Onderhoud met 'n bobbejaan

by T.T. Cloete

Die ongewone titel van hierdie eerstelingdrama van dié gevierde kritikus en digter laat 'n mens onmiddellik dink aan Franz Kafka se Report to an academy, Dis ook nie slegs die titel wat dui op 'n ooreenkoms nie. In Onderhoud is die hoofkarakter 'n akademikus wat as aap/bobbejaan voorgestel word - met hok en al. Waar Report egter 'n monoloog is, is Onderhoud, soos die titel ook aandui, hoofsaaklik 'n dialoog. Die diepsinnige gesprek wat tussen professor Gibbon en die jong Kwestor plaasvind, ontwikkel tot 'n boeiende belydenis, 'n genadelose oopgrawe van 'n lewe, 'n besinning oor onder meer angs en vrees, denke en dade, huigelary en permissiwiteit, godsdiens, liefde en uiteindelik die dood.

T.T. Cloete slaag daarin om 'n ingewikkelde konsep op so 'n wyse te dramatiseer dat ons hier met 'n uiters oorspronklike toneelstuk te make het. Hy wend veral die tegniese moontlikhede van die televisie aan om sy hoofkarakters se konflik op die wyse van die teater te veraanskoulik. Dit is die dramaturg se vindingryke benutting van hoogs tegniese middele wat van Onderhoud 'n ware coup de théâtre maak.

Wanneer Gibbon teen die einde van die drama tot bobbejaan getransformeer is, kom hy tot hierdie onthutsende stuk selfkennis: "Dat die goed wat ek gedoen het, ek gedoen het omdat ek die kwaad wat ek wou doen nie kón doen nie." Dit word 'n volkome verantwoorde omkering van die bekende woorde van Paulus in Romeine 7.

Prof. Louw Odendaal
Universiteit van Pretoria

(flapteks)

52 pages, Paperback

Published January 1, 1986

About the author

T.T. (Theunis Theodorus) Cloete was a renowned Afrikaans poet, Bible translator, essayist and academic. In the 1970s he was involved in the revision of the ''Afrikaanse Kerkgesange'' and later in the 1993 translation of the Bible. Cloete was linked to The University of Potchefstroom's (now North-West University) School of Language and Literature. He has won numerous literary awards, including the Ingrid Jonker Prize, W.A. Hofmeyr Prize, Hertzog Prize (twice) and the Andrew Murray Prize. Cloete mostly wrote under the penname T. Jansen van Rensburg (his grandfather's name) and published numerous of his poems in magazines under the penname to test the water before his 1980 debut Angelliera.