Skógurinn

Ljónið #3

by Hildur Knútsdóttir

Allt líf Kríu hefur litast af hvarfi Gerðu ömmu hennar sem hún varð vitni að á unglingsaldri. Því hugsar hún sig ekki tvisvar um þegar dótturdóttur hennar bíða sömu örlög sjötíu og níu árum síðar og fórnar sér í hennar stað. Þá fær Kría loksins að sjá hvað leynist handan við dularfulla skápinn í risherberginu við Skólastræti og svör við spurningum sem hafa ásótt hana árum saman.

Skógurinn er lokabindi rómaðs þríleiks Hildar Knútsdóttur þar sem saman fer spennandi saga og ævintýralegt hugmyndaflug. Báðar fyrri bækurnar, Ljónið og Nornin, voru tilnefndar til Íslensku bókmenntaverðlaunanna og hlutu Bókmenntaverðlaun starfsfólks bókaverslana, fyrir þá fyrri hlaut Hildur Barnabókaverðlaun Reykjavíkur.

311 pages, Hardcover

First published January 1, 2020

Reviews

[Katla Lárusdóttir · Rating 4 out of 5]

Síðasta bókin í frábærum þríleik Hildar, þétt og flott saga, frjó og skemmtileg.

[Gerður María · Rating 3 out of 5]

3,75/5

[Agnes Ósk · Rating 5 out of 5]

Frábær lokahnykkur á þríleikinn. Meira en barnabók... við foreldrarnir vorum límd við söguna á meðan hún fylgdi okkur á ferðalögum í vor og sumar.

[Svala Jonsdottir · Rating 4 out of 5]

Spennandi endir á þríleik Hildar. Virkilega vel úthugsaður ævintýraheimur. Öfugt við hinar tvær bækurnar fannst mér þessi örlítið langdregin í miðjunni, en samt góð og vel skrifuð bók.

[Gunnlaugur Bjarnason · Rating 2 out of 5]

Frekar þunnur endir fyrir sögu sem lofaði mjög góðu í fyrstu bókinni. Rosalega mörgum spurningum ósvarað...