Strafjaart

by Theo Kemp

’n Foonoproep uit Pollsmoor laat ’n navorser se lewe kantel. Só na aan hom was die vrou wat bel dat hy algaande die biblioteek, waar hy die eerste skepe aan die Kaap bestudeer, vir dié tronk se waglokaal verruil.Gou kom hy agter dat dié plek is nie altyd so strak soos sy tralies daar is ’n eertydse skipper wat hier vetkoek verkoop; ’n vrouebewaarder met jazz in haar stem; selfs karaoke-aande in die skaduwee van die lemmetjiesdraad.Dieper en dieper word hy ingetrek by die lewens van diegene wat wag om ín- of uítgelaat te word. Net toe hy dink hy kan met sekerheid sê wie aan watter kant van die hoë mure staan, moet hy begryp dat verdriet bodemloos is.In Theo Kemp se Strafjaart vervloei die strominge van ’n lewe met dié van die Suid-Afrikaanse werklikheid, waar hoop en wanhoop ’n maalkolk kan raak.

260 pages, Kindle Edition

Published March 1, 2019

Reviews

[Trisa Hugo · Rating 4 out of 5]

'n Vreemde boek met 'n nog vreemder slot.

[Esma Marnewick · Rating 4 out of 5]

Genotvolle boek vol spanning en interessante karakters, ek kon dit nie neersit nie. Maar dit voel effe of dit in die middel ophou.

[Heather Tosh · Rating 3 out of 5]

Wanted to read to challenge my Afrikaans, the plot was crazy yet readable. I did my best it was random

[Jandre · Rating 2 out of 5]

'n Komplekse boek vol gevoelens en soeke na antwoorde.
Die Suid-Afrikaanse korrektiewe dienste was nog altyd vol skendings en aaklige dinge; die skrywer probeer om dit vir die lesers toeganklik te maak, en te vorseer om die waarheid raak te sien.
Iets van hierdie boek is aanloklik - maar dit is moeilik om presies raak te lees wat. Tog sal hy eendag weer opgetel word.

[Yolande · Rating 5 out of 5]

Wat 'n interessante boek! Ek het dit werklik geniet, maar eindig net vir my stomp.

[Maritha Aguiar · Rating 3 out of 5]

Nie net die gevangenes binne in Pollsmoor word aangehou in ‘n gevangenis nie - selfs ons wat vry loop leef partykeer in selfopgerigte tronke en selle wat ons elke dag uit probeer ontsnap.