What do you think?
Rate this book
قلوب مغتربة #1
قلبك وطني : الجزء الأول والثاني
2967 pages, Unknown Binding
Published January 1, 2019
32 people are currently reading
333 people want to read
About the author
شيماء يسري شموسة
14 books40 followersشيماء يسري (شموسة) كاتبة روائية مصرية تكتب الأدب الاجتماعي الرومانسي ولها عدة روايات الكترونية وورقية.
بدأت الكتابة عام 2018 برواية (قلبك وطني) على إحدى المنصات الإلكترونية لتلقى الرواية قبولا واسعا وتتحول الرواية لنسخة ورقية صادرة من دار إبداع للنشر والتوزيع في عام 2021. صدر لها ثماني روايات حتى مارس 2024.
سلسلة قلوب مغتربة:
- قلبك وطني (الجزء الأول)
- وأشرقت في القلب بسمة (الجزء الثاني).
- سكنت خمائل قلبك (الجزء الثالث).
الروايات المنفردة:
- زخات الحب والحصى
- موسم القرنفل
- لا زال القلب نابضًا
- نوراي
- يا صفي القلب
الكاتبة على المستوى المهني والعلمي تعمل كمدير لقسم التدريب والتنمية البشرية بإحدى المؤسسات السياحية الكبرى، حاصلة على عدة شهادات منها الليسانس وتمهيدي الماجستير في التاريخ من جامعة القاهرة ودبلومة في الموارد البشرية من جامعة Nottinghham بالإضافة لعدة دبلومات في علم النفس والإرشاد الأسري والزواجي وتعديل السلوك ومدرب معتمد من جامعة عين شمس.
روابط التواصل:
فيسبوك: https://www.facebook.com/shaimaayzsha...
انستجرام: https://www.instagram.com/shaimaa_you...
تلجرام: https://t.me/shammosah
بدأت الكتابة عام 2018 برواية (قلبك وطني) على إحدى المنصات الإلكترونية لتلقى الرواية قبولا واسعا وتتحول الرواية لنسخة ورقية صادرة من دار إبداع للنشر والتوزيع في عام 2021. صدر لها ثماني روايات حتى مارس 2024.
سلسلة قلوب مغتربة:
- قلبك وطني (الجزء الأول)
- وأشرقت في القلب بسمة (الجزء الثاني).
- سكنت خمائل قلبك (الجزء الثالث).
الروايات المنفردة:
- زخات الحب والحصى
- موسم القرنفل
- لا زال القلب نابضًا
- نوراي
- يا صفي القلب
الكاتبة على المستوى المهني والعلمي تعمل كمدير لقسم التدريب والتنمية البشرية بإحدى المؤسسات السياحية الكبرى، حاصلة على عدة شهادات منها الليسانس وتمهيدي الماجستير في التاريخ من جامعة القاهرة ودبلومة في الموارد البشرية من جامعة Nottinghham بالإضافة لعدة دبلومات في علم النفس والإرشاد الأسري والزواجي وتعديل السلوك ومدرب معتمد من جامعة عين شمس.
روابط التواصل:
فيسبوك: https://www.facebook.com/shaimaayzsha...
انستجرام: https://www.instagram.com/shaimaa_you...
تلجرام: https://t.me/shammosah
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 18 of 18 reviews
January 4, 2022
قلبك وطني
تنهيدة طويلة جداً طلعت من قلبي وعقلي بمجرد ما قرأت كلمات أغنية منير في الآخر، آه كان نفسي أطمّن عليهم كإنهم أصحابي، كإنهم عِشرة عمري، بس مكنش نفسي أبداً إنهم يمشوا، ومكنتش عايزة أوصل لكلمة النهاية اللي هتقفل الستار وتفصل بيني وبينهم والمفروض دلوقتي إني هقوم أمشي وأسيبهم..
حاسه كإني شفت مسلسل قدام عيني طول الوقت، المشاهد كانت في خيالي مرسومة بتفاصيلهم ومتصورة بشخصياتهم ومتسجلة بأصواتهم، وكنت مبهورة وأنا شايفه كل حركة وضحكة وتكشيرة وإبتسامة في كل واحد فيهم، قدرت حتى أفرّق بين إنفعالات كل شخص عن التاني، وملامح كل واحد إزاي بتتغير وتعبّر وتتكلم بدون أي مجهود .. الفكرة في إنبهاري مش في الشخصيات على قد ما ( إن دي أول رواية للكاتبة، فـ إزاي بالسهولة دي قدرت تخليني أشوف وأحس كل دا )
الحيّ بالبيوت والبلكونات والناس الرايحين والجايين والقهوة والصحاب والإخوات والعيلة والجيران وتجمعات الماتشات والخناقات ولمّة وزينة رمضان والحنّات والأفراح والأغاني.. المكان دا مش بعيد أبداً، مش بعيد عن خيالي ولا عني أنا، كإني عشت فيه وتفاصيله كلها جزء مني.. كانت الجملة اللي قالتها صحبتي وخلّت عندي فضول للرواية ( الرواية دي مننا أوي، كل تفاصيلها مننا وعشناها )
رواية مصرية بكل ما تعنيه الكلمة من معنى.. ودا أحلى أحلى ما فيها.. يمكن أول مرة أشوف تفاصيل حياتنا حلوة كدا..
أبدأ منين؟
هبدأ من العيلة .. بيت سماحة، البيت الدافي اللي إلهام طول الوقت ملياه حب وعطاء وإهتمام بدون أي مقابل، البيت اللي فـ لحظة خسر أحلام وطموحات أولاده وفضل بإيمان في ربنا مكمل وبيحاول يرجع يعيش، حبيت كل أوقاتهم سوا، هدوء إبراهيم وحنان إلهام وشقاوة أحمد ورقّة أروى، العفوية اللي بينهم وهزارهم وخناقهم حتى مناقرة أحمد وآيه، كتير شفت جدتي وأمي في إلهام اللي مقضّية معظم حياتها في المطبخ وأول حاجة بتقولها بلهفة ليهم كلهم ( أحطلك أكل يا حبيبي جعان؟ )، وشفت أختي في أروى وتفهّمها، وخفة دم أحمد في أخويا .. بإختصار حبيت كل تفاصيلهم الأسرية الطبيعية أوي شبهنا..
الأصحاب؟ هقول إيه عنهم بعد كل اللي إتقال وإتوصف في الرواية.. الخن اللي مجمع أربع شباب، أربع قصص وأربع معاناة، مكانهم اللي بيتحرروا فيه من كل حاجة وبيتحوّل لعالم يخصهم لوحدهم.. المكان دا بيصغّرهم عشرين سنة، بيرجّعهم تاني أطفال، في هزارهم وسخريتهم ومشاكستهم ولعبهم.. مبقدرش أشوفهم وهما متجمعين فيه غير إنهم أطفال..
مش معقول قد إيه حبيتهم والله ما قادرة أوصف..
أحمد عمرو وائل سيد، هفتقد كل لحظة عاشوها سوا وكل ذكرياتهم وبرغم إني بنت أهو بس إتمنيت كتير أقعد معاهم وأراقبهم ونتكلم وأناقشهم في حاجات كتير جداً.. فخورة بيهم إنهم بعد كل السنين دي قدروا يحافظوا على بعض.. قرأت مرة جملة بتقول إن الصحاب اللي كملوا مع بعض لسنين طويلة علاقتهم مش بالسهولة اللي بتظهر قدام الناس، عدّوا بأوقات صعبة جداً إتخلّوا عن حاجات مهمة جداً، ضحّوا بكتير وإتنازلوا علشان بعض، إحتووا بعض وكل واحد فيهم كمّل التاني بحاجة ناقصاه وأخد منه في المقابل الناقص جواه.. الجملة دي دلوقتي منطبقة عليهم وهفضل دايماً فاكراها بيهم، كل ما أفتكر اللحظات اللي خفت عندها يخسروا بعض، والخناقات اللي لو أي أربعة غيرهم كانوا إنفصلوا لإنها مكنتش سهلة ولا هيّنة، حقيقي بفتكرهم وذهولي من مدى تفاهمهم العفوي جداً بيزيد، محدش فيهم بيقول أنا، محدش فيهم بيفكر في نفسه بس، هما ضمنياً وروحياً كل واحد فيهم بيفكر كأربعة.. فـ علاقتهم فوق أي وصف وأي كلام .. هي تتحب بس❤️
ممتنة لعلاقتهم اللي خلتني حسيت بقيمة صحابي أكتر وحسيت بقيمة حبهم وسؤالهم وإهتمامهم ووقوفهم دايماً معايا وجنبي.
الأخوات، العلاقة اللي بضعف قدامها جداً، سبحان الله الدنيا بتبقى بخير مهما كانت في وجود الأخوات، نص القلب بيكون لينا ونصه التاني لأخواتنا، ونص روحنا بتبقى معاهم بدون إنتظار لأي مقابل.. أحمد وأروى، بانة ورامز، وائل وأمير، سيد ورحمة وزهرة، ميري وآنجيل، أحمد وآيه ..كلهم حبيت مواقفهم لبعض، جميلة علاقاتهم جداً جداً، تفاهمهم برغم إختلافهم، وقوفهم جنب بعض وحبهم الغير محدود لبعض، إمتنانهم لكل صغيرة قبل الكبيرة، حتى سوء التفاهم كان بفضل حبهم بيدوب في لحظة.. من أكتر الحاجات اللي حبيتها في الرواية بجد، وبردو خلتني عايزة كل ما أقابل حد من إخواتي أحضنه بلا سبب.
وخلوني أستثني من الكلام ( أحمد وأروى ) ..دول بالنسبالي كابل أخوي منفصل كدا في حتة لوحده، العلاقة المثاليّة بالنسبالي، حب فطري عفوي غير مشروط، أنا طول الوقت فرحانة بيهم وكنت بستنى مشاهدهم دايماً لحد آخر الرواية..
حبيت أروى الأخت اللي كانت بتقدر تمتص عصبيته وغضبه وتهذّبهم وتطلّع منه ردود أفعال مختلفة تماماً تخصّها لوحدها، وحبيت أحمد الأخ المُراعي المُحب اللي لو الدنيا كلها في إيده هيديها لأخته بدون ما يفكر لحظة.. وحتى علاقته مع آيه في الآخر، لما علشانها قدر يكبح جماح غضبه في أوقات كتير.. فرحانة إنهم في الآخر قدروا يكونوا نموذج جميل لعلاقة إخوات تدوم للأبد..
الثنائيات.. أحمد وبانة، أجمل ما في علاقتهم إنها مختلفة، مختلفة من بدايتها في أول لحظة إتقابلوا فيها لآخر لحظة وشمس الصغيرة بين إيديهم، الحب اللي قلَب كيان أحمد واتصرف كتير بطريقة مش متوقعة ولا تخطر على البال، علاقته بـ بانة قدرت تخليني أحب أحمد فوق حبي له ألف مرة، الإثنين واجهوا صعوبات وحالهم يستقر ويطلع لقدام خطوة وبعدين يرجع عشرة وينتكسوا ويرجعوا تاني بالحب الكبير اللي بينهم يمشوا تجاه بعض ببطء آه بس مكنش واحد فيهم واقف مكانه، لا الإثنين كانوا في طريقهم لبعض طول الوقت، طريقهم كان طويل ومليان عقبات بس قدروا في النهاية يوصلوا.
حب أحمد لبانة طلّع منه تضحيات وتفهّم غير عاديين، معتقدش حد غيره كان يقدر يعمل كل دا، وحب بانة لأحمد خلاها تختاره هو في مقارنة صعبة أوي على أي حد..
بانة كانت تستاهل الصبر والحب والإحتواء اللي أحمد قدمهم لها
وأحمد كان يستاهل تمشيله من آخر الدنيا وتختار حياتها معاه..
بحبهم بشكل مش طبيعي..حبيت إختيارهم لإسم شمس، بإعتبارها شئ عظيم موجود في كل وطن، الشمس اللي بتشرق في مصر وفي سوريا وفي كل مكان..
عمرو وأروى، الحب الصامت المُعذّب لسنين طويلة.. حبيت جداً جداً سير قصتهم من بدايتها لنهايتها، الإثنين اتراجعوا بمجرد ما حسّوا إن وجودهم هيأذي التاني.. أروى إنسحبت علشان حالتها واللي عارفة إنها مرفوضة عند مامته، وعمرو إنسحب علشان متتجرحش بسببه بأي شكل من الأشكال.. قد إيه كانت غالية على قلبه وهو شايفها ملكة نساء الأرض، والنجمة العالية اللي كان خايف دايماً يبصلها أو يعشّم نفسه بيها.. أنا بحب الراجل اللي بيبص للي بيحبها بالطريقة دي، إنها الوحيدة والأولى وإنها كل شئ بالنسباله.. بجد بحترمه تلقائي كدا ..
حبهم المرتبك وحالتهم المتوترة دايماً قدام بعض حتى بدون ما يبيّنوا، كل مشاهدهم كانت جميلة وقلبي بيرفرف قدامهم كدا.. ثنائي رقّة الدنيا فيهم حتى وهما وقحين 😂 أوقاتهم الصعبة بردو قدروا يعدّوها علشان الحب اللي جمعهم كان غالي على كل واحد فيهم، محدش قدر يتخلّى لما الحل كان في إيده، ورجعوا علشان أروى مكانها في قلب عمرو وبيته، وعمرو بدون أروى هينتهي..
وائل وماجدة.. آآآآه من صدمتي 😂
ليه يا حبيبي تعب القلب دا؟ ليه العذاب دا كله؟
أعترف إني وقت ما فهمت حالته، وعرفت إن وائل طول عمره بيحب ماجدة، كانت أول حاجة جت في بالي إني لو مكان ماجدة عمري ما هسامحه.. أسامحه إزاي و١٥ سنة من عمري راحوا، ليه؟ وعلى إيه؟
هو بنفسه كان بيسأل نفسه بأي حق هطلب منها تسامحني! ولا بأي وش هسألها على شئ يخصها؟
علاقتهم لحد نص الرواية كان حواليها علامات إستفهام كتير جداً، وكلامه عنها واستهزاؤه بيها اللي كان غريب جداً كتصرف من راجل قدام أصحابه..
لحد ما وصلنا لمربط الفرس وأخدت الصدمة بجد 😂
صعب عليا وائل بس هي اللي كانت مقطعة قلبي.. ونفسي أسألها هي إزاي بعد كل دا فضلت تحبه؟
نهايتهم أنا حبيتها واستنيتها علشان أشوف ماجدة أخيراً مرتاحة ومبسوطة علشان كانت تستاهل بعد كل السنين دي تتحب من أول وجديد، ويُستجدى وصالها وتعيش لحظات الحب كلها تاني سواء توتّره ورهبته وحلاوة بداياته وإعترافاته وكل شئ..
يمكن الجميل في قصتهم كان في غرائبيّتها وفكرتها الجديدة عليا .. وفي النهاية كنت مبسوطة بيهم كـ ثنائي.
سيد وبسمة .. جوازهم من البداية مخاطرة من جانب سيد، واحد قرر من نفسه إن جوازه السريع من واحدة هو اللي هيحجّم قلبه المتعلّق بواحدة تانية، مخاطرة مدفعش تمنها غير ال(واحدة) اللي دخلها حياته دي!
أنا كـ شخص إتربى وعاش لحد سن ١٦ في قرية كنت مرعوبة عليها طول الوقت لإني عارفة يعني إيه واحدة مطلقة بعد أربع سنين جواز بس! ويعني إيه واحدة بعد كل المدة دي متخلّفش، وهتشوف إيه في بلدها لو مشيت من بيت جوزها مقررة تطلّق، حتى الأسباب المهينة اللي كانت عايزة تتطلق بسببها كانت بالنسبالهم ولا أي شئ، إيه يعني جوزك بيخونك؟ وإيه يعني بيحب واحدة غيرك؟ وإيه يعني بحكم شغله يعرف عليكي واحدة وإتنين وتلاتة؟ وحصلت في عيلتي كمان إن يتقال لـ واحدة معندناش حد في العيلة يتطلّق إنتي عايزة الناس تشمَت فينا!!! فأنا مقهورة على بسمة، مقهورة بحق..أكتر مشاهد خلّتني مش طايقة نفسي كانت مناقشاتها مع أهلها..
أنا مخلصة الرواية آه فرحانة ومبسوطة لإن النهاية جميلة جداً جداً بس جزء من قلبي كان مشغول مع بسمة يا ترى هي عايشة إزاي دلوقتي؟
مفيش ست في الدنيا تستاهل يحصل فيها كدا بأي شكل من الأشكال خاصة لو واحدة زي بسمة معملتش أي حاجة علشان يكون دا جزاءها..
أمير وكرستين، وجودهم كان لطيف وحبيت علاقتهم الهادية الرقيقة دي وذُل كرستين له كل شويه تقوله بص الرومانسية إتعلم من أخوك 😂 ( إنتي متعرفيش ماجدة إستنت قد إيه علشان تلاقي الرومانسية دي في الآخر، ربنا يفكيكي شر البلاوي 😂)
كل علاقة فيهم إسم الرواية لايقة عليها جداً جداً ..
قلب كل واحد فيهم كان وطن للي بيحبه، وطن منتمي له وامتدت جذوره لأعماق أعماقه..
وجود الأغاني في الرواية له طعم مختلف جداً، مخليها رواية غنائية رومانسية إجتماعية، ميكس جميل وأول مرة فعلاً أقرأ رواية فيها كمّ الأغاني دا، وأغاني معينة إرتبطت بثنائيات كل ما أسمعها هفتكرهم بالذات..
علمني حبكِ دي أغنية أحمد وبانة للأبد
عيناكَ ليالٍ صيفية أغنية عمرو وأروى
فاكهة الحب أغنية وائل وماجدة..
واسمحولي أضيف أغنية كنت عارفة لشيرين، لايقة جداً على سيد وبسمة
كنت بسمعهم قبل كدا علشان حبي في الأغاني نفسها لكن دلوقتي هسمعهم وفيه قصص جميلة مرتبطة بيهم❤️.. ذوق إختيار الأغاني بتوافقها مع المشاهد وإحساس الشخصيات كمان كان رائع رائع ..
أنا ضحكت كتير جداً جداً في الرواية دي، بجد ضحكت من كل قلبي، فيه مشاهد أنا كل ما أفتكرها حتى دلوقتي بضحك من الأول تاني..خفة دمهم كلهم وغلاستهم على بعض ووقوفهم على الواحدة لبعض، حتى هزارهم الرخم كان بيضحكني جداً وتحفيلهم على بعض مش طبيعي، ياربي كل تفاصيل قعداتهم وهزارهم واخد قلبي كللللله، وقاحة أحمد لوحدها يمكن واخدة نص الضحك في الرواية.. حالياً جايه قدامي وقفته في المطبخ وهو بيرزّع ع الباب وبيقولها هتطردي إبنك فلذة كبدك يا إلهام علشان طائر أبي قردان اللي برا دا 😂😂😂
المواقف دي محتاجة بوست كامل لوحدها والله علشان الواحد يديها حقها، بس أنا ممتنة من قلبي لخفة دمهم كلهم اللي خلّتني حاسه بوَنس معاهم كإني صاحبتهم وقاعدة وسطهم مش مجرد شخصيات في خيالي 😂💙
حبيت الأحداث جداً، الهدوء والبساطة اللي بتمشي بيهم في البداية بعد كدا التعقيد والمشاكل اللي بتظهر في حياة كل واحد وفي كل عيلة، محاولات الحل والمشورات والخناقات، الحلول والخطوات اللي كان لازم تحصل علشان تتحل العُقد بالتدريج، وبعد كدا لما رجعت تهدى وتروق تاني علشان نوصل للنهاية الجميلة اللي خلّتني بضحك زي الهبلة..حقيقي الطريقة اللي مشيت بيها الدنيا كانت جميلة ومنمقة وكمان مناسبة جداً، الرواية آه صفحاتها كتير بس في نفس الوقت كان لازم تكون كدا، كل مشهد فيها مهم ومينفعش يتحذف ومشوفتش أي تطويل أو تمطيط ودي حاجة صعبة في الكتابة أوي، إن الرواية مظبوطة في كل حاجة وكل القصص اللي إتفتحت من البداية اتقفلت وبتدريج جميل ومفيش حاجة أو تفصيلة فلتت من الكاتبة.. شابوه ❤️
المشاهد أو الحركات اللي حبيتها أوي
* مقابلة بانة وأحمد الأولى وهو عفاريته بتتنطط قدامه 😂
* ذكرى هروب بانة من بلدها
* الأحاديث العشوائية بين ميمين وعمرو ❤️
* دواء سيد اللي موجود في عربية كل واحد فيهم
* الموز والكمثرى اللي كانوا مجننين أحمد، كل مشاهده وهو مش عارف راسه من رجله دي كانت بتقتلني😂
* حفلة عيد ميلاد أروى، من أحلى تجمعاتهم 🥺
* مشهد الكلية وقت المظاهرة لما أخدوا آيه وخرّجوا الهانم التانية😂😂
* تصرفاتم كلهم لما عرفوا حقيقة بانة قدام الناس.
* أحمد وأروى وهما بيشربوا سجاير ع السلم 😂
* لقاء أحمد وبانة بعد السنة اللي اختفت فيها 🥺
* وقفتهم كلهم في الحي وقلقهم وقت ما كان حد فيهم بيختفي فجأة
* فرح أحمد وبانة طبعاً
* إعتراف أروى وعمرو بحبهم لبعض 🥺❤️
* كل لحظة كان أحمد بيحافظ فيها على وعده لبانة، الجدع دا علا في نظري جداً والله ❤️
* شغل أحمد ونحته على الخشب وكتابته بالخطوط العربية، وأروى وآيه كذلك.
* مشاهد وائل في الغيبوبة لما كان بين الحياة والموت كلها كلها كانت رائعة بإندماجها مع اللحظات الواقعية حواليه.
* وحبيت أوي أوي عمرو لما كان مهتم بيه وبيقص شعره وضوافره
* ولما فاق من الغيبوبة أخيراً، نشّفت دمنا يا اكسلانس🥺🥺❤️
* أحمد لما أخد بانة لبلدها 🥺
* مشاهد وائل والدكتور النفسي كانت تحفة
* منظر أحمد لما شاف بانة قدامه بعد ما رجعتله😂
* ظهور رامز الحقيقي كان حلو أوي ، شكله شخصية جامدة دي بانة كان مبهدله منظره خالص 😂
* أحمد وبانة لما كانوا بياكلوا زيتون في المطبخ 😂
* و أروى حبيبتي لما عمرو شافها واقفة على رجليها وقالها تعالي ❤️😭
مشهد طلاق بسمة كان صعب جداً جداً بس فرحت لها إنها اتحررت من علاقة زي دي ..
وماجدة كانت بتقطع قلبي كل مرة كانت بتقول لنفسها الكلام مش ليكي دا لمريم.
وأحمد كان صعبان عليا طول فترة إنتظاره لـ بانة، كان هاين عليا أروح أجيبهاله علشان يرتاح بقا
وعمرو لما كان بيسمع جملة أروى عايزة تتطلق، يا جماعة إرحموا الراجل دنيته بتنهار قصاد دي جملة 🥲
معاملة خليل لـ سيد كانت بشعة وبقف قدام الناس اللي زيه وأسأل بجد إزاي أب يقدر يعمل في إبنه كدا؟
وإسمحولي كدا أقول إن ذوق الشباب في إختيار الهدايا كان فوق فوق فوق السحاب ❤️ وتسلم إيد الاكسلانس الفنان اللي كان بينفذ لهم كل حاجة ❤️
أنا كدا طوّلت أوي.. بس حابه أنهي الريڤيو بحبي الرهيب لـ آخر فقرة إتعملت في فرح سيد وآيه.. أغنية بحبك يا صاحبي اللي الكونت إتنازل ورقص عليها وإتجمّعوا الأربعة فيها وهما في قمة أناقتهم وبيرقصوا سوا وبيغنوها لبعض، الأغنية كإنها معمولة علشانهم ومكتوبة لهم هم بس.. أنا مليش في الشعبي ويمكن مش بييجي في بالي أسمعه بس أنا بكتب دلوقتي وأنا بسمع الأغنية ومتخيلاهم قدامي فرحانين سوا وملمومين حوالين بعض وأخيراً بعد مشاكل كتير وأوقات صعبة بقوا مرتاحين وطالعين من كل الإختبارات والصبر دا متجمّعين وباقيين للآخر على بعض..
يا جماعه بعشقهم الأربعة سوا أقسم بالله 🥺❤️❤️❤️
تنهيدة طويلة جداً طلعت من قلبي وعقلي بمجرد ما قرأت كلمات أغنية منير في الآخر، آه كان نفسي أطمّن عليهم كإنهم أصحابي، كإنهم عِشرة عمري، بس مكنش نفسي أبداً إنهم يمشوا، ومكنتش عايزة أوصل لكلمة النهاية اللي هتقفل الستار وتفصل بيني وبينهم والمفروض دلوقتي إني هقوم أمشي وأسيبهم..
حاسه كإني شفت مسلسل قدام عيني طول الوقت، المشاهد كانت في خيالي مرسومة بتفاصيلهم ومتصورة بشخصياتهم ومتسجلة بأصواتهم، وكنت مبهورة وأنا شايفه كل حركة وضحكة وتكشيرة وإبتسامة في كل واحد فيهم، قدرت حتى أفرّق بين إنفعالات كل شخص عن التاني، وملامح كل واحد إزاي بتتغير وتعبّر وتتكلم بدون أي مجهود .. الفكرة في إنبهاري مش في الشخصيات على قد ما ( إن دي أول رواية للكاتبة، فـ إزاي بالسهولة دي قدرت تخليني أشوف وأحس كل دا )
الحيّ بالبيوت والبلكونات والناس الرايحين والجايين والقهوة والصحاب والإخوات والعيلة والجيران وتجمعات الماتشات والخناقات ولمّة وزينة رمضان والحنّات والأفراح والأغاني.. المكان دا مش بعيد أبداً، مش بعيد عن خيالي ولا عني أنا، كإني عشت فيه وتفاصيله كلها جزء مني.. كانت الجملة اللي قالتها صحبتي وخلّت عندي فضول للرواية ( الرواية دي مننا أوي، كل تفاصيلها مننا وعشناها )
رواية مصرية بكل ما تعنيه الكلمة من معنى.. ودا أحلى أحلى ما فيها.. يمكن أول مرة أشوف تفاصيل حياتنا حلوة كدا..
أبدأ منين؟
هبدأ من العيلة .. بيت سماحة، البيت الدافي اللي إلهام طول الوقت ملياه حب وعطاء وإهتمام بدون أي مقابل، البيت اللي فـ لحظة خسر أحلام وطموحات أولاده وفضل بإيمان في ربنا مكمل وبيحاول يرجع يعيش، حبيت كل أوقاتهم سوا، هدوء إبراهيم وحنان إلهام وشقاوة أحمد ورقّة أروى، العفوية اللي بينهم وهزارهم وخناقهم حتى مناقرة أحمد وآيه، كتير شفت جدتي وأمي في إلهام اللي مقضّية معظم حياتها في المطبخ وأول حاجة بتقولها بلهفة ليهم كلهم ( أحطلك أكل يا حبيبي جعان؟ )، وشفت أختي في أروى وتفهّمها، وخفة دم أحمد في أخويا .. بإختصار حبيت كل تفاصيلهم الأسرية الطبيعية أوي شبهنا..
الأصحاب؟ هقول إيه عنهم بعد كل اللي إتقال وإتوصف في الرواية.. الخن اللي مجمع أربع شباب، أربع قصص وأربع معاناة، مكانهم اللي بيتحرروا فيه من كل حاجة وبيتحوّل لعالم يخصهم لوحدهم.. المكان دا بيصغّرهم عشرين سنة، بيرجّعهم تاني أطفال، في هزارهم وسخريتهم ومشاكستهم ولعبهم.. مبقدرش أشوفهم وهما متجمعين فيه غير إنهم أطفال..
مش معقول قد إيه حبيتهم والله ما قادرة أوصف..
أحمد عمرو وائل سيد، هفتقد كل لحظة عاشوها سوا وكل ذكرياتهم وبرغم إني بنت أهو بس إتمنيت كتير أقعد معاهم وأراقبهم ونتكلم وأناقشهم في حاجات كتير جداً.. فخورة بيهم إنهم بعد كل السنين دي قدروا يحافظوا على بعض.. قرأت مرة جملة بتقول إن الصحاب اللي كملوا مع بعض لسنين طويلة علاقتهم مش بالسهولة اللي بتظهر قدام الناس، عدّوا بأوقات صعبة جداً إتخلّوا عن حاجات مهمة جداً، ضحّوا بكتير وإتنازلوا علشان بعض، إحتووا بعض وكل واحد فيهم كمّل التاني بحاجة ناقصاه وأخد منه في المقابل الناقص جواه.. الجملة دي دلوقتي منطبقة عليهم وهفضل دايماً فاكراها بيهم، كل ما أفتكر اللحظات اللي خفت عندها يخسروا بعض، والخناقات اللي لو أي أربعة غيرهم كانوا إنفصلوا لإنها مكنتش سهلة ولا هيّنة، حقيقي بفتكرهم وذهولي من مدى تفاهمهم العفوي جداً بيزيد، محدش فيهم بيقول أنا، محدش فيهم بيفكر في نفسه بس، هما ضمنياً وروحياً كل واحد فيهم بيفكر كأربعة.. فـ علاقتهم فوق أي وصف وأي كلام .. هي تتحب بس❤️
ممتنة لعلاقتهم اللي خلتني حسيت بقيمة صحابي أكتر وحسيت بقيمة حبهم وسؤالهم وإهتمامهم ووقوفهم دايماً معايا وجنبي.
الأخوات، العلاقة اللي بضعف قدامها جداً، سبحان الله الدنيا بتبقى بخير مهما كانت في وجود الأخوات، نص القلب بيكون لينا ونصه التاني لأخواتنا، ونص روحنا بتبقى معاهم بدون إنتظار لأي مقابل.. أحمد وأروى، بانة ورامز، وائل وأمير، سيد ورحمة وزهرة، ميري وآنجيل، أحمد وآيه ..كلهم حبيت مواقفهم لبعض، جميلة علاقاتهم جداً جداً، تفاهمهم برغم إختلافهم، وقوفهم جنب بعض وحبهم الغير محدود لبعض، إمتنانهم لكل صغيرة قبل الكبيرة، حتى سوء التفاهم كان بفضل حبهم بيدوب في لحظة.. من أكتر الحاجات اللي حبيتها في الرواية بجد، وبردو خلتني عايزة كل ما أقابل حد من إخواتي أحضنه بلا سبب.
وخلوني أستثني من الكلام ( أحمد وأروى ) ..دول بالنسبالي كابل أخوي منفصل كدا في حتة لوحده، العلاقة المثاليّة بالنسبالي، حب فطري عفوي غير مشروط، أنا طول الوقت فرحانة بيهم وكنت بستنى مشاهدهم دايماً لحد آخر الرواية..
حبيت أروى الأخت اللي كانت بتقدر تمتص عصبيته وغضبه وتهذّبهم وتطلّع منه ردود أفعال مختلفة تماماً تخصّها لوحدها، وحبيت أحمد الأخ المُراعي المُحب اللي لو الدنيا كلها في إيده هيديها لأخته بدون ما يفكر لحظة.. وحتى علاقته مع آيه في الآخر، لما علشانها قدر يكبح جماح غضبه في أوقات كتير.. فرحانة إنهم في الآخر قدروا يكونوا نموذج جميل لعلاقة إخوات تدوم للأبد..
الثنائيات.. أحمد وبانة، أجمل ما في علاقتهم إنها مختلفة، مختلفة من بدايتها في أول لحظة إتقابلوا فيها لآخر لحظة وشمس الصغيرة بين إيديهم، الحب اللي قلَب كيان أحمد واتصرف كتير بطريقة مش متوقعة ولا تخطر على البال، علاقته بـ بانة قدرت تخليني أحب أحمد فوق حبي له ألف مرة، الإثنين واجهوا صعوبات وحالهم يستقر ويطلع لقدام خطوة وبعدين يرجع عشرة وينتكسوا ويرجعوا تاني بالحب الكبير اللي بينهم يمشوا تجاه بعض ببطء آه بس مكنش واحد فيهم واقف مكانه، لا الإثنين كانوا في طريقهم لبعض طول الوقت، طريقهم كان طويل ومليان عقبات بس قدروا في النهاية يوصلوا.
حب أحمد لبانة طلّع منه تضحيات وتفهّم غير عاديين، معتقدش حد غيره كان يقدر يعمل كل دا، وحب بانة لأحمد خلاها تختاره هو في مقارنة صعبة أوي على أي حد..
بانة كانت تستاهل الصبر والحب والإحتواء اللي أحمد قدمهم لها
وأحمد كان يستاهل تمشيله من آخر الدنيا وتختار حياتها معاه..
بحبهم بشكل مش طبيعي..حبيت إختيارهم لإسم شمس، بإعتبارها شئ عظيم موجود في كل وطن، الشمس اللي بتشرق في مصر وفي سوريا وفي كل مكان..
عمرو وأروى، الحب الصامت المُعذّب لسنين طويلة.. حبيت جداً جداً سير قصتهم من بدايتها لنهايتها، الإثنين اتراجعوا بمجرد ما حسّوا إن وجودهم هيأذي التاني.. أروى إنسحبت علشان حالتها واللي عارفة إنها مرفوضة عند مامته، وعمرو إنسحب علشان متتجرحش بسببه بأي شكل من الأشكال.. قد إيه كانت غالية على قلبه وهو شايفها ملكة نساء الأرض، والنجمة العالية اللي كان خايف دايماً يبصلها أو يعشّم نفسه بيها.. أنا بحب الراجل اللي بيبص للي بيحبها بالطريقة دي، إنها الوحيدة والأولى وإنها كل شئ بالنسباله.. بجد بحترمه تلقائي كدا ..
حبهم المرتبك وحالتهم المتوترة دايماً قدام بعض حتى بدون ما يبيّنوا، كل مشاهدهم كانت جميلة وقلبي بيرفرف قدامهم كدا.. ثنائي رقّة الدنيا فيهم حتى وهما وقحين 😂 أوقاتهم الصعبة بردو قدروا يعدّوها علشان الحب اللي جمعهم كان غالي على كل واحد فيهم، محدش قدر يتخلّى لما الحل كان في إيده، ورجعوا علشان أروى مكانها في قلب عمرو وبيته، وعمرو بدون أروى هينتهي..
وائل وماجدة.. آآآآه من صدمتي 😂
ليه يا حبيبي تعب القلب دا؟ ليه العذاب دا كله؟
أعترف إني وقت ما فهمت حالته، وعرفت إن وائل طول عمره بيحب ماجدة، كانت أول حاجة جت في بالي إني لو مكان ماجدة عمري ما هسامحه.. أسامحه إزاي و١٥ سنة من عمري راحوا، ليه؟ وعلى إيه؟
هو بنفسه كان بيسأل نفسه بأي حق هطلب منها تسامحني! ولا بأي وش هسألها على شئ يخصها؟
علاقتهم لحد نص الرواية كان حواليها علامات إستفهام كتير جداً، وكلامه عنها واستهزاؤه بيها اللي كان غريب جداً كتصرف من راجل قدام أصحابه..
لحد ما وصلنا لمربط الفرس وأخدت الصدمة بجد 😂
صعب عليا وائل بس هي اللي كانت مقطعة قلبي.. ونفسي أسألها هي إزاي بعد كل دا فضلت تحبه؟
نهايتهم أنا حبيتها واستنيتها علشان أشوف ماجدة أخيراً مرتاحة ومبسوطة علشان كانت تستاهل بعد كل السنين دي تتحب من أول وجديد، ويُستجدى وصالها وتعيش لحظات الحب كلها تاني سواء توتّره ورهبته وحلاوة بداياته وإعترافاته وكل شئ..
يمكن الجميل في قصتهم كان في غرائبيّتها وفكرتها الجديدة عليا .. وفي النهاية كنت مبسوطة بيهم كـ ثنائي.
سيد وبسمة .. جوازهم من البداية مخاطرة من جانب سيد، واحد قرر من نفسه إن جوازه السريع من واحدة هو اللي هيحجّم قلبه المتعلّق بواحدة تانية، مخاطرة مدفعش تمنها غير ال(واحدة) اللي دخلها حياته دي!
أنا كـ شخص إتربى وعاش لحد سن ١٦ في قرية كنت مرعوبة عليها طول الوقت لإني عارفة يعني إيه واحدة مطلقة بعد أربع سنين جواز بس! ويعني إيه واحدة بعد كل المدة دي متخلّفش، وهتشوف إيه في بلدها لو مشيت من بيت جوزها مقررة تطلّق، حتى الأسباب المهينة اللي كانت عايزة تتطلق بسببها كانت بالنسبالهم ولا أي شئ، إيه يعني جوزك بيخونك؟ وإيه يعني بيحب واحدة غيرك؟ وإيه يعني بحكم شغله يعرف عليكي واحدة وإتنين وتلاتة؟ وحصلت في عيلتي كمان إن يتقال لـ واحدة معندناش حد في العيلة يتطلّق إنتي عايزة الناس تشمَت فينا!!! فأنا مقهورة على بسمة، مقهورة بحق..أكتر مشاهد خلّتني مش طايقة نفسي كانت مناقشاتها مع أهلها..
أنا مخلصة الرواية آه فرحانة ومبسوطة لإن النهاية جميلة جداً جداً بس جزء من قلبي كان مشغول مع بسمة يا ترى هي عايشة إزاي دلوقتي؟
مفيش ست في الدنيا تستاهل يحصل فيها كدا بأي شكل من الأشكال خاصة لو واحدة زي بسمة معملتش أي حاجة علشان يكون دا جزاءها..
أمير وكرستين، وجودهم كان لطيف وحبيت علاقتهم الهادية الرقيقة دي وذُل كرستين له كل شويه تقوله بص الرومانسية إتعلم من أخوك 😂 ( إنتي متعرفيش ماجدة إستنت قد إيه علشان تلاقي الرومانسية دي في الآخر، ربنا يفكيكي شر البلاوي 😂)
كل علاقة فيهم إسم الرواية لايقة عليها جداً جداً ..
قلب كل واحد فيهم كان وطن للي بيحبه، وطن منتمي له وامتدت جذوره لأعماق أعماقه..
وجود الأغاني في الرواية له طعم مختلف جداً، مخليها رواية غنائية رومانسية إجتماعية، ميكس جميل وأول مرة فعلاً أقرأ رواية فيها كمّ الأغاني دا، وأغاني معينة إرتبطت بثنائيات كل ما أسمعها هفتكرهم بالذات..
علمني حبكِ دي أغنية أحمد وبانة للأبد
عيناكَ ليالٍ صيفية أغنية عمرو وأروى
فاكهة الحب أغنية وائل وماجدة..
واسمحولي أضيف أغنية كنت عارفة لشيرين، لايقة جداً على سيد وبسمة
كنت بسمعهم قبل كدا علشان حبي في الأغاني نفسها لكن دلوقتي هسمعهم وفيه قصص جميلة مرتبطة بيهم❤️.. ذوق إختيار الأغاني بتوافقها مع المشاهد وإحساس الشخصيات كمان كان رائع رائع ..
أنا ضحكت كتير جداً جداً في الرواية دي، بجد ضحكت من كل قلبي، فيه مشاهد أنا كل ما أفتكرها حتى دلوقتي بضحك من الأول تاني..خفة دمهم كلهم وغلاستهم على بعض ووقوفهم على الواحدة لبعض، حتى هزارهم الرخم كان بيضحكني جداً وتحفيلهم على بعض مش طبيعي، ياربي كل تفاصيل قعداتهم وهزارهم واخد قلبي كللللله، وقاحة أحمد لوحدها يمكن واخدة نص الضحك في الرواية.. حالياً جايه قدامي وقفته في المطبخ وهو بيرزّع ع الباب وبيقولها هتطردي إبنك فلذة كبدك يا إلهام علشان طائر أبي قردان اللي برا دا 😂😂😂
المواقف دي محتاجة بوست كامل لوحدها والله علشان الواحد يديها حقها، بس أنا ممتنة من قلبي لخفة دمهم كلهم اللي خلّتني حاسه بوَنس معاهم كإني صاحبتهم وقاعدة وسطهم مش مجرد شخصيات في خيالي 😂💙
حبيت الأحداث جداً، الهدوء والبساطة اللي بتمشي بيهم في البداية بعد كدا التعقيد والمشاكل اللي بتظهر في حياة كل واحد وفي كل عيلة، محاولات الحل والمشورات والخناقات، الحلول والخطوات اللي كان لازم تحصل علشان تتحل العُقد بالتدريج، وبعد كدا لما رجعت تهدى وتروق تاني علشان نوصل للنهاية الجميلة اللي خلّتني بضحك زي الهبلة..حقيقي الطريقة اللي مشيت بيها الدنيا كانت جميلة ومنمقة وكمان مناسبة جداً، الرواية آه صفحاتها كتير بس في نفس الوقت كان لازم تكون كدا، كل مشهد فيها مهم ومينفعش يتحذف ومشوفتش أي تطويل أو تمطيط ودي حاجة صعبة في الكتابة أوي، إن الرواية مظبوطة في كل حاجة وكل القصص اللي إتفتحت من البداية اتقفلت وبتدريج جميل ومفيش حاجة أو تفصيلة فلتت من الكاتبة.. شابوه ❤️
المشاهد أو الحركات اللي حبيتها أوي
* مقابلة بانة وأحمد الأولى وهو عفاريته بتتنطط قدامه 😂
* ذكرى هروب بانة من بلدها
* الأحاديث العشوائية بين ميمين وعمرو ❤️
* دواء سيد اللي موجود في عربية كل واحد فيهم
* الموز والكمثرى اللي كانوا مجننين أحمد، كل مشاهده وهو مش عارف راسه من رجله دي كانت بتقتلني😂
* حفلة عيد ميلاد أروى، من أحلى تجمعاتهم 🥺
* مشهد الكلية وقت المظاهرة لما أخدوا آيه وخرّجوا الهانم التانية😂😂
* تصرفاتم كلهم لما عرفوا حقيقة بانة قدام الناس.
* أحمد وأروى وهما بيشربوا سجاير ع السلم 😂
* لقاء أحمد وبانة بعد السنة اللي اختفت فيها 🥺
* وقفتهم كلهم في الحي وقلقهم وقت ما كان حد فيهم بيختفي فجأة
* فرح أحمد وبانة طبعاً
* إعتراف أروى وعمرو بحبهم لبعض 🥺❤️
* كل لحظة كان أحمد بيحافظ فيها على وعده لبانة، الجدع دا علا في نظري جداً والله ❤️
* شغل أحمد ونحته على الخشب وكتابته بالخطوط العربية، وأروى وآيه كذلك.
* مشاهد وائل في الغيبوبة لما كان بين الحياة والموت كلها كلها كانت رائعة بإندماجها مع اللحظات الواقعية حواليه.
* وحبيت أوي أوي عمرو لما كان مهتم بيه وبيقص شعره وضوافره
* ولما فاق من الغيبوبة أخيراً، نشّفت دمنا يا اكسلانس🥺🥺❤️
* أحمد لما أخد بانة لبلدها 🥺
* مشاهد وائل والدكتور النفسي كانت تحفة
* منظر أحمد لما شاف بانة قدامه بعد ما رجعتله😂
* ظهور رامز الحقيقي كان حلو أوي ، شكله شخصية جامدة دي بانة كان مبهدله منظره خالص 😂
* أحمد وبانة لما كانوا بياكلوا زيتون في المطبخ 😂
* و أروى حبيبتي لما عمرو شافها واقفة على رجليها وقالها تعالي ❤️😭
مشهد طلاق بسمة كان صعب جداً جداً بس فرحت لها إنها اتحررت من علاقة زي دي ..
وماجدة كانت بتقطع قلبي كل مرة كانت بتقول لنفسها الكلام مش ليكي دا لمريم.
وأحمد كان صعبان عليا طول فترة إنتظاره لـ بانة، كان هاين عليا أروح أجيبهاله علشان يرتاح بقا
وعمرو لما كان بيسمع جملة أروى عايزة تتطلق، يا جماعة إرحموا الراجل دنيته بتنهار قصاد دي جملة 🥲
معاملة خليل لـ سيد كانت بشعة وبقف قدام الناس اللي زيه وأسأل بجد إزاي أب يقدر يعمل في إبنه كدا؟
وإسمحولي كدا أقول إن ذوق الشباب في إختيار الهدايا كان فوق فوق فوق السحاب ❤️ وتسلم إيد الاكسلانس الفنان اللي كان بينفذ لهم كل حاجة ❤️
أنا كدا طوّلت أوي.. بس حابه أنهي الريڤيو بحبي الرهيب لـ آخر فقرة إتعملت في فرح سيد وآيه.. أغنية بحبك يا صاحبي اللي الكونت إتنازل ورقص عليها وإتجمّعوا الأربعة فيها وهما في قمة أناقتهم وبيرقصوا سوا وبيغنوها لبعض، الأغنية كإنها معمولة علشانهم ومكتوبة لهم هم بس.. أنا مليش في الشعبي ويمكن مش بييجي في بالي أسمعه بس أنا بكتب دلوقتي وأنا بسمع الأغنية ومتخيلاهم قدامي فرحانين سوا وملمومين حوالين بعض وأخيراً بعد مشاكل كتير وأوقات صعبة بقوا مرتاحين وطالعين من كل الإختبارات والصبر دا متجمّعين وباقيين للآخر على بعض..
يا جماعه بعشقهم الأربعة سوا أقسم بالله 🥺❤️❤️❤️
February 12, 2019
اول عمل للكاتبة... ولذا فهي ممتازة
تحكي عن اربعة اصدقاء يجتمعون في الخن.. تجمعهم علاقة صداقة فريدة من نوعها تجعلك تتمني مثلها.. احمد سماحة الملقب بالكونت وسيد صبرة الملقب ب هولاكو و عمرو الملقب ب عم امين الالي و اخيراً وائل الملقب باكسلانس الوحيد المسيحي.
يسكنون في حي شعبي برغم عائلاتهم الثرية والعريقة.
ما هي حكايتهم وكيف يجمعهم القدر باحبائهم.. تابعوها.. لتعرفوا
كيف كانت حياتهم القديمة وكيف كانوا مذبذبين.. كل منهم في هم ومشكلة ولا يهتم بحلها...
السلبية التي اتذكرها هي وحيدة وانصح بيها الكاتبة الا تكثر من الاغاني وكتابتها كاملة فانا اشعر بالملل واقرا ما بعدها.. وايضا لكي لا تاخذ ذنوب في كل من احب سماع الاغنية فيسمعها ويرددها وتكثر ذنوب شموسة
هذة نصيحتي لكي يا صديقتي فلقد احببتك من كتاباتك.. وبانتظار القادم
وترقبي قصتي انا الاخري قريباً 💜❤❤❤
تحكي عن اربعة اصدقاء يجتمعون في الخن.. تجمعهم علاقة صداقة فريدة من نوعها تجعلك تتمني مثلها.. احمد سماحة الملقب بالكونت وسيد صبرة الملقب ب هولاكو و عمرو الملقب ب عم امين الالي و اخيراً وائل الملقب باكسلانس الوحيد المسيحي.
يسكنون في حي شعبي برغم عائلاتهم الثرية والعريقة.
ما هي حكايتهم وكيف يجمعهم القدر باحبائهم.. تابعوها.. لتعرفوا
كيف كانت حياتهم القديمة وكيف كانوا مذبذبين.. كل منهم في هم ومشكلة ولا يهتم بحلها...
السلبية التي اتذكرها هي وحيدة وانصح بيها الكاتبة الا تكثر من الاغاني وكتابتها كاملة فانا اشعر بالملل واقرا ما بعدها.. وايضا لكي لا تاخذ ذنوب في كل من احب سماع الاغنية فيسمعها ويرددها وتكثر ذنوب شموسة
هذة نصيحتي لكي يا صديقتي فلقد احببتك من كتاباتك.. وبانتظار القادم
وترقبي قصتي انا الاخري قريباً 💜❤❤❤
May 27, 2022
كأني أشاهد حلقات مسلسل تليفزيونيّ لم أملّ أبدًا من طولِها 🧡
عن جمال وصف الكتابة للصداقةِ الأقرب للأخوة
وجميل ورقة سردِها لمشاعر الحبِّ ✨
قرأتها منذ فترةٍ طويلةٍ لكني ما زلت أستشعرُ وصفَها للعلاقات كاملة ؛
علاقة الأخ بأخواتِهِ وكيف يكون سندًا وظهرًا ،
الصديق الذي يقف كعضد لصديقه ،
حنان الأمّ الذي يغرقُ الجميعَ ،
عن الرجولة الحقيقيّة ..
عن جمال وصف الكتابة للصداقةِ الأقرب للأخوة
وجميل ورقة سردِها لمشاعر الحبِّ ✨
قرأتها منذ فترةٍ طويلةٍ لكني ما زلت أستشعرُ وصفَها للعلاقات كاملة ؛
علاقة الأخ بأخواتِهِ وكيف يكون سندًا وظهرًا ،
الصديق الذي يقف كعضد لصديقه ،
حنان الأمّ الذي يغرقُ الجميعَ ،
عن الرجولة الحقيقيّة ..
January 30, 2019
تستحق القراءة
December 29, 2021
رواية جميلة بأحداثها التي تحكي عن قصة أربعة أصدقاء تجمع فيما بينهم علاقة أخوية صادقة وقوية.
تسلط الضوء على تفاصيل حياة كل واحد منهم وما عاشوه من معاناة ومشاكل كثيرة، وكيف واجهوها لاحقاً عن طريق الصفح، الحب، الصداقة وعدم الاستسلام أو الرضوخ لمآسي الدنيا وتقلباتها المفاجأة.
لم أملُّ من قراءتها أبداً وحزنت لأنها انتهت بقصتها التي لامست قلبي وكانت رفيقة وحدتي.
ربما سأعيد قراءتها مراراً في المستقبل لشدة تأثري بها.
تسلط الضوء على تفاصيل حياة كل واحد منهم وما عاشوه من معاناة ومشاكل كثيرة، وكيف واجهوها لاحقاً عن طريق الصفح، الحب، الصداقة وعدم الاستسلام أو الرضوخ لمآسي الدنيا وتقلباتها المفاجأة.
لم أملُّ من قراءتها أبداً وحزنت لأنها انتهت بقصتها التي لامست قلبي وكانت رفيقة وحدتي.
ربما سأعيد قراءتها مراراً في المستقبل لشدة تأثري بها.
March 17, 2019
رواية حلوة رغم انها طويلة ولكنها احداثها مشوقة وبتعطي امل في وجود صداقة متينة وطاقة ايجابية
November 20, 2025
استمتعت برحلة و تطور الشخصيات في الجزئين معا
أعجبني في الجزء الثاني حكاية وائل و ماجدة ، عمرو و اروي و كيف كانت تتصرف اروي مع حماتها
لم أطيق تفاصيل علاقة سيد و اية و فأية شخصية مستفزة تثير أعصابي و هذا يدل علي موهبة الكاتبة في رسم الشخصيات حتي جعلتنا نحبهم و نكرههم و نتمني ان نكون مثلهم .
أحببتم الخالة الهام في قوة تحملها و أمومتها الفياضة و حبها للجميع و خاصة لأصدقاء اولادها
كما احببت الخالة إنجيل و قوتها و جلدها و خاصة و هي تنهر عفاف :)
احببت علاقة ال ٤ اصحاب فهما حلم كل إنسان ان يكون لهم اصحاب مثلهم كما احببت جدعنتهم مع الجميع خاصة مع برقوق و أخت حمؤه
اما ماجدة فهي مثال يحتذي به في الإخلاص و الحب و التفاني و التسامح
ارتبط بكل الشخصيات و حقيقي سيوحشوني بعد ان انهيت الروايتين
شكرا شموسة :)
This entire review has been hidden because of spoilers.
July 31, 2019
حبيتها جداااا
June 30, 2020
حبت فكرتها و انها اتكلمت علي مشاكل اللاجئين فى مصر ،ولكن يكمن إبداع الكاتب ف الوقت اللي يع��ف ينهى فيه الرواية ، الرواية هنا طويلة جداً جداً و كان ممكن تخلص ف الأول بدون التطويل الزيادة عن اللزوم دا
Want to read
February 26, 2021. فين الروايه
August 11, 2021
اكتر رواية بحبها جداااااا وقريتها أكثر من مرة ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
August 11, 2021
فلنقل بإختصار تكاتف تعاون حب اخوة صداقة انتماء وتضحية ❤️❤️
September 29, 2021
رواية نجحت الكاتبة فيها بإيصال فكرتها ، ولن تشعر أبدًا إنها المحاولة الأولى للكتابة في النشر الإلكتروني ، وهذا يزيد إعجابي بالكاتبة
August 25, 2022
روعه برغم انها طويله جدا ..الا انها انسب اختيار تفصل بيه❤️
January 14, 2025
لم اكمل أتمنى ان اكملها يوما
May 14, 2025
بعشق الروايه دي ❤️❤️❤️❤️❤️
November 8, 2019
من اجمل ماقرات حقا تحيااااتى الحارة للكاتبة المبدعة شكرا روايتك ابهجت روحى خلتنى اسافر مع احداثها وشخصياتها وشعرت بالغربة بعد الانتهاء منها
Displaying 1 - 18 of 18 reviews