Tíbrá

by Ármann Jakobsson

Fjórir ungir menn fara saman á veiðar – misjafnlega vanir skotvopnum. Hvað gæti farið úrskeiðis? Eina andvökunóttina sér níræð kona, sannkallað hörkutól, mann með derhúfu bogra yfir stóru röri í nágrenni íbúðar hennar í úthverfi Reykjavíkur. Þegar hún lítur þar við á göngu síðar sér hún lík í rörinu vafið inn í teppi.

Hér fæst rannsóknarteymið geðþekka sem lesendur þekkja úr fyrri bókum Ármanns við afar sérstakt sakamál: nestorinn Bjarni, Kristín arftaki hans, hin formfasta Margrét Krabbe og fallegi kvennabósinn Njáll.

Tíbrá er hörkuspennandi krimmi en líka skemmtisaga um glæp; hér er á ferðinni einstaklega fyndin og mannleg saga um breyskar manneskjur og þær sem örlögin hafa leikið grátt, en ekki síður forherta afbrotamenn.

Tíbrá er þriðja glæpasaga Ármanns Jakobssonar en þær fyrri, Útlagamorðin og Urðarköttur, hafa hlotið frábæra dóma.

295 pages, Paperback

Published May 26, 2020

Reviews

[Guðjón Bragason · Rating 5 out of 5]

Það besta sem ég hef lesið eftir höfundinn. Gat ekki lagt bókina frá mér.

[Óttar Kolbeinsson Proppé · Rating 4 out of 5]

Kom skemmtilega á óvart.
https://www.frettabladid.is/lifid/ekk...

[Kristjana Mjöll · Rating 4 out of 5]

Tíbrá er þriðja bókin hans Ármanns þar sem löggurnar, Bjarni, Kristín, Margrét og Njáll koma við sögu. Fyrri bækurnar eru Útlagamorðin og Urðarköttur. Tíbrá er engu síðri en fyrri bækurnar, jafnvel betri. Endir fléttunnar kom skemmtilega á óvart.

[Guðbjörg Grímsdóttir · Rating 5 out of 5]

Fín flétta sem heldur manni spenntum alla leið. Öðruvísi sjónarhorn þó að sömu persónur birtist hér og í Útlagamorðunum og Urðarketti. Skemmtilegt hvernig unnið er með sömu persónur en á annan hátt. Vel gert.
Mæli hiklaust með þessum þríleik.

[Kristín]

Þetta var ágætis glæpasaga. Svolítið öðruvísi en þessar hefðbundnari. Ég þarf samt að kvarta yfir tvennu. Annars vegar, það má ekki vísa svona í fyrri bækur án þess að láta einhvern veginn vita að maður þurfi að lesa þetta í ákveðinni röð. Ég hafði lesið fyrstu bókina en ekki þá sem kom þarna á milli og nú er ég ekki viss um að ég nenni að lesa hana því ég veit hver morðinginn þar er. Og hitt er að svona löng samtöl skuli vera á ensku. Kannski eru þau þýdd í prentuðu útgáfunni (ég las hljóðbókina) en ef ekki þá finnst mér þetta ekki sanngjarnt gagnvart þeim sem ekki kunna ensku. Og þrátt fyrir það sem sumir virðast halda þá er sá hópur enn nokkuð stór.

[Magnús · Rating 3 out of 5]

Spennandi saga sem hélt mér vel við efnið. Þriðja bókin í Saga um glæp flokknum og sú fjórða kemur út í maí 2021 ef ég man rétt. Mæli eindregið með þessum bókum fyrir reyfarafíkla, passa upp á lesröðina samt til að fá ekki spoilers í feisið. Öfug stafrófsröð er málið, a.m.k. fyrir þessar fyrstu þrjár.

[Helga · Rating 3 out of 5]

Skemmtilegt tvist í sögunni en samt vantaði eitthvað í dýptina.

[Már Másson · Rating 2 out of 5]

Ágætis reyfari en baksagan slöpp og “lausnin” fremur tilviljanakennd.

[Örvar Steingrímsson · Rating 4 out of 5]

Mjög fín bók og kom skemmtilega á óvart. Rennir vel áfram.

[Sigurður Halldór · Rating 4 out of 5]

Góð persónusköpun og fín flétta. Hélt mér vel allan tímann.

[Anna Hardardottir · Rating 4 out of 5]

Ánægð með þessa bók! Skemmtilegt tvist! Vantar kannski smá að maður tengi við persónur en hafði samt engin áhrif á bókina

[Borghildur Sigurbergsdottir · Rating 2 out of 5]

Svolítið ruglingslegar persónur og plott sem var svo flókið að mér fannst ekki ganga allt of vel að leysa úr því.

[Agnes Ósk · Rating 4 out of 5]

Vel skrifuð og vel mótaðar persónur. Fléttan góð og gekk upp. Eini gallinn er að nú veit ég hver "var hann" í bókinni á undan, sem er óheppilegt þegar ekki er lesið í réttri röð.

[Alfheidur · Rating 4 out of 5]

Fín afþreying

[Bryndís Gunnarsdóttir · Rating 4 out of 5]

Áhugaverð saga með óvæntri fléttu. Ég er hrifin af lögreglufólkinu, skemmtilegar persónur.

[Anna Gunnarsdottir · Rating 4 out of 5]

Good