љубители на романси, а и за оние кои читате трилери, бидејќи добро ќе ви дојде после напнат трилер.
⭐⭐⭐⭐⭐

[Вики · Rating 5 out of 5]

Книгата почнав да ја читам денеска и само што ја завршив. Прекрасен стил на пишување, и лесна за читање!

[Alex · Rating 3 out of 5]

Лесно,забавно четиво!