جراند متروبوليس

by أسامه عاطف

حين عدتُ إلى المنزل وجدتُ الساعة قد أصبحت الخامسة مساءً فلقد فضّلت الجلوس مع عياة وهي نائمة عن الرحيل, راقبتُ دقّات عقارب الساعة في يدي كان ذلك حين تذكّرت مُهمّتي فدلفتُ من البابِ مُهرولاً إلى الغرفةِ الأولى, أسفل الصندوق الزجاجي كانت تقبع في صمت.

بعد عامين يخوض آدم دهايز عالم مليء بالدماء يكنُّ بداخل طيّاتُه "حياة" الأُنثى التي ستقلب الموازين رأسًا على عقب.

151 pages, Hardcover

Published January 23, 2020

About the author

شاعر وروائي مصري صَدرَ له كتابين حتى الآن, ويكتب في عدد من المجلات الأدبية.

Reviews

[Dalia Ebed · Rating 5 out of 5]

حقيقة لازم أعترف بيها ..🌸
اني عمري ما كملت رواية لاخرها ..انا اهو 24 سنة وعمري ما كملت اي رواية لاخرها كنت دايما بقف في النص يا إما كنت بملِّها أو يمكن هي معرفتش تجذبني ..!!
لكن رواية جراند متروبوليس للكاتب والشاعر الكبير أسامة عاطف ..
بجد كان ليها رأي تاني في تغيير عادة عندي ..
هي اللي حبّبتني في القراءة وحبّبتني في القصص والروايات اكتر ..
أنا وقَّفت كل حاجة عندي ومشغولياتي عشان اعرف اخلص الرواية في يومين من كتر تعلقي بيها وبحكايتها اللي فصلتني بالعالم اللي جواها عن واقعي اللي برا ..
وألغازها اللي دخلتني في أكتر من متاهة وخلتني أعمل مخطط برا عشان أعرف أفك شفراتها وأربط الاحداث وكأني المخرج 😂💔
من اول صورة الغلاف الجميلة واللي هي لغز لوحدها وعلاقتها بالرواية ..؟!!
والسكينة اللي تحتها حرف M ؟!!
والحقنة الكيميائية المميتة ..؟!!
ولغز البطل نفسه مع ابطال الرواية معاه ..؟!!!!
وأهمها لغز النهاية اللي شقلبتني حقيقي عشان افهمها واعرف انها نهاية مفتوحة تخلي كل اللي يقرا الرواية يقف عند لغز وتساؤل !!
وخلتني اسقف وانبهر حقيقي في الاخر ..

هي أكتر من مجرد رواية هي واقع هتعيشه وهتسحبك لواقع جواها اكتر ..♥️
من كتر تفاصيلها وحكايتها هتحب تتقمص كل دور فيها وتحب تسمع كل أغنية اتكتبت فيها وتحب تعيش كل حالة فيها من حب او حلم او فرح او حزن او جرح او حتى انتقام ..!

بجد رواية فوق الوصف حقيقي مش مجرد كلام او حتى ريفيو ..
💎بجد جميلة إلى الحد الذي لا حد له 💎
واللي زادها جمال فوق جمالها تفاصيلها ..
ي جماعة التفاصيل دي مش اي حد يخليك تعيش فيها ويخلي روحك تتعلق بيها وكأنك جزء من الرواية كانك بطل فيها وبتمشي معاها ومع حكايتها للنهاية !
دي تفاصيل كانها متعاشة بالضبط ..
وكأن الكاتب كان عايش فيها ..!!

قصة اي حد مننا ممكن لما يحب يذكرها او يكتب تفاصيلها هتفوته اجزاء من الصورة مش هيقدر يوافي الصورة كاملة وهتفوته تفاصيلها مع انه صاحب القصة والواقع وبطل قصته ..!
لكن رواية جراند متروبوليس قدر اسامة عاطف بموهبته الفريدة وروحه العاشقة للتفاصيل إنه يذكر أدق التفاصيل في كل حاجة ..
وكأنه كان عايش مع القصة وبيكتب يومياته اول باول ..
حقيقي كل الوصف ده ومش هقدر برده اوفي الرواية حقها ..

♥ ️نصيحة مني ركزوا في التفاصيل فيها ..
ركزوا في المشاعر اللي فيها وعيشوها وركزوا في الصور المجسدة للمشاعر دي ..
حقيقي هتحسوا لحظات بالفرح والامان وهتحسوا لحظات بالوجع والخوف ..
حسوا الرواية لأنها حقيقي تتحس وتتعاش ..!♥️

بجد فخورة ان فيه شاعر وكاتب بالدماغ والرؤية والروح دي اللي قدرت تخطف انتباه وقلوب وروح كل اللي يقرا له حاجة ..
انا شايفاك كاتب كبير وعظيم وحقيقي إنت قريب اوي هتبقى
الكاتب والشاعر العظيم
💎العالمي💎..
#أسامة_عاطف..🌸

[حلا إمام · Rating 5 out of 5]

اولاً انا ماليش ف القراية ولو قريت بيبقى نادر جداً..
اما بدأت اتابع كتاباتك العظيمه دي اللى على فايسبوك وعرفت انك هتنزل رواية ف المعرض قولت لازم اجيبها.. وحقيقي ندمانه اشد الندم اني ماجيتش حفلة التوقيع فاتني كتير..
بس ايه العظمه والجمال ده مش فاهمه!!!💖.
انت عظيم بكل ما تحمله الكلمه من معنى
الاحداث فظيعه وبقرأ وانا متحمسه اوصل للنهاية.. كل ما اخلص پارت من القصة اقول ايه الجمال والعظمه دي ..كان ممكن اخلصها ف يوم بس اني اقفل الرواية على حدث ماكملش وافضل مترقبه اوي الحدث اللى بعده..مش معقول كده حقيقي..
هي فعلاً كانت قراءة ممتعه..
ماكنتش اتخيل اني هحب اقرأ اوي كده..
الروايه احداثها مش متوقعه والاكيد اني هقرأها تاني وتالت..
اتمنى ماتشوفش كلامي مبالغ فيه بس عاوزه اوصل لك شعوري مظبوط..

حقيقي مش عارفه اعبر عن سعادتي وانا بقرأ اني اعرف حد موهوب وعظيم ف مجاله زيك كده..
بهنيك على جمال الروايه ومستنيه اعمالك القادمه اللى اكيد هتبقى عظيمه بردو..
ربنا ينجحك ويوفقك يارب ومبروك ومن نجاح لنجاح اضخم واقوى..💖

[Noura Saad · Rating 5 out of 5]

انا بصراحه اول ما بدأت اقرأ قلت انا كبيري اوي هخلص نصها وهكمل بكره لأني شخص ملول جدا اتفاجأت بنفسي وانا حتي بعد ما خلصت مش حاسه بأي حاجه غير الزعل انها خلصت وفكرت بردو انه لاحظت انك عشان بتحب التفاصيل الكتير انا كده هتخنق وهعدي بس بجد مفيش كلمه عدت الا وانا بقرأها التفاصيل ادتني خيال اوسع وانا بقرأ واعيش مع الكلمات خلتني احب القراءه من تاني بس اكيد مش لأي حد اتفاعلت بشكل غريب مع الروايه وكأني بتفرج علي فيلم قديم ذو فن اصيل مش قادره اقول حاجه بجد غير اني حبتها من قلبي ♥ ومعنديش مانع اقراها بدل المره عشرين❤️ الروايه للكاتب العظيم أسامه عاطف

[Sara Hegazy · Rating 5 out of 5]

#جراند_متروبوليس
حبيت اعمل ريڤيوو بسيط عليها لاني حبيتها جدا وحبيت غلافها الل بيحكي تفاصيل الروايه ❤
الل بتعيشك الاحداث والغموض بتاعها
وكم الاسئله ال جت ف دماغي بعد ماخلصتها ونهايتها المفتوحه الل تخلي فيه فضول ياتري ف جزء تاني؟؟!
-احلام البطل الغريبه والسر ورا موت اهله؟؟!
-حبه للبطله والسر ورا موت امها ؟؟؟!
-وتحليل الDna !!
-الحقنه المميته!
-القناصه عيار 308 وينشستر!
-السر ورا السكينه الل عليها حرف "m" بعد كل حادثه؟؟!
-ابطال الروايه نفسهم ؟؟؟؟؟!
حقيقي روايه جميله جدا ❤

[ياسمينا مصطفي · Rating 5 out of 5]

انا اول مره أقرأ فانتازيا فا كنت حساها جريئه شويه عن المعتاد اني أقرأه ،لكن حقيقي الرواية لو اتعملت فيلم هتبقى رهيبه بدون مبالغة .. انا فضلت قاعده مبحلقه فيها زي اللي مش مستوعب النهاية ولا الأحداث ،الإهتمام بالDetails اكتر حاجه شدتني بعد الغموض .. انا بعد ما خلصت حسيت ان بقالي فترة عقلي عنده خمول وفجأة صحي وزي اللي عايز يطقطق ضهره عشان بقاله كتير قاعد😂 .. ما علينا يمكن رأيي مش أوي برضو واتأخرت بس انا بقول ياريتني قريتها من بدري .. وأخيرًا وليس آخرًا دي مش آخر حاجه هقراهالك💜🤝🏻

[Naira Salem · Rating 5 out of 5]

The best novel ever and there is so creativity in this novel، so arranged And the writer is more creative writing it and I'm sure he will be the greatest writer in the wolrd ❤️

[Aml · Rating 5 out of 5]

من اجمل الروايات اللي قرأتها وكملتها وانا مبسوطه اني بقرأ حاجه بالجمال ده ياريت الروايات كلها تكون كده والواحد مش هيزهق منها ابدا

[Khaled Mohamed · Rating 3 out of 5]

مفيش شك ان اسلوب الكاتب حلو وعارف يمسك خط التشويق من اول الرواية
يعيبها النهاية اللي قلبت مسلسل مكسيكي ملوش لزمة

[Alaa · Rating 5 out of 5]

The plot twists......it'll leave u speechless