What do you think?
Moord op Lake Panic
'n Handvol sjefs by ’n meesterklas in die boendoes. ’n Vrou se lyk in die meer. ’n Privaat speurder wat moet vra: Wie het sy mes in vir wie?
Lake Panic is die perfekte plek vir ’n verfyningskursus vir ses beroemde sjefs. Só beroemd dat hulle beskerming benodig. ’n Taak vir Beer Henning – privaat speurder, vryskuttatoeëerder, ’n man met ’n verlede.
Beer het sy hande vol met:
Sophia da Silva, ’n eks-sepiester wat ’n comeback met haar eie kaal kookboek beplan,
Otto en Lily Clement, ’n hardekoejawel en sy muisvaal vrou wat hul reputasie en hul lodge moet red,
Leopold Lindeque, die kosresensent met die bitter pen,
Clementine Carolus, tuisnywerheid-tannie, maar net bedags, en
Alex Fabius, Youtuber en snuiter van formaat.
Wie het ’n moord opgedis? En wat het die storie van die geheimsinnige meermin van Lake Panic met alles te doen?
Lake Panic is die perfekte plek vir ’n verfyningskursus vir ses beroemde sjefs. Só beroemd dat hulle beskerming benodig. ’n Taak vir Beer Henning – privaat speurder, vryskuttatoeëerder, ’n man met ’n verlede.
Beer het sy hande vol met:
Sophia da Silva, ’n eks-sepiester wat ’n comeback met haar eie kaal kookboek beplan,
Otto en Lily Clement, ’n hardekoejawel en sy muisvaal vrou wat hul reputasie en hul lodge moet red,
Leopold Lindeque, die kosresensent met die bitter pen,
Clementine Carolus, tuisnywerheid-tannie, maar net bedags, en
Alex Fabius, Youtuber en snuiter van formaat.
Wie het ’n moord opgedis? En wat het die storie van die geheimsinnige meermin van Lake Panic met alles te doen?
Paperback
Published August 1, 2021
About the author
Leon van Nierop
32 books26 followersLeon van Nierop is ’n bekroonde skrywer wat reeds 23 vollengte romans geskryf het, asook verskeie radiovervolgverhale, TV-reekse, dramas, rubrieke, boek- en rolprentresensies, kortverhale en akademiese boeke. Hy het verlede jaar die Caxton-toekenning gekry as beste skrywer van die jaar en sy drama Twyfelberg is met die tweede prys vir die RSG-SANLAM radiodrama skryfkompetisie bekroon. Van sy bekendste TV-reekse sluit in Ballade vir ’n enkeling en Wolwedans in die skemer. Hy het die kykNET-sepie Villa Rosa ook geskep en die trefferradioverhaal Stralerjakkers (waarvan daar ook ’n resepteboek uitgegee is). Van sy bekendste romans sluit in Plesierengel, Adrenalien, Sielsmokkelaar en Paradys.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 5 of 5 reviews
July 17, 2023
Moord op Lake Panic het baie moeilik gelees. Te veel beskrywende woorde. Sommige belaglik. Dit voel of die boek baie korter kon wees, want die herhaling van Beer en Cynthia se probleme was net baie en het naderhand verveel. Ellelange verduidelikings. Dit voel so ver verwyder van die werklikheid. Niemand praat so nie. Selfs die storielyn en ontlonting daarvan was absurd. Ek is seker sy ander boeke is briljant, want hy is ‘n bekroonde skrywer. Hierdie was egter vir my ‘n groot teleurstelling.
August 12, 2021
#MoordopLakePanic - Leon Van Nierop
#penguinrandomhousesa
‘n Luukse lodge in die boendoes, langs ‘n geheimsinnige, donker meer wat die oorsprong van verskeie legendes is. En daarnaas: die standbeeld van ‘n meermin. Sy wat volgens oorlewering heers oor die omgewing. Dis Lake Panic. Hier bied die flambojante sjef, Didi Borneaz, ‘n verfyningskursus vir kulinêre kunstenaars aan. Daar is Sophia (Tittels), ‘n oor die muur sepiester wat hoop op ‘n tweede asem in die kollig met die publikasie van ‘n bikini-resepteboek; Lily, die vaal muisie wat haar man se sukkelende lodge wil probeer red met vernuwende geregte en Clementine, die oënskynlik skadelose tuisnywerheid-tannie wat met die okkulte doenig is.
Dan is daar ook Leopold, ‘n eksentrieke koskritikus met ‘n ongesonde verknogtheid aan sy ma en aan sy skouersak; Alex (Lexi), die bogsnuiter aspirant filmmaker en blogger; Poisana, die lodge se personeelbestuurder; Otto, Lily se eks-militaris boelie eggenoot met sy ewige paradestok; Stefan, die wildbewaarder met die geheimsinnige rondawel; Ursula, die ontvangsdame met die groot planne; Beer, die privaatspeurder verantwoordelik vir sekuriteit wat vryskut tatoeëerwerk doen en sy amper gewese vrou, Cynthia, ‘n pottebakker en digter.
Twee maande voor die kursus het ‘n Skotse toeris spoorloos in die meer verdwyn. Gerugte wil dit hê dat die meermin haar gebied van indringers wil bevry; op welke wyse ookal. Wanneer ‘n storm Lake Panic van die buitewêreld afsny, begin lyke opstapel. Is daar ‘n moordenaar doenig of steek daar waarheid in die meerminlegende ?
Lesers bekend met die skrywer se eerste romans (die 1983 ‘Wolwedans in die skemer’ en die 1979 ‘Hotel Swalane’) sal bekende elemente hier raaklees: ‘n afgesonderde ruimte; bonatuurlike moontlikhede; ‘n gefolterde held en natuurelemente wat evokatief aangewend word. Dis primêr ‘n spanningsverhaal, maar verskeie elemente was nogal amusant: die skrywer (self ‘n bekende resensent en kritikus) steek onbeskaamd die draak met Leopold; die karakters is ook gereeld in mekaar se hare en die skelname wissel van diere; groente en vrugte tot by nuutskeppings.
Die personifikasie, metafore en vergelykings was soms effe oordrewe, maar het tòg in die meerderheid van gevalle bygedra tot gedetailleerde beskrywings. Die slot is meesterlik gedoen: die klassieke Agatha Christie oplossing vir ‘n ‘closed room mystery’ aan ‘n etenstafel. Lesers wat ‘Wolwedans in die skemer’ geniet het, kan gerus hierdie roman ook aanskaf.
4 sterre van #Uitdieperdsebek
#penguinrandomhousesa
‘n Luukse lodge in die boendoes, langs ‘n geheimsinnige, donker meer wat die oorsprong van verskeie legendes is. En daarnaas: die standbeeld van ‘n meermin. Sy wat volgens oorlewering heers oor die omgewing. Dis Lake Panic. Hier bied die flambojante sjef, Didi Borneaz, ‘n verfyningskursus vir kulinêre kunstenaars aan. Daar is Sophia (Tittels), ‘n oor die muur sepiester wat hoop op ‘n tweede asem in die kollig met die publikasie van ‘n bikini-resepteboek; Lily, die vaal muisie wat haar man se sukkelende lodge wil probeer red met vernuwende geregte en Clementine, die oënskynlik skadelose tuisnywerheid-tannie wat met die okkulte doenig is.
Dan is daar ook Leopold, ‘n eksentrieke koskritikus met ‘n ongesonde verknogtheid aan sy ma en aan sy skouersak; Alex (Lexi), die bogsnuiter aspirant filmmaker en blogger; Poisana, die lodge se personeelbestuurder; Otto, Lily se eks-militaris boelie eggenoot met sy ewige paradestok; Stefan, die wildbewaarder met die geheimsinnige rondawel; Ursula, die ontvangsdame met die groot planne; Beer, die privaatspeurder verantwoordelik vir sekuriteit wat vryskut tatoeëerwerk doen en sy amper gewese vrou, Cynthia, ‘n pottebakker en digter.
Twee maande voor die kursus het ‘n Skotse toeris spoorloos in die meer verdwyn. Gerugte wil dit hê dat die meermin haar gebied van indringers wil bevry; op welke wyse ookal. Wanneer ‘n storm Lake Panic van die buitewêreld afsny, begin lyke opstapel. Is daar ‘n moordenaar doenig of steek daar waarheid in die meerminlegende ?
Lesers bekend met die skrywer se eerste romans (die 1983 ‘Wolwedans in die skemer’ en die 1979 ‘Hotel Swalane’) sal bekende elemente hier raaklees: ‘n afgesonderde ruimte; bonatuurlike moontlikhede; ‘n gefolterde held en natuurelemente wat evokatief aangewend word. Dis primêr ‘n spanningsverhaal, maar verskeie elemente was nogal amusant: die skrywer (self ‘n bekende resensent en kritikus) steek onbeskaamd die draak met Leopold; die karakters is ook gereeld in mekaar se hare en die skelname wissel van diere; groente en vrugte tot by nuutskeppings.
Die personifikasie, metafore en vergelykings was soms effe oordrewe, maar het tòg in die meerderheid van gevalle bygedra tot gedetailleerde beskrywings. Die slot is meesterlik gedoen: die klassieke Agatha Christie oplossing vir ‘n ‘closed room mystery’ aan ‘n etenstafel. Lesers wat ‘Wolwedans in die skemer’ geniet het, kan gerus hierdie roman ook aanskaf.
4 sterre van #Uitdieperdsebek
October 6, 2021
Met hierdie boek doen Leon van Nierop wat hy die heel beste doen.
Interesante karakters wat mens herken, 'n skouspelagtige dog afgesonderde area, kinkel en draaie tot jy later glad nie meer kan raai wie en hoekom nie.
Dis 'n baie lekker saamgooi van bonatuurlike, dog realistiese gebeure, 'n groep eksentrieke karakters wat elk op hulle eie manier voete van klei het en 'n lodge wat hopelik bestaan want ek sal self soontoe wil gaan! Die bekende sjef Didi wat sy sak probeer aanhelp, die moontlik-oor-die-muur sepiester wat haar ster probeer helderder laat skyn met 'n bikini kookboek, Lexi wat sy millenial energie en idees bring en sy eie ster laat probeer reis, die vaal vrou met die afknouerige man, die kaapse kos tannie wat so onskuldig voorkom, en die altyd-suur kos resensent. Gooi alles saam en jy kry 'n resep vir 'n liplekker riller en 'n boek wat jy net nie kan neersit nie.
Interesante karakters wat mens herken, 'n skouspelagtige dog afgesonderde area, kinkel en draaie tot jy later glad nie meer kan raai wie en hoekom nie.
Dis 'n baie lekker saamgooi van bonatuurlike, dog realistiese gebeure, 'n groep eksentrieke karakters wat elk op hulle eie manier voete van klei het en 'n lodge wat hopelik bestaan want ek sal self soontoe wil gaan! Die bekende sjef Didi wat sy sak probeer aanhelp, die moontlik-oor-die-muur sepiester wat haar ster probeer helderder laat skyn met 'n bikini kookboek, Lexi wat sy millenial energie en idees bring en sy eie ster laat probeer reis, die vaal vrou met die afknouerige man, die kaapse kos tannie wat so onskuldig voorkom, en die altyd-suur kos resensent. Gooi alles saam en jy kry 'n resep vir 'n liplekker riller en 'n boek wat jy net nie kan neersit nie.
September 19, 2021
Beer Henning, eks speurder, word getaak om lyfwag te speel vir die wulpse Sophia de Silva (Tittels) tydens 'n kook-kursus wat by Lake Panic aangebied word. Die deelnemers aan die kursus het elkeen sy eie vreemde streep weg en Beer word gou vir baie meer as net lyfwag speel ingespan.
Die area waar die lodge is, is heilige grond vir die inheemse inwoners en die legende van 'n meermin in die meer raak op skrikwekkende wyse die werklikheid aan. Alhoewel die boek volgens my 'n goeie storie-lyn het, en ek regtig tot aan die einde die verkeerde persoon verdink het, het ek moeilik gelees aan die boek. Daar is groot klem op die fisiese, met deurlopende seksuele spanning en verwysing - dalk is dit juis daar om die leser te mislei. Waarmee ek egter meer moeite gehad het, is die feit dat daar verskeie kere tydens tonele van groot menslike drama of aktiwiteit, beskrywings was van natuurtonele en diere wat van nature skugter en skaars is. Dit kon volgens my nie 'n werklike situasie beskryf nie, aangesien wilde diere hulself van nature uit die voete maak wanneer mense nader beweeg en raas. Díe tonele is wel mooi beskryf, maar dra volgens my nie by tot die verhaal nie. Die uiteindelike ontrafeling is verrassend en glád nie wat ek verwag het nie!
Die area waar die lodge is, is heilige grond vir die inheemse inwoners en die legende van 'n meermin in die meer raak op skrikwekkende wyse die werklikheid aan. Alhoewel die boek volgens my 'n goeie storie-lyn het, en ek regtig tot aan die einde die verkeerde persoon verdink het, het ek moeilik gelees aan die boek. Daar is groot klem op die fisiese, met deurlopende seksuele spanning en verwysing - dalk is dit juis daar om die leser te mislei. Waarmee ek egter meer moeite gehad het, is die feit dat daar verskeie kere tydens tonele van groot menslike drama of aktiwiteit, beskrywings was van natuurtonele en diere wat van nature skugter en skaars is. Dit kon volgens my nie 'n werklike situasie beskryf nie, aangesien wilde diere hulself van nature uit die voete maak wanneer mense nader beweeg en raas. Díe tonele is wel mooi beskryf, maar dra volgens my nie by tot die verhaal nie. Die uiteindelike ontrafeling is verrassend en glád nie wat ek verwag het nie!
January 3, 2024
Dit is een van daardie boeke wat jou deur die nag wil laat lees. Daar is goeie balans tussen die bonatuurlike misterie, gemeng met goeie speurelemente.
Goeie boek vir ontspanning, afskakel en verdwaal in die woorde van 'n skrywer wat sy storie kén.
Die verhouding tussen Cynthia en Beer...😭❤️
Goeie boek vir ontspanning, afskakel en verdwaal in die woorde van 'n skrywer wat sy storie kén.
Die verhouding tussen Cynthia en Beer...😭❤️
Displaying 1 - 5 of 5 reviews