‫كوابيس سعيدة‬

by شريف عبدالهادي

لم يتخيل (سامح)أنه سيتعلم يومًا تجربة (الإسقاط النجمي)، التي تتيح لصاحبها أن ينفصل بروحه عن جسدہ، ويصبح مجرد طيف غير مرئي قادر على الطيران والذهاب لأي مكان في الكون دون أن يشعر به أحد.. بل والدخول في أحلام البشر والحديث معهـم داخل أحلامهـم والتعرف على أفكارهم وهم نيام، ليجوب العالم كله قبل أن يعود مرة أخرى بروحه إلى جسدہ، وقد علم الكثير من التفاصيل التي تحدث في عالم الجريمة، وصفقات سرية يعقدها أباطرة الشر في الخفاء! إنـه فيـلم جديـد ستشاهدونـه على الورق بنفس شخصيـات نجـوم السينمـا المفضلين لكم، مع صور تدخلكم فـي عالـم الفيلـم بطريقـة أفضـل من نظـارات الـ 3D.

Genres: Novels

286 pages, Kindle Edition

Published October 1, 2017

About the author

شريف محمد عبدالهادي، كاتب وروائي وإعلامي وسيناريست، مواليد عام 1983.
خريج كلية الأداب قسم إعلام جامعة حلوان عام 2005، وعمل بعدد مختلف من الصحف والمواقع الالكترونية مثل أخبار اليوم وصوت الأمة وروزاليوسف وأضحك للدنيا، وموقع بص وطل، بخلاف إعداده للعديد من البرامج التليفزيونية في أكثر من قناة فضائية مثل النهار والتحرير والحياة ونايل لايف ونايل دراما، كما عمل بإعداد البرامج الإذاعية مثل برامج عيش صباحك على نجوم إف إم، وفهمي فهمك على ميجا إف إم، وخليك مكانك على نغم إف إم، وأجمد صباح على إذاعة الشرق الأوسط، وكلام وسط البلد بإذاعة راديو مصر.

بدأ رحلته في الكتابة الروائية بتجربة جديدة ظهرت لأول مرة في العالم من خلال تدشينه لمصطلح (الفيلم السينمائي المقروء) من خلال فيلم كوابيس سعيدة الذي نشره مع دار نهضة مصر للنشر عام 2012 ودمج فيه ابطال السينما بأحداث مكتوبة بمزيج من السرد الروائي والحوار السينمائي ومن ضمنهم الفنانين أحمد حلمي وبشرى وخالد الصاوي ومنة شلبي ويوسف وهبي! ثم قدم أول عمل أدبي يناقش الفساد القضائي في مصر من خلال روايته الثانية أبابيل التي صدرت في يناير 2014، ثم عاد للرواية السينمائية بعمله الثالث تيستروجين الذي ينتمي للأعمال الرومانسية الكوميدية مع دار نهضة مصر، وذلك في يونيو 2014، ثم أصدر مع دار دوّن في يناير 2015 كتاب (حبيبة قلب بابا .. هواجس أب خايف بنته تكبر ما تلاقيهوش) الذي ينتمي لأدب الاعترافات ويحمل افكار فلسفية ومساحة إنسانية، ثم أصدر رواية ملكوت في نوفمبر 2015 وجاري تحويلها لعمل سينمائي إن شاء الله، وفي أغسطس 2019 أصدر كتابه السادس (فيلمين في كتاب) الذي عاد من خلاله لمشروع الفيلم السينمائي المقروء، واحتوى العمل على فيلمين مكتوبين بطريقة السيناريو وهما نار باردة وأكاذيب حقيقية.
بخلاف كونه سيناريست بدأ مشواره السينمائي بفيلم ليل داخلي بطولة الفنانة بشرى، وإخراج حسام الجوهري، وانتاج شركة كوريكت للانتاج السينمائي

صفحة الكاتب على موقع فيس بوك:

www.facebook.com/sherif.abdelhady.writer

Reviews

[مصطفي سليمان · Rating 1 out of 5]

ولا أي نجمة ولا أي شئ ليه علاقة بالنجوم

المفروض ان الكتاب دا بالمقالات اللي مكتوبه عليه
بيحتلفوا بيه انه اول سيناريو مطبوع ف تاريخ العرب
وكدا

أحب اقول ليهم
حسبي الله ونعم الوكيل

فين السيناريو؟؟؟؟؟ فيننننننننن؟؟؟
من حيث الشكل
ف دا استحالة يبقي سيناريو
لا مكتوب بالطريقة الفرنسية ولا الامريكيه
ولا فيه ترتيب مشاهد ولا قطع ولا اي شئ يدل انه سيناريو

بالنسبة للمضمون
فعلا
فعلا
فعلا

الهي يارب يحرق الافلام الامريكيه الرخصية والافلام العربية اللي بتقلد الافلام الرخيصة
خلو الناس تفهم ان الموضوع عبارة عن اي ترجيع
وان الفيلم تجاري خلطة سهلة اي حد يعملها
الكلام عبارة اكلاشيهاااااااااااات
كلام مكرر ف اي فيلم عربي يحترم نفسه

مثال
سامح البطل المثالي الرائع اللي كل شئ بتعانده علشان هو طيب وغلبان
والعالم كله بيأكل ع قفاه عيش
بيكتشف يا " سبحان الله " ان حبيبته اللي من مشهد او اول صفحة ف الكصة الوهمية دي , وهي بتهزقه وبتلعن ايامه
انها ولا مؤاخذه بتخونه
!!!!!
ف بيقولها

لا ..الا انتي يا سها ليه عملتي كده ليه؟ ليه؟ أنا بعت عشانك أعلي ما أملك عشان أحافظ عليكي وما أخلكيش تبيعي ..بعيتك خسرانة ولو كسبتي فيها كنوز الدنيا بحالها وانا مش هعيط عشان واحدة زيك

ومن اجل اضفاء حالة شعورية لطيفة قرر يبقي ف الخلفية بعدها بقليل
اغنية ايه؟ ياتري يا هل تري؟؟؟
الرائع الاسطوري الوهمي العالمي
ايهاب توفيق اغنية
" الله يكون ف عونك ياللي "

طب والمصحف زي ما بقولكم كدا
ايهاب توفيق والمفروض البطل يعيط وكدا وهو بيسمع الاغنية دي

الفكرة بقي بتاعت الكصة دي ولامؤاخذه مش اتهرست واتسرقت مليون مرة لا
فقرر يحط البصمة الخاصة بيه
بيتكلم عن ظاهرة الاسقاط النجمي
اللي هي عبارة عن
هو حالة الوعي أثناء النوم، أي أن الجسد فقط يكون نائماً بينما يكون العقل في حالة يقظة تامة.

طبعا هو علشان بطل بقي قدر يعمل دا ف من اول مرة وخلي التلاميذ بتوعه يعملوه بينما اصلا الموضوع دا اصلا لو حقيقي عاوز سنين تدريب
لكن انت عبيط يلا بينا
وعالم الاحلام واكتب روايات وبيعها للكتاب الجاحد اللي بيشتري عرق الغلابة
والعصابة الشريرة اللي بتاخد اعضاء الناس
والظباط الوحشين اللي بيسرقوا وبيحموا الفاسدين
والناس الشريرة اللي معاها ورق يوديهم ف داهية
والحبيبة الخاينة
والحبيبة الوفية
والجد الغلبان
والواد اللي بيقول حكم
والبطل اللي مش بيغلط والصورة الصغيرة لبوذا
والناس اللي مصدقين ف البطل لله ف لله
النهايات السعيدة
الكلام العبيط عن حب البلد والفساد
تعاطف الناس العادية مع البطل دون اي سبب

انا كنت متنرفز بشدة وانا بقرأ ليه؟؟؟؟؟
ليه ام الاستسهال؟؟؟؟

ليهههههههههههههههههههههههههههههههههههههههههههههههههههه؟؟؟؟؟؟؟؟؟؟؟

من اسوأ ما قرأت فعلا ف القائمة بتاعت
اي شئ ف رغيف
لو ينفع اقوله شكرا علي شئ
انه كتب
بس

[Mohammed Arabey · Rating 2 out of 5]

ليه نجمتين
لان الروايه غير مكتوب عليها انها روايه اكشن واثاره ولكن لتحت ال14 سنه
ربما هو الخيال الزائد في الاكشن الخيالي -الذي كنت استمتع به وقت شغفي بروايات رجل المستحيل او اذا كنت فعلا اقل من 14 سنه او مبين ذلك بغلافها
ولكن لنجعل من الريفيو موضوعي ولننظر لــ
الاحداث -او قصه الفيلم
***************

باختصار سامح "يقوم بدوره احمد حلمي" مدرس ورسام كوميكس..واقع في قصه حب مع من لا تستحق "منه شلبي :(" ..واصدقاءه -وهم ابطال القصه- هم اطفال من تلاميذه يدافعون عنه دائما!!..هذا المدرس يكتشف قدرته علي القيام بعمليه "الاسقاط النجمي" ليخرج من جسده ويحلق اينما يريد ..والاهم كيفما يريد..ككسامح,كشوارزنيجر..او كالرجل الحديدي

وكانت تلك من اشد نقاط الضعف بالنسبه لي

فالعيب بالنسبه لي في الروايه انه بالرغم من انها مبنيه علي اساس علمي الا ان الخيال جاء شاطحا لدرجه كبيره
التعقيد في الاحداث التي تواجهه الابطال لزوم الاثاره كان عاليا "جيد جدا" ثم اعلي جدا "جيد" ثم اقوي واعلي للغايه "ضعيف" حتي فقدنا الشعور بالاثاره وصار مملا بالفعل...المطارادات تخيلها صعب جدا ..بالرغم من اني دائما اقرأ الروايات بطريقه تصويرها كفيلم في ذهني

وبالرغم من محاوله الروايه تسهيل الامر اكثر لانها"روايه فيلم" لكن وصف المطارادات والاكشن بهذه الطريقه ليس به اي جمال روائي او حتي سينمائي بل صعب التخيل وبعضه مفتعل وكانك تقرأ فيلم
Avengers
بدون مؤثرات..او صور كوميكس

اما الشخصيات هناالطيب طيب جدا والشرير شرير بحق..الابيض ابيض و الاسود اسود والرمادي يجب ان يموت مكفرا عن ذنبه-تكرر مرتين هذا الرمادي في الروايه-

في بدايه الروايه يتحدث بطل الروايه عن جوان رولينج مؤلفه هاري بوتر..وعن سهوله نشرها للروايه لان في بلدها تقدير للمؤلفين بعكس مصر
للاسف هذا غير صحيح فدور النشر البريطانيه قابلت روايه هاري بوتر بالرفض القاطع لانه من الصعب ان يتقبل الطفل او الفئه العمريه المستهدفه روايه بهذا الحجم وهذه الكميه من الاحداث والتفاصيل وتعقيد الشخصيات...بالرغم من ان رولينج قدمت الروايه كروايه للاطفال ولكن بموهبتها في الكتابه ورسم الشخصيات نجحت في جذب انظار جميع الاعمار
كتبت روايه مفعمه بالشخصيات المركبه المعقده القويه..الالغاز والسحر دون مبالغه او شطحات صعب تخيلها.."الروايه الكامله بالنسبه لي" معذره لتلك المقارنه

النجمتين لان فعلا الروايه جيده جدا للفئه العمريه السابق ذكرها .. وللمجهود الواضح من استاذ شريف في اعداد فكره الكتاب وتسهيل رسم الابطال كانه فعلا فيلم سينمائي وحتي اضافه الصور

وايضا فكرته لعمل الروايه يطريقه الفيلم مع اني لم استطع تقبل مشاهد الاكشن الصعبه بالروايه

بصراحه كنت متحمسا جدا جدا لفكره الروايه الفيلم بمجرد ان قرأت اعلانها حيث اني كما قلت من اشد المعجبين بفكره تحويل الروايه لفيلم في خيالي اثناء قراءتها..وبنيت توقعات اكبر .وعلي كل حال اتمني ان اجد من استاذ شريف فكره جديده قريبا ان شاء الله
****************************************
ملحوظه اخيره
تقابلت مع استاذ شريف عبد الهادي في معرض مكتبه الاسكندريه للكتاب وبصراحه اندهشت من تواضعه الشديد وتقبله للنقد "الرخم"اللي كتبته ده بصدر رحب اكتر حتي من اللي في الكومنتات
ووضح لي كتير من وجهه نظره وحقيقي ده خلاني اشوف ظروف كتابه الروايه بشكل اوضح وفعلا احس بالعبء الملقي علي كتفه برغبته بظهور افلام افضل لها فكره جديده بدل الكلاشيهات اللي ملئت افلامنا
فعلا بجد انا علي فارغ الصبر لروايه جديده للاستاذ شريف ونجاح اكبر ان شاء الله


محمد العربي
من 22 نوفمبر 2012
الي 25 نوفمبر 2012

[شريف عبدالهادي]

شكرا لجورنال التحرير على كتابة هذا التقرير عن كتابي #كوابيس_سعيدة #أول_فيلم-سينمائي_مقروء http://t.co/qYIKe25D

[Rawan Fahmy · Rating 5 out of 5]

كوابيس سعيدة هي الاسطورة بكل معانيها.. رواية تفوق الوصف والخيال سواء في فكرتها أو في طريقة كتابتها الجديدة التي تظهر لأول مرة في العالم، مع أول توظيف لنجوم السينما في الأدب لإضافة المزيد من المتعة والتوحد مع الشخصيات، ومع كامل احترامي لكل من قرأ العمل ولم يعجبه بحجة أن الفكرة مستهلكة او الخيال مبالغ فيه، فكل ذلك يعود لقصور شديد في خيالهم المحدود ولو طبقنا نفس منطقهم المريض على أفلام هوليود لوجدنا أن سوبرمان وسبايدر مان وباتمان وفانتاستيك فور وهاري بوتر مجرد هذيان لا يليق بالمشاهدة رغم ان تلك الأعمال حققت مليارات وأقسم بالمثل أن كوابيس سعيدة إن شاء الله عند تحويله لعمل سينمائي أو كارتون سيحقق الملايين وسيحظى بنجاح غير عادي

رغم عدد صفحات الكتاب التي قاربت الـ 300 صفحة إلا أني ما أن بدأت في قرائتها لم احتاج إلا إلى نصف يوم لانتهي منها تماما دون أن أشعر من فرط الاعجاب والتوحد مع شخصيات العمل سواء (سامح - أحمد حلمي) أو (قمر - بشرى) وخاصة القنبلة (محفوظ - يوسف وهبي)

الأحداث

هناك العديد من الأعمال التي ناقشت فكرة الخروج من الجسد، لكن الجديد في (كوابيس سعيدة) أنها استغلت ظاهرة حقيقية موجودة بالفعل اسمها الاسقاط النجمي لتحدى خيال القاريء ومداعبة رغبته في تجربة الموضوع مما يجعل القايء يصدق الاحداث التي تستند رغم خيالها إلى ظاهرة حقيقية موجودة بالفعل ويمكن لأي شخص تجربتها، بجانب أن أحداث العمل تنتمي لنوعية الفاميلى فيلم أى الفيلم العائلي الذي يناسب كل أعمار وأفراد الأسرة وهى نوعية ليست منتشرة في مصر عكس انتشارها الشديد ونجاحها في هوليود
كما أن الأحداث رغم خيالها إلا أنها تناقش قضية هامة تتمثل في أزمة التعليم في مصر وعدم ملائمة المناهج التعليمية الخربة لعقليات الأطفال وتبعية ذلك فى خروج أجيال مشوهة فكريا

الشخصيات

تجسدت عبقرية المؤلف شريف عبدالهادي في ربط شخصيات العمل بشخصيات فينة طالما شاهدناهم في السينما، ونعر طريقة كلامهم وأدائهم، وبالتالي يمكنك تخيل طريقة كلام وحركات وأداء أحمد حلمي وهو يؤدي دور سامح، وبشرى وهى تؤدي دور قمر، والأغرب والأجمل أنه طالما الفيلم على الورق فلا مانع من عمل مقابلة بين أبطال الماضي بأبطال الحاضر، ومقابلة يوسف وهبى مع احمد حلمى فى مشهد واحد ونفس الكادر

الأهم أن اختيار المؤلف للنجوم الذين يؤدون شخصياته جاء موفقا للغاية، حتى أنك لو حاولت عمل كاستينج لما وجدت من هو انسب وأفضل من أحمد حلمي وخالد الصاوي وبشرى ومنة شلبى وصلاح عبدالله ومحيي إسماعي�� وهو ما يؤكد الحس الفني لدى الكاتب

باختصار فيلم كوابيس سعيدة يستحق الدرجة النهائية في التقييم، وفكرة أن يكون الحوار بالعامية وتوظيف الأطفال داخل العمل أراه نقطة قوة وليست نقطة ضعف حتى يكون العمل بالفعل ملائما ومناسبا لكل الأعمار، ولا ننسى أن سر نجاح د.نبيل فاروق كان أنه جعل الجميع كبار وصغار يعشقون أدهم صبرى رجل المستحيل، ونور الدين محمود رجل المخابرات العلمية، وكذا الأمر في روايات فلاش التى كانت تناسب الكبير والصغير
ولو كنت وزيرة تعليم لجعلت رواية كوابيس سعيدة مقررة على طلاب الإعدادية لتأهيل عقول وأفكار الأجيال الجديدة

في انتظار أجزاء جديدة ويا ريت تبقى مصورة كوميكس، وفى انتظار ايضا تحويل العمل لمسلسل كارتون او فيلم سينما مصري ثلاثي الأبعاد

تحياتي

[Jasmine · Rating 1 out of 5]

في اغلب الأوقات مش بحب اكتب ريفيو سيئ عن رواية لاني باعتبر ان اي رواية مهما كانت سيئة فيكفي ابداع ومحاولة كاتبها وافكاره الخارجة عن المألوف .... وديه الحاجة الوحيدة اللي خليتني اكمل الرواية لاخرها رغم اني جات عليا لحظات كنت عايزة ارميها من الشباك بس كملتها لاخرها ..... بس بصراحة مش قادرة ..... الرواية كان لازم لازم لازم يتكتب قبلها انها لادب الاطفال .... لان انا مش متخيلة ازاي حضرتك تخيلت ان ممكن رواية زي ديه تنفع اصلاً لمن يتعدى عمره 12 سنة ..... لاول مرة في حياتي اندم اني اشتريت كتاب ودفعت فيه فلوس .... انا اسفة حقيقي على الريفيو ده بس بجد الرواية في غاية السوء لو حضرتك فعلاً كنت متخيل انك بتكتبها لادب من هم فوق ال 10 سنوات ..... لما شوفت التريلر بتاع الرواية اعتقدت اني هشوف اول رواية بتاخد الاسقاط النجمي وتناقشه بشكل علمي و methodology حقيقية .... لكن للأسف اللي لقيته إما ان حضرتك كتبت شخصيات تافهة عشان تناسب الممثلين اللي حضرتك اخترتهم او حضرتك قررت انك تعملهم شخصيات تافهة فعلاً ..... القسم الأول من القصة واللي انا باعتبرها اتقسمت لقسمين اول قسم هو قبل ضياع جسم سامح من شخصيته ... كان ماشي محتمل يعني ممكن تستحمله .... لكن بعد كدة إذ فجأة لقيتها قلبت على رجل المستحيل على ملف المستقبل على خلطبيطة كدة تحسس الواحد انه اتهبل وهو قاعد بيقراها او على احسن تقدير سكرت ..... وتقول لنفسك في الاخر انا ايه اللي عملته في نفسي ده ؟؟؟؟؟ ..... حقيقي انا اسفة على قسوة الريفيو بس لو حسيت بالاحساس اللي انا حاساه دلوقتي هتعمل اكتر من كدة لانك مش متخيل لما عرفت قصة الرواية بتاعتك وشوفت التريلر حسيت انها فعلاً رواية حلوة ولفيت عليها معرض الكتاب كله مرتين تقريباً لغاية ما لقيتها عشان تطلع بهذا السوء في الاخر ... ومرة تانية انا اسفة لقسوة الريفيو وانا اسفة اني اقول ان الرواية حتى لا تستحق النجمة الواحدة اللي انا اديتها لل rating .... انا اسفة لنفسي ولك سيدي وارجو المعذرة

[Ayman Muhammad · Rating 2 out of 5]

محاولة جيدة وبانتظار الأفضل

[Sara · Rating 1 out of 5]

القصة ساذجة جدًا .. الأسلوب طفولي جدًا
فيلم مكتوب .. ؟ فين الفيلم ؟ فين القصة ؟
الأسقاط النجمي في شكل مصري درامي .. صراع بين الخير و الشر
و كالعادة الشر كتير جدًا جدًا .. بس الخير لازم ينتصر
أنا كنت بنط صفحات و أكمل عادي .. بنط فهم أسلوب و محور القصة ممكن يخليك تعرفها من أول صفحتين تلاته ..
أنا كنت بفكر أنها مناسبة للأطفال بس رجعت قولت .. الأطفال لما تقرأ هاري بوتر علي الأقل هتكتسب حب القراية و التسلية و اللغة العربية أو الإنجليزية بطريقة ممتعة .. أنما الكتاب ده لا في لغة أو هدف أو قيم أو متعة بالنسبة ليا ..
الفكرة كلها كانت ناقصة المنطقية .. المنطقية اللي خلتني أصدق هاري بوتر رغم كل الخيال اللي فيه .
نجمة لأن الجود ريدز مبيعترفش غير بها .

[آلاء الرحمن · Rating 5 out of 5]

كوابيس سعيدة هى بإختصار
كسر الملل كسر الروتين
حستها فبلم وكرتون اطفال
جميلة جدا
حاجة خفيفة وممتعة اوى
تقرى وانت مستمتع جدا
فى وسط كل حاجة حلوة بيديك حكمة جميلة تعلمك حاجة
اتعلمت من شريف ان الادب مش كلام مكلكع ومعانى صعبة عشان تثبت انك كاتب كويس
واتعلمت كمان انك بطريقتك وذكاءك تقدر تجذب ناس كتير ليك اطفال وكبار ناس غنية وفقيرة
ناس عايشة تعيش كل لحظة حلوة بس متنساش انها على ارض الواقع
اتعلمت ان الانسان ممكن يكون عاجز من غير مايكون عنده اى عجز جسدى والعكس
اللى بيحرك الانسان روحه مش جسمه وبس
الرواية دى كسرت الملل حقيقى بجد
وربنا يوفقك ودايما مبدع كده

[Basma Bahaa · Rating 4 out of 5]

تحياتى للكاتب اللى مخافش من مغامرة طرحه لاول كتاب له ف السوق بالطريقة الجديدة جدا على القراء دى, لو دل على شيئ فهيدل على ثقته فموهبته واللى واضح انها فى محلها..الكتاب ممتع جدا والاسلوب شيق بالدرجة الكافية اللى متسمحلكش تسيب الكتاب الا اما تخلصه :)
بغض النظر عن ان فكرة الفيلم نفسها جديدة عليا.. موضوع "الاسقاط النجمي" كنت اول مرة اسمع عنه ف الفيلم
دا

[DỘn Mando · Rating 3 out of 5]

سهرت طول الليل من كتر منا مقدرتش اسيب الرواية او الفيلم دة الا لما اخلصه !
رواية ممتعة لأقصى حد و تحمل رسائل و معانى نبيلة و قيمة جدا تمس كل شخص مننا :)
اختيار استاذ شريف للشخصيات كان موفق بشكل ممتاز بجد :)
بجد انا شايفها تجربة فريدة من نوعها و ممتعة للقارئ لأقصى حد :)
" الواقع هو الاساس , الحلم اللى مالوش اساس فى الواقع عامل زي الحمل الكاذب "
تسلم يا استاذ شريف على الرواية او الفيلم الرائع دة و اتمنى اشوفه سينمائيا قريبا :)
تقييمي 4.8/5 و النقص دة عشان بس مقتنعتش انه مدرس الرسم في اخر المشاهد
يتحول لجيسون ستيثام بقدرة قادر :D

[Youssef · Rating 5 out of 5]

اولا انا مسكت الكتاب مسبتهوش الساعة 2 تقريبا و مسبتهوش من ايدي غير والفجر بيأذن و مقدرتش انا غير اما اخلصه.
ثانيا :كل الناس اللي مش عاجبهاالكتاب احب اقولهم انا نفسي اعرف انتوا ليه مبتعجبكوش اي حاجة جديدة و بالنسبة لكم ان هيا تقليد لحاجات برة و في نفس الوقت بتقولوا ليه منبقاش زي برة ,زي بردو الناس اللي كانت مش عاجبها مسلسل الرجل العناب بتاع رمضان عشان هو بس فكرة جديدة و فيها خيال و بتاع عايزين يبقي اخرنا الدرامة المحفوظة بتاعتنا.
بالنسبة بقي للكتاب فاحب اقول لاستاذ شريف ان انت ابهرتني فعلا بالفيلم اللي
بالنسبالي في نفس مستوي افلام هوليود واحسن كمان .
حكاية انك راسملنا الشخصيات ديه كمان مساعدانا علي التخيل اوي و كاننا في فيلم حقيقي.
الاحداث مشوقة جدا و كل اما افتكر انها مش هتتعقد اكتر من كده الاقيها اتعقدت اكتر و اكتر .
الاشرار التلاتة واقعيين جدا بس اللي مش فاهمه ليه سها تخونه من الاول و بعد كده تفوق يمكن ده مبرر عشان يقرب لقمر شوية .
المشكلة دلوقتي ان انا بقيت مصدق ان ان ممكن اعمل اسقاط نجمي و الف العالم و مش عارف اعمله ازاي.
اخر حاجة في الشخصيات :
احمد حلمي كان لايق عليه الدور في الاول بس بعد كده اتحول لاكشن فمبقتش حاسس بيه اوي ممكن نشوف ممثل تاني ممكن من سمير وشهير وبهير عشان هما اساتذة الصراحة.
قمر :ممكن تبقي غادة عادل احسن او حنان ترك.
المهم اني حاسس ان الفيلم جامد جدا و هيكسر الدنيا بس الامكانيات ديه مش عندنا خالص بس ادينا بنحاول.
وابقي خدني معاك اعمل دور حد من التلاميذ صحابه اوان شاء الله حتي اللي بيقولله يا فاشل :D
في الاخر بقي عايز اقوللك الله ينور عليك عايزين حاجات كتير من ديه :) .

[Miram Gamal · Rating 3 out of 5]

أولا .. أنا بعشق القراية بس غالبا بقرا بالراحة عمري ما بستعجل في قراية كتاب .. بس كوابيس سعيدة أول كتاب في حياتي أخلصه في قعدة قراية واحدة .. مكنتش قادرة أسيب الكتاب مع إني بدأت فيه 2 ونص بالليل فضلت سهرانة لحد 6 ونص لحد ما خلصته

ما شاء الله بجد الأسلوب جميل جدا وفعلاً أنا كنت متخيلة كل المشاهد قدامي كأني بتفرج عليه مش بقراه .. هيا أي نعم وسعت منك شوية في مشاهد الخناقات في الآخر في عالم الاسقاط النجمي .. بس عموما الكتاب حلو ..

وفيه حاجة مستغرباها .. المفروض الولاد في ابتدائي .. إزاي دماغهم كده .. يعني لو كانوا مثلاً في اعدادي أو ثانوي كان ممكن يبقى مقبول شوية .. دي النقطة الوحيدة اللي شايفاها مش منطقية .. كان ممكن النقطة دي تبقى مبلوعة شوية لو كانوا في اعدادي مثلا أو كمية الأكشن بتاعهم أقل .. بس الكلام ده كله مع أطفال ابتدائي واسعة حبتين

بس عموما أسلوبك حلو ومستنية أعمالك الجاية ..

[Mai · Rating 1 out of 5]

ضيعت وقتي في القراءه بصراحه
مجرد كلام موجوده في افلام كتيره هابطة موجوده دلوقتي كل جملة هتحس انك شفت زيها قبل كده في فيلم من الافلام التافهه الموجوده دلوقتي
وطبعا بما انه فيلم فلازم يبقي فيه نفس الابطال اللي في الافلام
سوبر مان -الحبيبة الخاينة - الحبيبة المخلصة -الضابط الفاسد- رجل الاعمال الفاسد-الضابط الشريف + شوية اكشن من المطاردات في الافلام الامريكية و الزق اي حاجة في اي حاجة بقت قصه
اول ما سمعت عن الرواية تحمست جدا لقرائتها و بعد ما قرأت عن ناس بيشكروا فيها -و اللي نفسي اعرف بيشكروا في ايه-تحمست اكتر لكني اكتشفت اني كنت بضيع وقتي للاسف

[Samar Elbaz · Rating 4 out of 5]

فكره جديده جدا ع المجتمع المصري وخصوصا بتجسيد الاشخاص في الروايه اداها مذاق خاص.فكره الجسم الاثيري تجربه موجوده من فتره بس مش بالسهوله دي ...بس
بما انها فانتازيا يبقي تعدي وتبقي سهله
هي فكرتي باسطوره بيتر بان اللي بياخد الاطفال في الاحلام وازاي ملكه الاحلام كان الاشرار عاوزين يسرقوها

فكره ان كل حاجه في مصر بقت بتتباع ولو متباعتش يبقي تتسرق
تسليط الضوء علي المؤلفين اللي مش واخدين حقهم وبتوصل بيهم انهم يبيعوا افكارهم ومجهودهم بالفلوس لناس ملهاش موهبه موجود كتيير جدا في مصر وفي ناس معروفه بتعمل ده للاسف

[Mazen El Demery · Rating 2 out of 5]

بصراحة خاب ظني قليلا في هذا العمل بعدما أبهرتني " أبابيل "


فكرة العمل في حد ذاتها أعجبتني و توقعت شيئا فريدا

منذ بداية الفيلم و حتى ثلثه تقريبا كان جيدا ... لكن منذ أن ضاع جسد سامح اتخذت الأحداث منعطفا جديدا... فكانت الأحداث خيالية جدا جدا " و بالذات الأكشن "

أزعجتني سرعة سير الأحداث ... ففي بعض الأحيان كنت أتوقف و أعيد قراءة آخر فقرة قرأتها حتى أفهمها جيدا

لا أعتقد أن الإسقاط النجمي يحدث بهذه السهولة ( بمجرد أن يسترخي الشخص ويجلس على مقعد مريح واضعا ساعديه على مسند المقعد مرخيا عضلاته (

بإختصار هو عمل مشوق خفيف سرعان ما ينتهي لكنه لم يرق لي

[Sasoo Shaheen · Rating 5 out of 5]

بجد فكره الكتاب تحفه جدااااا ا...فيلم مقرو ءوفعلا انا كنت حسه انى عايشه احداث الفيلم زى مابتفرج ع فيلم سينما...وفعلا واقعيه فى ان فى ناس بتسرق احلامنا وبتستغل فقرنا ....بس كنت بحس واناب قرأ الكتاب فى الموصلات انى الناس بتقول عليا عبيطه عشان كان فى حاجات كتير بضحك ....واحلى حاجه كمان ان كل شخصيه مناسبه جدااااا للدور اللى قامت بيه

[Maryam Same · Rating 5 out of 5]

كوابيس سعيده اول فيلم مقروء
الروايه تتكلم عن المدرس ضعيف الشخصيه سامح
و يومياته في المدرسه و تسلط الطلاب و المدير عليه
الا ان يشاهد
برنامج عن الاسقاط
النجمي و يجربه و بعدها تتوالى الاحداث
و يسطير الاشرار ع الاحلام
الروايه مكتوبه باسلوب جميل
و مشوق
فيها صور من افلام للابطال
و متوظفه فنيا بطريقه ذكيه
)بدون ما تكون مجله كوميكس
او صور زي قصص الاطفال القصيره

و تضايق القارئ
حبيت الافكار اللي فيها

و ما حبيت نهايه المدرسه سهى
لانه مكرر بكذا فيلم قبل
من ضمن الاحداث رجل اعمال
اسمه يشبه رجل اعمال مصري حقيقي اللي يقرا بيعرفه
و حبيت في النهايه لما الضابط و رجل الاعمال تعاقبوا الا اللي سرق الحلم لللاسف ماله عقوبه قانونيه
الروايه من النوع المحافظ بس بدون ما تكون قصه الاطفال
(مع عدم اعتراضي ع روايات الجرئيه و اقراها
ان شا ءالله لما تتحول فيلم ما تتشوه
الابطال كلهم ممكن يتغيرون الا
احمد حلمي

[Abdullah · Rating 1 out of 5]

قريت ريفيو عن الرواية بينتقدها ولقيت واحد معلق عليه بإن الشجرة المثمرة هي اللي بتتحدف بالطوب .. طوب إيه ياللي تتشك في معاميعك !
الرواية دي ممكن تكون شجرة صحيح، بس شجرة جميز
خيال افتكر المؤلف إنه علمي بس طلع في اﻵخر خيال مستفز يقول لتوم وجيري قوم وأنا أقعد مطرحك .. لا هو خيال علمي ولا هو دراما ولا هو أي حاجة
قبل كده قلت على رواية تستروجين لنفس المؤلف "ما هذا ال Shit؟" .. والمرة دي رأيي مختلفش كتير عن المرة اللي فاتت، الفرق إن المرة دي ال Shit طلع كتير بزيادة !

[aya Abdalaziz · Rating 4 out of 5]

أوعى تفتكر ان انت هو الجسم اللى بتشوفه لما تقف قدام المرايه .. انت واحد تانى أعمق وأكبر من البدن الضعيف اللى روحك عايشه جواه ف عالم الدنيا
لو وصلت للمعنى ده هتشوف بعين اليقين حقيقتك .. كيانك ابدى وشخصيتك الحقيقيه أكبر من كدة بكتير .. لدرجه انك مش ممكن تشوفها ....
::::::::::::::::::::::::::::::::::::::::::
الواحد مننا مابيصدقش فطرته ال اتفطر عليها
وبيسلم عقله لل حواليه
لغايه ما كله بيضلل كله
نفسك ال عندها النصيحه الحقيقيه ال اصدق من نصيحه اى بنى ادم تانى ....

[Omima Khaled · Rating 1 out of 5]

تقريبا والله أعلم المؤلف كان مطبق على روتانا سينما لأن الرواية اتهرست في مية فيلم عربي قبل كده

[عبدالله أبو النجا · Rating 2 out of 5]

كوابيس سعيدة رواية جيدة الى حد ما
صدق الكاتب حينما اسماها فيلما

اختيار الشخصيات وربطها بشخصيات واقعية
اختيار موفق جدا من الكاتب
رغم ان بناء الشخصيات غير متقن
خاصة شخصية سامح المتقلب بين القوة والضعف

اما الاحداث فقد جائت بطيئة اكثر من اللازم فى بدايةالرواية
ومتسارعة اكثر من اللازم فى النهاية

اما الحوار فكان اكثر ما اعجبنى
وخدم الفكرة بشكل كبير واحتوى على قدر جيد من الفكاهة

الفكرة التى هى اكثر من عادية بل الاكثر استهلاكاً

الرواية فى المجمل تنتمى لروايات الاطفال بنسبة اكثر من الكبار
ولا تستحق الضجة المثارة حولها التى اثرت بالسلب على مستوى التوقعات
الذى هوى من علِ بسبب المستوى العادى لمضمون الرواية


ختاما ً مجهود موفق من الكاتب وفى انتظار الافضل ..:)

[Shirin Abdel Rahman · Rating 4 out of 5]

رؤايه خياليه لذا لا يجوز مقارنتها بادب كافكا او هيمنجواى بل تخضع لقوانين هارى بوتر و Game of thrones لكن للاسف البعض يتساهل مع خيال الاجنبى و يرفضه من المصرى اما ملاحظاتى عن العمل:
1-اول القصيده كفر Freehand? واحد بيحب الرسم و 2D-3D و مسمعش عن Adobe Illustrator او حتى 3D max -Maya??
2-تلميحات جنسيه تجعلها غير مناسبه للمراهقين على الاطلاق!
3-نهايه سها ظالمه جدا و علاقتها مع المدير غير مبرره على الاطلاق.
4-برضوا نهايه رامى ظالمه تقريبا الكاتب ليس من انصار الفرص التانيه.
عمتا الكتاب دمه خفيف خلص فى قاعده لغه سهله يغلب عليها العاميه و يعتبر بمثابه Dessert مقارنه بغالبيه الرؤايات السياسيه المسيطره على السوق الان مناسبه لجو الحظر و تنفع مسلسل 2D للمراهقين!

[Ahmed Ali · Rating 4 out of 5]

بسم الله الرحمن الرحيم
انهيت الرواية ع دفعة واحدة ف خلال ساعتين من اكتر التشويق والحماس اللى فيها
بشكر جدا استاذ شريف ع الرواية الجميلة دى كفاية انها متعتنى وخلتنى اقرا كأنى عايز اكل الكتاب اكل
واحلى حاجة اتميزت بيها الرواية البساطة ف كل حاجة مش معقدة ولا ف كلام كتير وتحس انك مش فاهم منة حاجة
طريقة السرد كانت فوق الرائعة انا بحب حوار الشخصية وهيا بتيجى تتكلم تعرف على نفسها بالاول
اختيار موضوع الشخصيات جديد من نوعة شدنى جدا احيى استاذ شريف
موضوع الرواية الاسقاط النجمى قريت عنة كتير زمان موضوع مثير والواحد نفسة يجرب بس مش كل حاجة تتجرب
بشكر استاذ شريف جدا ومستنى رواياتة القادمة

[Basma Ghanam · Rating 2 out of 5]

النجمتين دول كتحية لفكرة أول سيناريو مطبوع..لكن الفكرة! هي فين الفكرة
في تفاصيل كتير ضايعة..لسان حالي وانا بقرا ازاي البطل بيخرج بجسمه الأثيري ف عملية الإسقاط النجمي "مكانش حد غلب" كأنه نازل يشتري علبة سجاير مثلا! الموضوع دا انا قريت فيه كتير جدا وحاولت اجربه كتير جدا جدا وبلا جدوى..يمكن أنا فاشلة ف الدخول للعالم الأثيري!
حاليا بقرا تيستروجين وربنا يستر :D

[Sarah Shaheen · Rating 1 out of 5]

فكرتها مميزة لكن طريقه كتابتها فيها نقص... في حلقه مهمه مفقودة في كونها روايه...
عمله زي الفيلم اللي كل شويه نروح لفاصل اعلاني طووووووويل فتنسي اصلا كنت بتتفرج علي ايه؟!!!
بس عموما الفكرة جميلة بس كانت محتاجه شغل وتركيز اكتر ^_^

[Sara Mamdouh · Rating 5 out of 5]

قصة حلوة..فكرة جديدة ..و بجد خلانى اضحك :))

[Omnia Mahdy · Rating 3 out of 5]

فكرة ان يبقى فيه عندنا قصة خيال علمي جميلة وجديدة.. لكن التنفيذ كان ضعيف جداً.. الأحداث طفولية بشكل كبير.. جايز يكون دة بسبب انها التجربة الأولى.. ننتظر أفضل من هذا

[Basant Kamal · Rating 4 out of 5]

فانتازيا رائعه فعندما لا يتسع الواقع لك لتحقيق احلامك فضتطر الي مسيارة الخيال كي تتغلب ع هذا الواقع الروتيني
واستطاع البطل تحقيق هذا عن طريق فكرة الاسقاط النجمي

[Sara Shams · Rating 4 out of 5]

بحس انى بقرا للمغامرون الخمسة #اثارة #ذكريات_طفولة بس رواية لذيذة ^_^

[Mohammed Alaa · Rating 2 out of 5]

بالنسبة للاسلوب وطريقة السرد والحوار اكثر من رائع
بالنسبة للنهاية والقصة كمجمل حسيتها مش مقنعة
بس مع ذلك انت كاتب رائع