சிலப்பதிகாரம்: உரையும், ஓவியமும்

by E.J. Sundar, E.J. Sundar (இ. ஜே. சுந்தர்)

இளங்கோவடிகள் எழுதிய நெஞ்சையள்ளும் சிலப்பதிகாரத்தை அனைவரும் விரும்பி எளிதாகப் படிக்கும் வண்ணம் இந்த ஓவிய உரைநடை நூல் உருவாக்கப்பட்டுள்ளது. முத்தமிழ்க் காப்பியம், தமிழ்த் தேசியக் காப்பியம் என்றெல்லாம் போற்றப்படும் சிலப்பதிகாரத்தின் சிறப்புகளைப் பறைசாற்றும் போக்குகளை உள்வாங்கியே ஓவியங்களும் உரைநடையாக்கமும் அமைக்கப்பட்டுள்ளன.
சிலப்பதிகாரத்தின் 30 காதைகளும் இதில் சுருக்கமாக இடம்பெற்றுள்ளதுடன் சிலப்பதிகாரத்தின் சிறப்புக்குரிய பாடல்களை அப்படியே அமைத்து அதன் பொருளும் விளக்கப்பட்டுள்ளது.
இந்நூல் சிறுவர்களுக்கான வெறும் படக்கதை நூல் அன்று; இலக்கிய ஆர்வமுடையவர்களும் சிலப்பதிகாரத்தின் செழுமையை ஆழ்ந்து நுகரும் வண்ணம் இதன் உரைநடையாக்கம் அமைந்துள்ளது.
சிலப்பதிகாரத்தில் மிகவும் ஆழ்ந்துபோய் ஓவியர் ஷேக் வரைந்த 200 க்கும் மேற்பட்ட ஓவியங்கள் கதை மாந்தர்களை உயிரோடு நடமாட வைத்துள்ளன.

36 pages, Kindle Edition

Published June 30, 2020

Reviews

[Nivetha.com · Rating 3 out of 5]

#4thBook #Madhureadingchallenge2025
Title : சிலப்பதிகாரம் (நாடகக் காப்பியம்)
Author : கருணாநிதி
Genere : நாடகம்
Book Type : Paperback
Start Date : 26-Jan-25
End Date : 26-Jan-25
Rating : 3.5/5
Number of Page : 100

வெறும் 100 பக்கங்களை ஒரே நாளில் படித்து விடக் கூடிய அளவிலான எளிய தமிழில் நாடக முறையில் அமைந்துள்ளது. பக்கத்திற்கு பக்கம் சிலப்பதிகாரம் ஓவியங்களும், தொல்பொருள் ஆராய்ச்சியில் கண்டறியப்பட்ட ஆதாரங்களும் படமாக கொடுக்கப்பட்டுள்ளது. சிலப்பதிகாரத்தின் கதை மற்றும் கருவை அறிந்துக் கொள்வதற்கு மிகவும் ஏற்ற நூல். பள்ளி அல்லது ஏதாவது ஒரு கலை நிகழ்வுக்கு நாடகம் அமைப்பதற்கு மிகவும் பயனுள்ளதாக இருக்கும்.

ஆசிரியர் திரு.கருணாநிதி அவர்கள் சிலப்பதிகாரத்திற்கு மேலும் சிறிது வலுவும் சில இடங்களில் கண்ணகி, மாதவி அவர்களின் குணநலன்களை மேல்தூக்கி கட்டுவதற்காகவும் அங்கங்கே கதையின் போக்கில் சில மாறுதல்களை செய்துள்ளார். அதன் குறிப்பையும் முன்னுரையில் கூறியிருப்பது புரிந்துகொள்ள வசதியாக உள்ளது.

சிலப்பதிகாரம் உருவான கதையையும், சிலப்பதிகாரத்தின் முதலையும் முடிவையும் எளிய முறையில் தெரிந்துக் கொள்ளவும் பயனுள்ளது.
பள்ளி மாணவர்களுக்கு பரிசளிக்க ஏற்ற புத்தகம்.